【金庸世界大戰】究竟玄鐵劍法定獨孤九劍勁啲？

重劍亂鳩咁劈 你點料敵先機呀
有招會重復仲係重劍？

九劍每個階段都會突破一個武學領域。

當初年輕係追球招式，比強弱，比花巧。（一般人）

後練重劍係要屈內力同人硬打，無招屈人（內力高手）

最後無劍就係（破）
重劍要再突破個境界就係要學（破）
老時，無劍要勝有劍，除左強大內力，仲要破招。
兩個內力高手比，要取勝，
快一步睇穿對手下一步，出手破招，就無敵了


當然，在笑傲，仲有多一個元素，就係之前忽略左既（快）
甚至（快）呢樣野，去到鹿鼎記用子彈火槍打高手。那些所謂高手，練幾多年武學，去到現代，又咪係敵不過槍。
現代同古代唔同，現代追求速成。
有槍用一日時間雖然未必打贏楊過，但都可以打贏練左幾十年既岳不群。

金庸總結武學兩大元素
（招式）
（內力）
笑傲後加兩種，一共四種：
（破招）
（速度）

各有功用，練上去亦都可以與上面爭長短。

獨孤九劍唔係劍宗。
獨孤九劍係講求盡破

係招式以外嘅嘢黎

大家仲爭咩啊
當都係楊過創出黎既算啦

我都係咁諗，不過啲九劍撚話破劍式可以破柒九劍咪順住佢地思路去

破柒重劍自

玄鐵劍法和獨孤九劍誰更強？

原作者認為，獨孤求敗留下利劍、重劍、木劍，而楊過選擇玄鐵劍法是因為神雕是內力強盛的時代，相對的令狐沖的笑傲江湖則已經是內力衰弱的時代，看起來令狐沖學會獨孤九劍威力倍增，那是因為適合，不見得代表獨孤九劍就強於玄鐵劍法。他認為，獨孤九劍是獨孤求敗弱冠時的劍法，年紀輕因為內力不足所以追求變化；中年以後內力漸增，劍法由繁化簡會追求更直接、純樸的武功。這個理論就可以解釋，當金輪法王把技能都點在龍象般若功時，為什麼可以跟十六年後的楊過打的不相上下，因為內力夠強，平推就可。不知道大家覺得他說的玄鐵劍法強於獨孤九劍的觀點是否合理？

錯，
獨孤九劍每個階段都會突破一個武學領域

紫薇軟劍係五嶽劍派果類， 主講招式為主。

玄鐵劍，係只講內力不講招式。 注重內力修練。

換木劍， 揮動木劍可以做到超愈玄鐵劍嘅威力。（事實上楊過去到結局都仲係諗緊要搵玄鐵劍打金輪法王，即係仲未到完全理解呢度）


最後無劍， 唔用劍可以打出超愈自己用木劍/玄鐵劍嘅威力。

其實木劍尾段悟上無劍境界，就係靠獨孤九劍，因為佢用一生武學精華總結，盡破所有招式，達至出手就可以破敵。 既然知道對手弱點仲使乜嘢用劍？ 摘粒石仔過去就可以， 嗰時候就係草木竹石皆可為劍。




所以令狐沖先可以只係學半年，就可以打低咁多人。
實際上， 風清揚都同佢講最少要練十年先可以同高手比試， 笑傲江湖當中令狐沖係冇聽風清揚勸告， 令獨孤九劍出醜。

金庸話楊過劍法唔犀利㗎

佢係每把劍代表一個領域
咁紫薇就係獨孤九劍，破招
跟住就玄鐵，內力深厚，一力降十會
木劍就冇講過，但倚天有一回係話無忌用木劍使出太極劍sm對手，唔知有冇含義，太極劍又係玩唔記得
去到無劍，我就認為係天龍果堆怪物，內力深厚，全盛既六脈神劍，火焰刀，純用內力出招
另外，其實楊過招黯然有d似，又係純靠內力，有d踏入真正無劍階段，但可惜招黯然同古龍果堆招一樣，以情入武，有返姑姑就出唔到

基本上好多人都認同，獨孤九劍就係無劍境界， 重劍只限內力對拼， 面對同你內力相若嘅人就要陷入苦戰。 而九劍就係重劍嘅突破,

笑傲完全係金庸專登補完求敗呢個人既一生，破招係一個新嘅武學領域。

反對嘅人就係執著於令狐沖一定要用劍
其實喺打田伯光嘅時候金庸已經講清楚， 手指都係劍， 做人要變通，草木竹石皆可為劍。

正如太極一樣， 睇你用拳定用劍去表達就係太極理論姐。

獨孤求敗（老年），
點樣可以做到無劍勝有劍 ，就係出手破敵。
點樣可以做到無招勝有招， 就係我喺你未出手之前已經睇穿你來勢，從而打中你破綻。

最後總結咗獨孤九劍出來。

楊過
點樣可以做到無劍勝有劍， 就係練暗然銷魂掌 。
點樣可以做到無招勝有招， 就係重劍用內力撞過去。

明顯地，楊過嘅武學領域同獨孤求敗既武學領域相差好遠。

你問我地獨孤九劍定係玄鐵劍法勁。 我當然答你獨孤九劍。 因為獨孤九劍係金庸補完獨孤求敗一生對敵經驗總結。

仲有吸星大法吸到你變廢人（大前提係如果你冇學易筋經）（ 只有易筋經吸唔到內力）

樓主聽日比邊2個好?

我真係唔明，
獨孤九劍係獨孤求敗一生經驗總結
點會輸畀自己重劍皆段。

獨孤求敗睇穿你破綻，飛粒石仔都可以打低重劍啦

應該係調返轉， 如果有獨孤求敗嘅內力去用獨孤九劍就無敵。

草木竹石皆可為劍， 一支樹枝， 一粒石仔
知你破綻，都可以打贏你。

原文邊有講過九劍係獨孤求敗一生經驗總結呀？自己腦補就唔好講到似層層啦鳩硬蛇

風清揚講就話手指可以做劍，但淨係識九劍冇內力配合點樣做到草木竹石皆可為劍

重劍就只係不停重複一啲簡單嘅招式。
除非你唔郁， 佢要出手引你郁， 就變相佢露出破綻。
否則你一郁獨孤求敗就知點破。

破劍式已經計曬所有劍既揮動變數。用最有利嘅方法反擊。
去到獨孤求敗嘅級數，
見你右腳踏前， 可能一粒石仔已經打到你左面隻重心腳要跪低。
到你正在忙著反應跪低嘅時候，條樹支已經攻去你個頭。

呢個就係同等內力， 有獨孤九劍同冇獨孤九劍嘅分別

金庸群俠傳2 話左比我聽咩劍法勁

無錯 就係辟邪劍法最強

錯， 獨孤九劍係獨孤求敗一生不敗經驗總結
金庸講到名㗎喎。

金庸特意寫到似是疑非 比你地討論下 估唔到半個世紀都仲討論緊
雖說 唯快不破 但可能只為後代武人 內力偏弱下既總結
內力勁到天龍八部咁 一掌打出 傷害區域咁闊咁深 就算敵人招式快都未必有機會攻得入

紫微軟劍明顯唔係獨孤九劍。
紫薇軟劍只係降龍十八掌黯然銷魂掌呢D用（招式）決勝負嘅時候。
用劍來講嘅話就係五嶽劍派互相切磋。

重劍係內力屈， 面對同樣內力的人， 就分唔到勝負 。（如：四絕/ 華山論劍）

獨孤九劍係無劍，係一生經驗總結。
重劍皆段，相同內力分唔到勝負， 自然需要尋求對手破綻。
試諗下若果去到華山論劍， 內力同你差唔多， 但降龍十八掌， 蛤蟆功果D畀你破咗。
你就係贏嗰個。