【基督教討論】我係現屆神學生，志願係做傳道人- 你問我答？！

根本就曬尻氣
如果神愛世人，點解要俾世人痛苦？

根本就曬尻氣
如果神愛世人，點解要俾世人痛苦？

點睇同志傳道人/牧師/神父

當年完美拉低我GPA

我當你真係為約伯好
咁死左既人呢? 又係為佢好?

我睇哂樓主啲答覆，算係鮮有make sense，思維非常清晰同好基督徒既人，但我唔明白唔理解樓主點解對同性戀持開放態度。

從創世紀亞當夏娃被造時，天父擺明係要一男一女，因為要人類繁殖，令後代多到尤如天上繁星一樣多。
另外當日俄摩拉被徹底殲滅都係因為當地人雜交到連天使都想搞。
到挪亞個細仔𥄫佢下體（其它神學家話阿仔搞佢老豆），要被天父懲罰要一世終極流放。
甚至耶穌到來都要求一夫一妻，要男人好好愛惜另一半。
其實聖經從來都冇接受hehe或sheshe, 我唔明樓主用咩思維去覺得將來教會要接受同性戀？用咩經文可以支撐同性伴侶呢個題目？
說實在，我最無辦法接受係同性婚姻係冇左下一代呢個心理關口，感覺上似係完全扭曲左天父造人既最終原因。

利申：預左被攻擊既廢老基督徒

CLS打個比喻一個小朋友受到車禍死左，係咪神俾佢試煉？佢唔信教係咪要落地獄？

根本只係睇人點解經
今時今日都唔會有人夠膽 拎舊約出嚟
同人講擊殺外邦人係啱
所以我地呢家都可以隨便排斥外國人
阿邊個同兩個女搞埋一齊 所以我地都可以搞自己個女

過份執著
就好似幾百年前清教徒咁
酒都禁埋 星期日ot係錯

睇開啲
天父當初造一男一女
唔等於人以後都係一男一女咁生活
耶蘇當時鼓勵一夫一妻
唔等於佢喺呢個時刻反對同性戀

你只係本身內心有既定嘅道德標準
然後咁啱喺聖經揾到認同
有好多你唔認同嘅標準 聖經都有
但係你無睇到或你選擇無視
最常用嘅手段 係通過某權威解經
話經文背後意思唔係咁

同性婚姻無下一代過唔到心理關口
咁你點睇異性婚姻無下一代？
點解又過到心理關口？
我猜測你過唔到心理關口 唔係人地無下一代
只係你習慣一樣事 有事物違反你嘅習慣
令你情感上厭惡
「無下一代」只係用嚟justify你干涉他人嘅行為
但唔係你真正反對嘅原因

以下係好難聽既說話(頭盔...

苦難問題另一個好難接受既位就係：唔係你犯罪但係你受罪

一個非洲細路餓死，可以係佢老豆老母既錯，點解明知冇野食都要生佢出黎？
可以係各國領袖既錯，其實佢地可以救佢，點解唔救？又或者根本就係其他地方搞到非洲咁窮。

而神唔阻止人犯罪，係因為神容許人有自由，而神直接救左一個個非洲細路，其實係阻止左人犯罪，佢有權咁做亦都有權唔咁做。

更進一步，比呢個細路餓死可以係防止左更大既惡。可能佢大個左會做壞事？可能佢有某個後代會做壞事？冇人知，但可以係原因。

係咪有一個叫做inductive定deductive嘅傳道方法？

意思係按住受眾所能理解或願意相信的方式解答受眾的信仰疑問或作出傳道？

師兄，當初擊殺外邦人係天父要顯明自己有幾愛以色列人，同埋地盤古初開就有亂倫，如果繁殖唔到下一代。我明世界在變，理解條例都應該跟住變，例如依家唔可以再用殺外邦人為由，保護以色列，因為有套非常成熟既律法；唔可以再亂倫係因為地上既人夠多，唔需再咁繁殖。
但同性戀就似走回頭路，冇左男同女本來既存在意義。我唔會話異性婚姻無下一代有問題，因為有機會係不能生育或其它原因，但起碼佢地都有機會有下一代；但同性係扼殺左「生命延續」呢個大是大非既題目。難道人類自我滅絕係最終目的？我唔係禁人類不能同性婚姻，但喺基督教教義，教徒唔應該走一條同天父相反既道路。

點解會用而家單純睇經文已經睇唔出原文插緊啲咩嘅聖經黎做行事為人準則嘅依據？
耶穌好似都屌緊啲法利賽人扭曲聖經欺壓信眾，但純睇經文又好易解錯（包括神職人員），好似信聖經真係好on9，自己都解唔通自己套信仰係咩玩法

想請問一下樓主呢兩條問題,因為已經困擾左我好耐啦:

1. 基督教是否不能接受婚前性行為?

其實同男友一齊已經六年，但一直都唔敢做，因為驚做咗之後我個內心會非常內疚... 但其實自己同男友都忍得好辛苦...

2. 基督教能否接受自慰？

就係因為唔可以同男友做，自己有陣時係嚟月經前特別有需要嘅時候真係忍唔住會自慰... 但之後內心就特別有罪惡感，好驚上帝會因為我明知呢件事係錯嘅但都要去做而懲罰我...

佢真係好鍾意就咁扔低啲經文又乜都唔解釋

巴打覺得點解新一代會咁難搞？

如果人類成功製造到單姓/無性繁殖下一代，咁呢個問題重存唔存在？

時代真係在變，聖經講過男人要辛苦落地種田先有野食，而家連種嘢都係輕鬆機械化，女人生仔都可以麻醉減輕痛苦，係咪都係違反咗上帝嘅旨意？

利申:非教徒

你個名

我覺得樓主嘅見解非常有趣，你係第一個可以引起我興趣嘅耶教徒，以前3年天主教幼稚園12年基督教小學中學嘅傳教都令我反感，只係叫人去盲從tum細佬仔咁，而且第一次見到呢種重學術討論嘅耶教内容其實好引人深思，完全未接觸過。

同埋搭單問你一啲問題：
1. 點睇外星人？有冇存在嘅可能性？
會唔會有啲部分係冇喺聖經入面提過，但都存在喺呢個現實當中？如果有會唔會係上帝所造？

2. 假如人類eventually有神嘅能力，應否成爲神/創造更多神去侍奉上帝？

3. 點睇摩門教徒同穆斯林，佢哋都係同你相信同一個神，佢哋上唔上到天堂？

4. 如果AI發展到人類思考模式並且相信神，佢哋可唔可以上天堂？

5. 你覺得上帝由誰所造？撒但、魔鬼、天使係咪上帝所造？

利申：非教徒非挑戰，純粹好奇

其實咪即係睇住人信咩黎昆