【基督教討論】我係現屆神學生，志願係做傳道人- 你問我答？！

認真答，所有一神宗教都係排他✅

自我標榜，所有宗教都標榜自己係真，無得factcheck ✅

壓迫別人以得到利益就無啦，愛人如己呀嘛❌

道理上面講左，唔講多一次啦

係我識既人當中，我既經歷入面，背景同佢信唔信既關係真係唔大。有好多屋企都係教徒，生活唔錯，由細返教會返到大，但係唔信；亦有好多手停口停，低下階層，幾十歲人先黎信。有冇錢，聰唔聰明，學歷高唔高，份人內唔內向，屋企人係咪基督徒，做咩職業，係邊個國家出世，都唔係真係影響佢決定既野。甚至有d人對基督徒印象好差，之後發生左某d事令佢改觀；亦有d人由頭到尾對基督徒印象好好，但始終冇踏出一步信主。

人生慘到仆街既，佢可以因為覺得神對佢好差所以唔信，亦可以因為覺得神冇離棄到佢所以信；人生勝利組既，可以因為一帆風順覺得神好幫助佢所以信，亦可以因為覺得生活已經好好唔洗有神所以唔信。呢4種人我都見過唔少。

至於背景文化就更神奇，當你識得唔同背景文化既好基督徒，你會好詫異點解呢班咁唔同既人可以走埋一齊，相處到，呢個神呢個信念可以令佢地咁能夠求同存異。

我希望以上幫到你

耶穌為世人死，三日後復生是否一個笑話

「我好偉大，為你地死我都肯」

*3日後*

「I’m back bitches，我扮死咋哈哈」

我諗你有d get錯宗教(或者信仰啦)唔係連登式「你問我答」，而係「神講我聽」。所謂神講我聽，可以透過聖經、透過身邊唔同既人同環境、可以透過「心入面果把聲」。為左唔同既聽眾都聽得明，我先講「憑良心」，唔係真係未信者既憑良心。

至於pray to change同be the change，好既基督徒係會why not both

我咁諗，宗教係一套導人向善價值觀
有d無神（eg佛教），有d多神，有d一神

全部都係用黎幫我地做一個更好既人，hopefully「解答」或者解釋到一d其他學科未知既野，我傾向覺得，所謂神只係一個角色令到我哋更加容易了解一啲做人處事嘅道理，黃大仙又係神上帝又係神，大家都係神冇話邊個比較真嘅

所以，我講嘅答案並唔係Q&A嗰種一個具體答案，係一套幫你解決人生問題既思考方式

而解答呢啲問題，其他宗教可能會有報應/輪迴既解釋，話俾你知原來今生嘅事下世會有對應嘅結果，呢個framework係好清晰，eg因為輪迴，佛教堅守不殺生，所以從來冇聽過佛教會打仗嘅

但係Christianity既framework就只係因信稱義，愛人如己etc，寫得過於空泛，所以就引致到同一本聖經有n唔同嘅演繹，聖經充滿住上帝領導人民打仗同埋種族鬥爭，今日以巴衝突都係同一本聖經引申既問題

所謂上帝嘅話語都係人哋寫出嚟，教徒自己去單方面解讀，冇一個概念上絕對正確既框架，到最後都係憑人嘅喜好去解釋，令到而家香港嘅教會咁多因為政治上而分裂，唔多唔少其實都係因為咁

我正正就係指出

慘到仆晒街嗰班，連人生基本需要都搞唔掂，宗教對佢哋來講係一種奢侈玩意

呢班人就係因為缺乏資源，就上唔到天堂

基本上同窮人讀唔成書，最後窮人生仔都係窮嘅道理差唔多，而我哋嘅社會正正就係需要一種制度去幫窮人向上流動，但係宗教係冇呢一樣野嘅，你出世已經決定好多環境因素，以及你有冇能力去接受宗教嘅思想

環境越差嘅人，接受宗教嘅機會一定係比環境好嘅人少，你同每日去堆填區搵嘢食嘅小朋友講，叫佢哋信耶穌，真係難啲，除非耶穌變啲嘢食比佢哋，即刻信

結論就係地獄會有好多呢啲餓死嘅小朋友

(diu，社會學嚟嘅喂)

你點知比你食大魚大肉既唔係黃大仙？可能黃大仙見你祈禱冇人理咁慘，暗地裏幫手呢

除非佢直接有把聲/顯靈，否則都唔可以咁肯定所謂上帝既回應真係出自上帝

基本上都係信則有不信則無

渺小嘅人類點解有資格幫上帝選擇邊個可以讀神學？痴線架？叫上帝自己揀神學生啦

佛陀釋達多都真有其人喎....唔通又真係有輪迴咩

其實考古學家都只不過係證明到死海古卷同現代聖經出入唔大，但係都證明唔到死海古卷寫嘅神跡係真係有發生過

真係有亞當同埋夏娃咩？真係有條識講嘢嘅蛇咩？
咁樣講，三國演義d故事都係史實啦聽下咪算唔使信十足


再加上係人都知現代聖經係教廷篩選過，有啲係冇收錄到，根本人為因素多個一切

神為何需要人信仰
人又為何需要信神

神存在是因為無法證明其不存在
然而亦無法證明其存在
聖經本身的真確性尚有待證明

坦白説，我對信仰這回事極其反感

我認為信仰只是人創造出來自我安慰的。

時而作為統治工具，時而阻礙科學，時而引起紛爭，甚至乎用於作惡。

在另一方面，有穩定人心和引起人性的光輝的作用。

無可否認的是，對人類文明的形成和發展有重大的作用。

想請教一下你是如何看待宗教的種種矛盾呢？

心理完整既人，唔需要宗教都可以好滿足

一個唔信耶穌 但冇惡行嘅人 死後會唔會落地獄

我痴線少少...我認為信定唔信信邊個神有無聽過福音都有機會上天堂
不過係上帝的審判都唔係我能夠決定...在於睇你的行為思想

樓主會唔會講下

點睇伊甸園故事嘅寓意？主流神學點睇呢章
有冇乜特別啲嘅見解？

因為天堂的人會互相夾野俾對方食
地獄的人只理自己、所以大家都食唔到

其實神冇義務，亦都冇責任，搵返任何一個人。冇錯呢個社會好唔公平，呢個世界好唔公平。咩係公平呢？公平就係每個人為自己做過既所有野負責，公平就係每個生命都有完結既一日。

冇犯過(或者冇能力犯過)任何罪既胚胎又好，BB又好，佢地最終會點，基督教界未有一個肯定既講法或者理論(或者有我唔知)，有理論講有原罪，有理論講神會獨立評估佢地，有理論講佢地有機會聽多一次福音睇佢地信唔信。

至於其他人，冇人係完全冇犯過任何罪。按公義公平黎講，所有人都只能同神永遠隔絕，冇人、冇任何方法可以重新建立呢個連結。除非呢個神係公義公平既框架下，消除左我地所有應該背負既後果，除非我地將呢一切比耶穌為我地承受......

我同意信仰比人既答案係對人生既思考方式，所以先會有演譯既空間，因為呢d唔只係一條又一條既誡條。冇絕對正確既解讀同錯誤既解讀係唔同bor ching，科學、法律，所有野都唔係絕對正確，但呢d野都係有用。以巴衝突又好，十字軍東征又好，呢d唔單係對聖經既理解，更多係夾雜人性、政治......

btw佛教分裂未仲嚴重，唔一個地區既佛教都係唔同架bor。

我由細到大都係讀天主教學校，咁有時有啲煩惱或者唔開心既事，我都嘗試過祈禱同天主傾訴。有好幾次甚至講講吓喊咗出嚟添，令到我開始feel 到可能真係有天主既存在(?)但另一方面我又會懷疑會唔會只不過係我自己太多壓力，咁啱祈禱有一個機會畀我一次過宣洩我嘅情緒。所以，我都信呢個世界可能真係有天主既存在。
只不過，令我對入教卻步既原因係，我真係冇辦法逼使自己相信聖經。我唔太明白點解啲教徒一方面叫人唔好憑字面意思去挑戰聖經既準確性，另一方面又話聖經係上帝同人去溝通既方式係真理等等。我明白有時用依家吧尺去度前人既行為係有啲唔公平，應該要考慮埋當時既背景文化。但係，我大膽啲講句，聖經既唔合理性真係超出我自己既容忍程度，根本係由創世界開始就好多令人唔能夠理解既地方。例如，亞當同夏娃既四個仔女係互相亂倫先生到後代，我真係好難想像亂倫係古代合理既行為。另外，天主亦試過用洪水黎懲罰人類，但除咗亞巴郎一家之外點都仲會有啲好人掛，咁佢地咪好無辜？同埋，動物都有分好壞架咩，佢哋大部分行為都係由天性主宰，好難有自由意志，而我又唔覺得動物有犯過啲咩好嚴重嘅罪，無啦啦不分青紅皂白咁浸死哂佢哋(除咗每個物種有一對生存)，天主亦未免太過殘忍，定還是天主冇當動物係一個有生命嘅個體？
所以我自己就咁樣睇既，聖經最多只不過係想用嚟刻畫天主既形象比信徒睇，入面嘅誇大成份少不免，甚至有啲事蹟係人作出嚟。啲人領悟到當中道理就足夠，並無需要去斟酌當中嘅字眼。例如馬太福音19:3-9講到”人要離開父母，與妻子連合，二人成為一體。”教徒應該考慮當時文化背景，勢如古代對同性戀抱有封建既態度，先會用上妻子一字。但事實上呢句經文既主要道理係着重於”二人成為一體”。正正係因為咁，我覺得如果教徒要去用聖經作依據去反駁一啲事情嘅時候，更加應該考慮聖經表面嘅字眼係咪咁準確，同埋要考慮返當時嘅背景。因為當有人質疑聖經唔合理嘅時候，佢哋往往都係叫人唔好單憑聖經字眼去解釋，話咁樣係好膚淺嘅行為。

課程有無教驅魔

其實你有咁既質疑都係合理，好多基督徒包括我自己，對信仰上理論層面既理解，都係好二手，不外乎都係聽牧師講道、自己睇中文/英文聖經、google搵資料。

但另外有好多人，係付出左一個degree既時間同心力，甚至係成世人，去研究去學習去查考究竟神想表達既係咩野。有研究古近東文化、希臘羅馬文化、睇原文聖經、對比唔同文獻、去中東考古睇文物遺跡、研究猶太人口耳相傳既教導、甚至研究次經(冇納入聖經正典既著作)。呢班人係好努力將神既說話原本既意思帶比今時今日既我地，拎唔同證據出黎寫論文，係達到學術水平唔是玩泥沙的。

呢個過程係好嚴謹，亦都係好花心機，唔係大部分基督徒做到，所以好多時我地食完二手飯就周圍同人講，講到1999。我地做既，亦都係我鼓勵你做既，係聽多d睇多d牧師同專家歸納左既資訊，睇聖經分析上下文，甚至對比聖經唔同地方。你會發現好多野大家做左唔同研究得出黎既睇法係一致(當然有小部分minor既野睇法唔同)。

我唔知你有幾大既動力係呢方面去追尋，但你肯去搵，我諗你大部分類似上面既問題會搵到答案。

如果用第二個解釋，即係神嘅能力只係高過人，所以其實有啲嘢係佢可能冇能力做得到？👀