日產三月
2019-04-25 11:21:04
都無講過2014 thanos大軍係死晒, 你唔比tony許願係叫2014 thanos大軍驅逐出2019時間點架咩。既然我地都唔知, 就唔需要去腦補咁樣會唔會產生出新既平行世界
有睇《奇異博士》應該都會知有關MCU既時間概念, 平行時空一直都存在, 唔會因為你做左D乜而產生出新既平行時空, 而係你做左乜野選擇而決定你會去到邊一個未來。正如avg3入面奇異博士可以睇到1400萬個不同版本既未來, 咁亦代表其實至少有1400萬個不同既平行世界(佢無話已經睇晒)。
古一擔心既唔係增加新既平行世界同時空, 佢知道無左time stone會直接令佢呢個世界 (世界可以係整個宇宙, 所有時空或單純地球, 視乎古一到底要保護既係乜野) 因失去寶石而被毀滅, 所以hulk先答應會於原時間點還石, 而其他石頭有無影響其實無乜人知, 包括loki偷走空間石到底會唔會改變未來走向, 定只係令佢遲左些少比人捉返轉頭而無改變, 當然呢點都係無交待到。
最後CA如果根據MCU平行宇宙法則, 可能性有2:
佢係另一個平行時空黎既CA, 佢一樣經歷左另一場無限寶石之戰, 即係話原本個avg4時空一直都有2個CA, 亦即係話avg2入面, CA同卡達傾計果時, 卡達係一直都同另一個ca一齊。至於點解無人知呢件事, 只要CA同卡達解釋清楚, 以卡達同神盾局既力量要完美隱藏呢件事絕對唔係問題。
另一個可能就係, 佢的確係同一個CA, 佢臨死前自行回歸返自己出發前既時間點, 證據係NY之戰入面, tony同ca可以自行選擇再次行進時間旅行返到1970年, 同理可證, CA可以係佢果邊個平行時空生活完之後, 直接返回avg4出發個時間點做交棒
至於邊個先係正確答案, 就要等marvel解答