有無巴絲打鐘意玩P社喲戰略game？(3)

差好遠

好懷念hoi 2用民國打到日本落日

係咪逼我重開

咁要研究咩科技好

步兵必然係每個國家既主力，無論你拎黎填線又好拎黎進攻都好都一定要有，所以步兵師一定要研究
另外下面既自動車化兵即係HOI 4既摩步，你玩裝甲師的話就會用到
兵站果欄全部都好重要，因為可以加快修理速度同增加TC，特別係「後方地域集積所」，研究左之後先可以做戰略調遣，快過你隊軍隊慢慢行好多 (將來解釋)
特別小小既係HOI既三種特種兵：山地師、海陸師、傘兵師
HOI 2唔似得HOI 4有特種兵編成上限(雖然我喺羅馬尼亞戰記已經教左點樣突破)，所以HOI 2既特種兵既生產IC同人力需求會比普通步兵師高，相應地佢地既能力係貨真價實
如果你玩既係日本或者美國，一定要生產D海陸師黎登陸用，相反玩德國既話就唔洗啦
如果你玩德國，想打巴巴羅薩打得順小小的話就可以選擇整十幾個山地師出黎，冬天時候既攻擊debuff會比較細，否則的話去到冬天你唔洗旨指推得到任何一格province
至於傘兵就非常睇你識唔識用，識用的話同出cheat冇分別，依個同殲滅師團既機制有關，去到德蘇大戰既時候再講解
不過傘兵所需要用既IC非常高，同等既IC你可以整多兩隊裝甲師出黎，唔用都冇所謂



之後係坦克同大炮，坦克的話記住只有中坦師依個選項，要先研究改良型輕坦先研究到基本型中坦，發展型輕坦會變左做加強旅，而且輕坦師係可以透過改良進化成中坦裝甲師
重坦同HOI 4唔同，HOI 2既重坦全部都係加強旅，正常而言唔會用得著，但如果你玩美國的話可以選擇喺太平洋小島上面既守軍加晒重坦，包保日本唔會打得贏

大炮的話玩得大國基本要研究野戰炮，玩裝甲師就會研究埋自走炮
其他野基本唔會用得著唔洗理



海軍的話只有三種要研究，CV、CA、DD，咁係同海戰機制有關
因為CV既接敵距離去到100km以上，BB係完全冇用，頂多用黎做CV肉盾，但要做肉盾直接用CA，成本低維修時間短，完全冇研究BB既需要
至於DD都要研究係因為需要維持主力艦數量 = 輔助艦數量，否則的話會食debuff，所以直接量產DD就夠
咁如果你玩小國玩唔起CV的話，咁你先至再考慮其他啦
(註：依個係DH none既玩法，其他版本請自行查閱邊款最OP)


空軍的話，只打AI只需要研究戰術轟炸機同護航戰鬥機就得
HOI 2既世界入面冇空優既概念，只會睇係咪比敵人戰機攔截，過得到就拓海，過唔到就填海
加左護航戰鬥機attachment既戰術轟炸機係有一定水準既防空值，假如你一口氣用十幾廿個轟炸機炸人的話，由於AI唔識得將空軍集中運用，用果幾架戰機黎攔截你反而係佢輸
咁所以新手打AI的話唔洗研究咩戰鬥機 / CAS之類，用戰術轟炸機就夠



產業的話上面果D全部都係重要技術，生產技術可以增加生產力，下面果D係建立組裝線，可以大大縮短軍備既生產時間，例如研究造船生產線的話CV可以縮短109 日生產時間
農業係增加人力(manpower)收入，除非你玩蘇聯或者中華民國，否則係最優先研究既科技

右上角既暗號技術就比較複雜，同HOI 4既電子科技一樣，你可以增加科研速度，亦可以研究加密/解密技術
加密技術最重要既地方係避免比敵人「破譯」你既密碼，而造成敵人有攻擊 / 防禦力buff；解密技術除左可以破譯敵人密碼，重有可以睇到敵人喺某一格province放左幾多個師

情報 / 解密技術唔夠就睇唔到人地有幾多個師，頂多可以數旗仔數到有幾多個軍團


去到陸軍doctrine就奇特小小

HOI 2既陸軍doctrine可以話係佢比HOI 4出色、好玩得多既一個原因
原因在於，HOI 2世界入面，陸軍既組織度同士氣(回復組織度既速度)，非常受你採用既陸軍教條所影響

明明每個國家，唔同年份既軍備既數值一致，點解德國軍隊咁好打，而蘇聯就好快比人打低，但又好快回滿組織度? 因為佢地採用左唔同既doctrine，提供的組織度同士氣加度唔同，甚至會影響發動戰術既機率
你會見到採用電擊戰既德國，組織度上限係全部國家之中最高，但士氣係最低，代表德國軍隊雖然組織度高，但一旦比人打到冇組織，就要用較多既時間回復
如果係蘇聯用人海戰術，去到41年之前都係廢到癲，但士氣係所有doctrine之中最高，士氣高代表組織度回復得快，咁你就每次都要同滿組織度既軍隊打，就好似史實既德國咁打極都殺唔晒蘇聯人咁

另外，唔同doctrine會有唔同既生產加成同攻防加成，例如你用電擊戰的話，整裝甲師會用少D IC；而你用滲透強襲同縱深滲透的話，會有50%夜戰加成，夜戰既攻擊debuff係90%，你加返50%即係只食40%debuff，令日本變成夜戰最強

正因為咁多姿多彩既玩法，先至令到每個國家有唔同玩法，唔似得HOI 4咁變成優火雄心



海軍doctrine相對陸軍就削小小，因為CV最強，所以玩得海戰都要行CV線，會加得多D組織度同埋position值 (影響攻擊力之類既數值)



最後既係空軍doctrine，因為打AI只需要用戰術轟炸機，上線同下線既CAS同戰略轟炸機戰術可以完全無視，特別要提既係右邊果堆空軍doctrine係有研究前提，要研究「先制攻擊」需要研究CAS既「夜間攻擊」或者戰術轟炸機既「夜間機槍掃射」；要研究「周邊防禦」需要研究戰略轟炸機既「夜間爆擊」或者戰術轟炸機既「夜間機槍掃射」，咁所以你只需要研究戰術轟炸機既戰術就可以解鎖晒右邊兩條線，根本唔洗玩戰術轟炸機以外既空軍


科技既講解去到依度，明天休息一日，後日講內閣同政策，之後再講埋我用緊咩mod就可以正式開game

有無人同我一樣 好鍾意hoi2同3每個格都標有城市名
hoi4變曬victory points先有名 搞到打仗少左份佂服感

某程度上係因為HOI 4地圖變大左，P社廢事標埋咁多個縣掛

繼續黎同大家講解下HOI，今日既主題係內閣同政體

每一個國家都有佢既內閣成員，除左增加歷史感之外，佢地重會有唔同既效用

內閣有好多個職位，每一個大臣都可以換馬，冇用mod之下唯獨國家元首換唔到，只能透過event而改變，例如你玩美國的話可以比蘭登選贏總統而唔係羅斯福
每個大臣既詳細既加成效果請參閱datawiki : http://4gou.tank.jp/hoi2data/?%A5%C7%A1%BC%A5%BF%BD%B8%2F%C2%E7%BF%C3%C6%C3%C0%AD%B2%F2%C0%E2

咁多個大臣入面，可以直接加IC既一定係最OP，因為你會多左IC去整多D工廠，所以開局之後唔好懶一定要逐個逐個睇，揀啱心水就可以換

但要記住，每換一個大臣就會加1%不滿度，之前都講立過不滿度高會減少軍隊既戰鬥力同IC，所以千萬唔好一口氣換人，或者等到差唔多觸發會減不滿度event既時候先至轉人
舉個例子，36年德國開局後，只要有軍隊進入萊茵河地區就會觸發event，效果係-2%不滿度

正因為一開局就有得減不滿度，變相等於你可以無損地轉走兩個大臣，相信依個已經係玩過HOI 2德國既人既共識


至於政體就非常有趣，因為同政治學有關
建議一定要配搭wiki黎睇(http://4gou.tank.jp/hoi2data/?%A5%C7%A1%BC%A5%BF%BD%B8%2F%C0%AF%BA%F6%A5%B9%A5%E9%A5%A4%A5%C0%A1%BC)


政體由上至下分別係：
1. 民主 - 獨裁
2. 左派 - 右派
3. 開放式社會 - 封鎖式社會
4. 自由經濟 - 計劃經濟
5. 常備軍 - 徵兵軍
6. 鷹派 - 鴒派
7. 介入主義 - 孤立主義

喺政治學黎講，唔係左派就等於支持共慘主義，共慘還共慘，左派還左派，兩樣野黎

以HOI 2既分類黎講，極左既獨裁政體叫做史太林主義，而極右既獨裁政體叫做國家社會主義(例如納粹主義)，兩者都係極權，差別只在於佢屬於左派定右派
屬於乜乜主義最大既影響，係影響第3、第4項既開放/封鎖式社會同自由/計劃經濟既上限可以去到邊到

此話何解? 依到以經濟體系為例

遊戲內，每一年可以更動政體一次，方法係喺政體既果條bar揀向邊一邊+ / -
數值係由1~10組成，每個數值都有相對應既加成
例如經濟體系偏向自由經濟的話，雖然會增加左民生消費品既需求，但與此同時會增加每單位消費品所帶黎既資金收入，亦代表左自由經濟體既國家會非常非常有錢，同時重有生產、改良所需既cost會下降
相反，如果你既政體體系偏向計劃經濟，由於國家經濟經過由上而下既計劃，有效地運作的話就可以妥善地利用每一種資源，帶黎既好處係IC加成最高去到25%，同時消費品既需求亦都會大幅下降，等於更多IC可以拎黎做生產
不過當然，代價係改良軍備既時間同成本會大幅上升，每一次研究完高階科技之後就要用大量IC黎做更新

咁你會話，咁某一邊咪好撚屈，例如我玩英國咪可以將經濟體轉做計劃經濟，拎好撚多IC加成?
Sorry，答案係唔可以，你身為民主既自由經濟體，邊有可以經濟轉向國家主導既計劃經濟體?
咁對照返上面果張圖，一個國家既社會開放/封鎖程度，以及佢採用自由/計劃經濟既程度係被規限住既，以德國為例，因為德國屬於納粹主義(國家社會主義)，經濟體系只能夠喺1~6浮動，唔能夠改到7或者以上；相反，如果你玩既係美國，美國屬於自由經濟派，只能夠喺6~10浮動，只要美國一日仍然屬於自由經濟派，係冇可以將美國轉做計劃型經濟既

所以，政體既頭兩項，即係佢屬於左/右，民主/獨裁既功用，係限制左你社會開放/封鎖到乜程度，又影響左你經濟體係偏向經濟學右派既自由經濟，抑或係經濟學左派既大政府小市場學派


咁跟手講下咁多個政體有咩特別效果同邊個勁D啦

----開放式社會 - 封鎖式社會
可以話係封鎖式社會強D，因為有超高既防謀加成，對手既情報、解密能力唔夠高的話，會令對手睇唔到你喺每格province實際企左幾多個師，不過亦唔可以話封鎖式大晒，佢同開放式社會最大分別係影響遊擊隊既生成機率，開放式社會既core province會容易D出現遊擊隊，但none core的話最多會減50%遊擊隊生成率，大致就等於美軍輸出民主，大家自然會講美軍來了我來路

不過，遊擊隊只要企多幾個囤駐師就壓得住，唔算得上咩好/壞影響，何況AI係出cheat可以望晒所有野，Player遮唔住情報，所以封鎖式社會都係冇用，一般而言依一條bar係唔洗理會


----自由經濟 - 計劃經濟
各有各好，兩者都一樣咁勁，自由經濟的話你會好搭水唔怕冇錢，同時減20%生產時間同IC需求非常OP，依個亦都係美國點撚解去到越後期越好抽既原因 (其實減20% IC cost可以理解成+20%IC)
相對之下，計劃經濟多左20%實際IC，但同時會加埋改良所需既IC同時間，相對之下壞處其實比自由經濟大小小，不過又未至於自由經濟最勁咁解

一般而言，由於經濟法偏向邊一邊係睇你政體屬於邊一派，唔係話點就點，自己睇餸食飯睇下偏向邊一邊可以行多幾格就行果邊


----常備軍 - 徵兵軍
由依條bar開始任何政體都可以去到1 / 10，兵役法黎講只有常備軍一個選擇，因為去到10的話可以+10組織度同只+5%改良cost，徵兵軍的話要減組織度之餘重要+50%改良cost，冇野吓嘛


----鷹派 - 鴿派
玩HOI 2唔揀鷹派你就唔好玩戰略遊戲啦
鴿派雖然可以加消費品帶黎既資金收入，但你玩得HOI 2緊係為打仗而唔係種田，你想玩種田我玩cities:skyline唔好
咁所以一般而言一定要推鷹派推到盡，又減生產cost同時間又加人力，非常重要
一般而言有好多event都會自動向鷹/鴿派推，你玩德國的話幾乎係自動推去鷹派，唔一定要自己改

----介入主義 - 孤立主義
同樣都係果句，玩HOI 2為打仗，你行孤立主義就冇得主動宣戰，咁重玩HOI 2黎做乜
你玩民主國家的話勉強可以轉做介入主義令你可以宣戰，就好似HOI 4既標準玩法咁開局轉法西斯政體早戰擴張，視乎國家同情況而定啦，不過一般而言又係唔洗特別理會既野黎


總括而言，唔同國家唔同政體有唔同玩法，自己執生
玩德國的話開局先推計劃經濟推到盡，之後再全力推常備軍就得


HOI 2既遊戲機制大概講到依到，你依家已經識晒HOI 2既內政系統，包括點樣整野、點樣研究科技，同埋內閣大臣、政體有咩效果
下篇文我會講解埋黎緊戰記我用既mod同埋點樣裝，以及點樣學我咁加日文翻譯，敬請留意

介紹非常詳盡

「EU4」

無啦啦俾AI投左做神羅皇帝
而加重係前期 before1500
想問下係咪可以吹大雞宣一個國家

因為好想打鳩波蘭解放番東普魯士

利申 勃蘭登堡

做神羅皇帝唯一可以直接幫你吹雞嘅就係 +1 diplomatic relation（除非去到後期 Revoke The Privilegia 將所有成員國收做𡃁），不過有多啲錢、人力同埋 force limit 都幫到手嘅。

「喺皇帝有生之年，我都冇辦法俾人選到做皇帝」七美德之中有六項，但唔算太有耐性嘅希臘君主表示。

新任皇帝為生前同佢關係唔錯嘅皇帝舉行咗一場盛大嘅葬禮。

其實減20% IC cost可以理解成+20%IC
應該唔止+20% old IC cost = 1, new IC cost = 0.8
1/0.8 = 125% 應該係+25% 好撚屈機

好似神羅國比人打先吹到雞
打波蘭最好拉埋莫斯科/奧斯曼之類打

點解你地講到EU4好似有攻略咁

咁本身P社自己整既Game係出晒名難度高
唔上網睇攻略係有D難玩

btw,前期玩brandenburg 就先諗辦法拎Saxony同Silesia先
充實左國庫先再諗打鳩波蘭

eu4有冇人玩過First Empire of Taungoo 或者 Cotton Kandy?
玩咗/Restart咗十幾廿次都搞唔掂, 頭都大曬

今日繼續同大家講解HOI 2，今次主題係我用緊咩mod同埋點樣裝

HOI 2有非常多既mod可以用 (雖然有唔少已經消失喺網絡大海中)
我自己用既係由日本人所整既"super none" mod
http://starlit.daynight.jp/hoiaar/?DarkestHour%20SuperNone%BE%D2%B2%F0AAR
(全日文)

大體上而言，HOI 2 DH none比較似HOI 2既DD / DA，主要係P社整返好成堆bug，不過有部分機制例如自動upgrade生產線/修改生產線產量之類，喺none係唔存在
咁所以就有人整左個mod出黎整合依D方便玩家既機制，就係"super none"喇
http://starlit.daynight.jp/hoiaar/?DarkestHour%20SuperNone%BE%D2%B2%F0AAR%2Fnone%A4%AB%A4%E9SuperNone%A4%CE%CA%D1%B9%B9%C5%C0
具體說明上面條link有，不過就全部都係日文，好簡單咁寫super none同none既分別係： (只列出比較重要果D)

1. 外交
--非同盟亦可買賣藍圖、佔領地、軍隊
--有「領土主張」功能，可要求他國交出土地 (成功率會高於1%，即係你狂load save或者用cheat就可以吞晒人地既土地，如非必要唔會用)
--加入light既"dicision"機制，並且有一D方便你既決策，例如none如果你想將法國土地交比維琪法國有排搞，用super none既決策就可以一口氣移交
或者none有一堆非史實既德國將軍，用決策就可以清除晒佢地，增加歷史感
--陣營盟主同某國簽左互不侵犯協議後，同陣營國家不能對該國家宣戰，經常發生既事係你玩德國打完蘇聯，然後意粉/日本重新向蘇聯宣戰，咁唯有恭喜你又要展開西伯利亞之旅
--可更換國家元首
--將簽貿易協議同交涉後再簽新一份協定既等待日數變為0，none每次做交易都要on99咁等3日

2. 生產
--加入修改生產線生產數目及自動升級功能
--舊式軍艦可更換成護衛艦

3. 戰鬥
--空軍可指定province執行任務，HOI 2既空軍係以空域為作戰單位，例如你只想炸某一格，但空軍經常會走左去炸隔離唔關事果格
可以指定炸邊一格之後既空軍係非常非常OP，如果你嫌勁得濟可以唔用依個功能
--空軍堆疊數量增加至24架，依個係我點解想裝super none既最大原因
none既空軍編隊最多只可以編4架，咁如果你要派N隊空軍去炸某個區域的話，每次指派任務係要逐個編隊去落order，操作量大到會燥
咁所以直接可以疊24架飛機就方便得多，不過都係果句HOI 2既空軍好OP，24架一齊炸係可以平推任何一個國家，請自行留意
--海軍運輸不扣組織度，玩過HOI 4都知軍隊海運之後軍隊既組織度會降到極低，但HOI 2既機制黎講，DD / DA係有方法唔扣組織度，例如你既運輸艦load左軍隊之後，選擇改變運輸艦既基地，去到目標地之後再unload軍隊就唔使扣，或者對住友軍領土選擇登陸亦都唔會扣
因為咁樣，去到DH none既時候 P社有理冇理將所有上左船既軍隊，落船果下一律都扣50%組織度，而super none就變左做落船一律唔扣組織度，減少要利用機制漏洞而帶黎既操作量大增問題 (同時亦令登陸英國變得更容易)

4. 修理bug
--原版打巴巴羅薩打到苦澀之後，因為P社寫錯programme搞到匈牙利會搶左烏拉爾山以西而你又未佔領既province super none改返啱佢



咁到底要點樣裝呢
首先要去http://hoi-mod.paradwiki.org/index.php?Darkest%20Hour%20SuperNone，搵「ダウンロード」下面既"Darkest Hour SuperNone ver1.52"，download最新版
之後再根據你自己用緊既HOI 2 DH係咩版本，再決定用邊個version既mod

依家既HOI 2 DH係1.05版，而依個mod只對應1.04或以前版本，所以要記得改左version先

之後去返本體game file既"Mods" unzip super none既folder

最後用一次launcher揀用super none黎開game就得

註：如果你想用windowed mode黎開的話，launch一次之後照改返setting.cfg入面既"1 # Display mode"，再直接用.exe黎開game就得
你可以選擇沿用英文版黎玩super none，或者好似我咁轉做日文黎玩


如果你想用日文，請睇依條link:
http://4gou.tank.jp/hoi2data/?DH%2F%C6%FC%CB%DC%B8%EC%B2%BD%A1%CA%B5%EC%A5%D0%A1%BC%A5%B8%A5%E7%A5%F3%A1%CB

如果你既遊戲版本係1.04，請先download "EEP0.54"，再download "クラシックα0.41（2019/02/24）"

打開EEP(Europe Engine Patcher).exe之後，將"Darkest Hour.exe"drop喺Europe Engine Patcher，再撳「開始」就會打patch，之後再將日文翻譯檔既"Darkest Hour"入面既全部文件喺HOI 2本體既game file果邊解壓倒性就得
(入面有Guides可以跟住做，用得日文mod應該識日文掛)
跟足步驟做，冇問題的話畫面係咁



HOI 2既解說去到依到為止，多謝各位支持
下一篇會正式開始玩

睇左巴大個教學, 試過裝返darkest hour, 玩左一陣真係好唔慣
玩完先覺得hoi4 係convenient 好多

其實都算係有
除非RNG好柒或者鐵人mode無得SL

就好似拜占庭破局
來來去去都係果2-3種方法
神羅七改都係

基本初期開局)好多野都可以透過簡單的刷開局同SL固定攻略
最多誤差少少時間，少少戰果，少少外交環境

至於開局完結後，之後基本無論任何國家都係一直吃地擴張直到1821

淨係玩過ck2 係任何強國都有機會隨時爆炸嘅世界入面 我覺得ck2好難有攻略 除左某幾個start

我依d古典派反而習慣舊UI
不過無可否認地HOI 2操作量幾大下

冇人玩Stellaris?

咁多年ck2都係鍾意玩, 但唔識玩