25 Like
2 Dislike
月牙
2022-10-14 19:35:55
終於有文出
你呀媽個波罩你呀
2022-10-14 20:35:07
終於有文
月牙
2022-10-14 21:36:11
久等啦
三碗細牛腩河
2022-10-14 21:45:29
竟然有愛情
月牙
2022-10-14 22:50:51
故事發展可能同你地想像中會唔同㗎
月牙
2022-10-16 19:48:26
啪!!
「嗚…&¥@¥$%」濕布正中啊武的臉頰
「唔洗問啦,都係我….」啊仁正準備說要出發時
「我去買,坐得耐得濟,想行下」陳天航突然主動請纓說要下去
「咁好?!終於唔洗我落去」啊仁鬆一口氣
陳天航為啊武拿下濕布
「嗄!!差啲窒息!」啊武傻笑說
「我落去啦」陳天航將濕布隨手拋到餐桌上便出門了
「唉..都成兩個月啦,啊航都仲係木木獨獨咁」啊烈嘆氣
「我地都已經成日同佢講起洛兒嘅野㗎啦,佢都係完全冇反應」啊武也感無奈
「佢何止木獨,直情係煩躁,少少野就發火,講野又掘」啊仁跟著抱怨
「唔緊要啦…」啊武邊說邊走到啊仁面前搭著他的肩膀
「你都差唔多姐」
「頂你!」啊仁這次舉起了兩隻中指
「嗱!都話你都係燥㗎啦!」啊武笑說
「喂喂喂!清水湯底啦!」英叔拿著一壺熱水和一個鍋從廚房出來
而這時的陳天航剛剛從士多買完飲品準備回程,他專心的望著前方走向,剛走到象山大排檔旁的公園
突然一陣陰風襲來!
「嗯?」陳天航有感不妥,皺起眉頭
踏!踏!兩個身影從天而降
二人自然就是要取陳天航人頭的習維和段一凡,二人用黑布蒙住半臉,掩飾身分
「就係佢?~」段一凡問習維
「嗯,快刀斬亂麻!」習維二話不說,迅速的就衝到陳天航面前
「你地係邊個?!」陳天航反應也快!將手上那一袋飲品橫揮拋出,再提腿前撐
習維見陳天航起腳馬上剎住腳步,然後將右腳踏後,側身避開,重心站好後就再往陳天航的下巴揮出一記左上勾拳
陳天航感應到拳風,伸出掌去擋住習維的拳
嘭!!!拳掌交接,產生一聲巨響
陳天航也吃不消習維的一掌,整個人往後飛開,飛撞到公園裏給老人家舒展筋骨的橫杠上
橫杠亦被撞凹變形
「啊嗄…..」陳天航趴在地上,手臂往後按著自己的背
「呵呵~不外如是姐」段一凡恥笑陳天航的實力
「唔好咁多廢話,係佢啲援兵未嚟之前速戰速決」習維不屑的回望段一凡
「好~」段一凡也來到陳天航面前
「你地….到底係咩人?」陳天航忍痛站起
「嘻~或者唔係人」段一凡左右扭動脖子,發出咯咯的聲響
「呃…..」陳天航聽到這句話,心裏大概也有了個底
「你地點解要攻擊我?邊個叫你地咁做?」他故意多問題幾個問題,其實暗地裏偷偷伸手進褲袋,想致電給樓上的其中一人,找援兵
但這小把戲在習維面前不值一提
咻!!他動作快得像瞬間轉移的出現在陳天航身後,並用扣著他的喉嚨
「呃?!…….」陳天航瞪大眼驚嘆習維的速度
「你要怪就怪自己愛錯人,再見」習維低聲在陳天航的耳邊說
「?!」陳天航意識到他說的是洛兒,他不知何來的力氣掙開了習維的手,再利用習維剛好在他身後的優勢,給習維來了一個過肩摔
不過,陳天航沒有像如常的將習維摔倒在地,一把習維拉起過肩後就用力向前拋出,讓他飛得遠遠
目的是拉開距離
「嗄…你啱啱講嘅係咩意思?」陳天航問習維
習維被陳天航摔出去後,將重心壓下,伸手觸地,好快就重新站起來
「叫你嚟係睇表演?」習維沒理會陳天航的問題,反而是皺眉跟段一凡說
「Okok ~show time 」段一凡嘻笑的說,然後往前站了一步
「先生~今晚好可能係你最後一次曬月光啦~」段一凡不知是如何想到這一句對白
「……..」陳天航與習維同樣無奈
但突然!段一凡眼神驟變,變得殺氣衝天
月牙
2022-10-18 19:05:59
今晚有文
月牙
2022-10-18 20:24:16
段一凡雙手發力,雙手的指甲的變得黑長,像是動物的爪一樣
「果然係….」陳天航看到這一幕也確認了自己的想法,面前這二人是殭屍
而就是段一凡突然的一下「屍變」,讓樓上的九叔英叔感到不妥
「老野!」英叔從客廳大聲喊進房裏
「我感覺到,落去睇睇」九叔回應
「咩事啊英叔?」啊烈摸不著頭腦的問
「下面應該有兩隻猛野嚟咗」英叔緊張的說
「仁!擸架撐!」英叔吩咐啊仁
「啊航係下面喎!」啊烈突然想到
「落去!快!」英叔率先奪門而出
「仁!我地落去先!你跟住嚟!」
「得!!」
「仁,你地要小心!來者不善」九叔摸著牆身走到房門提醒啊仁
「收到!我行啦!」啊仁背著一個大黃布袋,手拿兩把桃木劍和英叔的木弓木箭
說回樓下
「嗄….嗄….」陳天航被段一凡和習維追打得快要喘不過氣
他沒有武器在手,只好將自己的血塗在掌心,用掌來攻擊
但奈何他的動作根本不夠他倆的快,等同招招虛發
段一凡一個飛身跳躍捉住橫杠借力再撲向陳天航
陳天航前衝跪下,在段一凡的身下躲過飛撲,但躲得過段一凡一招又快不過習維的下招
習維見陳天航跪下躲避就馬上補上,從前方來了一記飛膝,正中陳天航的面門
「啊!!!」陳天航又被打飛得遠遠的
嘭!!!
「嗄….咳….」陳天航雙手按地咳出了一口鮮血
「好啦~先生~睇嚟我地嘅遊戲咁快就玩完啦~」段一凡慢慢走近陳天航
「嗄…係咩?睇下點…」陳天航看著地面冷冷地說
「嗯??」段一凡愣一愣
「嗄…嗄…龍神敕令….土神行孫借法,沉!」陳天航突然雙眼閃出金光,然後雙手往地上的血一拍
轟隆!!!
地面由陳天航的面前開始下塌,延伸出一條裂縫直到段一凡的腳下
「嗚啊!!」段一凡頓失重心,往下跌落
「呵,估唔到」在旁的習維冷笑一聲
「收!」陳天航喝令
地面的裂縫瞬間合併起來,把段一凡的半個身狠狠的夾住了
「啊嘶!!」段一凡慘叫一聲
「嗄….嗄…..嗄……」陳天航使出這一招後,體力也將透支,只能跪在地上不能隨意動彈
他看著同樣不動的習維
「嗄…輪到你?」陳天航倔強死撐的問習維
「哈,你睇真啲先啦~」習維眼神掃向被困住的段一凡
「啊!!」段一凡仰天吼叫,雙手伸長指甲不斷向地面掘去
「?!」陳天航看到也感驚訝
段一凡居然徒手把自己給掘出來了
「嗄…幾好玩啊…咁輪到我啦喎~」段一凡狼狽的爬上來,拍拍身上的塵灰
「……..」陳天航第一次感受到殭屍的討厭
段一凡猛吸一口氣!!雙腳發力一蹬
咻!!
就這樣消失在陳天航的面前
「去..咗邊」陳天航滿臉疑惑
嘭!!肩膀中了一腳
「啊!……」
嘭!!胸口又是一腳
「嗚!!」
「先生~你睇唔到我咩~哈哈」只聞其聲不見其人
一輪快攻低下,陳天航好快便被打得遍體鱗傷
「睇嚟最後一擊啦~」
嘭!!!
「嗚啊!!!破!」陳天航被踢中,但下意識喊出了一句「破」,而掌心剛好又對住了段一凡
嘭!!!一聲爆炸,煙塵捲起,二人消失在煙塵中
「𡃁仔!!」
「啊航!!」
眾人趕到,看到休憩處煙塵滾滾
「英叔….後面仲有一個」啊武是在說習維
「嗯,見到」英叔點點頭
「終於都係趕到嚟」習維無奈嘆氣
肥姩
2022-10-18 20:31:41
推一推先
食蕉啦朋友
2022-10-18 22:24:45
肥姩
2022-10-19 01:19:11
典都支持
月牙
2022-10-19 12:03:35
食蕉兄
食蕉啦朋友
2022-10-19 12:04:23
今晚釣蝦
月牙
2022-10-19 18:59:56
釣多幾隻比我
月牙
2022-10-19 19:41:40
晏啲有文
月牙
2022-10-19 21:57:27
煙塵逐漸散去,陳天航和段一凡各自躺在地上
陳天航像是沒了知覺的躺平,而段一凡的身體在抖動著,衣物變得破爛,全身亦有多處焦黑的傷痕
看來剛剛陳天航無意的一招把段一凡傷得甚重
「兩位老兄,咁錯盪啊,有咩貴幹啊?」英叔故作輕鬆的問習維
「咳嗯…你好~如果我話….」習維清一清嗓門又變回了平時那陰陽怪氣的語調,但說了一半卻停下來
他想起不應該用日常說話的語調
「唔關你地嘅事,你地係咪會離開?」
「唔得唔得~你地一場嚟到我地都要盡下地主之誼嘅」英叔雙手叉腰「客氣」的笑說
「烈、武,拉𡃁仔返過嚟」然後英叔再指示啊武啊烈
「嗯」二人馬上行動
「航,你點啊」
「起身啦,走啦」
二人合力將陳天航抬起,將他的手抬在自己肩膀上
「佢…把聲….」陳天航迷迷糊糊的說
「你講咩啊航?」
「你傷成咁,唔好講野啦」
「你地….想帶佢…..去邊啊!!」段一凡突然雙手一撐重新站了起來,身上焦黑的傷亦正用肉眼可見的速度癒合
「仆街….」英叔意識到問題的嚴重性,面前的二人是地獄般的存在
「英叔!架撐到!嘩…..咩人嚟㗎」趕到的啊仁看到段一凡也不禁嘩然
「仁,你放低啲架撐同武仔佢地返上去先」
「下?!英叔咁點得啊」
「係囉,我地….」
「我叫你地返上去!」英叔怒吼
「……」眾人見英叔難得如此的認真,也不再反駁,乖乖的上樓
「嗄…佢唔準走!!」段一凡指著陳天航大聲疾呼,就此舉動讓眾人知道了他們此行的目的是陳天航
「喂」習維喝止他再說
「…..」段一凡也知道自己說多了
「下?佢地目的係啊航?」啊武聽到段一凡的話後回頭看
「咩人嚟㗎,啊航應該冇得罪人㗎」啊烈同樣也是
「好難講,以佢依家嘅性格,得罪人都唔知啊」啊仁卻說
「你地快啲返上去!」英叔再次命令他們趕緊回去
「哦..係!!」他們加快腳步的跑起來
「兩位,佢依家個頭腦唔係幾好,如果有咩得罪兩個嘅,我都算係佢半個師父,不如我代佢同兩位對個歉,就請你地離開啦好嘛」英叔用平時不會用的正經態度和語調跟面前二人對話
「先生,你依個笑話唔好笑」習維說
「唔好咁多廢話啦!叫佢返嚟!」段一凡也意識到不能再用那怪語氣說話
「咁唔好意思啦,我地嘅「英式對話」完啦」
食蕉啦朋友
2022-10-19 22:55:50
同朋友釣
肥姩
2022-10-20 04:01:05
好一句「英式對話」
月牙
2022-10-20 18:35:24
今日有啲事停文一日先
月牙
2022-10-22 18:54:43
前兩日辭咗職
食蕉啦朋友
2022-10-22 18:58:15
肥姩
2022-10-22 19:06:05
旅行、旅行、途中仲要出下文~~
月牙
2022-10-22 20:20:44
係依排情緒有啲唔妥
所以諗住比自己休息吓轉換下環境