有無巴絲打鐘意玩P社喲戰略game？(3)

Way of creating Life

認真果句
hoi2真係好玩過hoi4

is

見大家咁講又見佢特價賣24蚊買咗嚟試試
同HOI3比係咪易玩,HOI3真係太複雜唔識玩

hoi 2 要買 darkest hour 喎

齊齊玩HOI2

之前有玩開EU4
近排做緊特價買左Crusader Kings II: Royal Collection玩下
屌即刻愛上左 如果早D玩呢隻game就好
EU4 比較著重國家管理 都係P社既強項 CK2 比我既感覺係真係做緊king/emperor
生動同角色扮演多左 相對地我投入好多

https://store.steampowered.com/app/73170/
HOI2做緊25折賣HKD $18.75，唔係唔買吓嘛

set做windowed mode: 打開game file (Steam版: Darkest Hour A HOI GAME)
搵setting.cfg, 用notepad打開，搵"0 # Display mode: 0 = full screen, 1 = windowed"果一行，將0 # Display mode改做 1 #就得

記住開game唔好用lanucher, 直接開.exe

如果我近期開HOI2 戰記會唔會有人睇
不過預左我UI係用日文，因為我搵唔到繁體中文patch，用mod又剩係得英文同日文可以揀

支持👍🏻

支持
邊隻mod?

ck2真係唔知點可以玩得好
見人大半歐都係自己王朝

btw日常見到其他人玩到個情況係
我女兒的女兒是我女兒

貴圈真亂

super none

CK2係咪真係咁好玩 有D心郁郁想入手

我覺得係睇你鐘唔鐘意佢既RPG風格
鐘意既會好快愛上

由今日開始慢慢講解HOI2
點解需要特登咁寫幾篇文做講解?

依個係HOI2既教學模式，由於佢係一款2005年出既game，你可以見到所有UI係幾咁原始，而且最重要一點，一個真新手用教學模式既德國打波蘭，係真係可以打輸，甚至玩36年劇本去到39年打波蘭，係可以打到40年都打唔贏
亦正如我喺頭post所講，P社既game照慣例會有一個有等於冇既新手教學，諗住玩完教學就識得點玩係完全冇可能

正式開game之前，必須先講解HOI 2既內政同科研，唔識得點搞內政根本就計畫唔到39年起既戰略，尤其是HOI 2同依家新出既HOI 4唔同，你玩德國要打英國，唔係鳩整海轟/SS或者鳩改海軍就可以花式打贏，反而係要鳩整CV，但點樣整、點樣用，全部都認真好多

事先聲明，因為我想方便大家睇圖，不過搵唔到漢化patch，加上我用既mod得英/日文版，所以我揀左用日文版，勉強都叫有漢字比你自己估 (我自己識睇日文所以冇問題)

萬事起頭難，因為內政機制係一環扣一環，不過大體而言可以講左工業力(IC)先

HOI 4既玩法係你有幾多間民生/軍事/海軍工廠，分別用黎起野、整軍備、整海軍，三種工廠各自獨立，就算你有成堆軍事工廠，唔代表你有同樣強大既工業力去生產海軍，因為整軍艦需要用海軍工廠


(依張圖係36年劇本開局既德國IC)
至於HOI 2既玩法，係將整個國家既工廠整合成一個簡略既概念——IC，每一間工廠提供1點基礎IC
上面張圖有三個數值，由左至右分別係剩餘IC、實質IC、基礎IC
正常而言你可以透過科技 / 內閣成員 / event而得到一定%既IC加成，例如你研究左一個+5%IC既科技的話，假設你有100基礎IC，實質IC就係 100 * ( 1 + 1 * 0.05) = 105 IC

36年美國既IC同德國就倒轉，基礎IC比德國多成倍，但因為美國有慣例既debuff，令到美國既實際IC比德國重要低

要生產某樣野，例如整工廠或者整軍隊都會用到IC，唔同種類既野所用既IC有差別

喺一開始既德國生產線，可以見到整一隻重巡既cost係5.6 IC，而一隻DD或者SS只需要1.6 IC，如果你生產陸軍的話，一個步兵師用6.3 IC，但一個山地師係要用8 IC
亦即係話，你有幾多IC就可以整晒所有野，包括工廠、陸軍、空軍、海軍，唔似得HOI4咁整工廠用民生工廠、整陸/空軍用軍事工廠、整海軍用海軍工廠


咁要工廠keep住生產，HOI 4有所謂既戰略資源，例如鋼鐵、橡膠之類，軍事工廠整軍備既時候要有足夠既資源先至可以長期維持生產

HOI 4既36年步槍，每間工廠要用2鋼鐵，唔夠資源的話就會食debuff大減生產速度
(提外話，缺資源如果只缺1單位，而你又唔想用1個民生工廠買8個資源，浪費另外果7個單位資源的話，大可以唔理佢叫得佢食debuff，情願起多1間民生工廠，將來開戰既時候先至再買資源)

至於HOI2，資源係用黎維持IC，再睇多次張圖

每一個單位既IC，每日需要用2能源、1金屬、0.5稀少資源

依到既icon,由左至右分別係：能源 / 鋼鐵 / 稀少資源 / 石油 / 軍事物資 / 資金 / 人力 / 核彈 / 不滿度 / TC / IC
要維持工業力(IC)，必須要有足夠既能源、鋼鐵、稀少資源，如果你打算最大化運用資源的話，可以透過貿易維持 2能源 : 1鋼鐵 : 0.5稀少資源既比例，或者因應自國生產出黎既資源比例同開戰後既環境，預先囤積某種資源，以防某種資源用盡
例如，你用德國有多到用唔盡既能源，咁你39年開戰前可以拎絕大部分既能源去換稀少資源同石油，開戰斷晒貿易之後，能源庫存就會慢慢加返，又有大量自己冇既資源可以慢慢燒

石油係機械化部隊、空軍、海軍運作既資源，大致等於依家HOI 4既燃料系統，唯一唔同既係HOI 2根據唔同版本，有D會有資源囤積上積，而有D就冇，玩之前記得查清楚自己玩咩版本 (DH none的話係無上限，可以放心囤)

今日大概講住咁多先，聽日講下IC分配

Hoi2 個畫面，好懷念

試過裝返用1080p full screen 睇d 字真係好傷神

一定要set 返windows

同埋hoi2/3既音樂好聽過4

做乜唔係 darkest hour

繼續講解HOI 2內政機制，上次講完IC，今次講下點樣用IC

HOI 4要整野的話要去返相應既位整工廠/基建，或者整軍備的話自己分配每一種軍備既軍事工廠數量就得，而HOI 2會相對精簡

打開生產果頁，右上角就係全部野喇
喺HOI 2入面，一共有5樣野會消耗IC，用中文黎翻譯的話，由上至下分別係：消費品、生產、軍事物資、戰力補充(復員)、改良

1. 消費品
用黎維持 / 壓低不滿度所需要既民生資源，同HOI 4既民生需求一樣，只不過HOI 2變左用IC黎表達

HOI 4既民生需求係直接扣民生工廠數量，HOI 2係消費IC

一個比較重要既分岐，係HOI 2玩既係「不滿度」，HOI 4係玩「穩定度」
相信大家會比較熟HOI 4既機制，之前既HOI 4戰報我多番強調穩定度非常重要，因為可以增加政治力收入同工廠生產加成，低過50%的話會開始食debuff拖垮國力
至於HOI 2就有小小唔同，最基礎既常識係不滿度一定一定一定要壓到0%，不滿度一旦變高的話會扣軍隊既攻防，以及令國土非常容易出現遊擊隊，不幸地會佔你產出資源或者有機場既province，如果剛剛好你有飛機駐守而又pop up左一隊遊擊隊佔左果格，恭喜你成隊空軍就咁消失
(不過就算你係0%不滿度，佔領非core既領地幾乎都有一定機率出現遊擊隊)

所以，消費品所用既IC你當係剛性需求，就同HOI 4既民生用品所消耗既民生工廠一樣就得
萬一你因為換內閣成員或者event等因素而被增加不滿度，一係要等event減返不滿度，一係就自己將IC全力用黎生產消費品盡快壓低不滿度

最後，生產消費品既同時會得到一定數量既資金，資金係用黎做科研、外交或者謀報(情報工作)用既，唔夠錢就有科研速度debuff，所以最好都係維持正數好D
生產每單位消費品得到幾多資金，係睇你既經濟體系偏近自由經濟或者中央經濟，不過依個將來再講

2. 生產
即係用黎整工廠 / 軍備用既IC，假設你整工廠要用5 IC，生產果到就會寫需要5 IC

3. 軍事物資
原文就咁寫物資(supplies)，不過準確而言佢其實係軍隊所用既物資，約略等同於HOI 4既各式軍備庫存

因為HOI 4你要用某個兵種就要生產某種軍備，而HOI 2非常簡略地分為生產、維持、補充用既IC 一共三種，其中維持軍隊運作既IC就係依一格所生產出黎既「物資」
物資既用途除左維持軍隊補給，平時最大既用處係用黎貿易

因為唔係個個國家都有資源去同人做貿易，所以就需要消耗IC去整物資，再用物資買其他資源，道理等同於HOI 4同1個民生工廠換8個單位既戰略資源

倒返轉咁黎理解，由於物資係由IC生產，你唔整或者整唔夠物資的話會由庫存扣物資，變相等同於你預先儲存左IC等待將來使用
假設你今個月用1點IC生產左5個物資，下一個月唔整物資改而黎整其他野而導致物資消耗 > 生產的話，就會由庫存扣取相應既數量，同時你就free左IC黎整其他野
同樣地，依個亦即等於你賣資源去換物資，減少左生產物資所用既IC而增加生產用既IC，同HOI 4用民生工廠買其他人既野，人地就多左工廠黎做生產一模一樣

4. 戰力補充
即係補充軍隊兵力值，或者叫充足率(橙色果條bar)所用既IC，HOI 4係經過一定時間自動補充軍隊既人力同裝備，而HOI 2係需要用IC做補充
之前都講過，HOI 4你一開始已經用左工廠去整軍備庫存，所以軍隊會自動補充裝備，HOI 2就相對精簡，生產還生產，補充還補充，唔會出現整得太多槍而太少大炮，導致軍備數量失衡既問題

5. 改良
如同字面，取代軍隊用緊既舊式兵器
HOI 4要更新裝備非常簡單，生產線揀新兵器，佢就會開始生產新式武器，然後同復員一樣慢慢咁更新軍隊既裝備；HOI 2因為比較精簡，所以佢係直接用IC更新武器


另外你會發現張圖會有好多個格仔比你剔

剔左左邊石油隔離的話，就會開始將能源轉換成石油，等於HOI 4既燃料合成廠
玩德國的話36年開始唔需要做轉換，直接用能源買石油既rate會多過合成好多；去到39年開戰之後，因為貿易斷晒買唔到大量石油，同時能源會開始過份囤積，就可以考慮剔依個格仔

右邊既格仔複雜小小，工廠Icon隔離既剔號係用黎自動調節IC分配，一般而言一定會委任比AI自己調節，唔洗自己加加減減IC
下面消費品、生產、物資果幾行字隔離既格仔，係要AI重視某種生產活動，如果你揀左重視生產物資，AI就會將剩餘IC轉晒黎生產物資
至於果5條bar隔離既格仔，係允許/不允許AI自動調節該生產活動既IC，例如你唔想IC拎左黎改良軍隊，咁你就uncheck改良果條bar隔離既格仔，AI就只會調節另外果4個生產活動既IC


IC點樣用既解說大概係咁多，聽日再講下點樣整工廠同整軍備

依個咪DH囉
揀左none之嘛

light同full講真唔太鍾意

今日繼續解說HOI 2既生產系統

正如之前所講，HOI 2既生產系統同HOI 4好唔同，HOI 4玩既係你有幾多間工廠再去整相應既野；HOI 2係睇你國家既綜合工業力(IC)，生產唔同種類既野會花費唔同數量既IC

生產畫面既左邊係生產線，編排生產線時如果滿足IC需求的話，果一條生產線會係綠色，非100%的話會變成黃色，完全停止的話係紅色，同HOI 4一樣生產線係有先後次序，如果你想保證某樣野keep住生產，記得放最頭就萬無一失

大體而言，生產可以分為兩種，一種係基礎建設，另一種係軍備
整基建好簡單，揀某一格province，再揀要整乜野就得

順帶一提，HOI 2入面既雷達站同AA係廢既，因為佢地同要塞一樣，要空戰喺果格province發生先有生效，唔似得HOI 4咁係成個區域 / 空域都有效 (例如你喺瑞士邊境整一個雷達站的話，去到最高level的話可以探測晒成個歐洲)
要整通常係用5 IC整工廠，頂多頂多打巴巴羅薩既時候喺蘇聯境內整機場或者基建


生產軍備就比較複雜，首先喺生產界面既上面揀陸 / 空 / 海軍，再揀要生產乜野

依到以步兵為例，右邊寫晒步兵師既數值，詳細留返以後講解戰鬥機制再解釋
下面綠色果欄寫左生產步兵師既需求，36年德國生產一隊步兵師需要95日、6.3 IC同10 人力
你會留意到上面寫左「連續生產」同「並列生產」，其實原理同HOI 4既生產效率一模一樣

由於長期生產某樣野的話會令生產速度加快(因為工人變得更熟練，或者建立左條穩定既供應鏈)，咁所以HOI 4用左生產效率黎表達，生產線會慢慢增加生產效率，用同樣數量既工廠、資源，會慢慢生產更多既軍備出現

HOI 2亦同樣有長期生產既buff

1936年既德國每條生產線最高可以享有31%連續生產加成，每完成一次生產會增加5%，假設你生產一個步兵師要用100日，第一次生產冇加成所以都係要用100日；第二次生產因為有5%加成，所以只需要95日，如此類推直至去到第7次生產加成去到上限，之後每次生產都只需要69日
順帶一提，連續生產加成既上限係睇你既軍隊法偏向常備軍抑或徵兵軍，不過亦都係留返之後集中講解

至於並列生產，係你開幾多條同時進行既生產線咁解，假如你並列生產3個步兵師，連續生產10次，就等於開左3條步兵師生產線，每條生產10次

另外你會發現生產線既右邊有一個數字同格仔，數字係生產次數，而格仔剔左的話，當你研發出新式裝備時，生產線會自動改為生產新式裝備，唔洗由頭開始生產 (只會扣些小生產加成)

必須留意既係，HOI 2有好多個版本，有D功能某個版本有，但喺另一個版本就比P社cut左
非常簡單咁講，HOI 2一共有4個版本：DD(DoomsDay)、DA(Doomsday Armageddon)、AoD(Arsenal of Democracy)、DH(Darkest Hour)
其中DH再分none, light, full三個版本，none = 改良版DA，light係加左決策(decision)同埋改左部分機制既none，full直情改埋地圖同玩法 (更多province同科技)

我自己比較鍾意DH既none，但係none的話喺你揀左生產線既連續生產次數之後就冇得修改，例如你整左10個步兵師發現唔夠，或者想將36年步兵生產線改為生產39年步兵，就需要重新開一條生產線由頭整過，但如果你玩既係light的話就可以直接修改生產次數同生產新式裝備，並繼續享有加成
咁所以我自己加左個mod，既保留DA既平衡度，又增加左其他版本方便玩家既機制，依個亦都係留返將來再講，依家你只需要知道睇教學之前一定要清楚係咩版本就得


另外你會留意到步兵生產界面，中間會有一格格黃色icon

依D其實係加強旅 / 支援裝備，約略等於HOI 4既支援營，但唔同既係HOI 4每個師團可以加5個支援營，而HOI 2入面每個陸軍師只可以加1個 (海軍的話有小小唔同，DD可以加1個attachment，CL 2個，CA 3個，BB 5個)
同HOI 4一樣，部分支援裝備，例如自走炮、射控等等係要透過科技研究先會解鎖，以及佢地本身都有分年份，透過研究可以增加佢地既能力值 (詳細性能請參閱日本wiki，英文我暫時搵唔到有)

紅圈圈起既地方其實都可以用黎生產加強旅，你可以選擇喺生產既時候就加埋加強旅，或者獨立開一條加強旅既生產線出黎


之但係同樣都係生產加強旅，到底兩者有咩分別
對照返之前生產步兵既果張圖，唔加加強旅的話一個步兵師既IC cost係6.3，加砲兵的話變成9.1 IC，即係砲兵值2.8 IC；而獨立生產一個砲兵需要4.5 IC，多左1.7 IC，成本會高左

不過由於你一開game已經有軍隊，而果D軍隊大部分都冇加attachment，你玩大國IC夠多，自自然會將全部軍隊都加晒加強旅，咁點都焗住單獨生產一D出黎
不過站在成本既角度，連埋加強旅生產出黎係最慳IC既方法，如果IC容許的話就唔好拆開黎生產，尤其是CV唔加艦載機係冇攻擊力，所以一定要連埋黎整


生產系統大致上係咁多，聽日講下科研系統

最鐘意玩Victoria II

睇落 HOI2 同 3 似似地