玩咗幾年期貨買賣 同大家分享下少少睇法

呢度好多高手
學到好多野

Daytrade有冇心得分享下，照做返trend trading 得唔得？

Trend trading冇時間限制
不過實際系統都會唔同
Daytrade係big position trade on small trend
中長期trend following係small position trade on big trend

兩大派別高手交鋒，新仔都係收收皮...食花生抄notes先

我覺得冇矛盾。

巴打有冇相關影片介紹可以學下野

做trend follow就係要在贏嘅時間賺盡，輸嘅時間止蝕。
股票就係睇長線搵低位，我兩者都奉行。
真係冇矛盾，如果話一樣overall搵嘅錢多過另一樣，我咁睇。
對大多數人嚟講係月供etf最好。
有部分人能夠做到價投。
仲有部分人做到短炒。
三者對知識，性格要求不同，根本係唔同行業。

我就無啦 幫你唔到sorry
你睇下其他炒股kol有冇
好似JLaw都幾hit 你留意下囉

因為師兄當時個time frame有誤，股票唔可以咁睇一時三刻，只能描述區間，區間係屬於超低，超高，低，高。

我諗師兄係性格適合短炒，同時搵到方法。

即係咁 如果你當初買既係apple而唔係uniqlo 你以家會唔會又係令一個睇法呢？不過即使你買到apple 你當時都可能會因為佢跌十幾廿十個%就放左 只係以家view back返可能個結果係放錯左

雖然我無睇過上面你講個三本書 但我段估佢唔係只係講叫你投資生活上用到既野既公司咁粗疏就講完價值投資
個人覺得真正透徹咁了解左成個理論再實戰先再否定都未遲 巴老所講既價投都唔係一味死渣唔放 佢會一直keep watching咁留意住佢渣既公司有沒變左質 如果有佢都會勇敢止蝕（今年石油 航空股會都斬左 開始認錯買科技股 投科技股ipo)

Quote返你句野
「我得出一個重要結論
當價格反映價值嘅時候 就係佢成功反映價值嘅時候
股價應該只有一刻反映佢嘅公司價值 就係成功反映嘅一刻
除咗呢一刻 任何時間股價都係處於超買/超賣 」

其實你已經答左自己應該幾時買 應該幾時賣
就係當你發現佢超賣時 你又發現到大多數人睇唔到既價值
你當下買左 就係等緊佢將來反映價值時股價會推升既時刻
而當好多野都反映晒出黎時 大家都仲瘋狂地買 你睇唔到有更多既未來時 就係時候開始賣
而我覺得單純從圖既角度出發而忽略呢d因素去做買賣
唔算係投資亦唔算係投機 在我眼中都只係一種賭博

有啲人鍾意睇經濟周期，股票生意模式，幾年等一個靚位。但佢可能好怕時時刻刻望住，又要快手，又要止蝕，好難落手止蝕，違反人性，咁咪做價值投資囉。

反之亦然。

有啲人短炒價投兩樣都想做，啲錢就分兩半，樂趣更大

感謝另外想問下breakout入市既話應該等candlestick收係阻力區上面先入市，定係接近阻力位既時候入，因為breakout entry有太多方法，但邊個比較好？

咁我諗我係價值投資型賭博派
專買d 未賺錢既股票

我諗買股係一個動態過程，蘋果嘅成績係佢iMac, iPod, iphone, ipad, 串流，一步步增強信心，而唔係二十年前睇到佢今日。

至於圖表，你可以諗吓，張圖係描述人類行為，等如一張相影到人炒燶iphone 喊晒，張相唔可以預測未來，但顯示到一啲實況，好可能係趨勢嘅開始或結束。圖都係。

我個諗法啱啱相反
超買嘅可以一直超買
所以利用超買呢個現象去做交易機會

所以就係話真價值型唔係買完就唔理佢 係要一直觀察間公司有沒進步緊 同埋有無建立護城河/有無條件建立護城河
如果佢不斷反映緊佢仲有條件創造價值 自然可以上調個預期價值 逄低就再買 如果純圖 可能一時三刻既回調就會令你扔左隻股票

唔知你知唔知乜野係左則交易同右則交易
依照所謂突破向上向下先作出買入或賣出就係屬於右則交易 而右則最癬既盲點就係突破向下或向上個幅度可以好大 變相令你賺錢空間小左好多 尤其係跌既時候 一預到崩盤你係有機會走唔切 只要你一過夜就有呢個風險
向上向下都減走一大截價格 長玩會好傷

乜都得 最緊要自己用得舒服

點樣去評估價值呢？
價值係客觀存在？定係屬於觀察者嘅主觀意願？

由於用唔同嘅價值定價模式 可以得出唔同嘅結論
證明價值係受評估方法所影響
我會視呢個係「價值具主觀性」嘅論據同論證

相反價格係客觀性 亦係非常直觀
呢個係我信奉價格行為同趨勢交易嘅原因

投資派別根本上嘅差異 其實係哲理上嘅差異
係兩個唔同嘅宇宙觀

超買超賣只係人從過去去定義現在。每一刻嘅價格都會反映真實，並不存在現在價格係虛像，將來會反映真實嘅概念，佢依家唔反映你心中真實嘅價格係因為佢冇能力去反映。價投賭緊將來會升，其實都係賭一個trend ，只係個trend 唔係單純只用價格去定義，你睇到一間公司過往做得好，賭佢將來都可以做得好。講到尾其實都係trend trading system

師兄可以參考chart reader cup既影片

佢d影片真係神級

睇圖表亦可以睇到佢再上升然後重新買入。

至於區間突破之後買入會錯過大段升幅，我諗等突破嘅師兄會忽略普通走勢，佢地注重長走勢，搵好多唔同嘅資產，去cover呢個弱點。

做期貨往往唔理乜嘢資產，根本唔係買股票只係追個浪。

可以話冇得比較，個方法完全唔同

Off topic
之前有巴打話想聽多d唔同交易方法
今次呢條片會介紹三個交易高手嘅系統
https://youtu.be/FxuIBBHqwZE

止蝕 加注
其實同打poker好似