【基督教討論】我係現屆神學生，志願係做傳道人- 你問我答？！

我黎討論 我都有研究過 如果唔係講唔到呢d


你既信仰唔應該靠本書
真理係越辯越明 信仰唔好咁就放棄

究竟神係咪永恆同全能
一直被歷史洪流左推右推 左改右改

我極度同意
如果神是全知全能 你拿什麼去捍衛祂?

我只想搞清楚 究竟你地信緊d乜野
我曾經番過教會 我抱知求知既精神去問 d 牧師叫我唔好再去

其實人工高唔高？

會唔會每次返教會都要著西裝

我都係，佢地只會講只要信不要問。

令我覺得基督徒同非基督徒係無乜分別，入教會只為溝女同結婚。

點睇婚前性行為
覺得係每個人都需要，而且又可以同自己另一半 sweet 啲，但聖經又講唔得，好痛苦

事實係本小說入面寫佢唔係the sims 既player 而係工程師

假如神全知，全知就是無所不知，包括過去現在未來的宇宙一切事物都知道。



那麼請問，神知不知道祂創造的天使將來會叛變成魔鬼？



假設祂不知，那麼全知不成立。



假設知道但不阻止，那麼全善不成立。因為祂故意坐看最大悲劇的發生。



假設祂知道但是無力阻止，那麼全能不成立。

不要問只管信比好多人濫用左用黎逃避問題嘅砌詞。信嘅前提係個人要有對於果種信有好深嘅認識。唔知自己信緊咩，好難去講得出呢句野，而每個內心信嘅野各有不同，亦好難用統一標準去量度。

其實宗教就係contradictory

係人想有個對世界嘅詮釋先搵宗教做自己嘅shelter

為信而信 而自己唔去思考 你覺唔覺得浪費左你地口中神所比你地既智慧

1.到底有冇人升過天？

當分析一段經文嘅時候，一定要睇前文後理。當時耶穌係咩情況講呢段嘢？

當時佢係同緊法利賽人尼哥德慕爭論緊重生，解讀緊天國嘅情況，耶穌要講返比佢聽，佢係有權威性去解釋呢啲事情。

於是就講咗：「 除了從天降下仍舊在天的人子，沒有人升過天。」呢句說話。

「沒有人升過天」係lost in translation，中文翻譯得唔夠精準嘅問題。原文嘅真正意思係只有耶穌帶着權威性上過去天堂，然後又落返黎地上，呢種特別嘅升天只有耶穌做過，只有佢先可以正確宣講天國嘅事情，冇其他人複製到呢種模式。

就算係以利亞，佢都冇個種權威性，兩者嘅升天係有差別，唔係同樣嘅意思。你可以理解做「鍾意」同埋「愛」，勁似喎兩樣野，但係所表達嘅層次係完全唔同嘅。

你可能會話頂呀，你講晒啦。咁但係你要知道一樣野，容許我詆毁下中文聖經。當啲經文由希臘文譯返做拉丁文，又輾轉反側去到變成英文，再去到成為中文，當中已經好多味道係失去左同埋隱藏左，已經有少少甩皮甩骨㗎啦。

就等如一個活潑可愛嘅肥豬，去到你手上就變咗舊叉燒，你都唔會問點解爭咁遠呀？因為當中隔左好多層呀嗎。

留意番，以利亞嗰度係由Hebrew 翻譯出嚟，耶穌果段係Greek～本身兩段經文就係由兩種不同嘅語言去翻譯。去到今日變咗中文，你就千祈唔好期待兩種「升天」係講緊同一樣野，有着同樣嘅意思。

你唔好鬧我點解翻譯得咁差，鬧嗰啲翻譯佬啦。

我信耶穌的作為同門徒的犧牲係我生活處事的標竿
至於有無神跡同得唔得永生其實我唔係好 care
我亦唔係因為利益而信 (我更相信的人在世其實都無咩好結果)

聖經冇直接講過唔準婚前性行為

2.守誡命就可以有永生？

如果你睇返成段對話，其實耶穌係用緊唔同嘅方法去質疑同挑戰青年財主。

「你為甚麼以善事問我呢、只有一位是善的、〔有古卷作你為什麼稱我是良善的除了 神以外沒有一個良善的〕你若要進入永生、就當遵守誡命。」

呢度嘅意思同語氣同你所諗嘅可能有出入。耶穌係呢度係想睇吓究竟呢個財主有幾追求。

你要入天國啊？ok ah，咁我睇吓你啲基本野做得齊唔齊先。摩西嘅誡命有冇守住先，呢啲基本野啦？

當時嘅背景，如果你真係有心相信上帝，呢啲基本野你係要做足，所以耶穌先會咁問。

但跟住落去先係重點。

「那少年人說：這一切我都遵守了，還缺少什麼呢？ 耶穌說：你若願意作完全人，可去變賣你所有的，分給窮人，就必有財寶在天上；你還要來跟從我。 那少年人聽見這話，就憂憂愁愁的走了，因為他的產業很多。」

呢度係話，守住晒都係第一步咋，傻仔。如果你要做完全人，你仲要分錢出去，仲要相信我跟隨我！做唔做到啊？

個財主就頂唔順呢啲挑戰，所以走人。所以你見到經文裏面其實係冇衝突，你最終都係要跟隨耶穌先可以得救。

巴打，唔好難為平信徒，你問嘅問題唔容易解答。要做好多䆁經功夫先會答到。我打呢段嘢都用左一個鐘。已經係最簡單最簡單嘅答法。

最後我想表達嘅係，你喺聖經見到啲一樣嘅中文字眼，千祈唔好咁快當左佢哋一樣意思。因為真係有好多翻譯得唔夠清楚嘅問題。

其他經文嘅問題唔係唔想答，但我要花好多時間先可以答得好。所以今日就講到呢度先啦好嗎？多謝你嘅提問，係非常之有意思嘅提問。

因為真係好多人都唔明點解會係咁。

或者咁樣講
我好欣賞宗教導人向善既理念
但係宗教唔會係人向善既原因
唔知你明唔明

巴打，部份嘅經文問題答咗你啦，可以睇睇。多謝你嘅提問

每一個人向善的原因都可以唔同
而你上面問我點解我信係就係因為咁多年的教導
同埋思考宗教係我心中係咩位置而令成為依家的我
我信依條路係正確的...就係咁簡單

正如我有回過人
我尊重呢種導人向善宗教
但係宗教唔係行善既理由
我都唔係想為難人 我只係認為係求知欲

我記得有一段講神唔會試探人
咁佢試探財主姐係因為全知 知道佢本身就唔係誠心
姐係佢一早就知咩人上到天堂乜人上唔到天堂咁佢搞咁多試探做乜

另外 聖經其實係咪淨係比以色利人睇如果唔係 點解聖經會成為矛盾既根源?

所有宗教都唔信 大概係無神論或者不可知論 讀左十幾年天主教學校
偏偏對耶教特別反感 主要係因為教義入面個種排他性同埋超然一切既態度
講到個神無所不能 一解釋唔到就淨係話神的安排凡人不可猜度
好少可以好似呢度咁比較理性咁討論下

首先要搞清楚講神係永恆不變係針對佢既本質，而唔係佢做事既方法。

有個的士司機趕住車一個就黎生既大肚婆去醫院，中間意外撞車受左傷，個大肚婆有冇事都好啦，個司機受傷送院啦，搵唔到食，咁你比d錢佢度過難關，咁未做好事。

有另一個的士司機，有心撞遊行人士，最後佢又意外咁炒左車，一樣受傷送院啦，搵唔到食，咁你比錢佢未助紂為虐。

當然呢個係好粗糙既類比，想講既係全能全知全善既真理唔等於希臘哲學講既唔曉郁咁。

我好明白依個感覺
我都唔止一次俾基督教的同學指住我話我睇法異端
大佬呀我有我睇法關你鬼事咩

人唔可以試探上帝呢個就聽得多，但如果你話神對人嘅話，咁神的確係會比一啲挑戰同難關你，等人可以有所突破同進步。

你後面嘅疑問係包括一啲好重要嘅神學爭論。就係上帝究竟係咪預定一切，定係人類可以藉住自由意志，決定自己嘅生死存亡，掌控自己上天堂嘅命運。

兩種想法都有基督徒buy。我自己係偏向相信有得揀，唔係完全預定。

如果要講得深入，又係要幾千字先講得清楚。

神父幾錢人工

我的建議係你快d 做埋 assignment 先再同我地討論啦!