月牙
2023-03-09 12:54:49
「唉~所以我幾時都話我地𡃁仔真係溝死女唔洗本」英叔也笑說
「你啊妹頭,再唔發力就比人追走㗎啦~」英叔奸笑的望向葉靈
「痴…痴咩線!我唔知你講乜」葉靈的臉一下通紅了起來,然後蹺起手別過了面
「靈姐面都紅曬啦,仲扮咩啊,我兄弟係筍盤嚟,大把人爭㗎」啊烈也說
「係嘅,啊航係幾靚仔,不過….係個腦差咗少少囉,又不過…」葉尚生說著說著,眼睛對著葉靈上下掃視了一圈
「做我妹夫夠曬㗎啦,都驚委屈佢添啦」然後再說
「…」葉靈沒作聲,默默的給了大哥一拳
嘭!!拳狠狠的揍在葉尚生的後背上
「嘩呃….嗚嘶….咁重手」葉尚生被打得往前跳了一步,雙手往背按去,但又按不到
「九叔,我行先」葉靈捧著紅透的臉轉身離去
「嗯,自己小心」九叔回答
「嗯!」葉靈背著說
「佢去邊?」陳天航看到葉靈突然走開就問
「我去邊唔關你事啊!!」葉靈傲嬌的喊話,然後像一陣風的跑走了
「哎呀,個衰妹怕醜啦」英叔笑說
「哥,嗰個係邊個?佢女朋友?」智妍偷偷的指著葉靈問啊武
「呃…唔係,不過佢地..係比較複雜」啊武也不知如何回答
「哦~唔係女朋友就得啦」智妍竊笑地說
「做咩咁問啊?」啊武問智妍
「冇野啊」智妍搖搖頭
「仲要講幾耐?返得去?」九叔開始有點不耐煩
「行得㗎啦九叔!返去啦返去啦」啊武拉開智妍站到一邊
然後走到九叔身旁扶助他向前走到智妍身前
「係你報警?」九叔把頭側一側問智妍
「呃..我…佢…係啊」智妍被九叔的氣場嚇到
「下次唔好再做啲咁愚蠢嘅事」九叔說就向前走,沒有給智妍反駁的機會
「你快啲返屋企先啦」啊武拍拍智妍,然後在九叔身旁為智妍解釋,而陳天航也在了九叔身旁
「我….」智妍就這樣看著九叔走遠也未能說出什麼呆呆的站在原地
「仲望?跟上去啦」葉尚生和啊烈這兩個「花生」觀眾還嫌事不夠大的提醒智妍追上前
但他們也不知就是這一句,就切底改變了智妍人生的軌跡
「呃….叔叔!唔好意思啊,我下次唔會再做啲咁蠢嘅事㗎啦」智妍跑到九叔的身旁搶過啊武的位置,伸手扶住九叔
「嗯,係就最好」九叔沒有拒絕智妍的靠攏
「嘖嘖嘖~而家啲小朋友真係識泊碼頭」英叔暗暗地說
「叔叔….s我應該點叫你好啊?」智妍想問如何稱呼九叔時,突然想起旁邊還有一個英叔馬上在尾音加上了‘s’
「九叔」九叔直白回答
「都算你醒目~嗱,佢地就叫我英叔嘅」英叔笑說
「好~九叔英叔…係呢,九叔啊你對眼做咩事啊?」智妍突然一問
在場的眾人都瞪大眼睛,智妍問的問題,剛好踏中了地雷
「嗯….意外,航!扶我返去」看九叔的反應就足以證明,智妍接下來的日子不好過了
「喔噢~睇嚟有人要努力啲啦」啊烈經過智妍面前時揶揄了一句
「唔係嘅~仲有個機會嘅」葉尚生也補上一句,說時眼神望向英叔,像是向智妍給予提示
而英叔也站在了原地望著智妍微笑著
「英叔~!」智妍也明瞭用意,馬上轉為向英叔靠攏
「係,請問英叔有咩幫到你呢?」英叔掛上「和藹可親」的笑容
「英叔啊~可唔可以話比我知,個靚仔平時係點㗎?」智妍問
「哎呀~坐咗成晚差館,膊頭同條頸都硬鬼曬」英叔故意扭動脖子和肩膀
「係嘅!琴日辛苦曬你啦英叔!等我幫你按鬆返」智妍也不笨,立刻明白英叔的意思,上手為英叔按摩
「乖啦~嚟!等英叔話過你聽啦!𡃁仔佢呢….」
月牙
2023-03-13 19:15:00
「坐咗成晚我有啲攰,唔食飯」九叔回到家後就直接走回房間
「九叔,咁我一陣間留起啲飯餸比你,我驚你夜啲會餓」啊烈說
「嗯」九叔邊走邊點點頭
「好!咁問題嚟啦!今日我地煮飯定買飯?邊個去買!」啊烈將問題帶到眾人身上
「買算啦,大家都攰啦,唔好煮啦」英叔為大家決定
「好,咁邊個去」
「嗱!琴日我買咗啦,今日到你地啦」葉尚生遠離人群,走到沙發上蹺腳而坐
「嗱!冇理由係我去啊嘛」英叔也拋下一句後大字型坐到沙發上
「嗱!咁就得返我地三個啦」啊武說著伸出左拳
「喂!武哥!你唔係諗住要武力解決啊嘛?!」啊烈馬上擺出防守的姿態
「我地兩個人,未必唔夠你打㗎」陳天航也站近啊烈,二人默契達成聯盟
「你地痴咩線啊!我係想猜包剪揼,輸咗嗰個去買啊」啊武搖擺拳頭
「哦~你講啊嘛武哥,你又唔係唔知自己啲拳重到打死人,驚㗎嘛」啊烈笑說
「有咁易嚇到你?刀光劍影都未驚,驚我個拳頭」啊武亦挖苦回啊烈
「喂大佬,佢地啲刀唔會噴火,你個拳頭會喎」啊烈玩笑開得忘形,一時說多了
「咳嗯」啊武尷尬的乾咳了一下
「你地講咩火啊?」智妍像聽到八卦一樣,馬上撲上前問
「我地話你啊哥打拳有火啊」啊烈自圓其說
「哦!咁又係啊,佢由細到大淨係中意打拳,其他野咩都冇興趣嘅,佢一打拳對眼就發光㗎啦」智妍沒有懷疑啊烈的說話,接著說
「係囉係囉」啊烈總算說通了,也鬆一口氣
「嚟啦!唔好咁多廢話,猜啦!大家都肚餓啦」啊武說
「好,嚟!」三人伸出手在揮拳,摩拳擦掌的像是要群毆一樣
「買個飯姐,你地三個搞乜野啊」英叔在一旁也忍不住念說一句
「埕沉磨鉸叉燒包!」三人同聲喊出
「yes !」啊烈第一個歡呼
「喂,輕鬆」然後第二個是啊武
那就代表要去買飯的是陳天航
「好,我去」陳天航無奈地擺了擺頭
而就在他準備出門的一刻
「我…我陪你去啊」智妍突然主動說
「wow ~夠主動,英叔中意」英叔在旁起哄
「真係青春,我都唔知幾多年冇拍過拖」葉尚生跟著說
「乖啦死仔,你…就唔好出去害人啦」前半句還以為英叔是安慰葉尚生,猜不到後半句是如此重擊
「我嗱!」葉尚生跟英叔關係很好,毫不猶豫的對他舉起了中指
「我嗱嗱!」英叔則幼稚的還以兩隻中指
「呃…唔洗啦,我自己可以啦」陳天航說
「航,等佢陪你去啦,又要買飯又要野飲」啊武為妹妹爭取
「….好」陳天航無奈之下只好點頭同意
「等一等我!我去拎袋!」智妍立刻跑往大廳
咔嚓!陳天航趕緊打開大門,感覺就是想避開智妍,但當他剛步出大門兩步時又突然停住了腳步
「嗯??你食唔食飯?」陳天航問
「唔洗」原來是葉靈剛好回到門前
「我照買,留比你夜啲食」陳天航卻不理葉靈的話
「我都話唔洗咯!」葉靈
「航哥!我行得….啦…hi ,哈哈」智妍興奮的拿著手袋跑出大門,抬頭一看見葉靈就顯得有點尷尬