【歐洲exchange四圍去】夏遊東南歐篇:希臘 克羅地亞等 (遊記+你問我答) 3

最後尾我都係book咗本島
可能我6月尾去所以貴d？
4個人1500蚊晚
d frd話住本島方便d，
我見mestre都要1000到我就屈服咗

威尼斯你留幾多晚?

兩晚啊！

想問下如果而家我有19日去玩
諗住去哂意大利 克羅地亞 budapest prague amsterdam同英國係咪無咩可能
plan左大約行程但都已經突左5日出黎

又係我 roma 會唔會太多
放返日係威尼斯會唔會好d
la spezia, cinque terre, portovenere 係咪全部訓哂係la spezia就ok?

聽巴打講三四日差唔多
雖然夏天覺照咁長可能三日都得
反而覺得la spezia佢自己本身係無咩行程，所以唔建議spend一日係果度，當佢住宿地就夠，或者可以去下熱那亞 pisa果d玩

唔該哂先 再整理一下 差意大利未book

搞掂就等出發

決定係去Florence 之前加日去Verona
五魚村係咪可以一日玩哂?

想問下如果而家我有19日去玩
諗住去哂意大利 克羅地亞 budapest prague amsterdam同英國係咪無咩可能
plan左大約行程但都已經突左5日出黎

無咩可能，剩係amsterdam都3 4 日，意大利就起碼9日 英國剩london 巴打都話3 4 日 仲有好多飛機要搭

剩意大利 croatia都可能可以19日
除非每國超走馬看花式玩

決定係去Florence 之前加日去Verona
五魚村係咪可以一日玩哂?

唔太遲出發（中午前到村）
唔行山剩搭火車往返，係

決定係去Florence 之前加日去Verona
五魚村係咪可以一日玩哂?

唔太遲出發（中午前到村）
唔行山剩搭火車往返，係

好啦 咁要早d起身係Florence 出發

【攻略】歐遊預計每個城市逗留日Edit數？計劃歐遊路線大全 （一）（持續更新）


相信由買機票一刻起，除左去邊頭之外，另一個問題會即時彈出黎既就係：去幾多日好？而呢個問題去到plan路線果時仍然會比唔少煩惱你，完全唔知買幾時走既車票好；完全唔知book 幾多晚酒店好……而係我既旅行post入面或者係我幫人執行程時，去幾多日都係最熱門問題黎。於是，呢篇係想分享下以個人經驗黎睇（包括中伏體驗），一個城市可以留到幾多日 / 值得留幾耐。

我會分冬天、夏天講既，因為日照相差成五個鐘，係plan行程上完全係兩個唔同玩法黎。
另外，我都會講我咁樣預法做左D咩比大家參考下，等大家加加減減D時間咁，因為我有去既地方唔係個個都想去，我無去既地方亦有人有興趣去。

利申：如非搭車，我係訓到10點幾先出發，下面都係以呢個鐘數出發計。
參考：冬天 5 點幾開始天黑，夏天晚上 9-10 點天黑
定義：一日= full day，講緊中午前已經出現係個城市度，直至天黑，咁搭車就當前一晚/接住果朝發生既。

國家（重點）
城市 / 冬天建議日數 / 夏天建議日數 / 做左D咩或者可以做咩 （*號地方=無去，但我會咁預）


奧 捷 匈 斯洛伐克（古城、童話小鎮、博物館、城堡、多惱河景）

布拉格 / 2日 / 1.5日 / Old town、查理橋、城堡果帶、入左個玩具博物館 、我仲睇左個演唱會。

Cesky Krumlov / 1日 / 1日 / 城堡高空景、漫遊城市。

Hallstatt / 1日 / 0.5 日 – 1.5日 / 行盡個鎮、去 postcard位睇景。夏天純市鎮0.5日，但因為夏天鹽礦、冰洞開返，所以可以玩耐D，加半日至一日。

Salzburg* / 2日 / 2日 / 市內一日、國王湖一日。

Vienna / 1.5日 / 1-1.5日 / 欣賞國家圖書館果帶建築、自然史博物館、Naschmarkt、市中心行街、St. Stephen’s Cathedral、晚上睇歌劇、漫遊城市、百水屋（做既只係出面影相，但要專程搭去果頭）

Bratislava / 1日 / 1日 / 市內（勁細）搵曬D銅像出黎、Museum of Trade [極迷你]、藍色教堂、德文城堡。其實我留左兩日，悶到發霉，千其唔好重蹈（我既）覆轍。

Budapest / 2.5 – 3 日 / 2.5日 / 我得2個Full day，D行程pack得好實，好chur，去左 Grand Market Hall、漁夫堡、戰時山洞醫院博物館、英雄廣場、動物園、Szechenyi Baths [有浸]、晚上遊船河睇多惱河兩邊夜景、New York Cafe。想去埋國會大樓等建築面前影相或者參觀要自行加日數。


法國（地標、博物館、南法海邊城市風情、美食）

巴黎 / 4 – 5 日 / 3 – 4 日 / 計起黎我係3個full day，去巴黎鐵塔、凱璇門、睇埸巴黎聖日爾門足球賽事、巴黎地下墓穴（頂，plan錯日子，關門去唔到，但絕對有時間，最後用黎行街同去多次鐵塔）、大半日至一日羅浮宮、一日凡爾賽宮，我嫌無時間係鐵塔下面hea半日。如想去聖母院、鐵塔下野餐坐大半日、塞內河遊船、outlet、迪士尼要自行加日數。

Dijon* / 1日 / 1日 / 市內 可以從巴黎經呢D地方落南法
Troyes* / 1日 / 1日 / 市內 可以從巴黎經呢D地方落南法

尼斯 / 2日 / 2日 / 冬夏一樣因為夏天要用D時間游水曬太陽，冬天應該唔洗。我2個全日：行old town、行海邊、上山睇城市景海岸線、半日即日來回摩納哥、石灘hea同玩水、晚上廣場睇歐國盃決賽直播。唔去摩納的話可以減半日，冬天減一日。（唔建議冬天黎）

里昂 / 1日 / 0.5日 – 1日 （可上午到；傍晚走）/ Miniature Museum 、行市內。如果打算入教堂、去聖母院就自行加日數。

馬賽 / 2日 / 1.5 日 / 市內行街、上半山公園睇城市景、出海睇地質、山上個守護聖母聖殿。如果想去薰衣草園果D自行加時間。


整合需時，會陸續再更新！

遊記及資料整合：https://mangotofufa.wordpress.com/

【攻略】歐遊預計每個城市逗留日Edit數？計劃歐遊路線大全 （二）（持續更新）

上篇 P. 28 #682

國家（重點）
城市 / 冬天建議日數 / 夏天建議日數 / 做左D咩或者可以做咩
（*號地方=無去，但我會咁預）


意大利（古城、博物館、特別村莊、沿海城市、風情、超多美食）

威尼斯 / 2日半 / 2日 / 1-1.5日主島亂行加行幾步影下相、蝸牛府、里阿爾托橋、總督宮 [有入]、聖馬可廣場、鐘樓 [無上]、嘆息橋、睇夜景；1日玻璃島+彩色島；想去埋麗多島、入多幾個聖馬可廣場入面既館/教堂，要自行加日數。

Verona / 1日 / 0.5日 / 我中午到，傍晚6點走既，夠時間行完市內、過橋、上山睇城市景。Juliet’s House搵極都搵唔到，無入去，但去埋都會夠時間。

佛羅倫斯 / 2日 / 1.5 – 2日 / 我留1.5日，7點天黑既，市內漫遊、food market、聖母百花聖殿 [外面睇，無入]、老橋、皮革市場、領主廣場睇雕像、舊宮出面睇、山上 Piazzale Michelangelo、其中半日去The Mall outlet幫人買野，啱啱好。聖母百花聖殿好多人排隊，要入去自行加日數。

五漁村 / 1日 / 1日 / 我全部火車往返，剩係去左四條村，因為有個一落車得個海又唔想行山搵佢出黎（廢柴哈哈）6-7點天黑前去完。想狂行山既自行加日數。
如果去五漁村住La Spezia，可以留多半日去Porto Venere先走，靚。

米蘭 / 0.5日都嫌多 / 0.5日都嫌多 / 米蘭大教堂（無入）同周邊（名牌）購物街（得個行字）。如果唔係黎搭飛機，建議直頭唔好黎，我留左一日半（有晚睇演唱會），呢度好悶好悶好悶又唔靚。想去睇場米蘭既波或者去聖西路球場就預多半日。

羅馬連梵帝崗* / 3 – 4日 / 3 日 /

德國（博物館、歷史、中南部德國童話小鎮、建築）

柏林 / 2-3日 / 2-3日 / 我冬天留左1.5日：柏林圍牆 East side gallery、柏林圍牆紀念館、Charlie’s Checkpoint同附近一帶展覽、The Brandenburg Gate、巴黎廣場、一個奇怪博物館、想去個food market但fail左無店開。如果要去博物館島、薩克森豪森集中營Sachsenhausen、歐洲被害猶太人紀念碑要自行加日數。

科隆* / 1日 / 1日 / 男朋友有去：科隆大教堂、EL DE Haus (關於納粹、蓋世太保囚犯博物館)、橋

不來梅 / 1日 / 0.5 – 1日 / 留左兩日，風車、廣場、Schnoor Viertel(老城區，避過二戰轟炸既幾條街道)、Museen Böettcherstrasse、第二日無野做去左市郊既科學館玩左大半日

Essen / 1 日 / 1日 / 其實純粹搵個城市做中轉站先黎，無咩特別，Zeche Zollverein Schacht XII, Essen 關稅同盟煤礦工業建築群及博物館、Ruhr Museum Essen 、冬季嘉年華

Dortmund / 0.5日 / 0.5日 / 睇波

羅騰堡* / 1日 / 1日 / 鎮內行下，靚
海威堡* / 1日 / 1日 / 鎮內行下，靚
紐倫堡* / 1日 / 1日 / 鎮內行下，靚

慕尼克 / 2.5日 / 2日 / 天鵝堡一日、廣場（市內剩睇唔洗半日），但我去左1.5日，於是要去超無聊英式花園，最好留起碼整整兩日，就可以去埋國王湖。如要去楚格峰、達豪納粹集中營、慕尼克皇宮等自行加減日數。

西班牙（風情、超多特色美食、博物館、建築、地質）

巴塞羅那 / 3日 / 4 日 / 聖家堂、加泰羅尼亞廣場、蘭布朗大道區(La Rambla)、格利亞市場 (Marcat de La Boqueria)、Maremagnum (海傍 商場)、米拉之家(CASA MILÀ ) 、格拉西亞大道(Passeig de Gracia)、不協和街區 (Manazana de la discordia)、巴塞羅內塔灘 (La Barceloneta Beach)、睇波、一日 Montserrat。夏天可以遊埋水，個沙灘幾正，所以預多D時間。想去Casa Amatller、巴特略之家(Casa Battlo)、睇鬥牛、奎爾公園 (Park Guell) 自行加時間。

馬德里 / 2日 / 1.5日 / San Anton Market（唔大但食物好味）、Museo Cerralbo、Plaza Mayor、Museo Nacional del Prado晚上免費入場、太陽門廣場、購物 （好大間 Primark，有排行)、睇波、Mercado San Miguel（又大又高質 Food Market）。想去睇鬥牛、蘇菲亞王妃藝術中心、近郊托雷多Toledo、近郊Segovia塞哥維亞睇羅馬水道橋、馬德里王宮、麗池公園等自行加減日數。

整合需時，會陸續再更新！

遊記及資料整合：https://mangotofufa.wordpress.com/

個標題del漏左edit呢個字

超正

西班牙個張相好壯觀

btw前兩日咁啱睇megabus有1pound車飛 今日終於有時間firm行程 無左

米蘭真係半日都嫌多？
我夜晚十點幾米蘭飛香港
係咪中午過去都夠行晒大教堂同聖西路

豆腐花絲打好有心 push

米蘭真係半日都嫌多？
我夜晚十點幾米蘭飛香港
係咪中午過去都夠行晒大教堂同聖西路

如果你唔係睇野睇好耐既人，我覺得夠

超正

西班牙個張相好壯觀

btw前兩日咁啱睇megabus有1pound車飛 今日終於有時間firm行程 無左

去到巴塞必去

係啊我bf都試過，最後要買前定後一日

好高質 建議日子都有

豆腐花絲打好有心 push

米蘭真係半日都嫌多？
我夜晚十點幾米蘭飛香港
係咪中午過去都夠行晒大教堂同聖西路

如果你唔係睇野睇好耐既人，我覺得夠

agger 我無入教堂，更悶

好高質 建議日子都有

希望幫到大家計日子

好高質 建議日子都有

希望幫到大家計日子

對於plan行程好有用
會唔會打埋英國/克羅地亞/斯洛文尼亞

好高質 建議日子都有

希望幫到大家計日子

對於plan行程好有用
會唔會打埋英國/克羅地亞/斯洛文尼亞

太好啦
會啊，會一直更新

我訂左7月兩晚hallstatt 加埋先1000蚊 算平？ 本來想一日就算 但點知一晚既話 已經一晚1000蚊

我打算一日鎮內+冰洞+五指山 一日hallstatt鹽洞+gosausee+st wolfgang&gilgen?(會唔會太chur?)

鹽洞好睇？

果度夜晚有乜可以做？

星期六日hallstatt開唔開？

我訂左7月兩晚hallstatt 加埋先1000蚊 算平？ 本來想一日就算 但點知一晚既話 已經一晚1000蚊

我打算一日鎮內+冰洞+五指山 一日hallstatt鹽洞+gosausee+st wolfgang&gilgen?(會唔會太chur?)

鹽洞好睇？

果度夜晚有乜可以做？

星期六日hallstatt開唔開？

算平啊 夜晚無野做 果時d野好早就關曬
我果時寒冬去，你講既野好多都無去 我剩係係鎮內玩同hea

第二日望落有dchur咁 早起身應該得既