關於苦難嘅已經答咗好多次,要麻煩你追一追post巴打,多謝你。
關於頭兩條呢,我會同你講,關於聖經研究同埋聖經上嘅歷史真偽,唔係剩係得宗教界做緊,其實考古學同埋其他歷史學家都係有一齊做。
係有好多人同埋唔同嘅角度去分析究竟呢件事係咪真。例如你可以參照返死海古卷,呢啲出土文物同返近代啲嘅聖經抄本對照,相似度係非常非常高。
耶穌係真有其人,我相信冇一個歷史學家會反對,好多資料都係證明咗佢係真實存在係呢個世界。
如果你話超級多人一齊集體講大話,虛構一個歷史出嚟,都唔係唔得嘅。但係呢個可能性係極低,同埋好容易就會俾人揭穿係大話。非常推薦你睇《鐵證待判》。你會發現新世界。
當然再咁樣無限量去用陰謀論推測,乜嘢都可以係假嘅。
你點知道馬達加斯加呢個國家係存在?你睇地圖同埋旅遊節目咋嘛?點知有冇人呃你呀?
你點知道真係有新垣結衣呢個人,會唔會佢不嬲都係唔存在?你有見過佢真人咩?
事實係無論你點都可以質疑,資料永遠都係唔會夠嘅。所以到到最後,經過你自己嘅理性判斷同埋細心分析,你都係要跨出信心嘅一步,去決定自己接唔接納呢個神。
唔係咩叫信仰啊