【金庸世界大戰】究竟玄鐵劍法定獨孤九劍勁啲？

求敗真係畀人吹得太勁

明明霸道內功同攻敵不得不救只係二流武學都咁多人吹捧

求敗肯定一生都冇遇過絕頂高手，好似達摩祖師、逍遙子、黃裳呢類人，打低班蛋散就覺得自己無敵於天下

獨孤九劍點計都係劍塚入面第一二把劍嘅階段，最多係紫微軟劍階段。
玄鐵劍係大巧不工，招式已唔重要。
由有招（利劍）到破招（軟劍）到無招（玄鐵劍）再到無劍（勝有劍）。

再以金庸小說計，內力比招數強。

無招人地擋唔到
有招但內勁大到人地擋唔到
有分別?境界高就一切?

風清楊話過令狐沖仲要練多幾廿年先叫大成

楊過既玄鐵劍最難係點練內力但已經靠o拍蛇膽解決左

唔小心投錯左九劍...
我覺得咁
九劍係後發先至
如果你可以做到後發先至，咁你先發會點?

另外，九劍好似打機咁克人屬性
但如果你有壓倒性力量，你仲會唔會計先
一招車埋去，俾人克都照秒人啦

一定係玄鐵劍法勁 獨孤求敗係追求最簡單既野 九劍無招勝有招係針對人既破綻攻擊 玄鐵劍一樣係無招但係加多樣佢係連揮劍都無招 姐係是旦hi邊你都收皮 最後就劍都唔洗就收人皮

個topic根本on99
九劍係獨孤求敗對武學既總結
重劍根本唔係武功只係佢練內功既方法
姐係九劍=外功,同十八掌果啲一樣
而重劍=內功心法,練內力用
兩樣野加埋先係完全版既獨孤九劍
同埋都無人講過用九劍唔可以有重劍既內力
成班反九劍果啲都on99
你話楊過打贏令狐沖就話姐
九劍vs重劍姐係咩?
足球員+短跑選手踢場波
短跑選手跑得快=識踢波?
調返轉踢波既唔可以跑得快?
根本重劍就唔係外功上面班撚𨳒仲係度死撐

獨孤九劍唔係招式係破既方法

不過諗深一層，九劍係迫人自救
如果對手要同你同歸於盡
未必打得過

太極先係後發先至。

獨孤九劍系料敵先機

獨孤求敗嘅獨孤九劍點會冇力俾人收皮

講起後發先至，如果對方都係唔要命同你打咁點算

好似倚天入面趙敏學咗各門派捨命招式，唔夠人打就招招同歸於盡

正解

九劍係先發先至,料敵先機
風清楊同令狐沖對練時講過每一劍都是攻招
招招都是進攻,攻敵之不得不守

邊有得同歸於盡， 都話我打咗你破綻先， 你唔防守咪中招囉。
我斬你個頭，你唔防守，你個頭咪甩咗囉

我係講緊如果獨孤求敗追求既係最純粹既劍法 玄鐵劍法一定比九劍純粹

料敵先機唔算係後發先至咩
如果對手未有意識出招，你點料敵?

最起碼對手要有個意思"想"攻一個地方，身體開始有動作
你先能夠"料敵"

如果唔係你只係快，冇"料敵"到
咁又變左唯快不破

正解
用玄鐵劍練內力本身就係因為只有玄鐵劍先承受到內力既對撞而把劍唔爛
但用玄鐵劍太重係使唔出劍法,所以先去到後期草木階劍指就係內力掌控已經達到化境甚至勁到用一枝樹枝都做到好似一把劍可以內力攻人同招式兼備

本來成set野都係FF緊獨孤求敗有幾撚咁勁,但總係抽呢兩set過渡既野來嘈

提令狐沖係因為好多支持重劍既人都會用令狐沖有幾廢黎做例子
另一個問題係如果認為九劍係求敗早期已經創既招
點解會因為拎唔同武器就要放棄左九劍先
假如求敗拎住重劍黎出九劍 點都一定勁過楊過淨係普通咁轟落去架wo
九劍重點係攻敵之不得不守嘛 咁用重劍轟落去人地既弱點亦應該比楊過就咁簡單出招更大威力
而且風清楊最後教令狐沖都有一個問題就係假如對手都係無招咁你點破
咁重劍mode或者都係一個解決呢個問題既方法
所以我一直都認為重劍係將九劍既境界昇華去完美版本既一個階段黎
唔應該因為楊過同令狐沖而去分開左求敗身上呢2個劍法

佢既概念係我先出手,咁我唔洗受制於你
而只要我一出手,你就要守(or應對),但當你守既時侯我已經知道你要守邊到,繼而再用劍指去你所防守既地方,所以點解係先發先至

有無諗過 如果楊過一劍刺去
令孤點擋？

支持玄鐵劍班人，為左講弱九劍，將獨孤九劍講成後發先至。
我懷疑佢地連笑傲江湖都冇睇過

你好似錯左concept
九劍係迫人自救，令到對手要變招，變左由攻轉守
結果好似九劍好快

如果對手唔理，照斬落去
事關係人地出手先，如果2個人速度一樣，九劍未必夠人快
咁就係鬥快

有本漫畫叫拳願阿修羅
入面有樣野叫先之先
就係對手出招前已經知道佢黎緊個招想點出再去破佢

係後發先至 個先至係早過人出招