【遊記】DAY 14 克羅地亞 Croatia Split 史普利特(上)
首先,換好裝備,出發去 Beach Ovcice
![](https://cdn.lihkg.com/assets/faces/normal/agree.gif)
呢個Beach附近有好多餐廳,由頹到正常到高級都有。首先,我地頹食個熱狗先
![](https://cdn.lihkg.com/assets/faces/normal/agree.gif)
無影相
![](https://cdn.lihkg.com/assets/faces/normal/sosad.gif)
是日都幾大風,你見到個海D浪都幾勁。
![](http://i.imgur.com/Vb24BVK.jpg)
手機相,因為去玩水,唔帶值錢野
最記得係店員話,呢期其實未到Croatia真正既夏天,所以唔算好熱,都有D風。多數黎緊打一兩個風後,就會到真既夏天,到時會熱好多。
呢個沙灘真係好正,就算你行到好出,D水只係去到你既半身,腰位,簡直係為我地呢D想玩沙灘又唔想浸死既人而設既。
![](https://cdn.lihkg.com/assets/faces/normal/agree.gif)
相中最左邊果幾舊石果度,有D人時有會企果帶既海面,D水只係去到佢地小腿一半,遠睇好似係水面行咁
![](https://cdn.lihkg.com/assets/faces/normal/sosad.gif)
另外,呢頭有locker租既,但我地剩係得件衫同唔值錢既手機、拖鞋,就求其放就算,有需要都可以租用
![](https://cdn.lihkg.com/assets/faces/normal/agree.gif)
(無留意幾錢
![](https://cdn.lihkg.com/assets/faces/normal/sosad.gif)
)
我地落水玩左陣,但今日真係幾大風下,D水又凍,於是一路浸一路都覺得好凍下,要狂係水中跑下跳下游幾下先無咁凍。過左陣,越黎越大風,真係凍到牙都震
![](https://cdn.lihkg.com/assets/faces/normal/sosad.gif)
於是上水
![](https://cdn.lihkg.com/assets/faces/normal/sosad.gif)
返去梳洗,出發古城
![](https://cdn.lihkg.com/assets/faces/normal/agree.gif)
呢個時候,覺得幾可惜,因為遇到好灘但又凍到玩唔到好耐
![](https://cdn.lihkg.com/assets/faces/normal/banghead.gif)
。當時都無諗過第二日會再黎
梳洗後出發,行十五分鐘內就係古城啦
![](https://cdn.lihkg.com/assets/faces/normal/agree.gif)
是日完全打風天氣,天色黯淡。
![](http://i.imgur.com/knj8SF9.jpg)
古城出面既城門都真係好殘舊下
![](https://cdn.lihkg.com/assets/faces/normal/smile.gif)
D人會爬上果個好似梯級既爛牆度影相
![](http://i.imgur.com/osVU24u.jpg)
一睇就知呢度真係有著悠久既歷史。
![](http://i.imgur.com/x69Y1Mq.jpg)
呢個係戴克里先宮外面既庭園,而家係開放比人行既,唔少人都坐係呢頭休息、傾計,有餐廳直頭係呢度既梯級放D軟墊比人係度坐住歎住咖啡吹水。
![](http://i.imgur.com/A90aSDi.jpg)
根據網上資料,Split 古城起初唔係城黎,係只有呢個戴克里先宮同外面既城牆。呢個城邊個住呢?就係當年羅馬皇帝戴克里先建黎比自己安享晚年既,足足動用左近二千個奴隸
![](https://cdn.lihkg.com/assets/faces/normal/bouncy.gif)
用既都係高質石材,都好大陣象下。
![](http://i.imgur.com/BjDdqkX.jpg)
因為城牆厚實堅固,所以其後附近居民遇到戰亂時湧曬入去宮殿區避難。接住,佢地仲定居落黎,慢慢係城牆內既範圍興建民居、教堂、市集等,令呢帶變左一個「城」。(睇完後成個AOE情景出曬黎
![](https://cdn.lihkg.com/assets/faces/normal/sosad.gif)
)
![](http://i.imgur.com/7ry0xJ5.jpg)
接住幾百年後,因為人口增長,D建築越建越多,城內唔夠位,就外向擴展,所以古城外都係民居,漸漸就發展城而家我地所見既克羅地亞第二大城市啦。
呢頭有個洞口落到去地底,見到有個地下街,我覺得係呢度一大特色黎
![](http://i.imgur.com/zUK3Qyv.jpg)
以前,佢係皇宮既地下段黎,而家改建成地下市場、地下博物館。
見到手信店位,當然又狗衝啦
![](https://cdn.lihkg.com/assets/faces/normal/agree.gif)
。
![](http://i.imgur.com/i7eWkgC.jpg)
D石都鋪得好細密下,圓拱形,地底,千幾年前既建築技術
好型啊
![](http://i.imgur.com/xMMgyHr.jpg)
古城當然要用個復古書卷配合返!
![](http://i.imgur.com/vJ0JF8N.jpg)
而家已經似四通百達既通道。
下面有個博物館入口,平平地,好似20 kn 學生票,先廿幾蚊港錢,唔見左學生證既男友都輕鬆取得學生票
![](http://i.imgur.com/vvRxOX8.jpg)
當年古城既圖畫,勁鐘意睇呢D圖
個城都真係好大下,難怪可以係入面起咁多屋
![](https://cdn.lihkg.com/assets/faces/normal/sosad.gif)
同而家都幾大分別,好似剩係得返頭先果邊有城牆咁,海邊果邊已經無左咁,佢無Dubrovnik個古城留得咁完整。
![](http://i.imgur.com/cfMecCU.jpg)
而家睇見呢張相個天花,有D密集恐懼發作
基本上無leaflet果D,入到黎都唔係好知展品係講緊咩,比較係一堆遺跡放係度,而我睇台妹join 左guided tour既遊記後,終於先明左
![](https://cdn.lihkg.com/assets/faces/normal/sosad.gif)
。
![](http://i.imgur.com/Y91dCKJ.jpg)
據說呢條巨木當時係支撐住呢個地下層既,而家唔係靠佢,就放係度展示返。
都真係幾大條下,仲放係度任人摸咁
呢個館好得意,keep住滴水,入面好多清苔。
![](http://i.imgur.com/6RUemd1.jpg)
好多位都有呢D沙泥傾瀉遺跡feel
我聯想起軒轅劍參個長安廢墟
![](https://na.cx/i/1518e3X.png)
下面排住果D係古時既水管,用石造,一個個咁串起黎就連成一個運水系統。當時佢係連到好長——十幾公里!要串埋幾多個咁既水管先搞得掂?好大工程
![](http://i.imgur.com/A7mv9lY.jpg)
個館入面仲有好多呢D不知名房間
睇完就上返地面啦!
![](https://cdn.lihkg.com/assets/faces/normal/agree.gif)