貓糧資料庫（7）

彈多彈少有分別嘅
基本上揀罐都係睇無維他命k3,無卡拉膠，低碳水

如果身體健康麻麻，就以無腸質好啲，thrive,k9,汪喵, instinct 呢啲

想問下fussie cat黑鑚好唔好？

新手養貓留名
過幾日會接2個幾月大ge貓貓番黎
煩緊買咩糧同貓砂好 第一次養 上網睇緊好多資料
但睇得太多消化唔切
睇完樓主個po都決定主要會餵濕糧
但lunch唔係屋企可能都只係可以放番乾糧俾佢食
但想問下2個幾月大 乾同濕糧需唔需要買番for幼貓？定都只係睇番蛋白質 碳水 脂肪比例？有冇咩需要留意？
幼貓有冇話鮮食 脫水生肉個d唔食得住？
我見除左俾濕糧 呢2種好似都幾好咁
同埋有冇需要另加d咩supplements俾幼貓？

利申 我由樓主你第1個po開始追黎學野 應該有排先追到live

唔該

佢本身食開呢隻 我見又有穀物，色素，蛋白質得27%以上
好似唔係咁好
想幫佢轉

我發現隻貓食任何罐罐都柯，試過thrive，seeds嗰啲都係柯。但佢平時好鍾意飲水，咁既情況下會唔會就咁喂乾糧會好啲呢？唔該曬大家先

我主子都係兩個幾月大嗰陣接返黎，試過1st choice柯到七彩，之後食AVP幾好但成分唔算最好，依家食緊wellness bb糧。我見好多人都揀尼隻，但問題係成日斷貨

我睇緊wellness原味雞肉同幼貓配方d成份近乎一樣 好似買原味抵d
我睇緊呢間佢冇寫斷貨 唔知係咪即係有

隻貓唔知咩事

尋日開始柯爛屎 好似有血 之後嘔啲黃色水 胃口又冇唔點食嘢

今朝又嘔黃色水 不過就冇再柯爛屎

係咪餵乳酸菌好啲 買人嗰啲得唔得
Amazon訂驚太耐

肥美絲你好，想請問屋企10個月大布偶仔冇絕育

約5個月起，每日會食一罐大k9(170g分2、3餐食)，中間屋企冇人就wellness core乾放題
當時不同牌子、口味、肉醬、肉絲罐佢都會食。

直至佢8個月大時病左一場(痾爛+唔食野)，約一星期後好返，就突然唔再食濕糧
(佢大病前幾日我岩岩加左隻新貓仔,唔知係心情影響定有菌，所以令佢病了)

而家佢約5.5KG，好肥美，每日食大量乾糧，見到蒸雞同風乾小食會貓衝，但罐頭食１，２啖就會走人
應該因為唔夠水，所以每日得一次大便一次小便（不過好大篤），同埋我留意到佢每日好似訓成20粒鐘
見你提過缺水會累同成日訓，但上網又話貓(特別係幼貓)＋冬天，一日訓２０小時係正常，我需要擔心嗎？
因為佢８個月大病時已經驗左全血，冇其他血／腎等問題，但而家飲水量＋活動量咁低(完全唔玩玩具)，我有冇需要再同佢驗下野？

近來我盡量日日蒸雞或者加小小風乾雞碎落水兜引佢飲，就多左機會一日有２次小便
但發現因為我俾多左雞水，佢又會小左埋水機飲水，而且好怕佢飲慣有味水，日後更加唔肯飲清水...

我知道回歸原本係應該要食濕糧，但佢唔肯食既情況下，係咪應該同佢鬥過，唔食就餓佢１日試下再迫返佢？
（因為自製鮮食／訂生肉喺時間同價錢上有困難，所以想最後一步先做）

亦諗緊幫佢試轉凍乾+水，但見你話凍乾比較淡，所以驚如果佢都係唔食，唔通要FORCE FEED飲水？(但又驚令佢大壓力)
如果加貓草落水有冇用呢（而家興的貓茶包？），或者見你提過既骨湯粉可以日日飲嗎？

十分感謝

最近有隻新冰島貓主食罐, 叫Astkatta
有冇人買過黎試?
上佢官網冇乜成分同營養價值睇到
但睇啲食家相係冇膠
好似幾值得研究下呢隻新罐
https://www.astkatta.com/
https://www.facebook.com/astkatta/

原來啲網上寵物店有晒資料
https://www.meowcamp.com/collections/%E8%B2%93%E8%B2%93%E4%B8%BB%E9%A3%9F%E7%BD%90/%E5%93%81%E7%89%8C_astkatta
可以加入data嗎?

Fussie cat only 金罐係ok
有吞拿魚都唔好

呢隻好差所有日本牌子貓狗糧零食都好伏，唔好買唔好試

幼貓斷奶後就可以同成貓咁食固體，乾糧揀全貓糧，少部分成分ok嘅會有分成奶貓糧
罐無分，分咁類嘅多數都係水分多啲糊啲易食，但其實好多罐都係一pat pat 好易入口

鮮食要自己餐餐整，有心機整嘅都係等貓大啲絕育後轉為2餐先，費事中間時間又夾雜一兩餐乾糧（正路轉新鮮食物唔會再餵乾糧）

急凍或脫水生肉越早試越易適應，斷奶已經食得，因為最淡味如果食咗好耐乾糧先轉就有排煩

你個case可以先早晚罐（肉醬罐為佳，脂肪夠多對發育好，間中配搭肉絲罐-thrive/canagan嗰類，平衡營養同適應唔同肉質地），不在家時放定乾糧（最好揀grade A以上 ）
另外都可以直接轉生肉，早晚急凍or脫水生肉加水還完，不在家就脫水生肉唔加水。可以好早接觸生肉免第時轉辛苦但留意可能會出現只肯食脫水生肉唔加水

正常健康嘅貓唔會咁屙法
佢消化唔切濕食所以咁，即係腸胃已有問題，要解決唔好拖（IBD慢性腸炎就係由於小腸長時間低度發炎唔處理）

有冇食過益生菌同消化酵素？平時有冇食開魚油？

轉季，食咗唔乾淨嘢（平時地下可能有污糟奶毛食咗落肚，飲咗廁所水等得）都有機會突然屙，只要精神肯活動過幾日會好

食益生菌可以減輕症狀，乳酸菌係眾多菌其中一種，益生菌菌種多數量多先有效果，only得乳酸菌效果麻麻

人食可以，最好買小童款菌量唔會多到負擔唔到，但留意成分要以益生菌為主，人食嘅好多時加埋其他營養，竉物用就唔會有唔啱食嘅加咗落去

上網訂左呢隻

貓習性係從食物吸收水分，全濕食情況下唔飲水都無問題唔使擔心，keep住放碗乾淨清水做後備就可以

你隻貓重細個唔算係食咗好耐乾糧上晒癮，而且重肯食罐即係而家肯狠心啲同佢轉重有機，因為一日一次尿非常非常少，係身體脫水警號，重要男仔，唔理好大機會生石我明要你狠心餓佢逼佢轉濕會難做尤其而家情況又加貓又病完無耐

唔知你會唔會考慮脫水生肉，可以任意加減水分，由初初10ml，有少少濕濕地，慢慢增加到正常水量，等佢習慣（食生肉啲毛會滑好多）

至於有味水問題，如果係來自肉味無任何添加劑係可以，情況同食濕食嘅水一樣，當然直接喺食肉嗰陣吸引水分好啲

骨湯可以日日飲，但佢本身有礦物質，你隻貓食乾糧又食咗大量脫水礦物質，怕會積太多喺膀胱排唔走（尿量太少）食開濕糧又無必要日日飲，所以通常係大病中食唔得多就日日飲骨湯補充營養

一路用開CANAGAN, 但見到無寫符合咩營養標準
有冇邊隻主食罐自已推薦試下

Wellness CORE係咪性價比最高?

唔好食老貓糧，成分好差對健康唔好
正常成/全貓糧即可，但分量要減少
最好就濕食，有充足水分對腎臟負擔少啲，肉含量多又易消化

推一推
肥美絲可唔可以指教吓