有無巴絲打鐘意玩P社喲戰略game？(3)

eu4 6周年大減價

steam?

paradox 官網

個價一般, 5 折貴過steam hk 有優惠時既5 折價

久違地更新

上回提要：德國閃擊波蘭，只用20日時間就打殘波蘭

打完波蘭之後，德國軍隊既主力集中晒喺東邊，由於我地同英、法兩國處於戰爭狀態，下一步當然要調兵返去西線，準備下一步既作戰
當然，我地唔需要等軍隊慢慢向西線集中，如果要快速調動軍隊的話，可以用戰略再配備功能

用既方法好簡單，揀完你要調邊D軍隊之後，按ctrl + right click就會彈個box出黎，再揀戰略調遣就得
按完之後會成隊軍隊消失左入左待配備pool，同時會消耗一定數值既TC，不過目前唔需要理會TC係咩黎住，將來講解德蘇戰爭時再解釋

咁要將軍隊調去邊? 我諗唔洗講都知要先打荷蘭，再打比利時，最後再打法國，完全無視馬奇諾防線掛
軍隊就位之後手動向荷蘭宣戰，記得要打完荷蘭之後，再等軍隊就位先至再宣比利時，如果唔係法國軍隊會支援荷蘭，變相難搞小小
荷蘭戰役冇野好寫，記得留意河流位置就得

打完荷蘭之後就到戲肉，因為比利時境內有法國駐軍，敵人軍隊數目比較多，而且法國軍隊隨時調動大量軍隊回防，同埋你既戰略目的係經比利時攻入法國，所以依到你需要擬定一個可以圍殲法國北部軍隊既作戰計劃

手動向比利時宣戰後，你先會見到比利時軍隊其實絕大部分都係法國人黎

依度就咁講下1939年西線既作戰目標，法國其實有event會投降，再成立維琪法國，觸發條件係你要佔領法國首都巴黎，之後每個鐘都有一定%觸發依個event，咁所以我地要做既只係要諗點樣容易D推到巴黎

所以，依到既戰略係咁：
1. 由荷蘭邊境出擊，以裝甲師快速切入比利時中部，盡可能將敵人集結喺北面既軍隊包圍於海岸線
2. 由萊茵河經阿登森林出擊，將比利時南部既法軍平推返法國境內，以確保包圍圈唔會腹背受敵
3. 包圍比利時北部軍隊後，前線繼續高速往法國深部推進，迫使法國投降

所以喺上面張圖，你會見到裝甲師集中左喺荷蘭境內，再劃個半圓去到Dunkirk，同時南面只做平推，等時機一到就直撲法國領土


當比利時戰役開戰之後，由於德軍配備左十幾個裝甲師，一方面敵人數量少於德軍，另一方面普通步兵硬攻太低根本就擋唔到裝甲師既攻勢，德軍就咁好似切牛油咁深入敵陣


只用左5日時間，比利時北部一共有約20個師被德軍圍困，依個時間法國軍隊眼見法國北部大開中門亦都即刻回防，可惜既係一切已經太遲

行軍速度較慢既步兵除左可以拎黎填線之外，重可以擔任劊子手，負責完成裝甲師搓出黎既餃子，一步一步將斷晒補給坐以待斃既軍隊圍殲
咁做的話就可以將行軍速度快、脆弱度較低(即係你既組織度相對於步兵耐用D，將來打蘇聯之前再詳細講解戰鬥機制)既裝甲師繼續拎黎左穿右插，咁先至係閃擊戰

依個時候要記住，當法國比你打到殘既時候記得要拉意大利入軸心國，意大利AI只會喺可以抽到法國水既情況下就會同意入軸，打完法國佢就唔會理你
萬一唔記得左又唔想煩的話，直接F12再入comand"accept all"啦

依個時候雖然法國重有好多步兵師守住馬奇諾防線，但係法國北部既法軍已經被全數殲滅，德軍就咁非常容易地陣領左無人看守既巴黎，並且繼續將戰線往比斯開灣推進，就喺11月5日，即係德國向比利時宣戰後既約2星期後，法國既親德國份子宣告成立維琪政府，並且向德國投降

咁你當然可以選擇繼續打，不過問題係HOI 2既設定係要將敵國既所有VP佔領晒先吞併到，你要吞法國就要打到去非洲甚至越南，為左節省心力，以及為左非洲北部既意大利軍隊著想，都係同意成立維琪政府好過

(cap圖之後先記得忘記左拉意大利入軸)
成立左維琪法國之後，法國既軍隊會全數消失，南部由維琪法國統治，北部就由德國直接控制，比你用黎策動海獅作戰，登陸英國本土

...你覺唔覺得好似有樣野遺忘左?
冇錯就係盧森堡

事實上，當你喺1939年攻法國既時候，只需要取路比利時已經夠做，打荷蘭係為左打比利時，而打比利時係為左打法國，如果你由盧森堡切入法國的話，因為能夠進攻既province太少，而且地型上又有成堆河流好難搞，所以可以完全唔理佢，等到滅左法國先再處理



1939年既歐洲，由德國一手挑動既戰爭已經接近尾聲，德國喺短短一年間建立既裝甲師橫掃歐洲，無論係波蘭、荷蘭、比利時、甚至係歐洲陸軍強國法國，全部都喺開戰後既3個月內被德軍打敗，剩返既目標，當然就係一海之隔，擁有世界最強海軍之稱既英國
到底德國能唔能夠打敗英國，終結依場戰爭? 欲知後事如何，且聽下回分解

殖民地應該點起 夠5格就自動變殖民地政府 但佢擴唔擴張好隨機
我見西班牙啲殖民地擴張得好勁
而且好似都唔好多收好多稅 反而sevilla個貿易賺得最多

最好起夠10格俾佢地, 佢地多地先會自己起地

起殖民地都主要係為左貿易, 最好上wiki睇下成貿易機制係點玩會好少少(篇文好長)

補充一句，殖民地政府有 10 格地之後宗主國會多一個商人。

ally aragon打柒佢啦 防患於未然啊

點解有時啲地明明係同一個貿易區 隔離連住殖民地政府 core左但又唔會俾左個殖民地 仲係自己國土

殖民地政府唔睇貿易區只睇 colonial region

上回提要：德國軍隊將法國擊敗，歐洲大陸上已經冇任何勢力可以阻擋德國人前進

當你將法國打敗之後，剩返既只有英國需要處理，咁你當然可以好似史實咁由得英國存在，但咁做的話佢會不斷炸鳩你既IC同資源產出，麻煩到死
所以都係快手快腳打爆埋英國唔洗煩


要打英國，當然就係派新生德國艦隊出動既時候
當你將法國既軍隊集中喺加萊一帶既時候，需要先將海軍艦隊移到去英倫海峽，因為AI係100%會派佢既主力艦隊黎打你，你唔打贏佢的話係冇可以登陸英國本土

1939年11月10日，一場決定英國命運既海戰喺多佛外海正式展開

係時候要講解下HOI 2既海軍戰鬥機制
之前都有介紹過幾樣相關既野，例如海軍都有將領指揮上限，海軍元帥麾下一共可以有30隻船、主力艦同輔助艦既比例要高過1:1，如果唔係會扣position值、HOI 2最OP既係CV之類


依張圖大概可以解釋晒HOI 2海軍要睇既野，首先position值，即係艦隊交戰時佢既位置是否有利，具體表現航向、攻擊效率等，不過因為太隨機唔洗點理，總之避免盡量避免食debuff就得

其次要知既係將領指揮上限，依場戰鬥因為AI係咁塞D船落去同一個海域戰鬥，導致佢食好重既攻/防debuff，與此同時德國海軍嚴守指揮規模，可以盡情發揮應有既戰力

比較番兩張圖，英國海軍只有31%攻防，德國海軍可以發揮97%攻防，而且係用更先進既艦載機，完全冇輸既可能

最後一樣要知既野係交戰距離，點解話HOI 2既CV咁OP，因為佢會強制拉長交戰距離，只要你既艦隊速度夠快就可以keep住拉打敵人冇CV既艦隊，如果對面都有CV就睇邊個先打爆晒對面CV，跟手就係一面倒地攻擊敵人

所以一隊最強既海軍艦隊係以15隻CV+15隻DD組成，不過如果你打AI的話殺雞焉用牛刀，大約用4~6隻CV已經可以橫掃天下，所以可以整多十隻同樣被視為主力艦既CA，做肉盾幫CV擋刀就得

咁當然，要攻擊敵人艦隊唔一定要由海軍做晒，你重可以派你果堆轟炸戰幫手

就算唔用海轟，只要你一口氣派十幾架轟炸機去炸船一樣可以炸到佢地反艇

經過左約五日海戰之後，喺1939年11月14日兩軍終於分出勝負

海戰結果以德國海軍大獲全勝作結，單計海軍戰果，一共擊沉英國皇家海軍2隻CV、2隻CVL、8隻BB、3隻BC、19隻CA，可以話成個英國皇家海軍已經全滅，而德國依邊只有CV KMS Seydlitz受損嚴重幾乎沉沒，需要返海港修理約莫兩年

隨住英國皇家海軍覆滅，德國已經可以不受阻擋地發動海獅作戰，登陸英國本土
不過登陸既方法同HOI 4好唔同
喺HOI 4入面，首先你要掌握制海權先至可以發動登陸作戰，而登陸既地點不受限制，最大影響只係你有冇搶到有海港既province，如果冇海港的話就會斷補給亦冇退路，隨時比人圍殲咁解

而HOI 2你唔需要有任何制海/制空權，不過只有部分既province先至可以登陸上去

仔細留意的話，你會見到有D province上面有類似沙灘既野，代表左果格可以打登陸戰
成個英格蘭既沿海province都可以打登陸戰，不過上到去蘇格蘭的話全部都冇沙灘，所以唔好諗背後突襲，乖乖地由英國南部上陸


不過大家都知打登陸戰食既debuff無論係HOI 2或者HOI 4都係好重，破解方法當然係用海陸師，但德國只有打英國既時候先需要用到，冇理由浪費IC特登整出黎架
咁所以有一個方法可以幫你輕鬆D打登陸戰，甚至係幫你平推每一格province，就係派空軍炸敵人既煙花塞牆

空軍用兵站攻擊指令之後就會狂炸基建，效果係大幅降低果一格既補給效率(ESE)

影響陸軍攻/防數值既其中一個因素，係果一格province既補給效率，你玩過HOI 4都會知如果補給過重的話會令陸軍既組織度回復極慢，進而令你既組織度低到推唔到任何一格地，詳細例子喺之前意粉戰記既北非戰場有提過

至於HOI 2，province既補給效率係要逐格咁計，如果果一格既基建值太低，喺果格上面既守軍就會出現debuff

將基建炸到0%之後，可以見到英國守軍出現左 "ESE: -23.8"果行，勉強可以抵消到敵人部分既buff，令自己輕易D打贏

最終經過連番激戰之後，德國人成功喺英國既Portsmouth登陸，為英國敲響喪鐘
集結喺法國北部既德國軍隊約莫有7成登陸英國本土，準備滅亡英國，剩返既就向南斯拉夫同丹麥邊境集結，準備之後既event

(因為意大利會有event向南斯拉夫宣戰，作為同盟國既你會同時同南斯拉夫宣戰，所以一定要搵軍隊守住，或者可以幫意粉一齊打南斯拉夫)

由於1939年英國唔會整大量陸軍出黎，求求其其平推包下餃子就可以徹底打贏佢


雖然HOI 2入面英國都有投降event，但係實際執行上你要打到印度先會觸發，咁所以你可以選擇推到蘇格蘭既時候先停低腳步，殲滅左英國陸軍之後特登唔佔領果格province，反而用海軍封鎖左港口，再用轟炸機不斷炸海港，務求將所有英國海軍軍艦擊沉

不過要記住英國既同盟國例如加拿大、激州、紐西蘭會派陸軍登陸/反登陸英國，除左蘇格蘭唔好玩得太耐之外，英國南部每個有沙灘既province都記住最少要留1~3個步兵師以防不測

老老實實英國既IC唔算高，亦用唔到島上面既人力(因為HOI 2取得人力係要同首都有陸路聯繫先得)，打黎冇咩肉食，但唔打唔得既原因係英國既空軍會狂炸你既IC同資源煩到癲，都係及早收佢皮為妙


1939年9月因德國入侵波蘭而挑起既世界大戰，居然只經過4個月時間就已經落幕。當世人以為戰事會變成長期戰之際，德國不單喺陸軍上徹底擊敗法國，就連英國經營數百年既海家海軍都輸左比只以幾年就建立出黎既德國海軍
徹底將英法兩國打敗既德國已經無人能阻，而依個時候德國元首開始將目光放喺歐洲其他潛在反德國勢力既國家...

到底黎緊德國下一步既計劃係點? 欲知後事如何，且聽下回分解

上回提要：德國發動海獅作戰，成功將英國一口氣擊潰

正常而言，你打贏英國既時間應該喺1940年，之後你可以做既當然係等1940年5月同蘇聯既互不侵犯條約中止之後即刻打蘇聯，或者等到1941年先至再開拖

不過1940年既蘇聯實在太弱，除左有大清洗帶黎既debuff之外，重有蘇聯既陸軍doctrine要去到1941年之後先至明顯可以同德國一戰，1940年就打的話你乜都唔洗理平推就可以打贏
為左增加遊戲趣味選擇1941年先至打蘇聯的話，你就有大約1年時間空檔可以平定歐洲其他地區


首先係丹麥，1940年初會有event，可以選擇同丹麥、挪威宣戰，打丹麥簡單到平推佢2~3個province佢就會投降，不過因為要順手打埋瑞典，所以你可以將集結喺英國既主力部隊調返去漢堡，接住再打北歐

4日時間已經打完

之後打挪威其實有方法快速打完

你應該會記得要將一個國家打到投降，需要將佢全部VP佔領，而挪威只有兩個VP，重要係沿海既，只要登陸上去就即刻可以吞併佢，根本唔洗包餃子又唔洗用咩戰術

不過記住首都奧斯陸一定有陸軍駐守，直接打登陸戰係打唔贏，所以你可以選擇喺隔離果格登陸上去先再打有VP果格，咁就唔洗食登陸戰debuff

輕輕鬆鬆又食多個國家之後，下個目標當然係....隔離既瑞典

雖然史實入面瑞典係親德國，但遊戲內唔洗理依D野
打瑞典最大既原因係為左蘇聯投降之日，將北歐統一成一個強大既傀儡國，不過唔打都冇所謂，你照樣可以同瑞典簽貿易協議買鋼鐵，但重有一年時間先至打蘇聯，唔打下仗好悶咁解

同樣地，因為北歐既地形比較惡劣，留意VP位置咁打就可以快速終結北歐戰場

除左北歐之外，另外你重可以選擇打埋西班牙

史實上西班牙內戰係由佛朗哥勝出，但係HOI 2入面唔知點解10次有8次係西共打贏
西共唔係唔好，但係佢會有一定機率加入盟國，為左減少風險直接剷平佢再成立傀儡國好過
另一個要打西班牙既原因當然係順手收服埋直布羅陀

同HOI 4既玩法一樣，只要拎左直布羅陀就可以切斷同盟國喺北非既支援，意大利就可以幫你打晒成個非洲乜都唔洗理

不過當你非常成功地擴張時，你會留意到UI既上面，有一個數值變左做紅色

依樣野就係TC 運輸能力
HOI 2既補給除左計每格province既infrastructure上限之外 (歐洲地區一般係100%，去到東歐以東會降到80%以下)，重會計埋成個國家既運輸能力，基本上每1 IC會提供1.5 TC，TC變左做紅色之後會影響補給效率，以上圖為例可以見到依家既TC上限係900，但消耗緊935，而令補給效率變到得返96.26%

影響TC消耗既因素有幾個，包括你軍隊既規模 (用裝甲師等會消耗石酒既部隊的話會消耗更多TC)、國土規模、戰略再配置 (因為用鐵路運軍隊，所以佔左運輸能力)、以及遊擊隊活動

每1%既遊擊隊值都會+1TC，為左盡可能減少TC消耗，如何鎮壓遊擊隊就成為左需要處理既問題
喺地圖模式揀左遊擊隊地圖之後，會見到部隊佔領區會變成紅色一塊塊，代表果格province上面有唔同程度既遊擊隊活動，數值太高的話會出現亂軍，所以就要搵軍隊做鎮壓，最有效既方法當然係用駐守師+憲兵

駐守師唔可以移動，只可以靠戰略調遣更改駐防地點，同埋要留意要set指令鎮壓遊擊隊

之後駐守師企緊既果格province，以及鄰接既province都會減少遊擊隊值，為你慳返唔少TC，留返將來打蘇聯時勉強支撐補給線之用 (個人經驗打蘇聯TC會上到1800左右，多多TC都唔夠用)

之但係整駐守師要唔少人力，就算人力有剩都唔應該咁用架
所以另一個解決方法係成立傀儡國

打開外交畫面之後，根據目前你已佔領既土地，可以成立唔同既傀儡國

成立傀儡國有非常多既優點，首先係你可以更加善用non-core既土地，因為non-core只能提供少量既資源、人力、IC，將province交返比傀儡國可以獲得更多資源
第二係傀儡國獲得既剩餘資源會以外交契約既方式全數上繳宗主國
最後最重要既，係傀儡國會將佢研究完既科技藍圖直接交比你，咁你就可以將部分既研究交比AI幫你做左先，之後用更快既時間研究到更多既科技
亦即係話，一個傀儡國既IC越高、科技槽數量越多，佢對你就越有用

不過每一次你成立傀儡國既時候都會增加不滿度，所以要逐個逐個成立，將不滿度壓返0%之後先再成立另一個
另一樣野係成立部隊傀儡國時會彈event，直接增加15%不滿度

例如成立一統北歐土地既斯堪地那維亞的話，會彈個不滿殖民地政策既event出黎，都係留返蘇聯投降之前再成立，靠event直接將不滿度歸0

1940年建議成立既傀儡國有幾個

由於我地需要英國既IC充實實力，唔建議放走英格蘭地區既控制權，退而求其次將蘇格蘭獨立，反正果邊冇IC又冇資源，冇肉食

另一個當然就係西班牙

不過要留意西班牙AI唔知點解會將陸軍集中左喺加那利群島，本土國防真空，記得留返些小步兵幫西班牙守海岸，否則英國會登陸西班牙反推德國

最後，當然你亦可以選擇向中東進軍，獲取石油供給

不過依個時間唔建議打埋伊朗，因為伊朗同蘇聯接壤，打埋佢的話會影響將來德蘇戰爭既佈局，所以就咁打左伊拉克就算



儘管德國已經佔領左不列顛島，將同開國勢力由歐洲驅逐出去，德國既腳步並未因此而停落黎，無論係北歐抑或西歐，都已經退離唔開德國既魔掌
不過，從後世既眼光出發，1940年既歐洲已經係第二次世界大戰中較為平靜既一年，一場腥風血雨既戰爭依家先正式開始
到底德國既將來重會搞咩花款? 欲知後事如何，且聽下回分解

Eu4推遲到下年先發佈新dlc
在此之前會先出1.29: Manchu更新，會係免費更新
新改版之後天命系統會有改變



改版主要集中東北亞，中國本部唔會有新省份增加

改版後如果英宗領軍戰敗會觸發土木堡之變事件，英宗被擒會打擊明朝穩定值同天命，如果瓦刺係明朝出現新皇帝之前攻陷北京，就能一舉控制明朝所有係North China region嘅省份，同時令明朝損失大量天命


而age of discovery之後如果明處於低天命值就有可能出現disaster，明將會承受一系列Land Morale, Technology Cost, and Global Unrest, Stability, Mandate, and Corruption嘅打擊，最後出現農民叛軍，叛軍一佔領10個省份就會隨即宣布獨立，係北方，叛軍唔單止會宣布成立大順，仲會立即對明宣戰奪取天命

新版本令到明朝到後期更有可能被瓦解，明朝係新版本嘅生還率得返1/3，令東亞後期發展更加dynamic同unpredictable

新版本之下有更大可能出現強大嘅清朝丶一個分裂嘅中國丶大順或吳建立新天命政權或被歐洲甚或印度瓜分嘅中國

https://forum.paradoxplaza.com/forum/index.php?threads/eu4-development-diary-27th-of-august-2019.1235540/

P社亡我大明之心不死

eu4好難玩新手入門用遊牧烏茲別克諗住打架唔使煩太多外交內政 點知都係玩唔到太耐

感覺上合理左

新手唔好玩小國，強烈建議試下玩西班牙/葡萄牙學貿易或者鄂圖曼學打仗

新手慢慢黎，先定立左個目標然後慢慢黎

上回提要：德國橫掃整個歐洲，勢力遠至中東

當我地喺1940年處理晒D手尾之後，係時候佈局準備1941年既德蘇戰爭

首先係英國本土既部署，由於當地既遊擊隊比例高，所以基本上每格province都要放1個駐守師，然後再放幾個3個步兵師組成既軍團守海岸
依個時候就係「待機」指令既出場既機會

HOI 2既陸軍可以落唔同既指令，例如防戰支援、攻擊支援之類，最常用既其實係攻擊支援，作用係比你既軍隊幫手打另一個province而又唔會行軍，部分情況下如果你想某一格province既軍隊企定定做防守，又想加多個進攻方向打人的話，就會用攻擊支援
而幫手防守的話可以選擇用待機指令，作用係當隔離既province受到攻擊既時候，果隊軍隊就會行去果個province上面幫手做防守
由於登陸作戰進攻方非常難贏，基本上用3個步兵師已經可以處理到AI既攻勢
講到依到你應該會明白果D步兵師要點放，只要記住陸軍只能由有沙灘既province上岸就知要放邊到
另外駐守師由於唔能夠行軍，一定要用戰略再部署，但係不列顛島同歐陸本土冇陸路聯繫，唔能夠直接部署上去，要經運輸艦載去英國先可以重新deploy

步署防守兵力既目的係防止英聯邦國家重奪英國本土，至於法國既海岸線係唔需要理會，因為P社寫既programme set左AI會優先搶返英國先會打法國，所以法國係完全唔需要駐軍

至於西班牙方面，由於你已經控制左直布羅陀，地中海亦有意大利幫拖，同樣都係喺大西洋既海岸線步署小小步兵師就得，唔需要太在意

1940年另一樣野要提早做既係盡早完成研究1941年新式軍隊

1939年步兵師同1941年步兵師完全係兩個層次，首先差異係行軍速度差左0.7km/h，由於德國主打裝甲師閃電戰，但正常情況下你既軍隊唔會全部都係裝甲師/摩步師，所以會用成堆步兵師做填線或者包餃子之用，所以行軍速度當然越快越好
同時唔好忘記有N個重要科技都有1941年版本，無論係中坦、自走炮、陸軍doctrine都需要研究，研究完之後又要分配IC做更新，所以一定要提早喺1940年初~中就完成研究

開戰前另一樣要準備既野係擴張陸軍數量，如果話1936年開game後既生產線係以1939年打贏法國為考量的話，1939年開始建立既生產線就係為左打贏蘇聯而設
經過N次既嘗試之後，我自己領悟到既係步兵師大概80~90個就一定夠，另外可以再加16個山地師放喺北部戰線，將來打聖彼德堡既時候果邊有N個province係濕地/森林，用山地師會舒服D

至於裝甲師就多多益善，一般而言去到1941年都整到32~40個中坦師
唔全部都用裝甲師既原因有好多個，一來成本由於非常貴，打AI用唔著全裝甲師，二來裝甲師本身既組織度太低，需要加入摩步師去加整體組織度，三來有一樣野叫「諸兵科連合bonus」，當裝甲單位:非裝甲單位既比例維持喺1 : 2 ~ 2 : 1既範圍內，就會附加5%攻擊數值加成，所以我自己會用2裝甲師+1摩步兵組成一個裝甲部隊，如果係配備司令部的話就會配做3裝甲師+3摩步師

司令部我自己會整5個出黎，全部都係由裝甲部隊帶領，喺開戰初期可以切菜咁切，盡早將所有蘇軍圍殲於立陶宛、波蘭、烏克蘭一帶

係時候順手講解下將領
每一個海/陸/空將領都會有兩樣野要睇，一個係skill level，另一個係佢有咩技能
正常情況而下，每一個特殊技能例如機甲戰、要塞戰、卓越戰術家等會加10%對應數值，以上圖既隆美爾為例

依家既隆美爾既技能有Offensive_Doctrine (+10%攻)、Panzer_Leader (用裝甲部隊時+10%)、Logistics_Wizard (-25%石油、物資消耗)、Trickster (容易觸發伏擊戰術)，即係話你用隆美爾帶領裝甲師的話，就可以硬生生+20%攻防，補給需求又變少左，所以去到1939年打波蘭前一定要比隆美爾帶裝甲師上場
(詳情技能解說請自己睇wiki :http://4gou.tank.jp/hoi2data/?cmd=read&page=%A5%C7%A1%BC%A5%BF%BD%B8%2F%BB%CA%CE%E1%B4%B1%A4%CE%C6%C3%C0%AD&word=%BB%CA%CE%E1%B4%B1%A4%CE%C6%C3%C0%AD)

另一樣影響將領能力既係skill，每個將領都會有預設既起始等級同上限等級，有需要可以自己喺hoi 2既game folder拆data出黎自己分析
將領要升skill要由戰鬥獲取經驗值，每100exp就會升一個skill level，陸軍將軍每一個skill會+5%攻/防數值，所以level 9既將軍同level 0既將軍係可以相差45%戰鬥數值

skill level除左用黎提供戰鬥力加成之後，每當你將佢晉升做中將/大將/元帥既時候會減1個skill level (可以重新練返上去)，所以唔好見隻人好用就拿拿聲升到上元帥

但係海/空軍既將軍就每個skill level只相差2%數值，基本上影響唔會大，所以會變左將領既技能影響力大D，例如揀海軍將軍既時候，與其揀個skill level 3既少將，不如揀個有卓越戰術家技能既人再人手直升上元帥，表現會更加好

德國既陸軍將領個pool係非常on9既，成堆人自帶攻勢doctrine + 機甲戰，skill level又要起碼3以上，根本作弊
基本上將領既分配原則係有機甲戰既就帶裝甲師，其他有Offensive_Doctrine技能既優先帶兵就得


今次大概講到依到，下一篇正式入劇肉

我覺得殖民好玩過打架

https://www.reddit.com/r/eu4/comments/cxravd/earlier_i_posted_a_pic_of_879k_rebels_i_thought/?utm_medium=android_app&utm_source=share
最多upvote個comment