貓糧資料庫（7）

有冇supplement 推介?

連啲獸醫都唔係個個知唔好

我餵開罐頭 突然轉返乾糧
會唔會又好唔慣
佢哋腸胃唔好應該食乾糧定罐罐調量好啲
個義工叫我餵乾糧同叫我試rc
但睇完個表好似唔係咁好

佢哋成日痾軟便
用礦砂先唔會搞到成盤同埋佢哋啲手腳都係便便
佢哋已經食咗2次杜蟲藥
但用礦砂睇唔到便便有冇蟲
有次見到有黃色入面有少少白 但又唔係好似蟲
尼幾日見到佢哋痾都唔覺有蟲

義工話佢哋之前一直便便都正常
我接咗返嚟就一直痾軟便
會唔會係隻糧佢哋唔岩食？
我應唔應該試下轉糧？
我睇咗個表 一直都係食thrive雞肉罐俾佢哋

想問下隻貓貓突然食貓砂可以點教
而排得閒就可以睇住佢
好擔心我唔係屋企 佢就係咁食
如果改唔到 我係咪由礦砂轉返豆腐砂好啲？

想問下3個月大貓仔 食咩糧好？之前會食instinct 隻全貓糧

酵素好多牌子都得，有齊蛋白，脂肪，澱粉同纖維酵素就最好，而家用緊naturvet

始終佢哋讀書學嘅營養知識係RC/hills教
有部分就知都唔話你聽，食到竉物健康佢哋會搵少好多所以真正識得貓狗營養又有良心嘅獸醫重係好少數（喺香港剩係支持濕食嘅獸醫都好難搵，莫講話反對乾糧）

如果唔係經濟問題唔好轉番乾糧
唔係慣唔慣問題，你夾硬轉佢過一排都適應到，只係長遠對身體唔好

RC好差

原生寄生蟲唔會睇得出，要顯微鏡睇，常見喺幼貓體內，當抵抗力差就發出嚟，所以先叫你驗
我之前接咗貓都係，一隻三毛滴蟲，一隻梨型蟲食咗一個療程都要食個幾月益生菌先慢慢好番。如果處理大便衛生唔好重會反復感染

記得食益生菌

本身有冇食排毛粉，小麥草之類嘅？
腸胃有毛團有機會令貓亂食嘢

豆腐砂都唔應該食喎盡量搵出原因點解佢食
係咪屋企環境有變令佢有壓力？

個表Grade A以上，3-6個月輪流轉換
經濟可以嘅就盡量比主食罐
Instinct本身都可以嘅，但佢有啲口味有維他命k3，要避開

收到，唔該哂你，我再爬下文睇下主食罐先

隻貓女唔知咩事唔肯食ovenbaked隻無殼雞魚糧
屋企有包thrive火雞溝左少少比佢 佢揀食哂thrive 黎食
係咪佢嫌包舊糧唔新鮮？

肥美絲 想問下如果貓貓剪剪下指甲嘔 可以點
因為佢地而家半歲 我由佢地一個月大開始養 都有keep住幫佢地剪指甲 之前會剪得密少少同屋企人一個抱住一個剪 而家因為自己住就兩至三個禮拜剪一次 但係就變左我用毛巾包住去剪 剪嘅時候有餵下佢地平時鍾意食嘅粒粒 但係都係餵幾粒當獎勵就算
但係最近兩次剪嘅時候有其中一隻剪剪下會嘔胃入面嘅野出嚟 但係佢平時又唔會嘔 會唔會係剪指甲嘅時候太緊張?
我已經冇好大力抱了 佢想走嘅時候我就冇再剪 已經比佢冷靜一下 但係唔知點解會嘔 另外一隻我都係咁剪但係個隻又冇嘔過 而家搞到我唔敢再幫佢地剪指甲了

而家有食緊益生菌啦～
但睇咗幾次醫生 個醫生都淨係開杜蟲藥俾我
同埋個義工話佢哋之後便便係靚
都係過多陣再睇下會唔會好轉

冇轉，唔知係咪佢哋仲細個
種一種貓草俾佢哋食先～排毛膏係咪唔太好架？

請問，我想幫隻主子增肥 可以食咩糧？
主子係藍英短，2歲，女仔
本身最肥個陣係4.3kg
黎排跌左落去3.9kg
唔知係咪同佢轉左食Go!鴨肉糧有關，
毛色係靚左，但的確食野少左成日食剩
佢由細到以家都係擺長乾糧，
罐頭好少食 因為佢買親關親款款都係食幾啖唔食，
無晒計，但佢行得食得訓得玩得

Hi樓主 係個表到搵唔到Friskies by Purina嘅罐頭
請問可唔可以分析下? Thanks

Sorry肥美絲 想問小小題外話 貓仔3個月我接左番屋企兩日 成晚都係到叫關唔關我鎖左佢係個籠入面事係咪應該放出黎養掉左個籠去？？有無其他方法可以解決呢個問題？同埋佢兩日都食好少野，水又飲勁少驚佢唔夠營養同水份

樓主想問下
四個月貓食，食緊royal canin 幼貓糧+feline nature隻羊肉，見個個都話唔好想同佢轉糧
係咪轉instinct好？
想同佢增肥+抵抗力好d
四個月大又under weighted又生貓癬

貪新鮮如果有兩種糧揀，貓會揀鐘意嘅嘢食先

等佢哋訓咗先剪得唔得我都係咁做，剪到幾隻都好，未必要一次過剪晒
剪甲好大壓力架，如果佢會嘔就要避免

膏通常加礦物油同其他添加劑，腸吸收唔到，滑腸作用，無咁健康
水溶性纖維粉或者新鮮麥草好啲