［殭屍/靈幻/鬼怪］《輪迴。道》世界重新輪迴一次之後我都係變咗做現代道士09

咪爭
一次過推哂你地

咁刺激？！搞唔掂㗎喎

諗下都覺得正

其後英叔又趁眾人不為意時割破自己的拇指，再用拇指按著那八卦

「破咒解禁，妖現真身」英叔暗暗唸出咒語

這八卦的用途就像照妖鏡一般，能照出妖魔鬼怪的真身，專門用來對付易容成人的妖魔鬼怪

但當然，最後證實了面前的陳天航是一個正版貨，不是假冒的

「呼…..咁到底因咩事啊航個衰仔變化咁大呢」王奇雙手叉腰，嘆氣說

「都冇計，如果依個𡃁仔係真貨，咁佢經歷過生死，會變都正常嘅，但佢功力突然大增先唔正常啊」英叔開始探討陳天航功力突增的問題

「係，雖然未算到頂尖高手，但啱啱個幾下隨時高招過我」王奇說

「英哥」這時徐峰從英叔後方走來

「嗯？？峰仔乜原來你唔係裏面咩？」英叔回頭

「出咗去行下」徐峰說

「咁霍老大呢？」

「佢上咗城門水塘，話想一個人靜下」

「好啊，咁你返入去休息下」

「英哥，我有啲野想講」

「呃…..好啊，你講啊」英叔被徐峰突然的嚴肅怔住了

「我覺得個男仔突如其來嘅復活係關霍大哥事」徐峰說

「峰前輩，請問你點解咁講呢」王奇擺出拱手禮問徐峰，像極以前的古人

「個日….」

徐峰說出陳天航出事那天，霍鎮海在醫院突然不見了一段時間和頭七那天霍鎮海說過一些奇怪的話

「嗯…..咁可能真係關霍老大事，峰仔依件事交比我，其他野你唔洗操心」英叔拍拍徐峰，然後就進去找九叔相討一下對策

另一方面……

「點解你會嚟咗㗎……」

「個女咩都同我講曬」莫盡來到前妻的病床前

「咳…咳…我..我叫咗佢唔好同你講…」莫盡前妻虛弱的說

「你真係呢….你唔係覺得你個女或者你男朋友有能力幫你住到一間咁貴嘅醫院同獨立病房啊嘛」莫盡苦笑嘆道

「咳..咳..個衰女….咳..呃我…」莫盡前妻說一句簡單的話也要分開數次才能說完，病情真的一點也不樂觀

「唉，你都咳成咁啦，就咪鬼鬧個女啦，佢都係為你好姐，冇我出錢，你依家仲係公立醫院同人逼緊病房啊」莫盡隨口說句

「咳…咳…又係錢…咳…你都係咩都講錢」莫盡前妻嫌棄的轉過身，不想再跟莫盡交談

「喂，你又係咁！如果我冇錢點幫你入依間醫院啊！如果我唔搵錢點養你同凱祺啊」莫盡被前妻一說就霎時火起

「你唔好講到….咳…咳..咁偉大，你一直咳…..咳….都係自私….」莫盡前妻依舊背著莫盡

「我點樣自私啊！！我啲錢變出嚟㗎？！凱祺唔洗食，自己識大㗎？！」莫盡像是被說中痛處，怒火燒得更盛

「咳..咳…你成日講到自己…點養凱祺….咳…咳….咁多年…你有盡過做老豆嘅責任咩！」

叩！叩！

「唔好嘈啦～出面都聽到你地嘈交啦～」段天突然來到了莫盡前妻的病房

「呃….段生…你點解….」莫盡看到段天的到來，感到愕然

「盡哥～你之前咁突然叫我比間私人病房你，咁我今日咁啱係附近咪過嚟關心下有冇野需要幫手～」段天說

「冇啊！！咳…咳…同佢做朋友…咳..你都唔慌好人，唔洗你幫！」

「啊嫂～你做咩咁講啊盡哥啊～應該唔係你講咁衰㗎喎～」段天保持着禮貌的笑容

停一晚聽日見

即係米今晚有文呀？
文呀！文呀！文呀！

有啊！不過依家放緊狗，一陣上樓就出文

「咩啊嫂！咳…..我同佢冇關係…咳….」

「喂衰婆！你知唔知人地段生係咩人嚟㗎！人地係….」

「盡哥～或者等我自己介紹啦～

呃…前啊嫂～我叫段天，係段氏集團嘅主席兼董事長，依間醫院都係我注資起嘅～平時你行嘅商場或者去嘅超市～大部分應該都係我公司旗下～我應該並唔係你口中講嘅壞人」

段天有點像炫富的把自己背景說出

「呃….」莫盡前妻聽後也不好意思說話

「唔好意思啊段生，我女人佢唔係好識講說話，我代佢道歉」莫盡跟段天致歉

「唔緊要～盡哥，你同我唔洗咁客氣啦」段天不在意

「好～我大概都前啊嫂係咩事㗎啦～盡哥你唔洗擔心嘅～之後落嚟前啊嫂嘅所有醫療費～我會包曬」段天拍拍莫盡的肩膀

「下？！咁….段…咁點得㗎段生」莫盡也有點受寵若驚的感覺

「冇問題啦～你咁幫得我手～依啲錢我會靠你幫我賺返㗎嘛～」段天微笑說

「我….當然會」莫盡一副若有所思的樣子

「咁我都唔阻你同前啊嫂啦～我走先～遲啲見～」

段天打開病房門，媚娘從門把頭探了進來

「盡哥～我地走先啦～bye bye～」媚娘用調皮的語調說再見

待段天走後，莫盡陷入了沉思

他心裏想著，段天是一隻怪物，本就不想再幫他辦事，甚至有收了他的衝動…..但如今段天卻成為了自己最深愛的女人能否存活的最後希望

莫盡實在左右為難，一籌莫展

病房內寂靜了一段時間後

「咳…個女仔…咳…幾靚啊…前相好啊？」前妻問莫盡

「佢係段生秘書….人地咁後生靚女，點會睇中我依啲啊叔」莫盡心煩意亂，情緒變得有點低沉

「咁又係….咳…你咁…」

「你好好休息，我有啲野做，遲啲再嚟探你」莫盡截住了前妻的話，像一枝箭的衝走了

莫盡以極快的速度跑到停車場的出口，成功截停了段天剛想離開的車

「嗄…嗄….段生…」莫盡喘著粗氣，雙手按著段天的車頭

「咩事啊～盡哥，有咩咪打比習維搵我～唔洗咁危險嘅～」段天把頭探出車窗

「嚇死人啦你～」媚娘也從另一面的車窗探頭

「嗄….段生….我都係覺得我唔可以差你一個咁大嘅人情…..」莫盡原來是想拒絕段天的「好意」

「呵呵～原來係因為咁～唔緊要嘅～都話你會幫我賺返㗎嘛～」段天笑說

「但….我唔…」莫盡有想說

「你唔好再阻住Boss啦！佢約咗人趕時間！」羅東從副駕駛座下車，推開了擋在車頭的莫盡

「呼…你唔好再窒頭窒勢啦」莫盡對羅東實在是忍無可忍，決定要出手

他左手扣著羅東推著自己的手，右手從羅東的肩膀穿過扣著他的腋下，然後右手發力將羅東身體壓下，再將右腿跨過羅東的身體

用整個身體將羅東壓倒在地上，而且還是臉頰朝地

「啊！！！」羅東正想還擊時

「東！」段天叫停了他

多謝支持

推、推、推

推啊

又剪？！

「嗚啊..」羅東明瞭段天的意思是不讓他出手，因而發出了低頻的怒嗚

「你唔係第一次阻住我講野㗎啦」莫盡一手按著羅東的頭，把他的表情都按得猙獰

「好啦～盡哥收手啦～係啊東佢唔啱，我叫佢同你道歉～」段天親自下車調停二人的紛爭

莫盡看此也鬆開了對羅東的壓制

「呼….段生，我係認真，我女人嘅人唔係十萬八萬就可以醫好嘅病，我唔可以貿貿然就咁就要你幫我孭起依筆數」

「盡哥～依啲野唔重要嘅～我地聽日再傾～今日我約咗人～」段天雙手搭搭莫盡的肩膀就轉身回到車上

「段……唉…..」莫盡頓感無奈，看來這個人情也是欠定了

其實此時莫盡的心裏十分忐忑，他一邊很想救治自己的前妻，但一邊又不想欠段天這班怪物一個人情

他獨坐在醫院門外發呆，想著還有什麼方法

而段天上車後就驅車趕到一餐廳門外

「Boss～到啦～」坐在副駕駛座的習維跟段天說

而後座的段天正咬著一名女模特兒的脖子

「呃….呃…..」女模特兒身體在抽搐，整個人的血液被慢慢吸乾，全身的血管暴現

「嗯～依家唔食飽啲～一陣就冇啖好食～」段天把模特兒的血吸得所剩無幾後，將她推給了羅東

「多謝Boss」羅東二話不說的就張口撕咬模特兒的脖子，將脖子咬得血肉模糊時才伸出獠牙吸食血液

段天看到這一幕時，眉頭也瞬間緊皺

「Boss～洛兒小姐入咗去啦」習維指著窗外

洛兒的身影剛剛步進了餐廳

「習維跟我入去幫我打點～其他人自己去玩啦～」段天伸出手指轉轉圈，示意可以離開

「係嘅！波…Boss」羅東正吸血吸得起勁

但只見媚娘一語不發的坐著，段天當然也留意到，但因趕著進去餐廳找洛兒，就只一笑置之

「媚娘啊，你做咩皺曬眉頭咁啊，係咪肚餓啊？比你啊」反而是粗野的羅東留意到媚娘的不妥

「嘖…死開啲，食都食衰過人」媚娘打開車門離去

「喂！媚娘…..嗯…..」羅東本想追上，但被媚娘回頭一個怒瞪嚇阻了，只敢乖乖坐在車上

餐廳內

「洛兒～」段天從後叫住了洛兒

「段生」洛兒的跟段天打微微點頭

「哎～放咗工唔洗咁叫我啦～可以叫我啊天」段天微笑說

「呃…好啊段生…啊天」段天突如其來的話令洛兒有點不知所措

「習維～幫我好好安排」段天指示習維

「係嘅～Boss」習維收到指令就退下

「段…啊天，咁我地坐邊啊？」洛兒問

「你想坐邊都得啦～你唔覺間餐廳冇人㗎咩？」段天笑問

「段生！你…你包咗場？！」洛兒瞪大她那原本就圓大的雙眼

「係啊～」段天像紳士一般一手放在腰前一手放在腰後，鞠躬

「嘩～哈哈哈哈」洛兒開心的在餐廳裏跑了起來

「咩事突然咁開心～」段天不解的問洛兒

「我一直以為包場淨係會係電視或者小說先會發生！！原來係真㗎喎～」洛兒笑得像小孩一般

「依啲好少事姐～」段天定睛看著亂跳的洛兒

「Boss～前菜可以上啦」習維這時走出

「洛兒～我地坐低食野啦～」

好耐冇翻嚟睇
點知一翻嚟就睇到live咗

係囉～好耐冇見！

想儲陣貨仔先等係好痛苦咖

其實我都唔明我自己都有追開連載小說

今日晏多少少有文

二人坐下開始進食晚餐，一開始時氣氛都甚歡，有講有笑

直至段天問了一個問題

「係呢～依排唔見你男朋友嚟接你出街嘅」段天試探式的問

「我地暫時…分咗手」洛兒臉上的笑容瞬間變的僵硬

「噢～」段天裝作可惜

「恕我八卦～你地之間發生咗咩事呢」段天再問

「佢因為一啲意外，失咗憶…唔記得咗我」即使已隔了一段時間，但洛兒說出時還是難掩臉上的失落

「唔緊要啦～你都識話係暫時失憶姐～可能突然聽日就冇事㗎啦～」段天表面是在安慰洛兒，但心底裏卻是在偷笑

「嗯～食飯啦」洛兒強忍情緒，微微點頭並將話題結束

之後段天也聰明的沒有再提起陳天航這個話題，相談甚歡

「最後為兩位客人上甜品，火焰雪山」

餐廳的大廚親自為二人拿出甜品送來，更為甜品點火

「嘩～我咁大個女都係第一次食㗎咋」洛兒雙眼發光似的看著那火焰雪山

「你又係喺電視見過啊？～」段天用手托著頭，沉迷的看著對面的洛兒

「係啊！出面都唔係咁多地方有得食啦！！我唔客氣啦～！」洛兒二話不說就拿了一隻小匙羹開吃

「都估唔到原來洛兒你都幾似小朋友㗎喎～」段天說

「嗯～好味！咁都要睇下咩情況嘅，好似依家咁，我係放咗工，同朋友出嚟食飯嘅～我咪可以做自己囉，但返工我咪要做返一個成熟嘅成年人囉～」說完後，洛兒又馬上吃了一口甜品

「有趣～」段天自說自笑的

好快這頓晚餐就結束了，段天亦載洛兒回家，羅東習維當然沒有在場，他們都識趣的離開

嚴格來說，是習維識趣把羅東帶走了，不然以羅東的「聰明才智」是不會懂得這些

車來到了洛兒的家樓下，段天下車為洛兒開車門

「多謝你啊天～我今晚餐飯食得好開心」洛兒微笑

「最緊要你開心就得啦～快啲返上去啦～聽日返工唔好遲到啊～遲到我會炒你㗎」段天跟洛兒揮手道別

「哈～睇下點」洛兒一蹦一跳的走到大堂門口準備按密碼

「洛兒」這時，洛兒的父母居然也出現在大堂門外

「爹哋媽咪？點解你地落咗嚟嘅？」洛兒問他們

「你今晚話唔返嚟食啊嘛～我咪同你爹哋落街撐下枱腳囉～」洛兒母親說

「依位係？」而洛兒的父親就只在意一旁的段天

「爹哋，依位係我公司老闆啊」洛兒馬上解釋

「哦～咁咪即係段氏集團嘅主席….段天！」洛兒母親想起段天名字

「你好啊世伯伯母～我同洛兒食完飯送佢返嚟」段天主動說

「幸會」洛兒父親也出奇地主動伸手

洛兒拜拜
好行唔送
靈姐上呀

真係咁唔中意洛兒咩？