【金庸世界大戰】究竟玄鐵劍法定獨孤九劍勁啲？

有個劍字獨孤九劍就破到架喇，如果標題係問劍魔同獨孤九劍邊個勁都一樣係九劍贏，因為相同內力下九劍有破劍式可以輕鬆破柒劍魔

乜料 自已打自已
無招打無招

獨孤求敗只係留低一把玄鐵劍, 幾句說話. 然後所有嘢都係楊過自己領悟.

>玄鐵劍練到頂lv已經係無招既狀態

正確一啲來講練到頂只係無劍狀態 , 而唔係無招.

有埋金書原文旁白話楊過既劍法已仿佛於天下無敵既劍魔你都可以駁嘴，咁你入黎做咩

按劍訣練獨孤九劍，其實就係一步步由利劍，軟劍境界，提升上去。
前期跟口訣嘅千變萬化應對敵人種種招數。看盡破盡天下武功之後，經驗眼光戰鬥意識提高咗，再化繁為簡，以"無招"應對，不再拘泥招式變化。
重劍無鋒，大巧不工。除咗代表內力深厚之外，仲係"巧"嘅極致，係咪？
楊過直接由重劍練起，咁係勁啲定弱啲？其實佢唔係冇經過前兩個境界㗎喎，佢實戰經驗豐富，同埋學埋咁多高中低級武功，眼光戰鬥意識唔會低得去邊，咁佢先可以自己領悟到你地講咗成晚嘅"玄鐵劍法"，即係劈呀斬呀＝＝
"一個從未學過武功的常人，拿了劍亂揮亂舞，你見聞再博，也猜不到他下一劍要刺向哪裡，砍向何處。就算是劍術至精之人，也破不了他的招式，只因並無招式，『破招』二字，便談不上了。只是不曾學過武功之人，雖無招式，卻會給人輕而易舉的打倒。真正上乘的劍術，則是能制人而決不能為人所制。"
未有易筋經嘅內力加乘，令孤沖只算半桶水嘅重劍境，只有大巧不工，而無重劍無鋒嘅能耐。
而十六年後嘅楊過，肯肯定係過咗重劍境（玄鐵劍都冇拎啦），但算唔算木劍境呢，我又覺得差咁啲未到呢個LEVEL。
兩種練法唔同，但終點係一樣。
有內力嘅獨孤九劍，咪又係重劍境木劍境左右，唔拎玄鐵劍咁解。
反正最後嗰"無劍"境，一定係金庸小說嘅上限嚟，無人到㗎啦，掃地僧囉，神嚟嘅

都可以係無招
當你練到頂lv
隨手一揮都已經打殘人
而呢d"隨手一揮"唔係招式
就好似你搵個300磅大隻佬打曹星如
隨手推你落地 騎住你就即刻收皮
曹星如點都擋唔到 因為佢唔係有"招"咁出拳
無得破/閃避

你而家講緊係劍法定係人? 你識唔識做比較?

一架Toyota同一架法拉利, 然後一個搵你去揸一個搵舒密加去揸?

嗰句說話你只可以話楊過嘅領姓高, 唔代表玄鐵劍法勁.

用你嘅角度咁係咪即係如果獨孤求敗打得贏楊過, 獨孤九劍就一定勁過玄鐵劍法, 使乜用令狐沖嘅獨孤九劍去比.

紫薇軟劍，三十歲前所用，誤傷義士不祥，悔恨無已，乃棄之深谷。
重劍無鋒，大巧不工，四十歲前持之橫行天下。
四十歲後，不滯於物，草木竹石均可為劍。

根據佢講法,紫薇軟劍時似係用獨孤九劍,姐係令狐沖
重劍時就係玄鐵劍,姐係楊過
四十歲後,就無劍,根據金庸重視內功,就似係去到隨手出劍氣,就好似六脈神劍咁
純論時期,應該玄鐵後過九劍

我講緊你話 玄鐵劍法係楊過領悟唔出嚟嘅無招勝有招 呢句喎，楊過唔係自己領悟好冇，係隻雕跟求敗練重劍再教返楊過架喎

因為玄鐵劍, 本身根本冇任何口訣, 只係幾句 "結果" 嘅說話. 有冇能力去到嗰個境界就係睇悟性. 獨孤九劍嘅教法好明顯係有一套系統.

而且之前都講過, 去到大家都係無招嘅時候. 就係睇經驗同埋悟性嘅地方. 所有動作都係有跡可尋. 你隨手一揮唔係招式, 但係唔代表對方意會唔到.

而且如果你去到比內力, 咁其實就已經唔係劍法嘅分別係內力嘅分別. 冇得比較. 本來兩套武功都冇包含點樣練內力嘅方法.

無招係重劍嘅層次其實已經完咗，除非橫斬直劈都算招式
無劍，應該係武學最高層次掛。掃地僧成個人企係度，你都唔知點打好嗰種
拎玄鐵劍橫斬直劈嘅"無招"，冇內力嘅令孤沖係GG得，因為佢攻敵所必救都冇用，人地內功高，即係攻防速血全部都高過你，唔會驚。如果係有內力嘅令孤沖，應該兩邊一齊打"爛仔交"咁"無招"打，最後咪鬥內力

影像化d諗
楊過加重劍=the rock揸住鐵通
沖哥加九劍=劍擊選手

兩個打起黎 the rock 一棍打落黎 你有無機會反擊先？

九劍本身都仲係用固定變化(雖然有幾百幾千種變化)去應對敵方既固定變化
重劍就講緊用平平無奇的劍招靠力量硬爆對面

簡單黎講重劍法無招俾9劍破,同時9劍要膽心自己把劍會唔會斷
當然,如果有人係用玄鐵劍出9劍就玩撚晒

其實唔需要太神化破氣式
我個人鳩估破氣式只係了解氣功USER D出招PATTERN再用各種劍招變化去應對各種氣功PATTERN

破氣式嗰幾句咪啫係鬥內力。。。

//此式是為對付身具上乘內功的敵人而用，神而明之，存乎一心。獨孤前輩當年挾此劍橫行天下，欲求一敗而不可得，那是他老人家已將這套劍法使得出神入化之故。同是一門華山劍法，同是一招，使出來時威力強弱大不相同，這獨孤九劍自也一般。你縱然學得了劍法，倘若使出時劍法不純，畢竟還是敵不了當世高手，此刻你已得到了門徑，要想多勝少敗，再苦練二十年，便可和天下英雄一較長短了。//

同一招，威力不同，咪內功強弱囉。
劍法不純，梗係唔單指劍招熟唔熟啦，仲話佢內力不濟呀。
練多廿年，咪練內力囉，仲有咩練啫

https://forum.gamer.com.tw/C.php?bsn=10859&snA=1415
又好似幾有道理
咁即係可能兩種劍法都係楊過創出黎

6樓有講點解係楊過創出黎

獨孤求敗 這麼強，怎麼想一堆破什麼招破什麼招
都已經無招勝有招，怎麼還想一堆招
會有危機意識這麼重的，主要還是斷臂的楊過才去想
畢竟只有一隻手，只要輸了就全輸了....


個台仔主要係講 楊過自創掌法 但有姑姑之後掌法廢左
就自創劍法
同埋話獨孤九劍係獨孤求敗創既只係風清揚自己講
就好似儀琳話令沖死左咁 唔一定係真

風清揚唔係攞條骨直隊令狐沖，問佢點破，兩個都話冇得破咩，呢下唔係就係玄鐵劍法/無招？定我記錯咗