玩咗幾年期貨買賣 同大家分享下少少睇法

止蝕同止賺 好似係兩樣野
其實係同一件事
就係我地個交易一定要有一個離場嘅方法 而呢個方法應該係用價格黎做參考
不過我止賺唔係主動做 而家用追蹤型止蝕法

追蹤型派揮手
但係我都仲係摸索緊，有時覺的fix死止賺蝕比例好似好啲
清有冇啲具體建議，依家一半長搾一半炒短期試試

利申：股市初心者

Fix死止賺就無得maximise回報
係賺蝕比例固定情況下
你要加大回報率就只可以靠改善勝率
但係勝率要改善係一件好困難嘅事

唔set止賺可以容許我哋嘅交易賺到更多
係勝率不變嘅前題下 回報只會比fixed return更大
因為市場走勢係Skewed distribution
當然前題係你要忍受帳面利潤大幅減少，甚至化為烏有嘅情況發生

認真
你frd有無問題就唔知
但你用一個人就想證明一個方法係無用
足以證明你邏輯好弱

做老散乜柒都唔知（相對大戶），止蝕係救命方法。

止蝕又冇話唔可以再入，唔可以買其他股。

止咗蝕，人就定，再跌唔關你事，可以冷靜觀察。揸住啲蟹貨，人都冇晒自信。

有人話唔止蝕，蘋果升到乜乜乜，亞馬遜升到乜乜乜，挑，有幾撚多人實際賺到乜乜乜咁撚樣吖?

你前個po講要預計跌幅幾多，回升幾多，咁點預計?

一般8～12 止蝕。
同止賺都要定好

交易本位 我自己認為唔係睇市場 而係睇本金
我所講預計跌幅嘅意思 係用本金計算
升就預週線/月線阻力位做參考 但係都係唔會主動止賺

樓主靠價錢趨勢搵咗幾多千萬？

投機/投資係個人修行 我搵得多少唔重要
討論過程中大家互相學習更美好
如果你好想知我賺幾多
我都只可以答你一句
我得到嘅錢比投入嘅多

想問下樓主新手入門有咩書可以睇下？
另外點睇而家d炒股KOL，跟唔跟得過？

通用交易原則可以睇Jesse Livermore嘅《How to Trade in Stocks》

如果想知多d唔同交易人嘅故事心得可以睇《金融怪傑》

金融怪傑有幾set 如果返工忙時間唔多可以睇佢嘅精華版《一本書成為交易高手》

如果想買賣期貨嘅都仲有好幾本推介
不過睇住呢d先

如果睇書睇得快嘅可以睇埋《一個投機者的告白》同埋《股票作手回憶錄》


另外炒股KOL無跟開 俾唔到意見你

有啲人見人理念同自己唔同，鍾意問人發達未?呢啲我覺得無謂啦。

每個月炒如果可以有一定收入，就係職業，唔一定要發達至可以用。

我就唔同途徑都做，長線正股，期權，係呢幾年冇月供etf不過都知係好方法。市場機會好多，只遺憾唔夠錢多去做晒。

執著於你個方法叻唔過巴菲特，唔夠月供指數多云云，其實等如睇好科技就覺得其他股係垃圾，有大好機會都唔會理。

咁多好方法都唔去理，你睇真就發現，個市場真係好多機會俾你賺人啲錢，真係好多好多。

我明，有時都覺得自己一種方法未熟就轉第二種，不過興趣所在。
樣樣識啲啲，識得多過普通人都有斬獲嘅。

有事唔係方法問題 係耐性問題
可能方法A同方法B 長期黎玩都係work嘅
但係我地試過幾次都輸就唔再用
可惜Sample size愈細幸運成份嘅比重就愈大
結果唔係輸方法 係輸自己

多謝巴打 會去書局睇下
另外想問點睇恒指？今日彈返係咪見底？

我trade 咗五年都係短線 而家做咗scalping 死忠日日贏錢

確認底部嘅唯一方法 就係市場已經升返
明唔明？

睇幾耐先?一個月底?五年底?

彈一日就問係咪見底，神仙咩。

仲有冇人追緊post?
可以入黎吹下水

唉 我唔想做神棍呀
最憎講埋d「反手又中」嘅尻野

不如開個免費問診po, 歡迎各界人士遇到睇位疑惑，市場走向，技術方法，操作困難都可以問下。實好多人幫襯。
不過可能有啲人覺得太串