玩咗幾年期貨買賣 同大家分享下少少睇法

投資 vs 投機

第一個經常爭論不休嘅概念就係，究竟我地應該投資定投機。

大眾諗法：
投資感覺上安全d ； 投機感覺上危險d

不過呢一切都只不過係自我感覺，如果你覺得自認做投資者，你會感覺好d，咁咪叫自己做投資者囉。如果你覺得自認做投機者，你會感覺型d，你都可以叫自己做投機者嘅。

其實叫咩名都唔重要，最重要係先認清遊戲嘅本質。無論我地係「投資者」定係「投機者」，我地嘅目標其實都係一樣，就係想賺錢。揸漁船又係漁夫；揸舢舨咪又係漁夫，你係捕魚維生嘅就係漁夫啦，有乜好爭論呢。

係我眼中，賣出價買入價嘅價差，就係利潤/虧損。究竟我應該點稱呼自己，我係唔會去深究嘅。

當然有人覺得投資投機分別係在於買賣決策背後嘅理由，即係基本分析vs技術分析，呢個如果大家有興趣討論我會再講下我嘅睇法。

止蝕 vs Strong Hold

如果你認同咗我有關投資vs投機嘅內容，咁呢個選項你應該揀止蝕而唔好走去Strong Hold。

既然個遊戲最緊要係賺錢，咁所有會損害本金嘅事情我地都應該避免去做，當然最好嘅方法就係唔玩，因為唔玩就一定唔洗輸錢。但係賺錢機會係建立係承受風險之上，所以我地要做嘅係管理風險，而唔係回避風險。

止蝕就係管理風險嘅方法，限制每個買賣嘅損失，即使我地做錯決定，透過止蝕仍然可以抽身離場。相反Strong Hold係無視風險，對自己嘅決策過份自信同樂觀，往往到最後傷害本金，令到自己更難去翻身。

當然點止蝕都好值得討論；例如8%止蝕，前底止蝕，破位止蝕。呢堆都應該會有排傾，睇下大家有冇興趣吹下水。

破底止蝕係點？
巴打用邊種止蝕方法？

lm

想打破低 變咗破底 sorry令你誤會
破底係前底前頂 區間頂區間底嘅止蝕法
破低就係用價格高低做止蝕 10日低 15日低之類

唔好lm就算喎 傾下熱鬧d開心d

價投咪即係將投機嘅時間拉長十年

除左止蝕有冇其他睇法，想了解下玩期貨既策略
期指係咪基本上都即日鮮？

想知ching揀股有咩準則？

我睇50天線同感覺

其實無錯，長期投資風險一樣好高。承受唔到風險，無投資眼光既人，長渣短炒一樣死

strong post lm

其實我諗所謂strong hold都有止蝕只係止蝕唔係講跌幾多個%姐

價值投資係搵價值，但我認為價值係形而上
買賣遊戲唔應該考慮形而上
應該去睇形而下嘅事情，即係價格運動

好多人鄙視炒賣同投機，其實我覺得投機者仲注重風險管理，好多人以為長渣投資安全，其實輸得重多

我唔單止玩指數期貨 基本上我乜期貨都玩
能源：石油 天然氣 取暖油
貴金屬： 金 銀 銅 鉑
農產品： 黃豆 小麥 粟米 豆油 可可 棉花
食品： 豬 牛 糖 橙汁
貨幣：日元 歐元 澳元 美元

好耐無買股票
係轉玩期貨之前有玩過正股同期權
以前玩法
港股市值100億以下，每日平均交易額2千萬以下 我都唔會玩 之後再睇趨勢買賣

真係比股票好玩？？

價值投資對於風險管理嘅討論的確比較少
可能同佢地覺得「投資係相對安全」呢個諗法有關

我都玩過一段時間day trade 期貨，覺得好鬼花心神，最後轉玩option, 巴打係唔係克服左尼個心理問題？

你點定義「好玩」？
因為我係用趨勢交易方法 所以一定要有足夠嘅市場趨勢俾我去捉 我一定要睇多d市場
係我眼中股票市場係單一市場黎，股票同股票之間關聯性太高，買兩隻股票唔會分散到風險

Arbitrage係老散層面好難
單講電腦上網/交易系統快慢都已經無得同大型操作機構比
Non directional trading我唔做 我只做directional 我亦相信只有directional trading先可以賺大錢

期貨唔一定係daytrade 我係捉中長期趨勢
一個trade會坐幾個月都未定
當然打中止蝕嘅交易 可以10分鐘已經無咗

止蝕就好似扑野用condom咁
當你冇用個下 一定就會出事