【基督教討論】我係現屆神學生，志願係做傳道人- 你問我答？！

支持
連登仔6月又叫你地做手足
隔幾個月又耶撚前耶撚後

講多d我想了解

我係受洗左兩年既新基督徒
想問下其實睇舊約既意義係咩？
耶蘇都釘左十字架
一切都係聽佢既教導 好似舊約既割禮，星期日唔比番工 都已經廢左

作為一個基督徒其實齋睇新約是咪都ok?

好，都有幾千字，其他人覺得太長可以skip

成人主日學第五課: 東西方教會的分裂與割蓆

一、5世紀的神學及基督論爭議完結之後，又發生了什麼歷史大事呢？

【公元476年】
信奉亞流派的日耳曼人推翻了西羅馬帝國，皇帝被驅逐，奧多亞塞自封為意大利國王，中世紀由此開展。

【公元496年】
亞流基督教與羅馬基督教展開紛爭，這是侵略者與原居民之間的宗教衝突，羅馬基督教贏了重要的一場仗，因為法蘭克國王克洛維歸信了基督教。

【公元517年】
在法蘭克國王的支持下，羅馬公教會漸漸在其他日耳曼國家壓倒亞流基督教，最後西班牙國王及其他日耳曼部族都歸信大公基督教。

【公元525年】
基督教傳遍中東，包括阿拉伯半島（即今日的沙地阿拉伯、也門、阿曼)

【公元590年】
羅馬高官貴格利(Gregory) 於574年辭官，並在590年當選教宗，並差派傳教士到英國傳教，他又提倡禮儀音樂及促進修道主義的興旺。他是中世紀的首個教宗。其時，教宗被視為全教會的管轄者。

【公元610年】
穆罕默德宣稱自己得到屬天啟示，成為神的先知。他創立伊斯蘭教，短短幾十年間，這種信仰已傳遍阿拉伯大部份地區。

【公元632年】
伊斯蘭教迅速傳遍巴勒斯坦和敘利亞，信徒攻陷耶路撒冷，之後再入侵埃及和北非，幾乎把當地基督教連根拔起。

【公元676年】
凱德蒙與歐德罕把聖經片段翻譯為古英語，這是最早的古英語聖經譯本。

【公元680年-692年】
返回早期教會，回到今日的主題，由於在禮儀上和神學表達方面的分歧，東西方教會距離日遠。在神職人員的獨身問題上，東方教會容許已婚人士封為牧者，但西方教會卻不鼓勵這樣做。為期幾百年的爭論由此展開， 最終導致了1054年的東西方教會大分裂......

二、 東西方教會的簡介和信仰要義

a) 以羅馬為首的西方教會

公元70年，羅馬人佔領耶路撒冷，基督宗教的中心自然轉移到當時羅馬帝國的首都——羅馬。根據聖經記載，羅馬很早就有了基督徒，保羅曾給在羅馬的基督徒寫了著名的《羅馬書》，並親自在羅馬居留了兩年。根據文獻記載，彼得是羅馬的首位主教。這兩位領袖最終都在羅馬殉道。因此，羅馬教會在初期教會中一直享有極高的威望。在此期間，教宗（羅馬主教）亦試圖在一些教會事務中扮演權威的仲裁者角色。

公元325年，君士坦丁在尼西亞召開了基督宗教有史以來的第一次普世大公會議——尼西亞大公會議，在大公會議所頒佈的法令中，羅馬教會列於各地方教會之首。

西方教會所採用的官方語言是拉丁語，傾向探討救恩、人性、罪論等等的神學議題，着重修補神與人之間的關係，重視耶穌基督的救贖。代表人物有：武加大譯本（聖經拉丁文版本）的翻譯者耶柔米、著名西方神學家奧古斯丁、中世紀第一個教宗大貴格利等等。

b) 君士坦丁堡的東方希臘教會

公元330年，羅馬皇帝君士坦丁一世遷都拜占庭，將該城改名為君士坦丁堡，又名新羅馬。

公元381年，他召開了基督教第二次普世大公會議——君士坦丁堡大公會議，將君士坦丁堡教區提昇為牧首區，而君士坦丁堡牧首的排名僅次於羅馬教宗。公元451年，皇帝召開的卡爾西頓大公會議上通過的第28條法令，將君士坦丁堡牧首提昇至與羅馬教宗並列的首席地位，但受到當時的教宗利奧一世的強烈抗議，他甚至拒絕承認該法令。

東方正教會所採用的官方語言是希臘語，因為受到希臘文化影響，當地信徒傾向關注哲學及基督的起源，他們認為救贖代表着人類藉着屬靈的學習過程不斷進步，最終就會去到成聖的境界。

除了聖經以外，東正教亦著重聖傳，即是教會的傳統，包括大公會議的決議、使徒遺訓、教父著作等等。代表人物有：為聖像崇拜辯護的大馬士革約翰 、重視教會救濟工作的主教大巴西流等等。

(分兩段post，未到戲肉)

三、東西方教會分裂的五部曲

東西教會大分裂（East–West Schism）是指11世紀基督教會大分裂，分出了希臘正教（東方正教會）以及羅馬天主教（羅馬普世公教會）兩大宗。

自2世紀以後，以羅馬為首的西方教會和以君士坦丁堡為首的東方教會，因各自不同的教會、政治、社會、文化等原因，在神學，以及教會的組織、紀律等各方面的分歧逐漸擴大，彼此爭論不休，最終導致了1054年的東西方教會大分裂，形成日後的公教（即天主教）和正教會（即東正教）。我們一齊來看看兩派教會的差異和爭拗點吧，他們的分裂可以分為五個階段：

a) 484年至519年的阿迦修分裂

在迦克墩會議後，皇帝芝諾和君士坦丁堡主教阿迦修嘗試召回比逐出教會的基督一性論者，希望使分裂的教會重歸合一。可是，他們發出的合一信條 (Henoticon)卻得罪了羅馬教會，因為羅馬一方堅持會議已經說完了一切應說的話，所有決定不容推翻，

羅馬教宗斐利三世拒絕接受合一信條所提出的新準則，因為信條取消了迦克墩在教義上基督神人二性的規定，最後斐利與阿迦修相互開除教籍，教會進入了頭一次的分裂時期。這分裂一直持續到皇帝查斯丁一世繼任為止，他收回了帝國政府對合一信條的支持，結束了阿迦修分裂 。

b) 7世紀基督一力論與基督一志論的爭議

公元633年，歷史重複上演，皇帝希拉克略再次嘗試統一兩大基督教派系：

- 迦克墩派（認為耶穌復活後保有人、神兩種位格）
- 基督一性論者（認為耶穌在取得肉身後，人性、神性得到了統一，只能有一個位格，只能是神，又或者稱為神人的結合。)

君士坦丁堡牧首謝爾蓋嘗試做和事佬，他提出耶穌基督有人性及神性，不過就只有一種力量（activity/energy)和一個意志(will)。

這個務求討好雙方的方案應該可以使基督教重歸合一。起初，羅馬教宗何諾也同意這個方案，但很快地又有不少信徒批判這個新教義，甚至有人因為反對而被皇帝殺害。最後，君士坦丁堡舉行的第六次大公會議，確立了認可基督二志論，即是基督同時有人的意志，和上帝的意志，並把基督一志論定為異端，支持這種理論的羅馬教宗何諾亦同樣被視為異端。

這次糾紛沒有令東西教會對立，但卻加深了羅馬教宗與君士坦丁堡牧首及皇帝之間的衝突。請注意，東方教會是政教合一的，所以政府與教會領袖是聯成一線的。

c) 9世紀的聖像破壞之爭

經過數個世紀，教會的聖像敬禮迅速發展，有關偶像崇拜的關注也日益增加。他們問：十誡中的第二誡不是明顯地禁止我們製造任何偶像嗎？

利奧三世是第一位實施聖像破壞政策的皇帝，他禁止在教會使用聖像，然後他的兒子又繼續推行此政策，並在754年召開教會會議，將聖像敬禮定為異端。聖像敬禮的傳統已經深植在教會習俗之中，所以這次東西方教會一齊響應，抵抗聖像破壞政策。

東方教會神學家大馬士革的約翰強烈支持聖像敬禮，他明白唯獨上帝是敬拜的對象。不過他認為舊約的禁令只在基督降世之前生效，聖像是朝向上帝的窗口，令不可知的上帝得以被理解。既然上帝都能成為人，有着確實的形象，我們就不應反對以形象來象徵祂。

聖像破壞者(皇帝一方）和聖像守衛者（東西方教會信徒）的鬥爭又再持續了半個世紀，直到843年，狄奧多拉皇后下令修復聖像，為聖像崇拜者帶來最終勝利。雖然破壞聖像並不是東西方教會的重大神學問題，比較像是東方教會的內部議題。不過這次衝突令到拜占庭皇帝與羅馬教宗增加了敵意。

d) 867年的阜丟斯分裂

阜丟斯分裂是指君士坦丁堡牧首阜丟斯和羅馬教宗尼閣一世彼此將對方逐出教會的事件。

兩位教會領袖為着爭奪中歐與東歐傳教地盤而互生仇恨，其後羅馬教宗又批評阜丟斯罷免前任牧首伊格納提烏斯，而阜丟斯則批評羅馬教宗竄改尼西亞信經的字眼。

這裏所指的就是基督教神學其中一個重大爭議：「到底聖靈是由聖父而出，或是由聖父和聖子而出？」這次紛爭就是著名的「和子之爭」，西方教會將和子（拉丁文：Filioque ，英文即and the son) 加進尼西亞信經，表示了聖靈由聖父和聖子而出的信仰，有別於原本視聖靈單從聖父而出的理解。

這種改動最先在589年從西班牙引入，為的是對抗亞流主義，借此提高基督的地位，肯定耶穌的神性位格。東方教會憤怒的是羅馬教宗非法地介入大公會議的裁決，在沒有得到共識下，就自行加入一些本身不屬於信經的東西，改變了傳統的神學意義。和子之爭的關鍵是權力問題，這意味着教宗的權力高於大公會議和東方教會。

e) 1054年的大分裂

1054年的大分裂影響甚巨，但在今日看來，箇中的原因其實只是微不足道的神學議題。

西方教會認為在聖餐禮時應該使用無酵餅，那時，羅馬日漸採納變質說（transubstantiation) 的教義，即是認為耶穌基督的身體真實地臨在於聖餐的餅和酒之中，所以需要使用不會被弄掉的餅，因為掉落地上的餅說會羞辱基督的身體。東方教會卻質疑使用無酵餅這個做法是仿效猶太教異端。

當時的樞機胡伯負責到君士坦丁堡處理有關的爭議，但他沒有復和的意思， 胡伯來自意大利南部的西西里，那裏是羅馬公教與東方正教長期僵持不下之地，因此他對拜占庭皇帝弄權操縱教會的手法感到厭惡。他毫不掩藏自己對東方傳統的藐視，並猛烈批評君士坦丁堡的牧首，他在教堂（聖索菲亞大教堂）進行禮拜的時候，把逐牧首出教會的教宗通諭放在聖壇上，然後便步出教堂。 牧首其後又把教宗逐出教會，以作回應。

這種互相懲罰的狀態維持了九百年，探究其原因，就是「冰封三尺，非一日之寒」，兩者的疏離早已根深蒂固，神學分歧及權力分配等等的問題蠶食了彼此的信任，最終導致了不能挽回的大分裂。

youtube關於st.augustine有堆片
amazon同bookdepository都有得買

生前...
一般都會認為「死後就冇悔改嘅機會」
可以睇下路加福音16章19-31節財主下陰間嘅經文

不過天主教中有煉獄嘅觀念，
係死後可以悔改贖罪嘅地方...
(但係如果睇返財主段經文，有一個好重要嘅信息係：
如果你依加（現世）聽到要悔改嘅信息（摩西和先知）都唔理，死人復活返黎同你講，你都唔會信！)

所以我諗都係把握依加嘅機會...
同埋信耶穌真係唔係為咗上天堂
（有人話如果唔知頭唔知路為咗上天堂信耶穌，要永遠喺天堂對住耶穌仲慘過落地獄！）
真正嘅永生係從今世開始，我哋enjoy有神同在嘅生命

真心，自己唔係教徒唔好掂呢啲女

大部份嘅天災同人為因素有關？
下 有冇讀過科學，火山爆發、地震、海嘯全部係20萬年前智人未演化出黎既時候已經係自然現象，全部有地質學半衰期既證據wo

舊約其實都係好重要，所以我都係建議你睇。

你可以睇成聖經係一個漸進嘅啟示，任何一本好書，跳咗前面一半，你就好難理解後邊嘅一啲細節同來龍去脈，所以啲人睇完神雕俠侶，都會走返去睇射雕英雄傳啊。

冇咗舊約，你就會唔明點解猶太人要尋找彌賽亞～
冇咗舊約，你就睇唔到法利賽人點樣扭曲左上帝嘅律法～
冇咗舊約，你就會唔明點解耶穌要來世上～
冇咗舊約，你就會錯過咗好多細節性嘅預言～

因為裏便係描述左好多嘢，係講耶穌嘅出生、死亡同埋復活。

同埋你見啲人去睇返早期教會歷史，個原因都係想鑑古知今，從過往嘅教會領袖去學習，有啲咩啱嘅就要去學，錯嘅就避免重複衰多鑊。所以舊約一樣，睇返過往嘅屬靈領袖，我哋係可以學到好多嘢，學佢哋嘅行事為人，學佢哋點樣對神忠心。

詩篇箴言呢啲智慧文學裏邊又係好多正嘢，睇大衛可以學祈禱，睇箴言學做人。

所以你話咁多正嘢，點可以miss?

社會依加喺一個激烈又轉變得好快嘅局面，會唔會覺得神學院讀嘅野唔夠你去面對社會上發生嘅事？
會唔會有掙扎點解個社會咁，但我仲喺度背原文生字，讀系統神學睇啲神學家自己圍爐坳黎坳去？

巴打，所以我唔係話全部都係人為。但人類係有份令到呢啲毁滅性嘅自然現象加劇同埋頻繁發生呀嘛。

大家開始注重環保，其中一個原因都係知道破壞環境，最後係會自己受返呀嘛。溫室效應令到水面上升、武漢肺炎呢啲兜唔到㗎喎，係人類自己有問題喎。

你講嘅問題都係好真實，我成日都問自己點解仲要讀呢啲咁嘅嘢。

不過神學嘅學習唔應該淨係喺學校裏面。你出去幫拖，喺實習教會牧養青年人，呢啲全部都係學習同埋升Lv嘅過程。睇下自己點樣調整，唔好淨係匿埋喺象牙塔，神學生都要識得出返嚟面對社會，喺出邊嘅真實處境學習點樣做一個牧者。

首先 "人類係有份令到呢啲毁滅性嘅自然現象加劇同埋頻繁發生"係questionable, 縱觀整個地球歷史，無人類發明防洪提霸、地震儀、紅外線熱源感應、抗生素等等既科學突破 世上既苦難係必然更多，所以如果基督教既神存在 人類同神既德行相比我覺得係人類壓倒性屌打 因為中世紀既西班牙流感既肆虐同天主教教庭既存在有極大關係 所以先有之後既文藝復興反對神權至上 而你舉既例子可以話係人類仲未自我完善到既問題 但宏觀咁睇極多自然災害係因為人類既出現而有系統咁防治左 詳細可以參考知名認知心理學者Steven Pinker既The Better Angel of Human Nature解釋點解縱觀人類歷史，世界現況係比好多人想象中更美好

其次你話全人類都有責任係幾有趣，點解P4實驗室搞病毒既支那人做既孽要入其他人數？暖室效應其實一樣道理wo, 你查返statistics用最多能量斬最多樹既永遠係大企業大公司，造成海平面上升 平民既用量係九牛一毛 而你就將所有野都模糊化然後derive一個結論係任何人都有罪，都係耶L慣性邏輯謬誤 要指責就指責社會權貴先 唔好因為入平民罪代價細啲就開地圖砲 不過基督徒一向表面平等，心底裡就見高拜踩，以前無知信左10年 見識太多

btw我其實唔係針對樓主你 我係general攻擊耶L, 所以唔洗太ake it personal 你鐘意都可以emotional啲咁覆我

師兄，插咀一句：好多學課、事情都仲背原文生字咁解決架喎，如果因為變得快就唔去讀，咁好多大學或學院要收皮。

插咀問埋：假如一出世就係智力有問題或先天已經不能閱讀聖經，咁呢班人點信主耶穌？

Why?

有冇基督徒有婚前性行為？
如果有係唔係會落地獄

如果神要拯救一個智力有問題嘅人，但就要佢好似其他智力冇問題嘅人咁去信耶穌（例如做一個所謂決志祈禱），如果唔係呢佢哋就得唔到拯救...
咁呢個神都好唔make sense﹐而且一啲慈愛都冇...

所以一個人得唔得到拯救都係由神決定，而唔係我哋去判斷
不過如果只係咁答我估好多人都唔收貨，好似冇答過
不過聖經冇講...以下嘅只係我理性上嘅推論同拙見：

我諗神：(1) 知道每個人智力嘅限制；(2) 知道人嘅內心
例如如果一個人冇智力去明白「你有罪，耶穌為你嘅罪死，你要悔改同信靠耶穌」
但佢有智力去明白（至少在他生活的處境底下）何為對與錯，然後佢努力做「對」嘅事
上帝係公義嘅，佢見到，都可能會拯救（我唔係上帝我真係唔知）
（我唔係想講行為得救，我只可以話呢啲全部都係特例，聖經的確係寫俾有能力睇聖經嘅人睇，所以我哋呢啲有能力睇嘅人就透過聖經明白「因信稱義」，而呢啲特例實際係點我哋只能合理推論...）

又例如初生夭折嘅bb，
如果上帝話啲bb：「喂，你冇講過話你信耶穌喎」
咁就唔拯救...咁上帝係咪真係公義？咁嘅公義好離地喎
所以我相信神都係會拯救呢啲bb嘅

想share一段聖經

原來在神面前，不是聽律法的為義，乃是行律法的稱義。 沒有律法的外邦人，若順著本性行律法上的事，他們雖然沒有律法，自己就是自己的律法。 這是顯出律法的功用刻在他們心裡，他們是非之心同作見證，並且他們的思念互相較量，或以為是，或以為非。（羅馬書2章13-15）

呢度講其實我哋有時唔使諗到「罪」咁複雜，我哋就算冇聖經，但我哋有「本性」、有「是非之心」，正所謂黑白是良知，一個人睇到721 831 唔使聖經都知道白衣人黑警係黑，只係聖經裏嘅律法幫助我哋更加明白神係點睇

至於悔改，我諗唔係話：
你知道咗你有三個罪，就為呢三樣野悔改，咁你就all clear，上帝接受你；
如果你只係為兩樣野悔改冇認其中一樣，咁就唔ok上帝唔接受你

我諗信耶穌係一個人知道自己活喺一個自己脫離唔到罪嘅情境裏面
對於過去，為以前犯嘅罪後悔，
對於將來，自己冇能力完全唔去犯罪
咁就去揾耶穌...
信耶穌一方面係信神已經赦免咗你過去（同將來）所有罪（可能有啲罪你唔發覺你冇認到，但神都赦免），
另一方面係信耶穌可以有能力幫你喺將來過盡量唔犯罪嘅生活（盡量啦）

「信耶穌係一個人知道自己活喺一個自己脫離唔到罪嘅情境裏面」
我諗呢個係重點，就好似一個人知唔知道自己有病，同埋肯唔肯去睇醫生
如果唔知自己有病，唔去睇醫生，就冇人救到佢