撈左按揭好耐，你問我答（9）

壓力測試59.2%（ 5.5% 30年），只要兩位都冇外債、首置、齊文件，問題都不大。

不過冇稅單就有風險，因為依家高成數按揭一定要有稅單。你係公司有幫你報稅但未返足一年，所以冇稅單？若公司有幫你報稅，建議你去稅局拎份收入證明先 + 公司報稅表，有啲銀行未必接受唔夠一年嘅收入，除非係大公司/政府工/專業人士~
—小秘書 @DrLoanJo

如果有套現需要、而又過到壓測就當然轉啦，畢竟而家H都係~0.08%(截至19/6/2021)，利息都係1.38%左右，的確而家多咗客套現做其他較高息嘅投資，食個差價又或者套現擺落ML戶口，等錢洗就隨時攞嚟用，唔等錢洗就對沖利息~
轉左每個月都係供多～$130，就可即賺$52000，扣埋6千律師費，都有4萬6落袋有中介回贈仲多啲~
—小秘書 @DrLoanJo

非固定收入最多只可按八成，較安全嘅計法係攞六個月平均數 & 上年稅單收入比較，取低者為準~如果差得唔遠就可以直接攞六個月平均數計~不過記住非固定收入都要報足稅！唔同行業有特別計法，詳情再講多啲先答到你~
—小秘書 @DrLoanJo

高成數按揭係六成以上啊~咁你返咗一年半都有報足稅就冇大問題啦，收入證明當然有認受性，係for啲等唔切稅單、免稅額太大冇收過稅單、唔見咗稅單等等嘅人用的~建議你攞咗份稅局收入證明先去馬，如果你搞唔掂可tg我
—小秘書 @DrLoanJo

唔該博士，問多少少，即係話 借款人＋擔保人呢個組合入面，只要有一個係非固定收入就會Cap 8成？

Dr loan你好
想問另一半有一層樓已經供完 但我地想按左層樓拎黎做部分首期
我月入約42k 另一半月入32k 想買8m樓
咁請問如果另一半 按左佢層樓
咁我用自己首置quota 我另一半再擔保我 我個壓力測試會唔會discount 左？

你好博士

想請問如果兩個人加埋月入5萬
一個穩定工作3萬，一個係自僱人士月入穩定2萬但係報稅報唔足得1.4萬左右
首期150萬
可以買到幾多萬嘅樓？

Dr. Loan
想問一下
我同老婆都係公務員，月入50k
有130萬現金
如果target想要600萬既樓 按8成半 想供25年
有可能做到？

你好
講講我情況，815萬樓按6成半，關鍵日期係11月30日，我月入36.5K，女朋友現在33K，到8月尾會變回23K，因太辛苦所以轉職位(同公司轉職位)，中間都係無空窗期。
而我今年由3月至黎緊7月已轉了3次工，10月頭先會過試用期，全部都係工接工(獵頭公司搵我)，中間無空窗期，最新一份工會係知名度高既上市公司。
想問一下，咁既情況會唔會影響按揭批核？
以你意見按6成定6成半好？ 因為做6成唔洗過MC個關，唔該。

同問 其實邊個抵啲？

博士你好

我近期攪緊轉按 （林鄭plan)
個借款額預得好”猛”水
岩岩好夠cover今個月既本金餘額
但又多個下個月既本金餘額
而林鄭plan唔可以借多過原先按揭本金餘額

想問下係咪一定會係下個月既供款日先會扣本金？如果我轉按drawdown個日係下個供款日前係咪只會計息唔計本金？🙇🏻‍♂️🙇🏻‍♂️🙇🏻‍♂️

如果真係借多過本金餘額成個按揭係咪要再重新做過？😭

如果臨完成成交, 先知有消防令未settle, 要報比銀行, 銀行出返張擔保簽通常要搞幾耐?

反正你都比左宏亞參與費，如果儲到首期咁當然轉啦～始終依家h rate低過0.1%，銀行h plan 都係供緊1.4%左右，供少好多
—小秘書 @DrLoanJo

對，如你想全部收入都計就按8成；如果你想9成，咁非固定收入嗰part就只可計底薪~bonus、佣金都唔計
—小秘書 @DrLoanJo

林奠plan嘅9成保費係貸款額5%；8成係2.47%，保費通常都有6折-72折，老土講，其實真係睇你需唔需要流動現金，如果夠錢洗咁就當然借少還少~不過依家h plan咁低息，比較多客會借盡佢，留現金做其他投資或以防不測~
—小秘書 @DrLoanJo

唔該晒博士

Halo Dr loan, 想問下如果loan size 3.4-3.6m左右，應唔應該借到4M去拎多啲cash rebate（有銀行可以offer 多0.2%）? 數口唔好，有啲難諗

同埋咁樣做會有咩風險 （4m 都應付到）希望可以俾個方向思考下