貓糧資料庫（7）

想問佢哋有時好似得閒冇嘢做
去貓砂盆玩下 痾少少尿
但佢哋係會有正常尿量
姐係我剷砂會有大嘅尿球但都有細
咁有冇問題 ？
同埋點解佢哋痾軟便
係同一日痾便便
係夾雜住軟雪糕咁嘅便便同少少水狀便便
但有時又會正常

慢慢習慣，唔好一下子捉住佢起勢刷
買個360度刷毛刷，擺到入口就點都刷到啲牙
搽椰子油當牙膏，本身有消炎殺菌作用，貓無咁易口臭
（自己喉嚨痛都會食一匙羹，一日幾次，好快好）

300mg係epa+dha嘅量(omega3)
本身1粒魚油都係1000mg，而大部分魚油都係得300mg 以下omega 3，少部分會出濃縮版，嗰啲剩係比人食，同貴啲

主食罐食乾糧只會繼續復發

凍乾水分比乾糧更少，本身都係預你放得耐
只係正常餵前加水還完成肉醬先餵，就咁乾餵好浪費，無水之下會有好多濃縮礦物質，長期咁乾食好易積聚結晶喺膀胱，原理同餵乾糧一樣，但貴乾糧好多

你呢個情況將早晚嗰餐餵濕糧，中間放一餐凍乾，咁整體上貓貓都吸收多啲水分比較好到佢絕育後可以慢慢停中間嗰餐，變成全濕食

益生菌幾大都食得，尤其幼貓同老貓，身體狀況一般比成錢貓差，腸多益菌對佢哋吸收營養有幫助，可以日日食
成貓身體健康嘅唔使食好密

任何牌子都可以試，凍乾基本上成分好過任何乾糧罐頭，你要擔心唔係成分，係貓肯食邊個牌子口味

軟便就食益生菌睇下有無改善

尿方面，本身飲食上濕定乾？一日大概屙幾次尿？已絕育？

咁貓一日食一粒咪剛剛好?

食開k9主食罐，食極唔肥
轉orijen就痾爛，有冇增肥糧推薦？
(布偶女，一歲得4kg冇肉)

發覺隻貓有時會食跌出黎既貓砂 點搞好

未絕育，濕食會飲水
我諗2-3次？
佢哋得閒就去貓砂盆玩 好難記佢哋痾幾次
佢哋而家2個幾月同3個幾月 係咪都可以試餵涷乾？
同埋預防針佢哋未打，醫生話要健康要打得
但佢哋keep住軟便，可以照打定要正常返先？

唔好意思巴打無追po! 新手上路養豹貓仔3個月大！ 之前睇過wellness core 但睇到係話用肉粉做 唔係新鮮肉整！ 有人介紹食forest 鴨肉全貓糧！我想問呢兩隻好唔好！？定有無另外一隻係最好既幼貓糧！？額外想問如果佢肯食乾糧，係咪唔使比罐頭佢食，同埋零食嗰啲都唔使！

多謝肥美絲想追問
如果中間嗰餐我放乾乾(wellness core原味/火雞)，早晚餵罐罐好唔好？因為爬文見到食乾乾會唔肯食凍乾

跟住後期兩餐全濕食，需唔需要全罐/全凍乾加水？
因為凍乾好怕存放過程會有菌，同埋好似選擇少啲(主要都係汪喵?)，但又見到你地話凍乾加水話好過罐罐同埋好似抵食過罐罐咁，諗緊好無間中比下凍乾加水貓貓

另外supplement方面都想追問
我再追post見到有提過 洋車前子粉 可以化毛，代替化毛膏
魚油同益生菌可以日常餵
想問清楚呢幾款係唔係無特別分人定寵物，大概幾時同幾耐餵一次

唔該晒你，唔好意思好多野問

唔好意思呀肥美絲！追左三個po了！ 因為豹貓仔三個月大今個星期先接..本身佢食緊pro plan睇完諗住轉wc 幼貓比佢。想問其實係咪轉罐頭會好啲？但我見到有啲巴又話半乾半濕咁會對消化唔好..
同埋我諗住夜晚住雞柳條比佢！如果煮雞柳條同一餐仲洗唔洗比乾糧佢？我驚佢唔飽！打算早午乾糧，晚罐/雞柳條咁樣食有無問題？？
最後想問supplement既問題？我會買益生菌但想問個啲免疫力粉營養粉個啲洗唔洗用？sales介紹支叫nure 既免疫力水我
唔好意思新手上路好多野問。。

有病嘅貓最好日日食，健康嘅貓當保健隔幾日食一粒都夠

益生菌加消化酵素一齊食
加強佢消化能力先會吸收好

簡單嚟講濕糧好過》乾糧
濕糧分生肉（細分急凍同凍乾，凍乾要加水還原成肉醬先食）》鮮食〉主食罐
乾糧就分低碳水（當中又以無穀物為佳）》高碳水

最好當然生肉，絕肉內臟骨頭，無雜質同可以補充水分（好適合豹貓呢種高運動量型品種，比佢身體有充足營養build up muscle，體態都會靚啲）
如果種種原因比唔到生肉，又唔想煮餐死，主食罐係比較方便

最差係高碳水乾糧（要面對尿結石腎病糖尿病胰臟炎腸病風險）

半乾濕適合唔能夠餐餐比濕糧嘅人，只要乾濕兩餐相隔時間耐，唔太影響消化，唔好撈埋一齊食就得

自己煮鮮食只要分量唔超過全日20%即可，多過呢個分量就要添加綜合營養粉，外國有賣mix好一包嘅營養粉，香港無代理要代購，或自行根據貓需要續樣營養品買再加落鮮食，所以全餵鮮食好麻煩

對貓嚟講Supplements 有益生菌，洋車前子粉，魚油已經足夠，有部分貓腸胃消化差嘅再加埋消化酵素。其他supplements 唔太需要

餵乾糧都可以啊

全濕食只要係濕糧就得，不過罐頭同凍乾都餵要留意貓未必肯食凍乾，口感上凍乾差過罐，淡味啲，喺有比較之下貓唔多鐘意食凍乾，咁不如全食罐或全凍乾算

凍乾好貴㗎應該貴過罐

Supplements 買人食好啲
益生菌我鐘意dr mercola嗰隻竉物用，貪佢菌種多，買人食就買兒童用嘅分量比較適合

Forest no呀，好高碳水，佢都係肉粉造喎，雖然話鴨肉，但主成分係魚邊個介紹你買

罐頭好過乾糧，你望都望佢食罐唔食乾，否則乾糧食慣咗你想轉就難

零食買脫水小食好啲，用新鮮肉造又無加添加劑

打針係打細菌入身體製造抗體，梗係身體健康先打
我啲貓都係打完頭3針無再打了，你keep住比益菌搞掂軟便問題先，順便驗下大便有冇蟲，如有蟲點食益菌都無用

有幾次大督尿都唔太擔心嘅，可能真係貪玩，咁細個，唔會咁快尿道炎

凍乾咩年紀都食得，記得加水先食

豆腐砂？
我改用木砂後無呢個問題了

唔該哂，想問酵素有邊隻推介？

突然諗
點解高碳水既有殼乾糧仲會生產
對貓唔好
等水魚買

價錢平d
而且唔係個個都知佢既壞處