MPF強積金掃盲/ 表現討論 (2)

咁有冇一d建議比我參考一下

又黎轉香港，上年死左幾多件
我係會繼續投放係美國市場
我個人係最近1,2,3月都有額外加碼入錢落去SVC度執貨

想問下HSBC隻 股票基金係咪都係被動形
同ETF VT 差唔多

你份北美基金用宏利已經比其他公司跌得特別多
我好有信心你轉走就會左一巴右一巴又中多次伏

咁即係歐洲就繼續放番呢度唔轉

你指環球基金?
佢所有銷售文件冇講「環球股票基金」係被動式
睇個持股有機會係買返HSBC Pooled Global Equity Fund佢地自家既出品，即係自己做隻好似領航VT，MSCI ACWI
你見到個表現其實係好類近的
所以都係一隻唔錯既選擇黎，佢管理費都叫扺屌的收0.77%




所以我真係唔知點解咁多人屌HSBC強積金表現差，只係佢地唔識揀好基金，到今日為止都仲係多人揀貴管理費既北美基金而唔係平靚正既北美追蹤 (即係前稱自選美國基金)

其實北美部份應該係要佔大舊D錢，不過你用宏利呢D 比基金經理任舞既基金真係賭運，不過要講你知幾年前呢隻歐洲fund劣到係要轉基金經理去run，呢1,2年先叫正常返

最重要係一般基金， 你會見到佢有基金經理個名，但老強好唔透明， 一你唔似一般基金咁睇到佢每年所有持股， 二你唔知佢幾時換左人

以前永盲係2017年未改制前隻明星港股點解咁受歡迎， 就係知佢係買首域香港增長基金， 而個好勁嘅基金佬叫劉國傑，大家信佢比到表現出黎嘛。 可惜， 港股近年不濟加埋永盲轉玩所謂「多元經理」模式，表現就gggggggggggggg

係
打漏左環球兩隻字

資產配置角度都係覺得買環球安全啲
睇佢咁低管理費應該都唔會主動式得去邊掛

咁北美要佔幾多 60%？70% ？

非常感謝你耐心同詳細的意見，我有類似情況（都係公務員），但打算再兩年左右辭職移民，預期會提早提取所有除最低強積金利益外嘅公積金走人，所以會以兩年後截數嘅角度睇，我本身因為完全無理過金積金，一路都擺左喺支銀嘅中國+香港+增長基金度（今年蝕到）。而家想最後兩年轉一轉所有資金，除左好似你上述講嘅配置外，係咪都係轉BCT嘅美國股票基金？但比較擔心美市兩年時間因為加息周期同滯脹，表現唔返早幾年的動力（但新供嘅我就準備擺100%美國，希望佢短期走低，二年後就算打個和，我都撈到唔少底市貨）唔知咁諗有無問題，希望大神可以指點迷津

東亞個app係咪睇唔到強積金？次次都error

如果你個case係已經用緊支銀，同埋得返24個月投資期，咁你就冇咁既必要再轉另一間公司，你想投資美股新資金可以放佢北美追蹤就得，另外你真係唔好再放係D有「增長」字眼呢D基金，要放都應該用環球基金或者核心累積取代佢，如果你係好早期睇到post，一早講過分散投資下支那+港股比例唔應該超過你總資產10%。

我係近期先開始決心走同執資產知巳經遲咗好多，但總要有個開始
感謝你意見、如果好似我個case, 而家大嗰舊玩多兩年、都係擺支銀北美？定有其他更好選擇？

嗱，講真加息對債券冇運行，倒不過鎖定20%去保守，其餘大舊既就放去北美或者環球市場基金度run，因為你係限定一定會到24個月去拎錢走，其實打個和或者會輸錢既機會都仍然係有，加息環境唔好太過諗會好似以前幾年咁升得咁急，有升已經有賺
所以你見呢幾個月講每月派息既產品係幾咁多人討論，就係因為想尋找有相對穩定既收入

如果你確定移民，有兩點：

1. 你以咩方式移民？呢點會影響到你實際幾時拎到mpf，據我所知，BNO方式係唔會即時拎到錢，咁即你係mpf既投資年期會多過2年

2. 無論基金叫咩名都好，最緊要睇清楚隻基金實際投資左去邊

係加息期，債卷會價格跌

2年投資期對股票來講係算短，因為短期波動大，佢既過去回報率係要你長期投資先得

所以我自己覺得，如果投資期真係兩年，最好係一啲現金比例高既基金

感謝教路，哩幾日搞左佢先

其實我預最低強積金利益嗰舊係攞唔返住，但ORSO 嗰舊扣減左最低強積金嗰舊都應該可以攞得返，粗略計，嗰舊佔7成多d,所以目標都係哩兩年利潤最大化。

多謝你的提議，我會再返去Lun一Lun 支銀有乜好選擇先。

兩年太短la, 扑中係升,扑唔中仲會影響你既planning

咁移民中短期資金我應該應付到，但之後要睇一年半載會唔會搵到工作，有可能要用d儲備頂住，應該都未至於影響planning嘅，係想襯仲有兩年時間，籌謀一吓姐

同埋最主要係中港喺哩兩年，全球化因為地源政治激化退潮，中港資金外流應該係大勢嚟，所以縱使以前無郁過d mpf, (因為都無諗過會走，以為會擺多廿年就無理，都係衰自己懶）， 但而家巳經決定要走，要認真諗吓點配置同前路如何