對唔住呀,聖靈真係我最唔熟嘅一環。我盡量回應。聖靈當然係有繼續工作呀。但我覺得唔係一定同神蹟掛勾。
「但保惠師,就是父因我的名所要差來的聖靈,他要將一切的事指教你們,並且要叫你們想起我對你們所說的一切話。」約翰福音14:26
你可以見到呢度講緊聖靈係會幫手教導同指引,你聽完個培靈會喊到爸爸聲,好有衝動事奉,入團契照顧班年青人,呢個都可以係聖靈嘅感動,佢嘅臨在呀。
唔使一定要雲柱火柱對住你兜頭射先係聖靈感動㗎嘛,我自己係咁睇啦。
當你經歷咗一啲事,睇到一啲經文,內心突然有點觸動,好想為神做一啲嘢,我覺得呢啲都可以係聖靈嘅工作。
至於你話神蹟醫治嗰啲,我好主觀地覺得一定有人做假,但亦唔排除有真嘅。但我根本無辦法辨別真偽,所以理佢做乜。你大把重要事要做啦,係咪
唔好過分追求神蹟,我都冇乜太多超自然嘅宗教經驗,但上帝一樣會使用我,一樣愛我,一樣呼召左我做佢嘅僕人。我相信神對你都係一樣。
利申:不嬲麻麻哋靈恩派,理性底。