貓糧資料庫（7）

屋企隻貓就黎四個月，買番黎之前係食開rc粉紅色mother and cat個隻，就快食晒所以想開始慢慢幫佢轉糧。見到大家講到ziwi peak thrive wellness core糧都幾好咁但想問下呢d適唔適合四個月貓食？
同埋其實如果d罐無寫係for幼貓咁其實係咪都係唔好食住？

咁糧有無乜推介，諗緊跟你個Excel轉wellness幼幼

有冇人買叮叮貓鮮食包比主人食呀
想知道主人肯唔肯食

咩嚟㗎

做個身體檢查先，血液同尿液檢查，呢個年紀腎臟通常都有啲問題，有問題要食低磷食物同補水，罐頭會多少少選擇

如果無事正常grade A糧都可以，不過我會建議食濕糧停乾糧

病理上比唔到意見
想增強抵抗力可以試
益生菌（減少腸道壞菌，幫助營養吸收）
魚油（減少身體炎症，提高免疫力）
新鮮食物（保留最多營養，易被身體吸收）唔識自製鮮食就買品牌生肉試下，罐頭都好過乾糧，少咗高溫烘乾呢個步驟

高溫精製過嘅乾糧成分點靚都係掙啲

老貓糧好差，唔好買

可以啊，成分同營養都好過rc

罐頭好多都係全年齡，無分成幼貓，分咗都只係口感上棉滑啲等貓仔易食到
幼貓可以買多啲肉醬款式，脂肪多幫肋發育

Grade A以上都得，最好定期轉牌子唔好食死一隻
如果budget 有限食平少少grade B或肉粉糧，留錢買罐好過，罐好過乾

好👌

另外上星期六餵咗包汪喵主食餐包後（姜黃南瓜土雞）
其中一隻貓屙爛屎到而家（稀爛不成形無血好臭）
每日屙1-2次 而精神胃口都無問題
想問係咪主要係腸胃問題？
應唔應該只餵單一肉類主食罐（雞）或者只餵蒸雞肉再加益生菌？

竟然係咁 我仲係1個星期先比2至3罐濕糧佢食 乾糧係因為唔夠營養同消化得唔好?

乾糧主要問題係無水分，身體脫水對腎臟有嚴重影響，腎一有事就等死⋯其次係多碳水化合物，易令貓有糖尿病/胰臟炎/IBD等

乾糧唯一好處方便同平

好 咁我比返多d濕糧佢食先 1日1罐夠唔夠?

喵喵10歲 ，早排睇醫生佢瘦左，想儲番肥少少佢。睇完excel買左wellness core原味糧，ziwipeak，thrive同k9濕糧。另外仲買左汪喵銀養罐，想請問下呢隻成份ok嘛？

巴打幾時做埋罐罐評分

貓貓覺得啲糧臭係咩原因？食厭左？
我聞又好似冇特別

請問 蘇格蘭貓貓6個月大飲食問題新手貓奴

佢食開over- baked幼貓雞肉乾糧（放題）+canagan雞為主主食罐（每日1罐）+一餐白灼雞/魚柳（佳寶）
一直都痾軟便，仲幾臭下前期好多時都餵緊同雞有關既罐用白灼肉食，醫生估計佢腸胃對雞敏感，我開始轉糧⋯

轉左canagan魚為主主食罐（每日一罐）+一餐白灼三文魚（超市）+溝緊addition無殼鴨肉乾糧（放題）

點知依家啲屎仲軟之前都叫間唔中痴少少落腳，屎眼附近啲毛，依家差唔多次次都係


醫生已排除身體健康問題，生蟲等等⋯
1.想問試敏感原，要分開試大約1星期？（乾濕都要分開試？）

2.雞鴨同一種家禽，是咪應該換隻魚既乾糧？

3.會唔會係牌子既問題？食埋手頭上既Canagan魚罐想換，但又係唔知換雞/魚好⋯
真心睇哂excel，有啲心水想買但買一次唔岩食都幾貴下會唔會有sample size果啲賣？

4.有睇過益生菌，好貴又唔知邊隻好，有無推介

你試咗益生菌先，推介dr mercola ，有啲好平嘅得一種菌，未必有效

對蛋白質敏感係會有皮膚問題，紅腫同成日抓，好少喺幼貓身上出現。如果係食物不耐受（同蛋白質敏感係2樣嘢），就無乜皮膚問題，但唔一定係蛋白質，任何食物都有機會

排除測試最好用罐/生肉試，你會容易搵到單一蛋白來源嘅肉，而且無乜穀物豆薯同過量添加劑影響測試（呢啲都有植物蛋白），加上可以一罐罐咁買，試咩口味都得

除咗家禽重有兔，鹿，牛，羊，鵪鶉，袋鼠等等，無咩必要食魚，不是首選

樓主想問下我隻布偶腸胃好敏感易肚屙，想問下食邊隻糧好？如果食NATURE'S VARIETY INSTINCT ULTIMATE PROTEIN 頂級蛋白雞肉全貓糧如何？佢應該對牛敏感，有冇其他牌子建議？好煩惱啊

自膠，原來有

試新口味？
如果精神活躍嘅就咁食益生菌就得，食啲佢唔會屙嘅罐先，單一肉類都可以，前題係佢食過無事嘅

好番之後先慢慢比少少嗰隻主食包再試，睇下重有無問題，其間keep住食益菌

銀養罐都好呀，佢係低磷對老貓有益處（如果老貓腎唔多健康，少啲磷對腎臟負擔無咁大）

其他買嘅都無問題，建議比多少少罐食，多啲肉先有營養build up肌肉，有肌肉好過有脂肪，因蛋白質係貓主要能量來源，食唔夠會分解自身肌肉，會變得越來越瘦，好易有健康問題

另外重可以比下消化酵素，年紀大咗身體分泌酵素都可能會少咗，變相難啲消化食物，食酵素一來減輕胰臟負擔，二來正確消化食物去到小腸先易吸收營養

糧最好定期換，除咗無咁易食厭，對腸胃適應力都好啲

佢係好似埋砂咁埋啲糧？
未必係覺得臭，貓本能會埋住啲唔會即刻食嘅食物，留返下次食
佢可能係唔想食/食厭咗，本能地埋咗佢，等真係好肚餓先食（通常呢個時候奴才會比其他嘢佢食）

唔知係咪餵慣佢乾糧同零食罐，開主食罐比佢成日奶兩淡就唔食。見佢咁慘就餵番乾，又即刻食晒。係咪應該餓佢一陣迫佢食？定應該點樣培訓佢食濕？

可唔可以牛磺酸/離胺酸溝正常水溫水比主子飲? 想佢飲多D水, 成日飲好少

醫生話可以確診佢有2期ckd 有驗到尿 話佢d尿好淺色好稀 不過無其他特別問題 摸過個腎話個腎縮細左 血壓成200 不過有可能因為佢好緊張
SDMA的確係比半年前高左 之前係係正中間 咁係咪真係關d糧事

唔該肥美絲