玩咗幾年期貨買賣 同大家分享下少少睇法

呢個故事幾有趣，將自己主觀願望成為升市原因，唔輸就有鬼

顧師兄 影片係自己既？
岩岩由第一集開始睇

有一集講要破產乘數同盈虧比率，講到要set 止蝕如果唔係會輸大錢，我果moment 諗返起自己輸on9 用double 法 輸到死。

全部都係自己整 不過冇乜人睇

出片速度應該會慢返少少
唔想出得太密

一有時間立即睇

仲有冇人追緊post
商品市場未開市好悶呀
黎傾下計

Hi巴打
等緊你條新片呀

顧師兄 食緊早餐 一陣去開大既時候睇你既片想問一下、上次你話贏谷輸縮 咁要谷幾耐先停呢？姐係所講既止賺位？

我唔止賺㗎
唔會用2R/3R呢d計算去離場
因為一個好嘅趨勢 可以俾20R 30R嘅回報俾我地
大家一定要拋開「固定賠率」呢個思維
Trend following就係講求absolute return

同理 如果最後牛肉係升 你蝕 咁係咪又代表佢地推算bbq個樣野係正確？如果單論結果 其實你同bbq班友都無法實質證明自己既理論係正確

唔知巴打有沒睇過科斯托蘭尼
佢對趨勢同圖表既睇法有佢一套見解
佢認為趨勢=資金面+心理 而心理因素只90%
而圖表只係代表今天同過去
而大眾永遠都只係會依據現實去描述過去
根本判斷唔到將來 如果判斷到又何需止蝕
一個價位代表到幾多野？
個人認為只要捉得住大趨勢既輪廓已經足以令投機/投資者致富 根本無需要花太多精神同時間係圖表上著墨

的確係 大錢源於大勢
問題係市場會有好多雜訊
呢d noise可以係「假嘅大勢 」
又或者係「假嘅勢頭完結」
一個交易者就係要不斷係呢d雜訊下做交易決定

再講多少少
個人覺得必需止蝕係期貨既弱點黎 因為期貨本身入面有槓桿 止蝕根本就係無得選擇 即使你唔止最後都係會被強迫平倉

假設你作出左一個正確既預測
但因為市場唔係行2+2=4 而係2+2=5-1（科老既比喻） 亦因為你所用既工具係期貨 所以你未行到4既時候係-1個陣已經止蝕左 結果就係過唔到黎明前既黑暗

如果我唔係選擇期貨 打到落你所想既止蝕位 或者係我大幅虧損 咁到時我既angle就會比期貨多好多（包括溝貨 減倉 繼續持有 清倉） 控盤手段我覺得先係真正控制風險既手法 而唔係單一止蝕件事就完

上面你地有提到amaz以前有極大既高位跌幅要十幾年先返上去 唔走已經輸晒 咁係假設左你投落去既錢只有一舊
而呢十幾年你都唔會再放錢落去 但如果呢十幾年來我再買貨溝落去呢？ 我相信極快就可以回本 呢一點就係巴老所講巴價值投資 前提係你買既股票係有前景 係有價值 咁跌落黎你先可以繼續買貨 而唔係純粹當隻股票係一張圖紙咁去炒

我個人係投資哲學係信奉 趨勢+價值+注碼控制風險
係股市12年都仲生存緊經歷過好多個cycle 雖然唔係話賺到發晒達變幾億身家咁 但財富係見到慢慢增長緊
後生仔我建議真係唔好放太多時間係炒賣身上
時間先係你地最大本錢

個人覺得真正既投機 係買一種被市場大幅低估既野（低估幅到可能係十倍到二十倍以上 最近市場黎講tesla就係例子）而個種野既真實既價值你係預見到遲早會反映出黎
呢種既投機相對於你用槓桿換返黎既會實在得多
因為你最少可以用一個自己設定既時間去見證自己既睇法
而唔係一個價位

師兄你講嘅 其實就係firm foundation vs castle in the air
兩派對於投資嘅睇法太唔同
所以係非常之水火不容

於我而言 內在價值係唔重要
因為我做交易係想賺錢
我唔係想同股票做朋友又或者揀老婆
佢有幾優質與我無關 最重要係我買完佢會升
又或者換個說法
投資產品嘅內在價值於我而言係無關
但係我會在意大眾「覺得」佢有冇價值
如果大家都「覺得」 佢有價值 咁價格自然會升 價格會升 我就會買入
價值係一個集體意識 唔係一個客觀存在於自然嘅事物

科斯托蘭尼係《一個投機者的告白》入面講過：

在指數上漲過程中，即使是最差的投機人士也能賺到一些錢；而在指數下跌過程中，即使挑到好股票的人也賺不到錢。因此投機最重的是普遍的趨勢，其次才是選股。

Trend is everything

又回到止蝕派VS SH派既討論...

我覺得又冇話邊個派別比較好既...

只係我有點質疑有幾多個自稱SH派既真係做左功課，去研究自己買既公司既價值同前景。感覺好多人係見人買咩就買，然後高J左啦，中左伏啦，然後用SH自我安慰。

同理 一個止蝕派一樣係見人買咩就買 佢亦可以止蝕
點知止蝕完繼續升sh派贏
結論就係你對所有野既理解程度有幾多
風險高低亦取決於此

我認同趨勢係重要 只係期貨有止蝕機制 令到你係趨勢期間有可能被震走 因為期貨對market timing既要求實在太高 而本人真心唔相信呢個市場有人可以透過market timing長期賺錢 而且短線交易市緊既（趨勢） 同科老講既（趨勢）我覺得好唔同 科老講既趨勢有一定既容觀條件
而且行緊既唔係幾個鐘 幾日既趨勢 係講緊而年計算

科斯托蘭尼嘅交易 背後的確都係有價值嘅概念
佢用放狗嘅比喻經濟同股市 其實佢本質上都係認同價值

強帖留名
樓主更新多啲啦

咁就要大家留言溝通下辯證下
咁個post先會豐富d
我一個人講 一黎無癮
二黎好難好全面咁反映趨勢交易系統嘅所有細節
因為太多概念 又或者微細位 好難cover
最好大家一齊討論下
新手老手高手都傾下計 咁大家先可以互相交流學習

有時唔係唔想信技術分析或者係短線交易
我自己都係過來人 自己亦做過相當既操作去嘗試係咪真係可行 但行多幾年 就開始發現不斷有所謂既「例外」去推翻自己操作個套理論 最後發現根本無真正既技術理論你係可以長期站得住腳 美其名係修正 其實只係搬龍門

even以家好流行既algo trading 好多code行行下都會發現失效用唔到輸錢 錢琛都已經證實左係唔work
因為市場太過effective 你套野好快無效 問題係當你發現你套strategy無效時你已經輸左好多錢


結果最醒就係個班租code比人用同賣課程賣名氣個d(連燈之前有一個）

最好笑既係 推祟data同algo既歐陽一心同蔡嘉民 最近走去搞左個燈神投票trading 用散戶投票升跌去做方向操作睇下個成績如何 結果個sharpe ratio成2.9 跑贏極多fund
睇落好似幾好笑 但細思一下就知一直埋頭苦幹研究strategy班友係幾咁可悲 亦都係大大力咁摑佢地自己一巴
班友以家走晒去推廣個d mirror trade 去尋找燈神
結果最後咪又係證實股市係心理條件影響最大

其實我一開始買股票係用價值投資
當時我睇咗peter lynch嘅呢三本書就衝去買股票


佢入面有個concept我當時覺得好amazing
就係話要係日常生活當中揀選優秀嘅公司
呢d優秀公司嘅股票都係好值得投資嘅
佢舉例話starbucks cococola呢d都係平常人會接觸到嘅公司 而投資落呢d生活化嘅股票度對散戶黎講係最容易入手

於是 我聽咗佢講 諗咗好耐 有咩公司係我日常生活經常幫襯 又生意好 仲要係香港股票市場有上市呢（當時我只玩港股）

居然俾我搵到uniqlo 原來係香港都有得買賣 number係6288 我全身衫褲鞋襪連底褲都係uniqlo買 加上間間uniqlo日日都人頭湧湧 佢仲唔係優質公司？

我好記得我係$26買入 買完之後仲好興奮同當時女朋友（而家都變咗做老婆）講 我地係uniqlo嘅股東呀 你記得叫多d朋友幫襯uniqlo uniqlo愈好生意 我地就愈有錢

（到而家諗返 當時實真係一個傻尻咁）anyway 故事繼續發展落去 1個月之後 股價跌到去$24 我心諗 傻仔唔識買uniqlo 呢間咁好嘅公司居然無人欣賞 3個月後股價跌到去$23 我心入面瘋狂問點解 點解呢間咁好嘅公司 無人識欣賞？無人睇到佢嘅價值咩？ 我好驚佢繼續跌 最後賣咗離場輸咗11%

當然而家6288股價已經係$5x 不過我無後悔賣咗佢 因為呢件事我認清一個事實 價格反晒價值 可能 不過幾時先會反映？

我得出一個重要結論
當價格反映價值嘅時候 就係佢成功反映價值嘅時候
股價應該只有一刻反映佢嘅公司價值 就係成功反映嘅一刻
除咗呢一刻 任何時間股價都係處於超買/超賣
咁點解我地要花最多嘅時間去尋找一剎那嘅光輝
而唔係去留意價格絕大部份時間嘅走勢？

Sorry有d長有d痴線 但係呢個係我做trend follower嘅原因

我非常同意股市真係心理遊戲