【基督教討論】我係現屆神學生，志願係做傳道人- 你問我答？！

點睇聖經亂倫乜乜柒柒都有?

我唔係讀神學所以我只係睇到 King James Version
兩者係英文版本上確實係有出入...但兩者分別係新舊約
應該要睇埋希臘文同埋希伯來文兩者先會明白...
依個就交俾樓主做完 assignment 答...(因為我都好想知道)

至於後者我一直認為問題在於心裡相信的定義問題
後者係問佢做咩事先有永生
至於善行我一直認為真正相信的人就會自然改變自己人生去做
而唔係相信左再要遵守先得 (咁我就認為唔係真心相信)

你睇番自己講野覺唔覺得好好笑
呢份罪係邊個比 佢自把自為認為你有罪 再自把自為咁行出黎幫你頂罪

如果係神造人 點解佢要創造充滿缺憾 喜好鬥爭既人類 佢作為全知全能既神 姐係由佢造人既一刻已經知結果 姐係佢有心去做造人出黎去 罰一d人 殺一d人 要一d人受苦
咁佢既慈悲係咩? 透過殺人 行刑令你地知道佢愛你 殺你全家再比番黃金同大屋你你就感受到愛? 你覺唔覺由頭到尾都係矛盾?

科學亦有一個好詭異的地方，有人發現神的作為奇妙而相信，並且因神而得到靈感；有人認為科學靠人類build up﹐神的理論是阻礙，應該排除在外。

我其實覺得如果依個世界係 The Sim...
咁上帝就係 player 而科學就係 game mechanism

你永遠都唔會知答案 班作家都死尻左
本來想入黎理性討論 點知全部都 我以為 我覺得 我認為
如果神係唯一且真實 點解會有咁多矛盾

姐係個player寫本書比the sim d ai 信者得救
唔信就車裂之刑 要你受苦 直到你信為止
咁就顯示到佢全知全能 又慈悲既神
如果咁撚樣 同個喜怒無常又手握大權既小學雞有咩分別

如果我知道哂我就唔入黎問神學生問題啦...大佬
我只能夠話你知我覺得係咁

我直情係覺得舊約的上帝係亂咁黎搞唔掂先派耶穌落黎睇
感受到人間的苦難之後改變左佢管理依個世界的做法

同埋我覺得係班 sim ai 寫大家各自寫見到 player 做左咩野
唔係 player 寫本野飛落班 sim ai 果度

挑咁你講晒啦，我作本小說出黎，第時我同人話我本小說真有其事，只不過係另一個平行時空度發生都得啦

呢個我覺得答到第一題
https://www.gotquestions.org/T-Chinese/T-Chinese-john-3-13.html

第二題呢，可以睇下馬太福音19：17個背景。有個有錢仔帶住一個「我做左好多好野，天堂實有我個位」既心態挑戰耶穌，耶穌即刻答其實冇人可以憑做好事就入天堂，但我又即管問下你做左咩好事，有冇守晒誡命。最後有錢仔就冇引走了。所以耶穌咁講，是曲線假膠來的

你估耶穌唔曉假膠？佢成日玩的

用語唔同個啲直頭唔會溝通到啦

除非你唔排斥基督教/基督徒既價值觀，並且有成為基督徒既準備，如果唔係兩個人既信念會好唔同

你試諗下你唔同意聖經既內容，但你另一半日日係你架離講耶穌第時真係生細路，你又會唔會阻止你另一半帶佢返教會，讀耶撚學校？

好彩我未婚妻無迫我完全去接受天主教
不過我間中都有去聖堂了解下
我發現當大家用字唔同就轉翻用英文會易明得多
至於讀唔讀天主教學校我又真係無咩所謂

ps: 我十幾歲離開教會一直都唔再返去

一人犯罪一人當

不可跪拜那些像，也不可事奉它，因為我耶和華你的神，是忌邪的神。恨我的，我必追討他的罪，自父及子，直到三四代；愛我、守我誡命的，我必向他們發慈愛，直到千代。
(聖經．和合本, 出埃及記 20:5-6)
對比來的。但連當年既猶太人都唔明，所以神補返句：
「你們在以色列地怎麼用這俗語說『父親吃了酸葡萄，兒子的牙酸倒了』呢？「主耶和華說，我指着我的永生起誓，你們在以色列中，必不再有用這俗語的因由。
(聖經．和合本, 以西結書 18:2-3)

申命記個context唔同的，當時既入會，咒詛同犯罪而永死是有分別的。

舊約講緊兩三千年前，整個世界既文明同今日好唔同，當年玩叢林法則，冇法治冇人權的，所以神教佢地做好人既方法同新約係唔同。呢個都係舊約難明既地方，因為你要好熟當年個文化、地理同歷史背景先會解得準d

我覺得我地只能夠分享我地認為的事
我地根本唔知事實係點 (亦正如大家所講可能依世都唔會知)

更加無需要護教依個唔係我地要做的事

點解神要造d會犯罪既人出黎等等，主要係有關自由意志問題，上面都有講。

神既要造一d有自由選擇既人，但同時佢容不下任何罪惡。所以佢一開波已經諗好耶穌呢個劇本。

在於我見，很多傳道人都是用聖經去解釋神。而他們是否有完整地看完聖經又是另一回事。書經上行奸淫之事比比皆是，當中猶以舊約為多。而他們多是避之不談又或是裝作看不見，更甚者有言說是神的行為人不能明白。
當中的邏輯之誤，不在此一一舉例。

信仰，是個人的經歷，可以告訴人，但不強求他人都要與你一樣：信不疑。

我常跟人說，當你對信仰有疑問時，多看<<約伯記>>。撇除邏輯之誤，該書仍是給真神信仰者的明燈。

行善之舉，並非因神之名，而是人自內在的自發。並非因神要你做而做，我等均是神以自身形象創造，行善只是彰顯神的特質。行惡亦是。
新舊約放在一起的喻意，不是這樣嗎?

善與惡兩者是一體，而絕大多數人都是信善而拒惡。
跟人傳揚信仰，真是不必強求。與人爭辯信仰的邏輯更是有理說不清。

一切都是因信而行。
願真主與耶和華共存，阿彌陀佛。

古時就係因為人類過於荒淫，上帝先要立誡命。

咁姐係佢唔係全知全能啦

因為宗教都有佢嘅限制，如果唔係你病左就唔會搵醫生，去搵神父牧師。唔係所有野都可以用宗教信仰去解答，宗教信仰所給予嘅只係指標，仲有好多後人加上去嘅解讀、分析、教條。係你自己經過了解宗教去develop你自己同宗教嘅關係，唔係因為你背左書，識答一千條問題，就代表你係教徒

你覺得 The sims 的 player 係咪 Almighty? 我覺得係咩都做得架
但係咪代表會控制哂所有 AI 做哂所有野?

我隻 AI 成日都唔肯起身返唔到工俾人炒....