【基督教討論】我係現屆神學生，志願係做傳道人- 你問我答？！

其實神學點樣睇性慾？
將性商品化，喺買賣雙方都同意既原則下，性交易係咪罪？

如果有一日我得到穿越時空既能力，而且殺左希特拉阻止二次大戰，救番好多條人命，咁殺希特拉呢個行為仲係咪一種罪？

某程度上，路德同加爾文既神學主張算唔算邪教？

以我所知，佢地都否定人有自由意志，認為人本質既惡令人失去向善既能力，又否定人的價值，要人屈從神。另一方面，佢地所講既神又好殘忍，神早已在人生前決定人是否得救，無論人在一生做幾多好事，都唔會變。換句話說，成世都做好事而唔做壞事，都可以落地獄。

呢種神專橫無情，又要人無條件服從佢。咁樣既做法好似中共呢啲威權主義既國家。

無意冒犯，純粹有疑問。
我覺得人有價值既地方係自由意志，自己所作出既選擇會決定自己係一個點樣既人。正因為人有自由意志，先可以否定不合理既權威。人冇自由意志，只會服從，同機器有咩分別？而且只會服從係好可怕，例如只服從上級既命令屠殺猶太人，又唔覺得要對屠殺猶太人負上責任，因為服從上司係佢地工作。

另外，天主基督主流意見係認為人有自由意志？

巴打，首先講句sorry先。可能我講得唔清楚，我冇將所有嘅天災入晒「全」人類數，我所講嘅人類唔係全部人嘅意思。

正如當初肺炎搞到一鑊粥，好多人都即刻話呢個係「人」禍，佢所講嘅人當然唔係全部人呀，係指源頭中國人呀嘛，就唔係你隔離個三歲細路乜都唔做都入埋佢數。

武漢肺炎呢個例子，固然主要責任就係中國果一邊啦，非常認同你嘅講法。但去到後期，疾病點解傳得快，西方國家都淪陷，同我哋注唔注重衛生，唔顧其他人嘅健康係有關係㗎嘛？呢一點你認唔認同先？

當唔同國家既人民都盲搶資源，去超級市場大掃貨，其實都係有種顧左自己先，其他人就唔理嘅「惡」係度㗎嘛。

所以談論到唔同問題嘅時候，我會話我哋所做嘅「惡」係有分大小，黑警、希特拉、大公司、權貴一定係仆街好多嘅，但某程度上好多人都有份參與，令到個地球變得更加差。我想表達嘅係呢樣野姐。（自然，有啲人真係唔關事嘅，我都唔應該咁武斷）

多謝你提醒我人類都係有「善」，你所講嗰啲人類貢獻我都係肯定嘅，亦都證明左人係有美好嘅一面。不過我都想你唔好低估人嘅「惡」（如果係柏拉圖嘅講法就係善既缺乏）。

事實上我哋係好難同「惡」完全斷絕關係。一個四歲細路都可以搶人哋啲玩具，文明嘅人都可以因為生存做出殺人嘅事。本身我哋係好難擺脫罪。呢個係我另外想表達嘅嘢。

最後，要澄清嘅一點係我同你個立場唔會相差好遠，睇返我全個post，我都有指責權貴、高高在上嘅人，我亦都係相對同情俾人剝削嘅人。

係你嘅文句入邊感受到你對基督教嘅憤怒，我相信一定係有啲耶L或教會入邊嘅人令到你好失望。好抱歉，好想代佢哋同你講句對唔住。

Rational 同時亦都非常 Utilitarianism
既然唔肯定有冇就信咗先
信咗冇壞 真係有就可以上天堂得永生
冇都係放棄些少享樂啫
權衡利弊後嘅相信 算唔算真正嘅相信？

追左依個 post 五個鐘終於睇哂....唔該哂巴打的分享
我想問下巴打點樣睇聖靈是否依然如使徒行傳時一樣活躍?
認唔認為神跡係咪經常會出現?
(有好多人將好多發生的事都認為係神跡...
亦有人認為每日朝早起身就已經係神跡)
巴打又覺得聖靈係咪當我地祈禱的時候就會係背後幫忙?

利申: 我其實唔係太認為聖靈依然咁活躍...覺得神跡亦好少出現
我認為信依個宗教某程度上係生活的態度要行神所喜的道路
而唔係去諗會唔會係生活上幫助到你....

如果我係信東正教 伊斯蘭教 聖公會 天主教
大家都係相信有主 bible亦有好多相似嘅地方
對你哋嚟講都係叫做信false god
大審判之後應落地獄？

神學院入面嘅師生會唔會有非基督徒？

呢個係結果。
我係想知殺希特拉本身係咪一個罪。
另一方面，唔殺希特拉又會唔會都係一個罪。明明有能力阻止二次大戰，但又唔執行呢種能力，眼白白望住咁多人失去生命，咁即係袖手旁觀。

另外，想知道天主基督教有冇否認平行時空？

好感恩幫你解決先前嘅兩個問題

至於第一個問題，我諗你可以認識下各方面嘅神蹟，唔講係人地身上或者大自祭然嘅神蹟，因為無咁易信。喺自己神上神蹟都有分睇到同睇唔到，但你一樣感受到。我諗無人想有病痛，經歷一d救生命嘅神蹟。但係好多時侯基督徒講嘅神蹟係心裡面嘅改變，繼而有行為嘅改變。講得神蹟就係幾乎無可能而你靠神竟然可能eg. 戒煙、賭、毒。十幾廿年嘅陋習可以靠主改變。再仔細d就係講大話嘅、暴力、色情思想，竟然都可以改變。其他人唔會知，但自己改變到嘅一定會知（自己知自己事啦，有咩習慣想改都改唔到）所以有陣時你想同人講你嘅奇妙轉變，但係其他人覺得好普通啫，因為其他人根本唔嗰個習慣對你有幾大影響。

要信神比起知道有神，更重要係倚靠神。知道靠自己唔得，要靠神先幫到你。而點樣先覺得需要倚靠神，好多時候就係喺難處裡面，知道自己幾唔掂（有種人算不如天算嘅諗法）當你有需要，你就好想搵倚靠，而神就一定幫到你。所以點解基督徒比人印象就係心靈柔軟無咩自信，搵精神寄託，因為大家經歷過自己唔得好需要神嘅時刻

第二個問題，直接用一句聖經解答你，羅馬書2:6-7「他 必 照 各 人 的 行 為 報 應 各 人。凡 恆 心 行 善 、 尋 求 榮 耀 尊 貴 、 和 不 能 朽 壞 之 福 的 、 就 以 永 生 報 應 他 們 。」比起你個例子，我再舉個extreme d 嘅case。西伯利亞人成世都做善事，但係未聽過福音，全部都要落地獄？好唔公平啫。呢節聖經寫明恆心行善就以永生報答。神緊係知你一切嘅背景，佢嘅審判賞賜都係心服口服。佢無聽過福音，但係尋求不能朽壞嘅福（一心一意尋永恆嘅野，尋求人生意義）就上天堂。可能有一樣野做唔足都落地獄。調返轉嚟講，有d人好幸福，聽左十幾廿次福音，都唔信，咁到時神嘅審判佢就無可推諉啦，比起嗰個西伯利亞人，相信佢會痛苦得多，因為神照答眾的行為報應各人。

至於巴打可能最後都唔信，但你一定唔會好似黑警咁痛苦

建議你睇下使徒行傳，第一世紀信徒嘅復興，想望比昔日更榮耀嘅光境，會幫你更有心追求

如果巴打有 netflix 可以睇下 AD: The Bible continues
係使徒行傳 1-10 章....真係幾好睇

點解會冇season2架
嗚呀>.<

巴打咩宗派？
讀完打算做邊瓣？

同鐵達尼號嘅Jack一樣，點都要死

我唔知點解覺得就好似玩 The Sims 咁
確實地你可以控制佢同埋成日都要佢做依樣做果樣
但係佢又成日自己做自己野有時唔肯跟哂指示搞到亂七八糟
又或者你想做的野同佢唔同...就算你想佢點好佢都未必會知同做

呢啲真係God moves in a mysterious way

關於第三個問題，我想從另一個角度出發。
我之前睇咗本魯益師嘅書叫做（The Great Divorce），入面講到個啲喺地獄嘅人一方面當然係因為佢地嘅罪，所以神送佢地落去，但另一方面，其實係佢地唔想信神，亦都唔願意同神一齊，所以神送佢地落去。
魯益師話：「There are only two kinds of people in the end: those who say to God, "Thy will be done," and those to whom God says, in the end, "Thy will be done." All that are in Hell, choose it. Without that self-choice there could be no Hell. No soul that seriously and constantly desires joy will ever miss it. Those who seek find. Those who knock it is opened.」
簡單講，最後審判嘅時候只有兩種人，一種係同神講「願你嘅旨意成就」，即係個班相信神嘅人；另一種就係神同佢地講「願你嘅旨意成就」，即係個班唔信神嘅人。
我可以組織成以下嘅論點：
1）唔信嘅人點都會揀唔信。
2）上帝唔會迫佢地信。
3）如果上帝迫佢地信，上帝就遺犯咗愛嘅本質，有自由意志嘅存在，令到佢唔係創造緊機械人。
4）所以，地獄嘅大門係喺入面反鎖，佢地自己唔願意出來，亦唔想見神，神就成全佢地。

佢唔拍都無辦法....
而且佢的上一輯講耶穌事蹟都無放上 netflix...

呢個可能有啲誤會。未必每一個新教徒都咁諗啦。但我自己嘅神學觀係東正教、天主教嗰啲都係近親或兄弟～

聖公會屬於新定舊就唔同人有唔同諗法啦，不過都係自己友啦。

我哋所相信嘅上帝都係同一個，不過我哋對佢嘅解讀可能有啲位唔一樣，係教義上會有唔同嘅詮釋。（即係究竟係因信稱義定因信成義嗰啲問題啦下）

所以我相信呢啲門派嘅真·信徒同樣都會上天堂。

伊斯蘭教我唔係好熟，都係果句，我憑咩去判斷佢去邊？我真係答你都係主觀感受，唔能夠作得準。

據我所知，全部都係基督徒

呢個唔講得啊，講咗就自爆。讀完都係諗住做教會傳道人。個人嘅夢想係成立一間新嘅教會，希望可以突破一啲守舊嘅框架，吸納一啲冇人理嘅羊。