貓糧資料庫（7）

你覺得水機有冇需要？

我屋企養四隻，無用水機
不過我係餵肉所以冇水份吸收嘅問題
如果單純食乾糧嘅話大部分貓唔會太願意去飲水
而飲水機可以吸引佢哋去飲水
不過其實可以用罐頭補返水份

部水機先300-400蚊
買啦~
唔夠水出左事夠你買10部水機

我想買架 但朋友都話唔好買 佢係拎黎玩唔會拎黎飲

我幾隻貓都係得1隻會玩
玩一排都冇興趣玩

我睇過幾個牌子 啲人話好難清潔 又話易污糟 有冇咩牌子推介？我睇中左富士山果個

富士山果部我都中意
但見話唔洗用filter, 有d保留
買petkit2代啦 夠抵 filter又平

而家有Filter喇！同埋本身我屋企用緊filter水唔太concern

咁就富士山啦

我隻貓都係，驗左血，除左海鮮，火雞，鹿，兔，牛之外都過敏。
食開鴨肉雞肉糧，成身敏感到又紅又損。

都想知呢兩隻好唔好

如果你主子都係敏感，要小心啲其他糧，有啲話就話無雞肉，睇成份會有雞油，雞肉粉

你都係上官網訂？

係呀，好多糧都係有雞。你有帶貓貓去驗血，可唔可以講多少少？同醫生講想驗有冇食物敏感？大概幾錢？我依家都係懷疑佢食物敏感所以想試下轉糧睇下情況有冇好轉先，再唔得先帶佢睇醫生。so far依家只係攨&lam毛lam得勁，暫時又未見其他嚴重問題

我隻貓女3歲，近半年係咁R痕又lam毛，成身損哂，好似生癬咁，食左幾個月藥時好時壞，前後睇左成萬蚊醫生
如果食物敏感到好似佢咁會好慘，日日痕到心情唔好無心機
驗左3千幾蚊，90幾種有可能致敏原，會test埋環境e.g specific 咩樹咩草咩肉會過敏
如果真係擔心，我勸你一開始唔好慳個3千幾蚊，一下就知對咩敏感，唔洗佢辛苦咁耐。通常年紀大要再驗過因爲有機會突然對其他野敏感
醫生話通常3歲會開始突然過敏，好似我個隻以前3年一直都無事，依家就過敏

重申，見到佢真係痕得好辛苦，你當人類濕疹到損哂，佢就係咁

推薦下呢款罐頭
CLS灌水神器
我隻貓85g罐頭溝100ml 水都同我奶乾淨曬
以後可以兩日一次 其餘乾糧

官網買平d 2千台幣免運費
香港好似得元朗有鋪賣 未去過

食剩咁多

想請問有無人試過係一個英國網VioVet或者其他外國網(搵集運/直接買)買過濕糧 因為我隻仔好鍾意natures menu隻糧但係周圍都無貨左好耐 想知係外國網買會唔會入唔到境 求指教

有無人可以分享下主人乾轉濕既過程？
我隻貓食乾糧食到上左癮，開邊個罐都好似無乜興趣，lai兩淡就抓兩下走左去

唔好意思，想問多小小
如果益生菌選擇（dr mercola）同魚油 (solgar)
另外主食罐揀k9 見佢有好多味雞肉 牛肉 其實係唔係都咩冇分別？
因為益生菌同魚油第一次買 驚買錯，想問下得唔得
或者有冇更好推介，同埋係邊到可以買到？
而益生菌同魚油應該食幾多，要唔要日日食？

Thank you

你好 肥美絲

我前排領養完隻貓之後買咗包細既first one畀隻貓食，之後睇一睇到呢個post發現first one係伏 就即日上網買咗包wellness原味畀隻貓食 但係佢食完first one咁重味之後 佢唔肯食wellness 我想問吓有冇邊一隻重味啲但相對健康啲 。

已經試過斷佢食十幾個鐘 再畀都係唔肯食 thank

樓主，我想問下，你建議既主食罐(eg.thrive)都有魚罐，係咪唔建議食? 成貓over 4kg 一餐濕糧一餐乾糧OK嗎？佢皮膚好差點樣食先最健康？ thank youu

呢隻係副食罐黎
佢另外有主食罐架不過係肉泥唔係肉絲