【基督教討論】我係現屆神學生，志願係做傳道人- 你問我答？！

問題係，就算冇同性婚姻，同性戀者一樣唔會有下一代
再講，如果同性戀者透過代孕/借精有下一代，係咪就滿足左個要求呢？

親生仔先會管教

1. 冇特別興趣，存在都唔出奇，有都一定係上帝所造

2. 前設不成立

3. 唔算信同一個神，上唔到

4. AI唔能夠真係有自由意志

5. 上帝係所有受造物既源頭，而佢唔係受造物。魔鬼點黎眾說紛云，但佢既惡不為神所造，惡乃是善既缺乏。

其實試管嬰兒一早出現左，聖經都有提及「非交合」所誕生既嬰孩

男人都係要辛苦搵錢... 起碼我真係辛苦打工；女人生仔就算麻醉藥過左都會痛

我想帶出係無論世界變成點，總會有啲事不能僭越

2. 即係認爲人類科技喺未來冇可能創造萬物同埋感知上有突破？前設如何不成立？

4. 你冇答到我嘅問題，否認咗AI有自由意志嘅可能，正如200年前嘅人否定咗人類可以飛天嘅可能。如果真係有，應該點？

5. 即係魔鬼天使都唔係受造物？非受造物如何出現於世上？

巴打，太多假設性問題

2/4. 唔肯定人類科技可唔可以去到呢個層面，咁你又可唔可以講下前設點解會成立？有時我自己覺得諗太多假設性問題，反而令自己neglect左一d清晰既重點。正如保羅所講
「誰能使我們與基督的愛隔絕呢？是患難嗎？是困苦嗎？是迫害嗎？是飢餓嗎？是赤身露體嗎？是危險嗎？是刀劍嗎？ 正如經上所記： “為你的緣故，我們終日面對死亡， 人看我們像待宰的羊。” 但靠著愛我們的那一位，我們在這一切事上就得勝有餘了。 因為我深信：無論是死、是生，是天使、是掌權的，是現在的事，是將來的事，是有能力的， 是高天的、是深淵的，或是任何別的被造之物，都不能叫我們與 神的愛隔絕，這愛是在我們的主耶穌基督裡的。」羅馬書 8:35-39

即係有其他受造之物都好，耶穌既救恩都係一樣，唔會有分別


5.魔鬼天使都係神所創造，聖經有話魔鬼係墮落天使，因為想將自己抬高過於神，所以墮落(請樓主解釋下，非神學生，解釋得唔通透)

利申︰希望冇冒犯

其實基督教背後有好多希臘文化同哲學，新約世界簡直係複製版嘅新柏拉圖主義。詳細解釋就等樓主做完功課回歸，我就唔班門弄斧了。平時少見到因為大部份平信徒都唔會琢磨哲學同神學，有興趣好多似樓主咁樣去做神學生

或者我試回應第四題，雖然自己都唔係研究好多。分享少少個人見解，如果有錯請巴打指正及賜教

其實第四題我覺得一個好有趣嘅問題，退後一步問就是什麼是人類? 有靈魂有意識就是人類?或者有特定物理或身體機能就是人類?

傳統西方文化認為人有靈魂，由蘇格拉底開始靈魂就變成人道德本體。靈魂具有理性使我們可以作出善惡決定。「作出決定」亦是基督教世界能否上天堂嘅原因，簡單來說就是自由意志。自由意志樓主上文已經提及好多現在就不多說了，加上佢會再作補充(如果佢冇爛尾）

所以我認為AI「如何作出決定」會成為一個關鍵，如果AI所有決定都是人類所譜寫，那麼就「如何作決定上」只會是一個命定論，則AI不存在任何「個人」理念或思想。在這樣的前提上「AI發展到人類思想模式」也只是模式上相似的，任何模式也只是創造者的投射，歸根究底也不是一個「人」，本質上不是相同的。 而在基督教神學上人類為上帝肖像，上帝按照他的形象形式製造人類，使人類靈魂分享了部份的神性，使我們能作出善惡等決定。(如果有錯請指正)

按照上述基督教神學邏輯，「AI發展到人類思想模式」也只是AI分享了人類的肖像，歸根究底也不是人。就像人類肖像如何像上帝，也不是上帝因為兩者本質就是不一樣。一個是創造者另一個是被造之物。AI為人類創造之物就像枱一樣，所以就算天堂上有枱或AI，我相信不會是出於和人類相同的原因在天堂上存在

唔知咁樣講有冇問題，以上為小弟膚淺嘅見解
有錯漏請指正

P.S. AI同人類意識係近代哲學一個重要話題，巴打有興趣嘅可以多啲了解。當然啦，現在都是各有各論述

同意巴打所講
時代變都好，做法上可能不一，但有d原則係唔會變

點睇你嗰4個師兄？（龍緯汶、林子健、譚得志、何志光）

姊妹，其他問題都係出於好奇，可以唔答住。但既然呢個係纏繞左你好耐嘅問題，咁我就想回覆下你先。

1. 冇錯關於婚前性行為，確實係有經文支撐咁樣做係唔啱。但我會有個疑問就係，當初呢啲教導係咪可以全盤照搬去2020年？ 係希羅世界嘅時代，根本就冇拍拖嘅觀念，當時嘅人都係相對早結婚，所以佢哋根本就唔需要忍受情慾來襲嘅苦惱。

所以保羅一啲教導對今世嘅人來講係好唔公平。呢啲教導都係好處境性，亦都配合左當地嘅文化。其實聽返有好多地方係唔應該應用係現世。

之前話女人唔可以講道，男人留長頭髮唔啱，而家聽返已經係不合時宜嘅教導。所以婚前性行為可唔可以豁免，唔當係罪，我覺得係可以辯論嘅。

我哋睇吓下邊一段經文。

哥林多前書7:8-9

「我對著沒有嫁娶的和寡婦說、若他們常像我就好。倘若自己禁止不住、就可以嫁娶。 與其慾火攻心、倒不如嫁娶為妙。」

就算係保羅，佢都承認情慾係天性，係好難禁止嘅一種慾望，所以佢先鼓勵大家真係頂唔順就記得結婚啦。

但現今社會唔係個個都咁順利，可以賺到錢，即刻就結到婚。所以你見到有啲野真係唔可以搬字過紙搬過嚟2020年。

性愛係由上帝所創造，相信佢都喜悅真心相愛嘅一男一女可以享受呢種樂趣，享受呢種親密嘅關係。

我嘅結論係，唔好忍啦姊妹，如果你確定呢個男人係你嘅終身伴侶，你確定佢係一個負責任嘅人，你地兩個又係真心相愛，咁就做啦，做你要去做嘅事。

基督教信仰係令人得自由得釋放，唔應該成為你嘅捆綁，唔應該係令你覺得羞恥同埋慚愧。

至少我唔覺得呢件事最後會影響你嘅得救，希望我咁樣答幫到你。

2. https://christiantimes.org.hk/Common/Reader/News/ShowNews.jsp?Nid=97786&Pid=6&Version=0&Cid=150&Charset=big5_hkscs

關於自慰，你可以睇下上面呢篇文章，我個人覺得分析得幾詳細。

(我自己再補充少少，聖經話「凡事都可行，但不都有益處；凡事都可行，但不都造就人。」（哥林多前書10:23)

冇錯，聖經係冇直接講到呢樣野有問題，所以我唔覺得單係咁做係犯罪。呢句已經得罪好多人吖

但如果自慰太多，係會令你控制唔到自己，成日諗淫嘢，變咗性上癮，影響日常生活，咁去到呢個地步就一定係「惡」。

咁你真係要認真諗下戒一戒，諗清楚自己係咪縱欲過度，被罪捆綁。呢個你自己最後要同上帝交代。

總結，作為一個觀念開放少少嘅準傳道人，我對呢樣野又係接受程度比較高。

希望我嘅回覆可以牧養到你，令你嘅心情可以放鬆啲，唔好咁內疚。

巴打你同傳統教會思想分歧咁大，怕唔怕冇教會按立？

我唔係上帝亦都唔係科學家，冇辧法100％話一定可以達到呢種層面，而我只係思考緊人類科技進步對廣義耶教發展嘅影響，唔係想尋找漏洞去judge耶教

大佬，人哋個男朋友忍咗六年啊，修道士都唔使咁慘啊，再咁落去我驚佢啲精係個鼻哥窿度流出嚟啦。

信耶穌唔代表完全違反人性。耶穌都會因為事態緊急，係安息日治病救人。耶穌看重人嘅需要大於一切，知道大家嘅辛酸同軟弱，佢嘅行為就表達左唔一定要完全跟足傳統，有啲位係有偈傾。

殺人強姦放火就一定唔得啦，呢啲係大是大非嘅嘢。但講到性行為，我覺得呢樣野係可以辯論。我只能夠咁講。

當然第日牧會，我可能未必夠膽咁理直氣壯咁講

2. 神既能力超越左科學同時間，例如行神蹟。 並唔係人力所能及。

4. 咁我嘗試擴展你既問題，首先你要定好成為一個人有咩必要條件先。如果係一個與人類同等既意識，我認同有機會可以。但我唔認為人能夠創造出同人類同等既意識，將一個完整既人degrade到得返意識更有可能。

5. 聖經關於天使同魔鬼記載唔多，所知既係兩樣都係受造物。但魔鬼既惡係佢自己墮落而黎。

樓主講得好好

我唔係否定巴打你嘅論點，我覺得非常之有道理添
香港大部份教會都偏向保守，性直情係禁忌話題。教會老一輩通常都唔會提，希望巴打你可以帶來一番新氣象

你點睇基督徒同居？

好多精神病都係in the gene
一個psychopathy嘅人控制唔到自己殺咗人
又或者孌童嘅睇cp打飛機
呢啲又點計？呢啲精神病冇得醫㗎喎
係咪佢哋一出世就注定要落地獄
定你會話佢哋信仰唔夠？
但對佢哋嚟講好多諗法同行動都係reactive rather than decisive
加上佢哋genetically有缺憾其實都係造物主造得唔完美而出現