貓糧資料庫（7）

呢隻麻麻喎，無加到油脂，所以脂肪好低吓，油脂係貓第二重要營養，唔可以太少
油脂少咗變相碳水化合物多咗，更加唔健康
油脂同水分唔夠會影響毛髮健康

盡量改唔好放長糧，定時進食腸胃先有時間好好休息

魚油，益生菌同排毛粉，我覺得呢3樣係貓必備補充品

爆毛粉主要成份係鱉蛋粉，蛋係好有營養食物，原理都係食得好夠健康毛髮自然夠多夠滑，其實正常俾貓食佢應該食嘅食物，保持身體水分充足，毛髮自然會靚，唔使食呢啲。除非貓有病，年老或者偏食而食得少，咁身體就唔夠營養，咁食佢就有啲幫助

唔好
呢啲商業糧用晒啲錢喺廣告同贊助，所以得好少錢放喺製糧成本到，會用下欄嘢整而壓低成本，睇下成分就明我講乜

係原來打錯都唔知

唔夠，起碼2罐啊
食厭咗或身體唔舒服而食少咗都唔定
平時只係俾呢2隻罐？有冇試過其他？

生癬係抵抗力低，令到菌有機會發起
要增強佢抵抗力，omega3好有用，所以我平時都叫人俾魚油貓食，對貓好有益。另外就係益生菌，keep住腸胃有大量好菌可以壓制壞菌數量，消化好啲又容易吸收營養

如果唔介意貴我會建議試埋生肉糧，無經高溫煮過營養會更易被吸收，食得好自然健康，癬就無咁易發出（你可以睇下台灣推廣自製鮮食「千金爸」網頁，好多有皮膚病嘅貓狗最後都係靠食物改善）

多添加劑同吞拿魚味嘅零食

本身有冇食開排毛粉？驚佢係胃有毛球影響消化
另外食完嘢之後會唔會又跑又跳？

咳方面，係有嘢刺激到呼吸系統，原因好多，小至有毛或敏感，要多啲清潔屋企同食排毛粉排吓毛
大至有病或cancer，要唔要睇醫生主要係咳得密唔密同有冇唔舒服精神差

我一開始係買幾個牌子不同口味，但某啲口味食一兩次就唔食，最後剩返一款會叫做食下。買埋買埋成廿幾個牌子⋯好難可以搵到有幾款佢都食而交替

脫水肉鬆係咪即係cat man doo果種？

如果食脫水生肉就唔駛擔心唔飲水問題？啲濕糧我加多少少水佢都唔食，好在買左水機佢開始飲多左

其實我都係新養無耐，舊主人比開呢隻佢食，諗住買返咋，成份果啲都唔係好知邊d好
不過價錢計唔算貴？

而家仲試緊，勁咀刁呀佢
我盡量再試下俾佢食

罐由細到大食過kakato/almo nature/Canagan/Applaws
近年主要食Thrive，間中開罐Canagan
見主食罐選擇唔係咁多
買過AATU同Ziwipeak完全唔食

食過ziwipeak脫水雞肉，之前溝落乾糧度食
但見話唔建議生肉同熟肉一齊食，所以停左俾Ziwipeak
凍乾鴨肉佢地又超鐘意，乾糧口味又無乜所謂
唯一最頭痛係罐，我怕佢地飲唔夠水第日做腎貓

試下k9/instinct ? 我買過雞同牛味都食

兩隻都偏貴
下次買一兩個試下先

貓貓九歲有少少過肥
醫生話要食老貓糧所以研究左幾日
本身食wellness core，諗緊好唔好轉wellness complete health grain free隻senior
但望成分又好似麻麻
唔知大家都無推薦

肥美絲 我隻貓五個月大 三個月係愛協領養返黎
食hills幼糧 但返黎開始都食好小
之後買罐罐好肯食 因為全部都係魚味
睇完你個表先發現原來魚係唔好
而家跟返個表揀返啲好既罐罐
諗住幫佢轉wellness core 但佢呢兩日夜晚都嘔 黃黃地
之前睇過醫生又話觀察下先 俾左啲胃酸藥
應唔應該再去睇醫生
但除左嘔完全無異樣
感謝

吞拿魚唔好比啦上咗癮好難改，對腎又唔好

除咗雞有冇試埋其他肉？

冇食排毛粉啊 但係有keep住梳下毛 同埋食完野真係會跑下跳下咁 但係食罐罐又唔會嘔 主要係嘔乾糧
即係咳的話唔算密 精神又好好就唔洗睇住? 佢仲未絕育 約左兩個禮拜後去絕 應該唔會影響到絕育?
Thanks

白醋

宮網無講過自己係主食罐
唔好聽sale講，要睇成份有啲乜

Skipjack Tuna, Chicken, Baby Clam, Water, Rice, Lysine, Taurine and Vitamin E
呢個係其中一個口味嘅成份表，正常主食罐會有貓需要嘅維他命、礦物贊同油脂，副食罐就會係上面咁得好少嘢

Cat man doo 可以

脫水糧都要加水還原成肉醬先餵，只係當多個罐頭以外嘅濕糧揀

如果要轉糧點都要買番包慢慢轉
佢嘅成份唔係值錢嘅嘢同偉嘉差距唔大

我發現左一樣野，係咪有貓食野淨係鍾意舔而唔鍾意咬呢？我已經餵肉醬，但肉醬整爛左都會係一舊舊，但我見佢永遠都係舔，我有時放上手，一小舊，佢唔會用牙咬，舔到晌手到跌落地都係要舔⋯

所以其實我係咪要將個肉醬打成蓉咁俾佢食呢？會唔會對佢啲牙唔好？不過平常我有俾雞肉乾佢食，都好硬下⋯

凍乾都要加水變番肉醬先食呀
乾食唔ok

你之前俾開副食罐多數係肉絲，所以而家剩係食thrive/canagan主食罐多款過副食好多㗎，只係多數肉醬好少係肉絲，款款都買一罐試吓

好頭痕啊最近，布偶食左幾個月primal100袋鼠前排轉左Dr Barf一排，呢幾日轉返primal100佢無端端一食就嘔然後絕食，咁我地怕佢太餓就唯有俾後備濕罐佢食，佢又冇嘔喎
跟住琴晚買左乾糧佢聞兩聞唔肯食，餓左陣今朝終於肯食，但食左幾啖又係嘔，我再餵罐又冇事，完全唔知佢做咩，好煩惱啊

唔好買老貓糧，個表有頁講功能性貓糧，有詳細解釋
健康減肥又對開始老嘅貓最好係濕食
濕食只有好少碳水化合物（令貓肥嘅主因）又多水分，會易飽肚，乾糧要喺胃慢慢吸水發大先會覺飽，好易食多咗，加上如果係高碳糧會積聚成脂肪

而且長期食乾糧令身體脫水，好傷腎臟，後生重可以頂住，老咗腎功能衰退得好快