玩咗幾年期貨買賣 同大家分享下少少睇法

其實通常大家(新手果陣)會儲幾多本先上戰場
假設我有10萬本，一年內好把炮咁有10%return p.a. ,一個月先賺得800蚊, 感覺出少幾次街都可以'賺'番返黎，有無需要放10萬去投資/機(更何況要有10%return係好q難)，放係銀行仲衰，出街食飯嗌少幾次凍飲就=銀行利率，啲錢唔投資又唔知放係邊好

Sorry巴打 見你開post問過學生貸款
我俾個建議你 唔好借錢投機 投機唔係穩賺
我都唔會俾買賣建議你啦

咁要睇下你呢10萬係儲咗幾耐啦
同埋你成個儲蓄有幾大份
我初頭玩股票都係10萬起手 當時我有50萬儲蓄
另外10萬只係佔我3個月人工
我計完覺得10萬輸得起 我就拎黎玩
你都可以參考下

唔夠本可以apply funding 去trade ，一開始攞50k 至100k usd 做 head start，google 吓好多公司做哩樣嘢，類似prop trading，甚至你可以搵 private investor 叫佢fund 你。不過你要證明倒比人睇你嘅實力，一年10% return 應該唔得，一般require 5%- 10% return per month with limited max DD。

我都想搵天使投資人

咁你慳10％，再投資咪十幾％囉。
10萬係唔覺有啲乜，到投入幾十萬，升三成有十萬，就覺得爽喇

你啲片偏細聲，要錄番大聲啲

少番d文字好d...有少少覺得照ppt讀

多謝巴打意見
等我諗下點樣改善下先
唔係好識做KOL

其實我用RSI 加 day moving average 入市出市係唔錯，就算用5，15分鐘圖做短炒都唔差

投資請帶腦. 用腦分析下就知你買既股票係咪匯豐. 最簡單買NQ已經升到傻. 淨係識拎匯豐, 利豐, 823, 內銀做例子去否定人, 你一世都唔會進步.

我覺得冇得咁計10%. 由你落場果一刻, 冇人估到你賺幾多離場. 我上年11月唔夠4萬本金買左一隻美股. 宜家已經升左5倍, 然後唔洗理佢, 因為只要業績冇問題, 我冇必要賣. 宜家, 我開始不斷買下一次美股. 諗住相同方法, buy the tip, 買幾萬落去等股票慢慢成長.
利申: 格sir 投資法.

用統計學思維去諗 一次買賣成功唔可以代表我地用緊嘅方法係成功 sample size太細

睇第三點，是否應該放棄，不作無謂猜想？十分一機會而已

人地講兩句就動搖 點做到成功嘅投資者/投機者呀

唔係呀。我睇過統計，真係一人贏九人輸，即係多數人做嚟嘥氣。
咁點知自己最終會成功？
除非輸嘅都係新人，好似其他行業，留低只係小數，多數被淘汰。咁就日日有新人輸俾舊人。

係唔會知最終會唔會成功
咁係咪因為唔係100% sure win就唔玩呢？

岩. 如果炒股係搵到錢, 誠哥一早賣長實 (連埋生意賣)去炒股啦.
我相信buy the dip 同上市公司逢低回購一樣, 不斷買同做TA, 儲優質股先係最好方法.
短炒班人, 賺錢係應該. 打份parttime 做8小時野, 都有1K執啦. 如果短炒花費既時間都執唔到做parttime/freelance既錢, 其實係浪費緊時間. 仲未計輸錢果班. 等同貼錢貼時間.

由其是本金細, 分散買愈多股票, 管理股市倉既時間只會愈多. 相比集中持有玩TA既人浪費更多時間.
每人一得24小時. 時間唔係無限, 拎哂D時間(一日13小時)黎炒股, 人生仲得返D咩呢?

又唔可以咁講嘅

識做生意嘅人 唔代表識炒股
每個人嘅優點專長都唔同嘛

儲優質股係得 問題係點判斷佢係優質股 一判錯就玩完

短炒賺錢都係講天份同能力 炒股唔係一件容易嘅事 亦都唔係一分耕耘一蚊收穫

如果花太多時間落管理交易 可能係你個管理方法太複雜

我係fb同連登都講交易講咗兩年
兩邊都唔係太多人睇
之前出埋youtube同patreon反應都係麻麻
想係連登出位 點都要教主/標題黨先得

trader可以好坦然面對cut loss 但係教主唔可以