【歐洲exchange四圍去】夏遊東南歐篇:希臘 克羅地亞等 (遊記+你問我答) 3

我都預左2日1夜去比利時
如果留晒Brussels 會不會太多

樓主幫幫手
我黎緊去歐洲40日
英法意荷蘭西班牙
見上網買既數據卡都係30日
想問下40日應該買咩好

仲有 有冇咩食過好難忘

意大利西班牙有成list必食野 餐廳有幾間特別鐘意 今晚打 food market西班牙果d必去 睇下28頁682有提d food market

如果係我 我會買兩張30日，for第二個月果張我會買少d 用量既，預十日，例如一張4GB 一張幾百MB到1GB咁樣，或者兩張2GB，第一張用完就開第二張（不過淘寶有d要講定開通日期，你第二張可以講day20果個日子，遲開無所謂，比預定日子早開先係問題）

都可以買前問下客服有無得延長果d （要買前講定）


如果加埋價錢都過300既可以考慮買3uk一年果張（你唔一定要用一年 可以40日用曬12gb 爽）

十幾頁前 /我wordpress有詳細資料

唔該哂你

追問
樓主係換定歐元過去 定係用海外提款？
想問係咪冇咩銀聯機

我上網check都係話西歐無乜銀聯機 英國就多 所以兌定多啲去 聽日就出發啦 驚驚地

ching我都就快出發 有緣相見
btw唔該哂

預得太多時間係ams
會去風車村 羊角村 加三日ams市中心
都仲有2日淨 rotterdam麻麻地有興趣
可以點

即係本身5日市內？ 落Maastricht 玩到一日
未去比利時就可以去brugge ghent
去左就向荷北 alkmaar果類地方

就係去左比利時啦 點解我唔早d睇到呢個post
Maastricht即日來回？
想問下搭地鐘貴唔貴？市中心d住宿貴到

係，但荷蘭火車車票係好貴，隊非用group ticket 唔係都幾唔抵 所以無gp ticket既建議近近地去下荷北小鎮day trip
如果市內地鐵唔算貴，都係兩歐內 印象中 住宿就好din

其實每晚hostel大概200蚊算唔算貴?

好多人share個d?
勁多人既話200我覺得貴左d 150內應該唔少 係好多地方

agger
同埋好睇咩城市 邊度黎既？

暫時book左倫敦同克羅地亞

croatia 200就好貴下我諗
除非dubrovnik

其實我搵到D更平既 例如Zadar搵到間130蚊晚/200蚊晚
但200蚊晚果間房入面望到海 評分又高D
就bk左200蚊

有海又唔同玩法哦 200 都係可接受

樓主幫幫手
我黎緊去歐洲40日
英法意荷蘭西班牙
見上網買既數據卡都係30日
想問下40日應該買咩好

仲有 有冇咩食過好難忘

意大利西班牙有成list必食野 餐廳有幾間特別鐘意 今晚打 food market西班牙果d必去 睇下28頁682有提d food market

如果係我 我會買兩張30日，for第二個月果張我會買少d 用量既，預十日，例如一張4GB 一張幾百MB到1GB咁樣，或者兩張2GB，第一張用完就開第二張（不過淘寶有d要講定開通日期，你第二張可以講day20果個日子，遲開無所謂，比預定日子早開先係問題）

都可以買前問下客服有無得延長果d （要買前講定）


如果加埋價錢都過300既可以考慮買3uk一年果張（你唔一定要用一年 可以40日用曬12gb 爽）

十幾頁前 /我wordpress有詳細資料

唔該哂你

追問
樓主係換定歐元過去 定係用海外提款？
想問係咪冇咩銀聯機

我係換定去，同埋我係歐洲有bank acc因為我係去exchange，所以無試過用 但聽巴絲打講係無乜

我都預左2日1夜去比利時
如果留晒Brussels 會不會太多

唔好留曬brussels啦 去brugge ghent咁平，仲好好多 brussels 2個鐘行得完

【遊記】DAY 16 Bosnia & Herzegovina Mostar 莫斯塔爾
+ 超好酒店推薦 （上）

Mostar 莫斯塔爾 係Bosnia & Herzegovina一個近克羅地亞邊境既城市，由於位於Split同Dubrovnik中間，而且早前做research時發現左呢個優美既東南歐小鎮，於是係去Dubrovnik前，我地決定先去一去Mostar！
呢個地方係我期待已久既行程

落車就見到
Mostar有自己既貨幣，但佢接受歐羅付款，所以去到毋須為唱錢等事苦惱 。佢既物價好低，係其他城市既一半，以雪糕為例，半歐就有交易喇！ 住宿更加係超平又高質，黎到好應該留宿一晚。

從Split乘巴士到達Mostar車站後，我地前往古城。途中會經過唔少清真寺同佢地既塔 。


白雲翩翩

巴士站同古城有段距離，約十五至二十分鐘路程，古城以外既範圍比較殘舊，感覺亦有點窮困，我有朋友係度遇到扒手 （幸好得個扒手失手 ），因此黎到最好加倍小心 。

不過沿途（越近古城區越多）都有唔少手信店，已經見到一/兩歐磁石




一到古城，已經被呢個小小既東歐古鎮深深吸引住 ！

首先放眼望去，往下既石粒斜路路段兩旁都係由石頭、草木搭建而成既店舖，呢種灰沉既木色同石頭顏色真係好有味道 ，店前門口都坐住出黎吹風、傾計既店主，而佢地賣緊既係民族色彩極濃既民族風花紋袋、玻璃燈、金屬器皿等，成陣東歐風味傾瀉出黎 。

我以前心目中既東歐

剛巧有旅行團經過，於是街道變得非常熱鬧，成個墟市咁。

都未夠，重點係Mostar既舊橋 ，舊橋係半空懸掛住，連接住兩邊既熱鬧街道，好有架勢 ，底下仲有條清澈、碧藍既河流流動著，整個古鎮生氣勃勃 。


沿住石級，經過又斜又滑既舊橋。佢真係好滑好滑，行親都差D仆街 。

過左橋，路過呢個小瀑布，

行不足50米，就我地到達今晚既酒店——Pansion Nur。
超！級！推！薦！！！
努爾磐斯尼別墅酒店 http://booking.com/f2929eb505430d
每人只須比 135 hkd 一晚

佢係booking.com上面得分9.6，絕對對得起呢個罕見既高等評價 ，佢亦係我地係整個旅程感覺最完美既住宿——平、乾淨舒服、近、完美服務 。佢唔係豪華既villa，唔係歎世界果D，佢最正既係屋主 。

一到達，屋主已經好親切地招待我地，仲話知道今日好熱，於是去沖杯凍飲比我地。 賓至如歸 都未夠，佢介紹完間房，仲帶我地去pantry打開冰箱，展示佢為客人準備既自製雪糕！！ 自製！！ 一入黎就受到「二連擊」，我地已經就黎企唔穩 ，點解咁好架！！ 如果你逼我講，成間野唯一講得出既「缺點」係唔近車站，但呢個全因佢既優點，就係因為佢係正古鎮入面，先會遠車站 ，不過呢點比起所有優點，真係微不足道 。但最屈機既係 ，屋主竟然主動提出check out後車我地去到車站 ！！免費！！ 主動！！！ 最後一個「缺點」佢都剔除埋，真係無得彈！ ！！完全係受寵若驚！！！！！

黎到 Mostar，一定要住完美既 Pansion Nur

用左一陣子定驚（其實settle down）後，我地就出發啦！

想去

想去

繼續打先

克羅地亞6月尾係咪好熱

【遊記】DAY 16 Bosnia & Herzegovina Mostar 莫斯塔爾 回望 Stari Most 古橋的歷史
（中）

其實我地黎到時，係3點幾，settle down後已經4、5點喇，但都好夠時間。

Mostar呢個地方係我搵既，點解我會知有呢個地方，係我google "places you cant miss in Eastern Europe"後發現既 ，黎到果然無令我地失望 ，屋主話我地好好彩，因為日前落雨架！ 而今日個天就只有幾朵白雲係空中，艷陽高照，當然要瘋狂影相 。

出到去，就係餐廳同老橋口，而屋主推介左個靚位比我地睇景——佢唔講真係唔知係咁去的，就係我地hostel隔離草叢間有個幾窄既樓梯落去河邊，可以從橋底欣賞舊橋景色！

好正，即刻盡情影相。


呢度好興跳水，呢面有個跳台，都有人會表演跳橋


上返去後，我地去舊橋睇景

好鐘意呢排舊屋


天朗氣清

青山綠水
呢個高塔係可以上頂既，我都係返黎先知
上面可以睇到成個古城全景，好靚好靚
五歐入場，我覺得要去啊！


橋上面係咁既

古都

係超滑大石板，上面有一條條 bar 防止人一野跣落去，都真係有用，因為真係好跣！我唔敢想像係度點拉篋，凸凹到呢


橋既左邊有個博物館，係講述呢條橋既歷史

沿梯中，入到去會有reception，佢會brief下你入面有咩黎。印象中係free admission


計得好精密

入面有部份好特別，好神秘。

我地而家睇到既橋，其實係第二次重建出黎既，係2004年建完架。
佢前前身原本其實係一條木橋，經過長年累月既損耗後，需要重建，於是請黎名建築師既徒弟Minar Hayruddin設計同建造，用左足足九年時間，係1566年落成左現今Stari Most既前身，成為有史以黎最闊的「手造」步行天橋。

可惜，係1992-1993年既波黑戰爭中，呢條老橋被炸毀，據說，係克羅地亞軍隊炸毀既。
https://www.youtube.com/watch?v=t2JMQvjV-B4
呢條片睇到老橋既當年同今日，2:00起仲有炸毀一刻 3:00 成條無左

睇呢條片感覺好恐怖，今時今日人聲鼎沸既Mostar古城，當時係戰爭中被炸到滿目瘡痍，人影都無隻

後來，有國際組織發起重建工程，依照返佢既舊貌建造，用左3年幾時間，係2004年落成大橋，當年呢條宏偉既大橋又重現當地居民眼前了啦 。

館入面有片睇，睇到成個建造既progress 講到好艱難咁 反而呢條炸毀片我又無睇過

出返黎後，就四圍行下

【遊記】DAY 16 Bosnia & Herzegovina Mostar 莫斯塔爾 晚餐與晚遊Mostar （下）

離開博物館後，我地遊覽鎮內


我地係呢個攤買左磁石，

佢仲有個地攤賣d古怪古物，有個二戰德軍passport都有得買

買雪糕是常識吧


成個Mostar都係高高低低既石春路，我不禁要再次強調，唔拉篋有多好


呢個泳褲佬係準備跳河既表演者，據說佢地籌夠表演費先會跳

男友影既，但見幾呈現到當地賣既貨品係點，post埋

呢張都係





東歐感覺

雖然睇落好光，但其實我地3點幾先到Mostar，於是呢個時候已經7點左右，
我地去左鎮中間有間幾好feel既餐廳，D staff著曬民族服裝咁，試試佢

好多蚊
佢既食物係傳統 B&H 菜黎，重口味，幾特別，好味

呢個好啱我，辣辣地

男友影 肉飯，有堆幾特別既sauce
之後我地仲叫左個甜品，求其叫的

點知…似D浸完蜜糖水既蛋糕，口感麻麻
仲有唔鐘意食既nuts，剩係食左一啖
埋單時，佢地仲會送張postcard比你

其實個城好細，所以好快就行完，於是行到咁上下，我地就返酒店抖下，晚上再出發 再出黎已經天黑

一出黎，就聽到由D清真寺傳出既宗教經文歌 （我估係 ）佢廣播到成個鎮都聽到 其實有d creepy

晚上既Stari Most下好熱鬧，我地日頭影相果個位晚上好多當地人或者遊客係果度聚集，坐下、hea下、飲啤酒、吹水、播曬歌咁
個氣氛好似香港中秋節晚上既公園咁

老橋左邊果度有個牌寫住 山洞Pub，sorry手機劣影（日頭version）

我地八卦去望下，係個大山洞入面，有曬disco light閃下閃下，仲有超重底音既音響播住舞曲，真係幾特別 如果鐘意夜生活既人應該會覺得好正 不過我地呢D毒撚唔啱呢味，係出面裝兩裝（連影張相都唔敢影，要好快地影 ），就折返

係鎮內夜遊一個圈後，發現呢個鎮晚上比想像中熱鬧得多，好多人四圍行，餐飲店照開，都有唔少客，我地平平地買幾支果汁就返去休息了
好鐘意呢個小古鎮

克羅地亞6月尾係咪好熱

我22號走時都還好，係曬d，但都有風 係好舒服既熱 好爽，難怪外國人咁鐘意夏天，同埋曬呢種太陽。

克羅地亞6月尾係咪好熱

我22號走時都還好，係曬d，但都有風 係好舒服既熱 好爽，難怪外國人咁鐘意夏天，同埋曬呢種太陽。

諗緊帶唔帶埋長褲同褸
一開頭去英國驚果邊凍

另外我見樓主你影相幾靚 應該都係幾貴的相機 其實驚唔驚有人偷? 因為我都爭扎緊帶我部A7II. 連鏡都差不多兩萬 來緊去匈牙利 克羅地亞 有機會去黑山kotor 或者入Mostar

另外我見樓主你影相幾靚 應該都係幾貴的相機 其實驚唔驚有人偷? 因為我都爭扎緊帶我部A7II. 連鏡都差不多兩萬 來緊去匈牙利 克羅地亞 有機會去黑山kotor 或者入Mostar

我果部係500D，因為又舊又唔值錢，所以唔驚 不過多數都唔會叫人幫我地影相，但A7II 真係有d驚
不過果邊就應該唔會明搶既，但就一定要跟身，影緊相幾時都要相機帶圈幾圈隻手，同埋唔好隨便叫人幫手影相，有d人可能好好心咁問洗唔洗幫你影張相既（係巴黎鐵塔有遇過）唔好比部機佢影 小心為上

克羅地亞6月尾係咪好熱

我22號走時都還好，係曬d，但都有風 係好舒服既熱 好爽，難怪外國人咁鐘意夏天，同埋曬呢種太陽。

諗緊帶唔帶埋長褲同褸
一開頭去英國驚果邊凍

我諗要了，起碼帶件外套 落起雨黎都幾涼（英國天氣又痴線 ）

另外我見樓主你影相幾靚 應該都係幾貴的相機 其實驚唔驚有人偷? 因為我都爭扎緊帶我部A7II. 連鏡都差不多兩萬 來緊去匈牙利 克羅地亞 有機會去黑山kotor 或者入Mostar

我果部係500D，因為又舊又唔值錢，所以唔驚 不過多數都唔會叫人幫我地影相，但A7II 真係有d驚
不過果邊就應該唔會明搶既，但就一定要跟身，影緊相幾時都要相機帶圈幾圈隻手，同埋唔好隨便叫人幫手影相，有d人可能好好心咁問洗唔洗幫你影張相既（係巴黎鐵塔有遇過）唔好比部機佢影 小心為上

我都係帶A7II + D3S, 一直都無咩問題, 唔覺有人想偷, 不過都係小心D好

原來而家有旅遊攻略
好多都去過, 好掛住

巴打好似去左好多地方，係咪已經環曬歐洲 我都好想再去

唔係呀, 咁岩你地講緊個D我大部份去左咋, 真係好想再去既係瑞士

我依家都睇緊巴打你個瑞士遊記plan緊

係咪係舊登？ 見d巴絲成日話睇雪糕巴打（我有無認錯人）遊記但click入起底睇唔到

我D遊記全部係個邊, 好多都死左圖, 你要睇既話睇每個遊記最尾個POST, 有教返點樣睇返D圖

原來而家有旅遊攻略
好多都去過, 好掛住

巴打好似去左好多地方，係咪已經環曬歐洲 我都好想再去

唔係呀, 咁岩你地講緊個D我大部份去左咋, 真係好想再去既係瑞士

我依家都睇緊巴打你個瑞士遊記plan緊

係咪係舊登？ 見d巴絲成日話睇雪糕巴打（我有無認錯人）遊記但click入起底睇唔到

我D遊記全部係個邊, 好多都死左圖, 你要睇既話睇每個遊記最尾個POST, 有教返點樣睇返D圖

好啊

Croatia italy治安如何
好驚比人偷野
上年去奧德比荷都算安全
唔知呢邊點

想問下六月頭荷蘭比利時巴黎係咪都仲凍？
姐係唔洗帶短袖衫
好怕凍宜家係英國十幾度都著2件長袖衫加嬲

終於到我踏上獨遊之旅啦 又驚又緊張

Croatia italy治安如何
好驚比人偷野
上年去奧德比荷都算安全
唔知呢邊點

croatia幾好
italy d人話差，但我又覺得還好 係米蘭感覺雜dd

想問下六月頭荷蘭比利時巴黎係咪都仲凍？
姐係唔洗帶短袖衫
好怕凍宜家係英國十幾度都著2件長袖衫加嬲

無錯 荷比仲係好凍 巴黎唔係好肯定，但我6月尾7月頭係荷蘭仲著大褸

終於到我踏上獨遊之旅啦 又驚又緊張

今日出發啦？