【金庸世界大戰】究竟玄鐵劍法定獨孤九劍勁啲？

其實邊個話九劍要同你格劍打

你話楊過打唔打得贏令狐沖我同你講一定得

但係你話玄鐵劍法贏唔贏到獨孤九劍， 我話畀你聽一定唔得。

獨孤九劍有破劍式，
你未舉左手，人哋已經刺你心口。
你左腳踏前，右腳已經中劍。

再推落去， 玄鐵劍法只係屈內力

若果用獨孤九劍嗰個係獨孤求敗， 去到無劍勝有劍， 一粒石仔打落你揮玄鐵劍個弱點嗰度。 你未打中獨孤求敗已經要出手擋

睇返出處，幫助討論。我覺得個關鍵位係究竟獨孤求敗係創邊種劍法先？後期創出來的武功一定係境界更加高架啦，可唔可以咁講？

楊過提起右首第一柄劍，見劍下的石上刻有兩行小字：「凌厲剛猛，無堅不摧，弱冠前以之與河朔群雄爭鋒。」

再看那劍時，見長約四尺，青光閃閃，的是利器。他將劍放回原處，拿起長條石片，見石片下的青石上也刻有兩行小字：「紫薇軟劍，三十歲前所用，誤傷義士不祥，悔恨無已，乃棄之深谷。」

楊過心想：「這裡少了一把劍，原來是給他拋棄了，不知如何誤傷義士，這故事多半永遠無人知曉了。」出了一會神，再伸手去拿第二柄劍，只提起數尺，嗆啷一聲，竟然脫手掉下，在石上一碰，火花四濺，不禁嚇了一跳。

原來那劍黑黝黝的毫無異狀，卻沈重之極，三尺多長一把劍，重量竟自不下七八十斤，比之戰陣上最沈重的金刀大戟尤重數倍。楊過提起時如何想得到，出乎不意的手上一沈，便拿捏不住。再俯身拿起，這次有了防備，拿起七八十斤的重物自不當一回事。見那劍兩邊劍鋒都是鈍口，劍尖更圓圓的似是個半球，心想：「此劍如此沈重，又怎能使得靈便？何況劍尖劍鋒都不開口，倒似是我們古墓派的無尖無鋒劍。」看劍下的石刻，見兩行小字道：「重劍無鋒，大巧不工。四十歲前恃之橫行天下。」

楊過喃喃念著「重劍無鋒，大巧不工」八字，心中似有所悟，但想世間劍術，不論那一門那一派的變化如何不同，總以輕靈迅疾為尚，古墓派玉女劍法尤重輕巧，這柄重劍卻與常理相反，想懷昔賢，不禁神馳久之。

過了良久，才放下重劍，去取第三柄劍，這一次又上了個當。他只道這劍定然猶重前劍，因此提劍時力運左臂。那知拿在手裡卻輕飄飄的渾似無物，凝神一看，原來是柄木劍，年深日久，劍身劍柄均已腐朽，劍下的石刻道：「四十歲後，不滯於物，草木竹石均可為劍。自此精修，漸進於無劍勝有劍之境。



風清揚道：「獨孤九劍，有進無退！招招都是進攻，攻敵之不得不守，自己當然不用守了。創制這套劍法的獨孤求敗前輩，名字叫做‘求敗’，他老人家畢生想求一敗而不可得，這劍法施展出來，天下無敵，又何必守？如有人攻得他老人家回劍自守，他老人家真要心花怒放，喜不自勝了。」

令狐衝喃喃地道：「獨孤求敗，獨孤求敗。」想象當年這位前輩仗劍江湖，無敵於天下，連找一個對手來逼得他回守一招都不可得，委實令人可驚可佩。


我就咁睇覺得玄鐵劍法係後期創立，因為九劍始終都係要用利劍出招，風清揚從來都冇提過乜嘢木劍境界。所以可以大膽推測九劍係第一把劍嘅時期創辦嘅。

我覺得鬥到最後，無招劍法佢都覺得已經唔夠勁，如果你睇返笑傲江湖，沖哥冇咗劍就變成廢柴。

求敗所以想追求更高境界，就係行內力路線，唔再需要倚賴把劍。

無劍，執起任何一樣野都可以打贏敵人。睇破綻都唔需要啦，連呢啲思考嘅時間都唔需要，就咁有理冇理一招轟落佢，已經贏咗。

玄鐵重劍劍法某程度上就係內力路線嘅初階，再進一步就係木劍，然後就係無劍勝有劍。

歡迎繼續討論。

笑傲啲人 輕功又屎 內功又屎 又無遠攻
我驚鐵拳水上飄都打柒東方

獨狐九劍奧義最勁

內力相約九劍100%贏。

有九劍相差好多都難講，
你問下段譽就知道
一招凌波微步，冇內力都可以喺一眾高手面前打橫行都冇事。

其實遠在天龍八部嘅時候已經講咗， 有用技巧勝內力呢樣嘢。

獨孤九劍咪就係凌波微步類近嘅嘢， 料敵先機， 預測對手出招， 出奇不意去作出閃避/攻擊。
對手自然會覺得你精妙。

未打得中東方不敗已經俾人拮盲咗隻眼啦呀楊過

我覺得咁樣推斷太過武斷
如果我話你冇左內力都用到會唔會易明啲？
假設你有日冇曬內力/病左/老左發揮唔到內力但有人揾人尋仇
你仲點以內力取勝 九劍可以破盡所有招式
只要你仲郁得就可以出 去到草木皆劍
我用樹枝都可以吉你死穴 你一樣還唔到手
九劍雖則叫九劍但冇人話一定要用劍先用到出黎

我會咁問，如果你內力已經去到絕頂境界。你會選擇用九劍定玄鐵劍法制敵？

假設而家你要面對一個超級強敵。

九劍你都仲要去思考，睇吓佢嘅破綻喺邊，然後快過佢出劍。

玄鐵劍法直程連思考嘅過程都省略埋，有理無理，一招簡單嘅直剌帶住巨大內力推過去。

你覺得邊個會方便啲？邊個速度會快啲？一個就你都要諗下點樣先可以攻敵之不得不救，一個就連諗都唔使諗。

太極都有太極拳同太極劍
獨孤九劍係用劍來表達無劍勝有劍嘅境界
（破招）
你用拳嘅話自然係獨孤拳。

最大問題係獨孤九劍
只係一個畀你睇破綻嘅計算方法。
你唔熟就會計錯數，
令狐沖打既獨孤九劍同求敗嘅獨孤九劍隨時都唔同。
令狐沖可能會見你舉左手打你右手
獨孤求敗見你舉左手可能會打你心口

唔同程度計算方法唔同， 所以風清揚叫令狐沖最少要練廿年

風清揚教令狐沖第一日已經話畀佢聽手指都係劍。
做人要變通

仲死執著獨孤九劍係一套劍法嘅話。
根本上就唔知道獨孤九劍係乜嘢

其實邊做話九劍要諗過先行動先
好簡單舉個例子 我踢波 見對面有人沖埋黎 我可能一下就做左反應避開佢
諗都唔使諗 當你熟練左
我一下就有反應去破你 咁仲洗乜要諗呢
你重劍咁霸道咁係咪必定劈中先 要搞清楚

如果真係咁嘅情況，咁你遇到啲內力好勁嘅你就即刻輸喎。到時你都唔會用到破氣式，因為冇內力。

如果咁樣講我覺得佢嘅缺陷仲大。

同埋你會點樣去諗獨孤求敗嘅心理歷程？無招勝有招嘅概念有先？定係無劍勝有劍嘅概念有先？

你覺得九劍係屬於邊一個時期先？邊一把劍先？

其實到最後真係屈內力
睇下掃地僧練到有氣場根本打唔入
當然書入面除左掃地僧無人練到有氣牆
另一個例子就係六脈神劍
所謂六脈神劍其實就係將內功好似劍咁射出
根本無劍招可言
六脈齊發，六道劍氣射出，唯有擋到就好似掃地僧咁有氣場擋住
其實九劍只係理念
所謂無招並唔係真係無招
書中有兩個人近似無招呢個理念
一個係東方不敗，快到就算你見破綻都唔夠快破
另一個係喬峰，王語嫣係旁提場都無用，喬峰招式已經行雲流水

好撚簡單
九劍弱點太多
冇光=收皮
玄鐵劍
冇光一樣勁到仆街

衝內力衝到上掃地僧果種氣場級
可能真係鳩劈都中你

所以唔用腦嘅咪輸畀用腦㗎囉。
幾時都講同人戰鬥要靈活。 做人要曉變通。
我真係唔相信獨孤求敗嘅九劍會輸畀楊過嘅冇腦劍法

庖丁解牛呀，讀過未。
道家學說呀。
楊過咪就係斬爛刀都嗰個肉佬囉

無堅不摧仲洗乜順其勢

感覺係兩種唔同嘅路線，但係都係講緊天下無敵嘅狀態咁啦。

一個就係天下武功，為快不破 （九劍某程度上都係咁，料敵機先，下下快人一步）

一個就係天下武功，為力不破（玄鐵重劍，我唔使理你出咩招，我速度都未必一定係最快，我只用一招以力服人，係強大內力籠罩之下，你根本連避都避唔到。）

痴X線, 原來係你咁都搵得番你
潮文係我作, 本身一開始係咁, 之後先作埋落去

獨孤求敗個理論係
你玄鐵劍法未起晒手打佢嘅時候
佢已經可以打傷咗用玄鐵劍法嗰個人
仲要係要害。

令狐沖所用嘅獨孤九劍處處留手， 成日想玩點到即止。
但獨孤求敗所創嘅獨孤九劍就係朝朝打擊你重要部位，令你不得不防守。

楊過係屋外就用嘯聲震傷東方不敗喇