有無巴絲打鐘意玩P社喲戰略game？(3)

上個post我寫過戰記，不過已經outdated

玩下回教同pagan就好易上手 尤其是維京屈到無人有

基督教國家係hard mode黎

同埋最好唔好一黎就玩國王 皇帝 太多野要兼顧 試下做人地臣屬撚鳩自己個主君

喺HOI 既世界入面，德國係挑動世界形勢改變既國家，身為遊戲主角既德國喺開局時自然有非常多野需要做，尤其係HOI 2有一D獨特既設定要留意

首先，係要將counter設定為ON

依個係設定軍隊既圖像係用人仔定係兵棋，用人仔的話就會好似HOI 4咁，但問題係HOI 2既人仔比既資訊太少

中間果隊兵你會見到係移動緊 (雖然係靜止圖你可能唔覺)，你會見到佢向南移動緊，但其實唔係

實際上依格province既兵向緊兩個方向移動，但你只睇兵仔的話剩係show到一個方向，如果你用兵棋的話就會清楚好多

你會見到依格province疊左兩個兵棋，即係有兩個「軍」，根據移動方向有綠色箭咀篤住某個方向，如果係進攻的話會變成紅色箭咀，撤退的話會係橙色箭咀，一目了然

HOI 4的話會有另一隻人仔show比你有軍隊向緊另一個方向，要將HOI 2同HOI 4做比較，我諗HOI 4剩係贏外觀同national focus tree


另外要留意既係HOI 2會彈好多message box出黎，有部分非常有用，有部分得個煩字

依個box係提你已經移動政策既果條bar，由於每365日只能夠改一次政策，所以佢屬於非常重要果類，因為你遲幾日先改政策的話，下年又要遲幾日先至設定到
或者當你研究完科技之後，由於HOI 2唔似得HOI 4咁有緩衝期，遲一日開始研究就遲一日完成，咁所以你會希望每一次出現依類要即時做反應既box一彈出黎就順便暫停遊戲，你就可以先right click個message，再將佢設定為最底果格既一彈出黎就暫停遊戲
或者如果你認為有部分message完全冇用，例如其他國家偷你科技既時候，原設定係有理冇理會彈個box出黎通知你，但我覺得無論AI偷唔偷到我都做唔到野阻止佢，唔想比依類message煩到，就會設定為第一格既完全唔通知我，或者第二格既只喺log做記錄就算

第三樣野要做既係改政策同內閣

新手玩HOI 2德國經常唔記得既改內閣，如果你有睇過內閣成員的話會發現改兩改可以大幅增進國力

軍需大臣唔需要用-10%步兵研究時間果個，而應該換成+10%IC整多D工廠


內務大臣亦唔應該用+15%外國IC，因為36年既德國領土全部都係core，冇外國領地，所以應該用-5%消費品大臣，節省IC拎黎整工廠

正如解說篇所講，改大臣會增加1%不滿度，而德國進軍萊茵河的話會彈event-2%不滿度，所以開局之後只改兩個大臣就得，將來要改大臣就等38年合併奧地利之前再改

另外政策建議先將經濟法向中央計劃經濟推

由於德國屬於國家社會主義，改唔到做自由經濟，所以德國只有計劃型經濟依個選項
另外要留意既係德國連改兩次經濟法的話，去到1937年1月1日既時候會去到"3"，即係會+15% IC

對於需要大幅擴軍去侵略 主動防禦敵國入侵既德國黎講IC係永遠都唔夠，所以都係先改經濟法拎多D IC好小小
其他果D鷹派、介入主義、封閉社會會有一堆event幫你改，唯獨計劃經濟同常備軍要自己改，所以其他野係唔洗理

你如果眼利的話會發現每一條bar隔離會有個格比你打剔，其實係用黎自動調整政策時用既，時間一到就會自動將果條bar向某個方向移動，記得打剔

之後既係生產線

直接同大家講，Tier 3以下既海軍全部都係廢既，HOI 2 DH既潛水艇更加係廢中之廢，咁所以只需要留低重巡生產線整埋隻Admiral hipper class CA就得

重有玩任何一個大國(除左蘇聯)都要記住開局一定要開運輸船同運輸艦既生產線
運輸船用黎運物資、運輸艦用黎運軍隊，因為依兩樣野生產出黎好花時間，用起上黎冇就非常麻煩，習慣上一定係由開game整到end game

至於整幾多工廠既學問就非常之深
由於德國屬於計劃型經濟，軍隊改良cost會比較高，同時軍事科技集中喺晒1939年，如果你想慳返D改良用既IC的話，就會等研究完39年既某款科技之後先至擴軍，正常而言時間會喺38年年中至39年初左右
咁計的話，即係去到39年初先開始擴軍都唔成問題，時間上等於有3次整工廠既機會，大概可以整16~18 * 3間工廠出黎
雖然去到39年後既工業爆發力高，但問題係去到39年先至生產軍隊的話得半年時間就開戰，難以湊夠各式軍備去打同盟國，例如你會太少步兵或者裝甲師，海軍整隻CV都要用幾百日邊整得切

咁所以一般而言，大國既開局係喺全部core province整兩個工廠，再根據國情要改之後既生產線
玩德國因為要海獅英國，所以需要一隊海軍同Royal Navy打，個人會喺研究到Tier 3或者Tier 4 CV之後即刻開3~6條生產線整CV，只要喺1939年11月前完成一支海軍就得
(用邊個Tier視乎你會唔會同日本交換藍圖，Super none可以同非同盟國交換科技藍圖先至做到依樣野)
然後喺37 / 38年盡早研究完1939年式軍隊之後，喺38年中後期就開始大幅擴軍，到時候會將喺38年底都完成唔到既工廠生產線delete晒佢，騰返D IC出黎

要整工廠好簡單，去某一格province果到按keyboard既" i "掣，按一次就等於整一次工廠，唔洗咁傻仔click 完province又要click左上角既工廠icon


科技的話我自己會咁樣整

正如之前解說科技時所講，產業類既科技非常重要，生產技術加既係IC，而農業加既係manpower，依到有個竅門係用Krupp(第一格果個)研究產業，而用IG Farben(第二格果個)研究農業

依張圖係1936年你會研究到既產業同農業科技，你要研究完農業化學先會研究到農業生產
由於農業化學既研究難度比基本型工作機械低，代表前者會較快研究完成，當你即刻研究農業生產的話，會發現德國既研究部門入面只有IG Farben能夠完全fit到依個科技既研究特性

因為manpower比任何野都珍貴，咁做會快小小時間完成農業生產研究，令你去到39年可以整多幾個師出黎

1936年科技太少，代表你冇幾耐之後會開始食提前研究既debuff去研究科技，依到有另一個竅門係喺1936年底開始研究39年步兵
雖然超前太多做研究debuff好重，要等到37年底先至完成研究，但你一去到37/38年就要研究埋：
1. 基本型輕坦(1938)、改良型輕坦(1939)、基本型中坦(1939)
2. 基本型野炮(1938)、初期型自走炮(1939)
3. 改良型戰術轟炸機(1940)、護航機(1940)

依到都未計其他重要既後勤科技同doctrine要研究，例如陸軍doctrin閃電戰雖然話係1938年科技，但要1937年初~中就開始研究，喺38年整坦克之前就要完成，因為依個doctrine會減生產坦克既cost
另外都重有初期醫院系統、兵站，同時重要兼顧生產技術同電子技術，重有德國玩CV的話要放棄成條海軍doctrine，重新由基地空襲開始研究....
所以越早研究完39年步兵，你就越早煩少個科技，同時擴軍既時候直接生產新式既步兵出黎，節省改良所需要既cost

最後要講既係軍隊點樣分配

非常令人噁心既地圖，尤其係德國東邊果個國家，居然將德國一分為二

事實上德國開局之後軍隊唔洗點調動，甚至你開局冇運輸艦，調唔到軍隊去東普魯士
所以要做既只有兩樣野：進軍萊茵河、喺齊格菲防線佈防
喺HOI 4的話，進軍萊茵河係國策黎，需要用70日行一格national focus

而HOI 2就非常簡單，將軍隊直接篤入萊茵河地區就得

只要軍隊一進入依兩格province，0時0分既時候就會彈event出黎

又+10% IC又-2%不滿度

而有個方法可以令你最快速觸發依個event，就係分拆一隊加左工兵旅既軍隊出黎，踩行油剷入去

揀左某個軍隊之後，喺下面有個掣可以用黎分拆依個軍團入面既師出黎

篤個加號之後就可以將軍隊分拆出黎去第二個軍，依到剩係將有工兵旅既師獨立出黎，然後再將軍隊向萊茵河地區移動

依張圖可以見到有工兵旅既步兵師會比普通師快6個鐘抵達
不過，咁樣都未夠快，因為event係喺每日既0時0分彈出黎，1月3日既0100先到達同冇快過冇分別，但係用另一個方法就唔同

答案係：按"Shift"先令軍隊經過Essen，先至再去Cologne，令你早一日觸發event



造成咁既原因，係每個province同province之間有唔同既移動距離

由於不同因素，每格province雖然互相連接，但實際上P社設定左唔同既距離，你喺歐洲同西伯利亞雖然都係行一格province，但前者可能每格只相距小於100km，西伯利亞係講緊500~800km，千萬唔好以為得果1格就隨便行

不過依個case係比較特別，可能係同過河對移動速度既影響有關
由Dortmund直接入Cologne的話，兩者之間既距離係104km，如果由Dortmund經Essen入Cologne的話，距離會變左做58km+46km=104km，明明距離一樣但係抵達時間唔同
唯一我自己諗到既解釋係Essen去Cologne既距離短D，而跨河對速度既懲罰係計%，所以直接由Dortmund去Cologne既懲罰會高小小，令抵達時間產生極微妙既差異

province之間唔同距離一般而言冇依個case咁細，就拎1939年德國閃擊波蘭做例子

進攻波蘭既Crazow既時候，同樣都係跨河，由Breslau進入Crazow既距離會遠過Ostrava約50km，而令到後者既軍隊會喺較快既時間抵達波蘭Crazow省(3km/h的話會差成十幾個鐘，非常明顯)，喺做軍事部署，決定邊格發動進攻、邊格做支援攻擊、行軍路線係點既時候，必定要考慮埋province與province之間既距離，特別係你想用裝甲師包餃子的話，又要睇距離，又要睇地型，絕對唔馬虎得


進軍完萊茵河之後，順帶可以喺法國馬奇諾防線佈防，大體而言每格province放6個步兵師就夠

由於39年德國攻擊波蘭之後，同時會向法國宣戰，所以依邊既防線唔可以出現真空，但放太少師又會被AI突破，咁就放5~6個師企定定，AI就唔會進攻，比較安全
順帶一提既係加強旅除左炮兵、工兵、自走炮之外，所有加強旅有9成5時間係用唔著，唔想果D咩AA/AT加強旅佔用你既物資的話可以拆晒出黎delete左佢，或者比晒齊格菲防線既軍隊用

揀左有加強旅既果個師之後，再篤下面個"B-"掣就可以拆加強旅出黎，如果要加的話果一格會變做"B+"，再揀要用邊個


1936年，世界隨住德國進軍萊茵河地區而漸漸變得不穩，雖然英法兩國都擔心德國公然違反凡爾賽和約會令德國既野心進一步壯大，但輿論普遍認為根本凡爾賽條約對德國太過嚴苛，依家對德國稍為鬆綁亦不為過
但係，德國既元首既野心，又點止於恢復萊茵河地區軍事控制權咁簡單?
欲知後事如何，且聽下回分解，7月21日後我地有機會的話再會

hoi2 死出cv3同無限多dd就得
其餘全部用NAV好過

見ck2好多人話唔知做緊咩 等我又打篇ck2簡介

ck2同其他P社game最大嘅唔同就係佢其實係一隻RPG game, 玩家操控嘅並唔係一個國家, 而係一個人. 遊戲入面每個NPC人物都係獨立嘅個體, 玩家唔可以好似其他戰略game咁任意控制所有野, 遊戲進程有時會不似預期.

ck2嘅時間背景橫跨中世紀, 由769年查理大帝時代至1453年君士坦丁堡被土耳其人攻破,東羅馬帝國滅亡為止 (唔一定要由769年開始, 中間有唔同時段選擇, 唔同時段又有唔同嘅遊戲機制). 由於遊戲系統非常複雜, 遊戲機制五花八門, 所以係到我會先用基督教嘅封建領主做介紹. 之後再講其他宗教同政體.

ck2嘅人物總共分為五級, baron 男爵, count 伯爵, duke 公爵, king 國王, emperor 皇帝. 有啲似傳銷嗰啲分級咁. 其中baron係non playable, 因為遊戲地圖入面分開做一格格, 每一格係一個county, 你最低只可以由伯爵開始玩.

769年 count of astorga 開局

左上角圓圈有個星星嘅就係依家玩緊嘅人物 count mauregato, 而我依家只係領有一個county. 而且我唔係獨立嘅伯爵國, 我嘅圓圈右上有另一個圓圈寫住 liege 主君, 佢就係我嘅主君, King of Asturias, 我只係佢手下嘅一個伯爵, 而且佢同時係同我同屬一個家族嘅堂呀哥.

係一般情況下 如果我想由伯爵向上爬 升級做幹部 做埋分部長 最後做埋皇帝 係非常困難嘅
但係呢個case就簡單少少 我呢個國王堂呀哥 年事已高 而且膝下無子 佢依家嘅繼承者就係我 所以如果佢依家瓜左咁我就會繼承佢嘅王位 直接由伯爵成為國王

問題就黎喇 男人唔似女人咁年紀大左就無仔生
呢個國王隨時可以生個仔出黎 咁就會破壞左我成為國王嘅大計
而且Kingdom of Asturias 嘅繼承法律係選舉制 就好似神聖羅馬帝國咁 皇帝係選出黎 唔一定係子承父位

因為呢個國家細 所以唯一嘅選侯就係國王自己 佢隨時可以睇我唔順眼 選家族入面另一個人 即係佢細佬做繼承者 咁我咪大鑊

如果你留意返第一張圖 我parent嗰到 我死鬼老豆嘅圓圈係金色邊 佢就係Kingdom of Asturias 嘅前一任國王 個選舉制度亦都係點解我只係得個伯爵銜 而無繼承老豆嘅王位 因為選左我堂呀哥

過去嘅所作所為 就好似咁

我係維京人 可以周圍搶掠 我搶左佢老婆做妾氏所以-40
又殺左佢個女所以-75 最多只可以-100 所以佢對我嘅opinion係-100

個 -25 係佢有野心+想要你嘅嘢先會有，-5 先係兩個都有野心就會有

係國內方面
就算你係國王都好 唔代表你做乜都得
如果你想褫奪某個臣屬嘅封號或者領土 你必須有合理嘅理由 譬如你呢個臣下係叛徒 佢曾經謀反 你就可以將佢監禁 褫奪封號

如果你係無合理理由嘅情況下 褫奪封號 將人監禁 或者處死 你就會被視為暴君 你所有嘅臣下對你嘅opinion都會減少

如果係議會掌權嘅情況下 即使你有合理理由 只要議會唔同意 你褫奪封號 將人監禁 或者處死都會被視為暴君

上回提要：德國軍隊揮軍進駐萊茵河地區，誓要恢復德意志之榮光

HOI 2玩德國黎講，36年開局之後處理完生產線、訂好邊年幾時開始擴軍之後已經冇咩可以做，只係等時間過直至1939年
唯獨開局時比較忙既係打點下同其他國家既貿易

成功率我大概預70~80%就算，呃下AI資源

你可以就咁比AI打理貿易，但我更鐘意自己處理，遊戲內規定每次開局或者load完save之後都要等2日先可以同其他國家簽貿易協定，所以你36年1月1日開局的話，等到1月3日就可以同其他國家簽貿易協定，貿易協定不得不簽既原因由開局時德國既資源收入有關

德國地區盛產能源，即使德國IC高達150，而每單位IC會消耗2能源、1鋼、0.5稀少資源既情況下，仍有每日350單位既能源收入
但係你都會見到稀少資源嚴重不足，由開局時已經虧損緊
HOI 2既稀少資源集中晒喺同盟國同蘇聯手上，例如南非一帶、印度、馬來西亞、印尼等地，其實就同HOI 4既橡膠出產分佈差唔多

雖然AI會幫你做貿易決定，令資源會慢慢囤積起黎，但必須留意既係喺1939年同波蘭開戰之後，德國就會比美國禁運，英法等國亦會因進入戰爭狀態而買唔到資源，如果你冇事先囤積充足既石油同稀少資源，隨時用盡資源，咁到時你冇IC就生產唔到物資、補充唔到軍隊，冇石油就更加用唔到裝甲師

我自己的話會喺1月3日pause左之後同N個國家簽貿易協定，簽完第一輪之後，再大致整到咁就得

能源自己預返剩100~150，鋼鐵唔重要，搞到+81.8係AI自己買既，稀少資源既每日收入提升到around +35~40，石油約+75~80就得，但係記住你由36年去到39年間IC會增加約莫2倍，每年記得睇下稀少資源收入到唔到target，唔夠就要買
1月3日簽到既貿易協定大多係同小國簽，例如瑞典、荷蘭、丹麥、羅馬尼亞、伊朗、阿聯酋、南非、比利時、荷蘭、阿根廷等南美國家簽(注意rate，例如巴西、委內瑞拉個rate會好貴)，要同大國買資源可以同蘇聯買，一般都可以買到1941年打巴巴羅薩先至斷貿易，可以買得耐小小
尤其係蘇聯可以買入大量石油同稀少資源，不過簽貿易時個rate夠唔夠靚、可以買幾多資源係睇友好度，要同蘇聯簽大宗貿易的話等到+50友好度時再簽會好D

基本上，去到1939年既時候如果有5萬稀少資源、10萬石油可以用的話，應該都夠你同蘇聯磨多2~3年先用盡資源，唔洗太擔心

重有記住要改下貿易委任設定

最重要既係第四格「委任AI可取消貿易協議」要uncheck，你辛苦簽落黎既靚deal可能會因為AI有自己既deal但唔夠資源，就cut左你個deal
下面果埋icon都要做設定，德國因為能源太多用唔晒，所以禁止AI自動買入能源；鋼鐵、稀少資源、石油自己全部都要同人買，就唔好再比AI再拎黎賣比其他人，全部set做儲蓄；最後既物資、資金因為係德國用黎買野既主要商品，由得佢可以自動輸出/輸入就得

如果你嫌自己做trade太麻煩，大可由得AI自己做，因為當你同某個國家打仗佔左佢首都的話，就可以搶到果個國家既部分資源，所以你打得快的話資源會越打越多
但對於新手黎講你可能連波蘭都打唔贏，都係保險D好D



就咁平平安安去到1937年4月之後，因為super none可以同日本買CV既藍圖，依個時候就可以生產1938年版CV，我自己開4條生產線出黎本身打算整15隻，不過之後其實生產左1隻出黎就取消左
如果你唔係玩super none買唔到藍圖的話，研究完1936年版CV就可以開始整，但整6隻出黎會好小小，完成時間預喺1939年12月之前就得


1937年既世界異常地平靜，由後世人既眼光中依段時間大概可以話係暴風雨前既寂靜，當民主國家沉醉喺和平之際，依邊廂既德國已經一步一步地提升自己既工業力，並且已經生產新型海軍，打算將來擊潰英國皇家海軍
到底德國喺黎緊既時間會點樣繼續增強自己既實力? 且聽下回分解

btw依幾日掛住寫文做文宣，打字打到手痛，會更新得慢小小

加油

低能仔生性病玩家倍感安慰
經過兩次內戰（同埋搞到俾穆斯林打趕唔切反擊要割地求和）之後，總算將皇位保住。

要打贏香港保衛戰

上回提要：德國平平安安地積極發展國力

正如之前所講，直至39年之前既德國其實冇咩野可以做
科技方面如果你有聽我講喺36年底開始研究39年步兵的話，去到37年底已經研究完成，
之後科技發展既重點就擺左喺中坦裝甲師、自走炮，同埋40年式既戰術轟炸機

之前都提過大家HOI 2既裝甲師入面只有中坦師依個選擇，如果你想喺39年打波蘭/法國就用中坦師的話，基本上就要由37年開始研究依條線，先至可以趕得切喺38年底之前完成39年式基本型中坦既研究，並且有足夠時間整D裝甲師出黎打仗，唔好咁乖去到39年先研究，否則的話就要等到打蘇聯先有得玩裝甲師

另一樣野要做既係繼續發展海軍，HOI 2既海戰基制係分大船(BB/CV/CA)同細船(CL/DD)既比例最少要做到1:1，細船太少會食position debuff影響艦隊戰力，所以寧願用少D大船，都唔好唔夠細船

一個海軍艦隊會根據將軍既階級而有指揮數目上限，目前你只需要記得海軍元帥可以統率30隻艦就得，其他既野之後再詳細咁講
咁所以依家你可以將德國原先有既海軍整合，計下重差幾多隻船先至湊夠30隻艦之後，喺1939年11月之前完成晒有30隻艦既海軍艦隊就得
重有德國開局之後有足夠既CA做肉盾所以唔洗整CA，剩係整DD就得

另外入到去1938年既3月，你需要再次更改內閣成員

原先既海軍大臣會減CV 10%position值，所以要換成其他人
點解要等到3月先改? 原因係依個時候會彈合併奧地利既event

揀第一個選項的話可以將奧地利既province全部變做core並且吞併左佢，取得大量資源同IC

成功吞併重會送一堆指揮官同步兵師比你，順手會減10%不滿度，所以想改內閣成員的話就喺依個event觸發前改會好D

去到1938年既年底，開局時編排既工廠生產線逐一完成，再取消喺未開工或者39年2~3月都未完成到既工廠生產線後，依家你會多左好多IC比你黎擴軍，你需要喺1939年9月打波蘭同法國之前就整到足以擊敗對方既軍隊，但唔好忘記依個時候你亦都需要預留IC做軍隊裝備更新

隨住你研究左大量新科技，你原先擁有既軍隊唔會自動改變成新式軍隊，而係要花費IC做裝備更新，通常而言，如果你一直都冇做裝備更新的話，去到1939年，裝甲師同空軍應該差左2~3個世代，而步兵師只係差左一代
HOI 2如果你做裝備更新，如果係隔代更新的話，前世代升級成上世代所需要既時間會係上世代升級為最新世代既25%，相隔3個世代又只需要11%

舉個例，開局既時候德國一共有3個1936年初期型輕坦裝甲師，而你已經研究左1938年基本型、1939年改良型輕坦，以及1939年基本型中坦科技的話，裝甲師會先以正常更新所需時間既11%，由36年輕坦極速升級成38年輕坦，再以正常既25%時間快速更新成39年輕坦，先至再用正常時間由39年輕坦裝甲師慢慢改裝成39年中坦裝甲師

咁所以，如果你既軍隊係有足夠時間發展科技同軍備的話，可以留到研究完新科技之後先至做upgrade，留返IC黎整工廠拎更多IC

通常年代較後既軍隊能力值一定壓過舊式軍種既數值 (輕坦除外，發展型輕坦會變成加強旅)
詳細既數值請查datawiki (http://4gou.tank.jp/hoi2data/?%A5%C7%A1%BC%A5%BF%BD%B8%2F%A5%E6%A5%CB%A5%C3%A5%C8%A5%C7%A1%BC%A5%BF%A1%CA%CE%A6%B7%B3%A1%CB)
就以36年步兵師同39年步兵黎黎做例子，軟攻差2、防禦 / 耐久差3，如果你用36年步兵師喺39年同人打仗的話，我相信你應該會輸比波蘭輸得好難睇
所以最好就預留約莫50~70 IC黎做更新會好D，去到39年9月大概都夠時間將所有軍備升級到最新版本


就係咁，世界又繼續平平安安咁渡過左一年去到1939年，另一邊廂既日本經過年半既攻勢之後，好成功咁樣將中國擊敗，扶植左傀儡國代為管理中國地區


德國依邊都唔執輸，之前吞左蘇台德區之後，又將捷克變成傀儡國，順手送一隊裝甲師




去到1939年8月30日，時機終於成熟了
德國由1936年不斷擴張自己既國力，除左積極備戰之外，又先後將奧地利、捷克、克萊佩達等國家同地區吞併，英國既綏靖政策一次又一次壯大左德國既實力，依家當德國索要喺凡爾賽條約中失去既但澤時，英法兩國已經冇能力再阻止德國既前進，任何國家試圖阻止歷史既巨輪前進，都只有被輾斃一途


波蘭為左保護自己既唯一出海口，打算挾英法兩國既軍事實力抗擊德國，最終決定拒絕德國要求波蘭歸還但澤擁有權既要求，而同德國決一死戰，第二次世界大戰亦正式開始，到底波蘭會喺幾多日之後戰敗收場?
欲知後事如何，且聽下回分解

我想講 hoi2嘅brigade 大部份都係廢嘅 唔起好過
真係有用嘅係得 armored car 同埋 spart

HOI4美國轉法西斯 打內戰果陣有冇計仔留返D戰艦比自己

3/4既戰艦比對家拎左 打贏內戰都冇能力去打日本同英國

拆晒佢將來整1941年SS好過啦