依家題目係講緊獨孤九劍同玄鐵劍法 邊個強
獨孤九劍盡破一切武學, 包括 楊過最強嘅黯然銷魂掌。
獨孤九劍絕對係可以戰勝玄鐵劍
啲人成日以為獨孤九劍冇內力。
佢哋講嘅只不過係受傷嘅令狐沖,初學獨孤九劍冇內力。並唔係攞獨孤求敗充滿內力嘅黎比較
根本係用玄鐵劍最強狀態打九劍最弱初學者嘅狀態
1如果九劍唔可以用內力同人打,咁樣講玄鐵劍法一樣唔可以用內力, 唔係點樣比較劍法???
如果唔係響同一個內力層面呢比較嘅話根本就冇得比。
2楊過有用神兵玄鐵劍, 求敗用垃圾鐵劍?
如果楊過用玄鐵劍,求敗可唔可以用削鐵如泥嘅倚天劍先?
3又或者試下只係用玄鐵劍出招方法,揸起把鐵劍同獨孤求敗嘅獨孤九劍打會點?
兩招就畀人削去手臂啦。
根本呢次討論,所有因素都要設定楊過優勢, 用獨孤九劍嘅人一定要係初學者令狐沖?? 唔可以係獨孤求敗??
依家只係講緊兩套劍法
要講楊過同令狐沖打就係另外一個討論, 你如果要講令狐沖內力就要講埋吸星大法易根經,楊過又要傾九陰真經學識未。有排講