【基督教討論】我係現屆神學生，志願係做傳道人- 你問我答？！

我哋應該係識同一個佢係咪姓陳

唔係好同意呢段野

有個疑問就係，當初呢啲教導係咪可以全盤照搬去2020年？
保羅有好多新約既教導的確係按返當時文化同地域既野，例如點解唔俾女人講道係因為當時以弗所教會既女人受假先知影響，咁而家如果女人冇受假先知影響，係可以講道，咁就係講緊時代既禁令

但係禁止婚前性行為係咪因為時代背景？就算係保羅呢句，「我對著沒有嫁娶的和寡婦說、若他們常像我就好。倘若自己禁止不住、就可以嫁娶。 與其慾火攻心、倒不如嫁娶為妙。」都係承認人有性慾，而性慾都係神所賜，佢係話頂唔順就結婚咋wo

我自己覺得神一早起創世紀講人要離開父母，與妻子連合，二人成為一體，無論係性方面或者心靈方面都係，所以係妻子先可以wo
咁就要睇你覺得結婚係咩回事啦，係咪認定左係結婚對象就可以進行婚前性行為？定係結婚應該要係指起神、人面前承認？

我同意凡事都可行個part，但係自慰係咪唔會對婦女動淫念呢。。？我自己覺得應該會

利申︰非引戰

多謝弟兄補充，我認同你嘅釋經，所以我先至話係可以辯論。

但除咗睇當時嘅處境，亦都要睇返香港嘅文化，男女之間結婚係點樣嘅。今日嘅香港，你要儲錢結婚，要籌備好多嘢，買樓擺酒嗰啲，真係好睇雙方嘅經濟能力，分分鐘去到35、6先可以結婚。

淨係呢個位已經同希羅世界好唔同，如果你話要一對熱戀中嘅男女要等到30中結婚，然後先可以有親密嘅行為，我真係覺得咁樣係好唔人性化。

所以係合理推論之下，我先質疑希羅世界嘅婚姻文化，可唔可以同香港直接比較，當時嘅教導可唔可以直接引用。我要質疑嘅係呢個位 。

第二個位就係自慰，我覺得好多時係case by case，如果用返嗰個姊妹嘅例子，我聽佢嘅語氣都係偶一為之，真係特別特別有需要嘅時候先會咁做，唔係特登放縱情慾，如果有節制咁去做，唔令自己變成性沉溺，咁又得唔得呢？

但係你話好似真係嗰啲痴漢，打飛機打到要影人裙底，咁我當然就一定要禁止佢咁做啦，咁一定係犯罪。

最後就係你所講結婚嘅定義，如果已經認定咗對方係結婚對象，咁又得唔得呢？我又覺得呢個解釋權又可以係灰色，有得斟酌。

最後對唔住呀，我知道有啲保守嘅基督徒聽到我講嘅嘢會好不安，不過我希望大家都設身處地去諗下嗰個姊妹嘅感受。

我聽得出佢真係好辛苦好辛苦，先會將呢啲私人野係網上公開。係我眼中，耶穌成全左律法之後，唔應該所有嘢都咁硬梆梆，當中應該係有對人嘅憐憫同埋寬容。

點解耶教討論成日要引早期人物既話語
你話引耶穌我都理解 因為你地認為佢係神 但係其他人只係先知/門徒 即係都係人一個 耶教黎講都係一個罪人 咁佢講既野唔代表神 亦未必正確架
咁如果放落現代 係咪教宗講就代表正確

o原來之前睇錯左樓主講既野
咁我寧願事主夾硬早結婚好過夾硬早性交啦，但呢個問題係今時今日既香港係難處理

好多謝你呀樓主。
我就係因為由細到大都接受傳統教育講性愛就等於一定係for reproduction purpose，所以每次忍唔住做咗之後都咁有罪惡感...直頭會因為覺得天父知道我明知故犯而加重懲罰我令到自己好辛苦...
聽到你咁講我即刻舒服左啲...
同埋知道原來自己做嘅嘢唔係真係彌天大錯...亦都可以得到天父憐憫同救贖...
我諗我知道會點做㗎啦！
亦都唔會好似你咁沉迷落去！
好多謝你呀☺️

唔好客氣，無論點，我相信上帝都視你為佢寶貴嘅女兒，祝福你同你嘅伴侶白頭到老，成為美好嘅見證。誠心所願。

當然，我上面咁睇當然係紙上談兵，亦未能了解姊妹你既心境，如果令你唔開心既話唔好意思呀！
但記著，聖經有野係好清晰，就係神是信實的，只要你誠心悔改認罪，神必定唔會離棄同赦免你

推 再漏左

連推一下 樓主漏左我

打擾一下 樓主漏左#499

嗯嗯，唔緊要，大家和平討論下

我自己認為，創世紀個句經文係應該整個年代都岩用，有時如果太多講因為年代同埋人性既話，好多聖經經文都唔洗遵守，始終人性係罪性，我地唔可以經常以人性就拎黎做犯罪既藉口，幾次當然冇咩野，係要小心變左慣性，之後用咩都以人性，所以我覺得樓主唔可以咁樣就同意婚前性行為。我都認同姊妹係好辛苦，相信主明白，但始終都係睇返創世紀個到啦。

自慰個到，我都係覺得好難唔係特登放縱情慾，真係少之又之

咁提及佢地出場過係正常既 但點解將佢地既說話睇得咁重要呢

我諗冇咩人識答
天堂地獄易答d，信耶穌就得救，行為係得救上係冇任何功效。

難答d，一個人因為童年陰影導致佢大個左做出傷害人，或者犯法既行為。神學上我認為佢都算犯罪，聖經冇點直接講，所以我諗呢個並唔構成佢唔係犯罪既論點。

基因上又有例子，例如有人提出過同性戀傾向係天生既。普遍基督徒都認為係犯罪，主要都係聖經冇講過呢個係免罪既條件。

當然，殺人放火又係犯罪，貪心又係犯罪，有唔同程度既。基督教成日有個觀念外人好唔明既就係「恨罪，愛罪人」，對於錯既事我地唔能夠留有餘地，但我地同時都係犯好多罪、成日犯罪既人，我地要體恤每一個都會犯罪既人。

先知=神起個一個時期既代言人
所以睇起佢既說話因為正正係神既話
舊約時代既人我地都可以學習下佢地既信心/好既行為，但都要留意下，例如大衛所做既錯事，咁我地當然唔應該效法。

新約時代當耶穌升天後，門徒被聖靈充滿，某程度佢地都可以了解神既心意。

咁點決定信邊個？
同埋成日講神／上帝話XXXXX
又話耶穌為人類受苦
咁到底係信緊邊個

林鄭話上帝叫佢參選 點睇

其實我都同意因信稱義
但另一方面我認為當你相信就會開始改變係你的行為
所以某程度上行為都可以睇到佢係咪真信

你覺得佢的行為係咪信徒應有行為？

有好多人話聽到上帝既聲音叫佢地信上帝，堅定流？