有無巴絲打鐘意玩P社喲戰略game？(3)

話晒全球最強海軍 好晒料

老老豆豆情願你等多1~2年，整一批1938 / 1941年BB出黎，直接加晒果D射控呀大炮呀之類既野重好，速度不低過28節就得，好似係
改船重耐過重新整
細船全部都用高平兩用炮，部分用黎索敵既細船就裝聲納，恭喜你已經可以橫掃天下

裝雷達定聲納 聲納好似探SS用

why not both

CK2 大特價
https://www.humblebundle.com/games/crusader-kings-2-bundle
15蚊美金 120蚊港紙就可以買齊game+所有expansion
正常如果你要係steam就算大特價買都要$400先買得齊

上回提要：德國正式向波蘭宣戰，誓要收復但澤

喺開始講部署之前，必先睇下波蘭既地形圖，喺戰爭入面地形係一切戰略、戰術考慮既起點，北宋期間宋朝想收復燕雲十六州，除左係要拎返產馬區之外，重因為果到再向北就係山脈，冇左依個天然屏障導致左宋朝喺北面國防無法有效抵擋敵人既威脅


(紅色線係波蘭既國界)
打開地形地圖之後，會發現整個波蘭西面國土都係平原，西南面係丘陵地帶，至於東面地形就比較複雜D，有森林又有濕地，不過東面既土地會因為event而自動由蘇聯佔領，所以唔需要理會
(雖則地形黎講，除非係跨河、濕地、山岳、沙漠、泥濘、雪地，否則唔洗點理)

喺HOI 2既地圖入面，平原等於軍隊既攻擊完全發揮 (100%)，其他地形都會多多小小扣減攻擊力，你可以喺統計入面睇到所有data

所有地形中以濕地特別濕鳩，不過打波蘭唔會打到濕地，只講整場波蘭戰爭入面最大致勝關鍵：華沙戰役

玩德國打波蘭，你只需要將波蘭華沙以東所有VP(勝利點)都佔領後就會觸發event，蘇聯自動取得波蘭東邊領土，跟手你就可以吞併波蘭，所以你最需要考慮既係點樣佔果堆VP

打開VP地圖之後，標左顏色果堆province就係有VP既地，今次打波蘭只需要佔領依4個就得

回顧返上面張地形圖，可以見到絕大部分既VP三兩下手勢就可以佔到(例如Danzig根本冇人守)，唯獨波蘭首都華沙既地形真係on撚柒鳩

華沙地形屬於城市，喺上面張城市地形攻擊方既攻擊力debuff數據可以睇到，步兵師會扣25%攻、坦克扣55%攻，所以雖然坦克好勁，但你都要預留一定數量既步兵去搶城市
而更on9既係渡河攻擊的話，步兵師會扣50%攻，坦克就要扣66%，上面張圖標左紅色箭咀，如果你由果3個province發動進攻的話，步兵師就要扣- ( 25% + 50%) = -75%攻，裝甲師就扣121%啦
而最後一個on9既地方係，正常既軍隊喺被圍困之後就會斷補給食debuff，但華沙本身就係首都，亦即係補給線既起點，根本就斷唔到補給，想包實佢斷補給陰乾佢係冇可能

咁係咪將所有師集中晒喺華沙以東既Lublin就得? 答案係唔一定
除左因為要將軍隊調往該province需時之外，重有兩個因素導致你唔會咁做：師團指揮上限、多方面進攻buff

先講師團指揮上限，HOI 2入面將領本身分為少將、中將、大將、元帥四個階級，每個軍階都有唔同既指揮上限，超出指揮上限會扣75%攻

每個軍階既指揮上限係：
少將--1個師
中將--3
大將--9
元帥--12

所謂既「指揮上限」喺進攻同防守時有唔同既計算方法，如果你係進攻的話，係依照每一個進攻方向既最高軍階果個黎計

以依張圖係例，依家total有兩個進攻方向，每個進攻方向都有3個師打緊波蘭 (下面果個雖然寫4，但其中一個師係捷克既師，齋企冇打人)
由於每個進攻方向都有3個師，唔想食75% debuff的話，每個進攻方向入面就要最後有一個中將階級既將領
舉個例，例如左面total有3個軍 (即係3個旗仔)，每個軍都有1個師 (旗仔下面既數值等於依格province一共有幾多個師)，如果其中一個係中將指揮，另外兩個都係少將的話，由依格province發起既進攻會照樣容許你有3個師不扣75%攻擊力，但如果你放第4個師由依格進攻的話，第4個師就會食75% debuff

要睇係咪超左指揮上限好簡單，當戰鬥發生時你可以睇下作戰情況，入面就寫晒你想知既野，每個師都會寫住佢有咩buff / debuff
以上圖為例，可以見到依場戰鬥入面AI只有1個師既指揮上限，由於進攻方total有5個師，所以就會有4個師被扣75%攻擊力


如果防守的話計算方法就簡單得多
防守方都會有指揮上限，但係將果一格所有將領指揮上限相加，唔似得進攻果種只計算最高軍階既將領
假如同一格有晒少將至元帥防守，指揮上限將會係 1 + 3 + 9 + 12 = 25師，基本上你唔做超額編制一定唔會食debuff

咁有冇其他方法可以增加指揮上限? 有，方法係加埋指揮部 (HQ)

HQ既用途除左增加周圍province既ESE之外(將來再講係咩黎)，重可以將鄰近province發起進攻既師團指揮上限直接乘以二 (當然包埋自己果格)
再拎上面張圖為例

如果依兩格是但一格有HQ的話，每一個進攻方向既指揮上限將會係 3 x 2 = 6個師，依家有兩個進攻方向即係等於有12個師唔會超出指揮上限

聽到依到既你一定有鬼主意，咁如果每個師都加HQ的話咪天下無敵?
答案係咪膠啦，HQ要發揮功能的話，指揮既將領需要係大將同元帥，用少將或者中將係唔會生效
另外一個原因係生產一個HQ需要約莫15 IC，又食好重既物資同石油消耗，就算你打巴巴羅薩有5個HQ已經夠用，唔需要好多HQ，情願你整多D裝甲師出黎


至於多方面進攻就簡單得多，超過左兩個進攻方向後，每多一個進攻方向，防守方就會有10% debuff，即係3方向進攻的話防守方減10%戰力、4方向的話減20%戰力，如此類推

返返去主題，德國閃擊波蘭最大既難關係點樣攻破華沙，你當然可以選擇將除華沙以外所有有IC既province佔領，令波蘭冇IC生產足夠物資而斷補給，但所花既時間相信已經足夠你滅埋法國
既然係咁，你既選擇就只得返一個：將敵人有生力量圍殲於陣地之外，盡可能縮減華沙既防守軍隊，令自己就算食大量跨河攻擊debuff都可以打得贏


要記住捷克係你既傀儡國，記得放小量軍隊駐守免得被波蘭攻破，順手可以加下進攻方向
由於我地既作戰目標係盡量減少敵人軍隊聚集於華沙既數量，所以點樣圍殲邊界上波蘭軍隊就成為左一大難題，正面進攻的話你只能夠傷到敵人既組織度同少量既兵力值，要將敵人軍隊直接殲滅的話只有幾種方法，包括：空軍使用地上攻擊指令，直接炸軍隊既兵力值；包圍敵人令佢「投降」，即俗稱既包餃子；同埋最後一個只有喺機動戰同傘兵戰術先會出現既「追趕 / 超越殲滅」戰術

先講空軍
HOI 2 既空軍唔似得HOI 4既模式，HOI 4既空軍主要影響陸軍既攻/防數值，而HOI 2既空軍係用黎直接殺傷陸軍


依兩張圖既分別係炸組織度同兵力值，左右兩張圖只相隔遊戲內既一小時，可以見到如果你炸組織度的話，一個鐘已經將敵人既平均組織度由36炸到16，你用陸軍一推敵人就會冇晒組織度而撤退
至於你炸兵力值的話，一個鐘又由730炸到694，基本上我可以同你講，你如果好似我咁用14隊戰術轟炸機炸的話，約莫5~8個鐘就可以直接將一個陸軍師蒸發，唔洗包餃子乜都唔洗理，平推就可以將敵人陸軍全殲

不過地上攻擊雖然咁OP，但唔係亂炸就得，因為壕溝會提供極大既空襲保護加成，敵人企耐左你用地上攻擊係炸唔到幾多兵力值 (雖然你用24架戰術轟炸機就可以無視壕溝)
所以基本既轟炸機運用原則係先炸組織度，再炸冇晒壕溝保護，正在撤退/移動緊既陸軍
喺日文既用字黎講，炸組織度既係阻止攻擊，炸兵力值既係地上攻擊，唔好搞亂


第二個講大家都識既包餃子，包餃子既具體原理係當陸軍失去所有可撤退路線既時候，就會棄械投降(P社既用字)，亦即將敵人重重圍困之後，當你打到佢地冇晒組織度(判別戰鬥勝利 / 失敗既數值，即綠色果條bar)，唔洗將兵力值打到變0都可以殲滅成隊軍隊

例如依張圖，包圍圈內企左9個師，只要打到佢地冇晒組織度就會被殲滅
包餃子係玩HOI既必修戰術，由於HOI係極之優待防守方，進攻方要贏除左要盡可能堆疊buff之外，點樣將敵人兵力逐漸削減亦都非常重要，只要不斷將敵人師團數目減少，自己就可以反過黎創造數量優勢，而令自己推戰線越推越順


至於最後要講既係一般人唔會點留意既戰術，日文黎講係「追い掛け殲滅」同「撤退先殲滅」，直譯做中文我估可以叫「追趕 / 超越殲滅」掛
講原理之前先講依樣野是否存在

依張圖你見到波蘭有部分既師正在往北面未被佔領既province撤退，但係你亦都見到德軍亦都正在向該province進攻

由於德軍主要構成係裝甲師，行軍速度較快 (當然亦有距離因素影響)，預早一步佔領左撤退緊既波蘭軍隊既目的地

當軍隊抵達目的地之後，由於當地早已被德軍佔領，果D軍隊就會直接棄械投降

具體既原理大致等同於包餃子，要將陸軍殲滅的話，一係將兵力值打到變0，一係佢冇晒「退路」，而退路既判定係指由自己或者友方所控制既province
由於撤退緊既軍隊係無法改變撤退路徑，所以你只要喺佢完成撤退，抵達某一個province之前就佔領左果一格，就可以直接將佢地全殲
(但大前提係果一格要有軍隊企住，自己佔完之後走左係殲滅唔到，反而會被敵人佔領返)
依個情況就係之「撤退先殲滅」，其實唔只HOI 2，HOI 4都照樣存在，只係比較難先發現到

至於「超越殲滅」同「撤退先殲滅」差唔多，分別只在於你平推既時候早敵人一步去到下一個province，假設你平推完之後，同敵人一齊起步去下一個province，由於你既速度快過敵人，就變左堵塞敵人既退路，同樣可以殲滅敵人，依個情況普遍出現於運用裝甲師進攻既時候

依個戰術係比較進階既技巧，唔太常做到，但如果你用傘兵空降的話就100%做到
所以有部分人玩多人連線時會禁止用傘兵就係咁解，因為真係好撚OP
(當然成本都好貴，一分錢一分貨)


最後再解說返閃擊波蘭既戰術部署

為左盡可能減少有敵人回防華沙，所以德國東線會由但澤同捷克一帶切入，協同空軍地面轟炸之下，先將邊界既波蘭軍隊圍殲
至於被但澤切斷左同柏林陸路聯絡既東普魯士地區就企定定等第一階級作戰完成之後，先至由北向南推至華沙近郊，再聯同其他軍隊一齊攻擊華沙

打得熟的話大約用1~2個星期就可以佔領華沙，今次因為華沙有雷暴用唔到空軍炸組織度，所以浪費左幾日時間

搞惦之後蘇聯會佔晒波蘭東面土地，跟手你喺外交畫面吞併波蘭就得



新手打波蘭係真係可能會輸，或者打到1940年都未打得贏，我會建議你開戰之前幾個月留定一個save，比時間你重新做部署，同埋開戰前再留多個save練習打HOI 2既戰鬥系統，打下打下就熟變得純熟，三兩下手勢就可以打柒波蘭

記住，HOI 既世界入面不論你玩既係HOI 2定係HOI 4，都離唔開依兩樣野：睇地形做人、不斷包餃子將敵人有生力量殲滅，做到依兩樣野之後基本上可以打贏AI架喇



慬慬半個月，波蘭全土就由德國同蘇聯所分割，德國鄰近國家人人自危，尤其係世仇法國更加開始加緊備戰，打算透過經營幾十年既馬奇諾防線抵擋德國既進攻，到底法國將會死得幾難睇? 欲知後事如何，且聽下回分解

玩德國打波蘭，你只需要將波蘭華沙以東所有VP(勝利點)都佔領後就會觸發event

依到打錯左，應該係以西

好彩上次忍手冇買到 好似成600幾先齊CONTENT

嘩屌, 好撚平

佢仲有25 美金個deal 係咩黎?
第一次用humble bundle

慈善價 15就齊 想支持慈善咪可以比25 一樣咁多dlc

Thanks

之前買左幾隻dlc 蝕了

係咪就嚟出ck3

第一次買齊晒咁多隻expansion

唔會啦 佢出ck3一定要將玩法大幅革新 如果唔係只係畫面靚左

HOI4 D成就真係好仆街

做緊UK William Wallis成就 一開波結婚要簡皇室聯婚先令美國行君主制

開頭都冇諗咁多 簡平民結婚就算 貪小D DEBUFF

曬幾粒鐘打晒成個美國先知要咁玩 真係屌一聲

羅馬尼亞果個都係啦，果時中左伏比內亂換左國王要重打
珍惜生命遠離成就

達成率64% 走唔甩

啱啱喺hb買咗ck2包，一路學英文學歷史一路玩

EU4 葡萄牙點同西班牙爭殖民?

其實應唔應該打摩洛哥
北非打完都convert唔到 成日叛亂 而且我仲要整core 搞到admin tech好慢

北非中期先打

同Castile爭有幾個方法:
1. 前期佢未Iberia wedding 前就搵方法打爆佢(借錢打/拉人一齊打)
2. 大後期點幾個軍事idea group再用殖民同貿易搵嘅錢同佢鬥(即係後期硬打, 基本上冇好處)
3. 由得佢, 中期用protect trade Seville用船屈贏佢trade power, 變成佢努力colonize你享受大部份成果(最簡單, 唔洗煩, 但係就要同佢分餅食)

講真唔係想做1嘅, 永遠ally Castile好過搞咁多野