【金庸世界大戰】究竟玄鐵劍法定獨孤九劍勁啲?

1001 回覆
332 Like 817 Dislike
2019-04-23 21:58:02
點解大家都型住楊過拎重劍就一定慢

可能楊過內力已經高到可以重刀輕使,快過人地用劍呢
2019-04-23 21:59:40
咁蕭鋒用九劍打慕容重劍又點?
你用重劍轟落去 點解設定到閃唔到先
去到最後就係睇人 所以由一開始就話唔應該拎楊過同令狐比
2019-04-23 22:00:15
上面有人話九劍耐左勁過葵花
但東方係一打三絕世高手. . .
九劍耐左得唔得先
2019-04-23 22:00:30
唔好用東方不敗嚟講, 佢嘅存在係一個BUG。
掃地憎級數既BUG。
打練左一年九劍唔夠既令狐沖?
根本上佢都未出山

依家係講緊佢個理論, 唔好唔夠講攞個打唔中既BUG嚟講。

獨孤九劍的確可以睇穿曬所有人既破綻。 包括東方不敗。
2019-04-23 22:00:41
九劍撚講唔贏重劍就要假設九劍撚都要有同等內力

問題係對住山洪練玄鐵劍去到對住浪濤練木劍既練法就係求敗所總結出練內力最有效既方法,除此之外冇其他內功有呢個威力,亦都冇第二把玄鐵劍可以令使用者既內力發揮得特別好

所以講得九劍vs玄鐵劍好明顯就係重劍撚個內力深厚過九劍撚啦,個關鍵就在於九劍破唔破到重劍
2019-04-23 22:00:45
所以咪有六脈神劍
六脈神劍都唔係劍法
只不過係內力雄厚到可以射出去攻擊
2019-04-23 22:03:46
東方不敗快得黎都仲有破綻

書入面都有講 雖然令狐沖睇到個破綻 但當佢想破既時候 對手就轉左招 令到佢冇得破 咁破綻就不成破綻

但係小龍女係快得黎冇破綻

想問九劍點破?
2019-04-23 22:04:07
邊個人話獨孤九劍唔鼓吹內力傷敵?
佢淨係話做人要變通, 唔好拘泥喺劍上
第一日就同你講手指都係劍



講返正題先,依家題目就係講緊兩套劍法,
如果同等內力嘅話獨孤九劍係咪贏???
2019-04-23 22:05:47
一定係玄鐵劍法
拎住玄鐵劍加埋楊過既內功,等如我打你咩位,嗰個位就已經係你弱點
九劍都仲要搵你個破綻,但玄鐵劍法係剛強到直接將你變破綻
2019-04-23 22:05:56
一直都接受呢個講法, 呢個係共識黎
2019-04-23 22:06:11
破掌式手套點夠揪
2019-04-23 22:06:12
玄鐵劍由頭到尾都係練內力法門
更甚係一種武學想法
認為內力夠霸道,就可以用簡單招式做出極大威力
唔駛搞咁多野
楊過靠練玄鐵劍法練到掌法勁力同郭靖降龍十八掌一樣
2019-04-23 22:07:22
1. 玄劍只係普通揮玄劍方式,咁都叫招既話,九劍仲多招
2. 九劍內力為輔,玄劍內力為主。內力修為明顯有差距,瀑布只係修練方式,無須過於著緊
2019-04-23 22:07:24
所以風清揚咪叫你練十年先好同人打囉
令狐沖唔聽渣MA。
咪撞曬版囉
2019-04-23 22:08:06
你9up咁多
都解釋唔到兩樣野

1 點解由無招走返去有招?
2 9劍盡破天下兵器,無返幾十年都講唔通,特別係破氣式,廿幾歲就破到內力高手?
2019-04-23 22:08:14
咁樣假設就係唔會係唔平衡下去比較
加上金庸就係內力嬴曬
如果重劍最自豪嘅內力同人地同級之後就冇特點
咁重劍仲嬴唔嬴到9劍
2019-04-23 22:08:26
郁都唔比郁咩
唔好吹九劍太過火
2019-04-23 22:08:36
其實邊有咩玄鐵劍法㗎
劍塚嘅利劍,軟劍,重劍,木劍,係獨孤求敗一生所用嘅劍,代表嘅四個境界啫。
邊有咩劍法劍譜之類嘅嘢畀楊過去學呀,係佢自己重現獨孤求敗當年練劍嘅方法(隻鵰教)去試徒領悟重劍無鋒大巧不工嘅境界。
獨孤九劍有總訣有九式口訣背,咁先係傳統意義上嘅劍法吓話。兩樣嘢都未搞清,雞同鴨講咁好難講啫。
無招VS有招,呢度個招字好明顯係講緊練武嘅定式套路,跟住劍譜拳譜上嘅圖係點就點出劍出拳,唔係話你拎起把劍伸出嚟就叫一招。咁好明顯無招當然勝有招啦,唔跟套路邊有得破啫。重劍法咪就得斬呀刺呀劈呀咁,招數越嚟越簡單,層次可以話係十分低,但呢啲咪就係反蹼歸真囉,慢慢上升到木劍境。
木劍境以至無劍境其實咪啫係獨孤九劍最終型態囉,不滯於物,草木竹石均可為劍,不受制於物質上型式上嘅劍同劍法,隨心所欲咁。"吾十有五而志於學,三十而立,四十而不惑,五十而知天命,六十而耳順,七十而從心所欲不逾矩" 其實明顯金庸成段都係借鏡論語,大家可以參巧下。
咁點樣達至呢個境界,其實都明顯啦吓話,除咗內功內力仲可以係咩啫,心態囉,意境囉,咪又係另一意義上嘅內功。
同意一位師兄講,獨孤九劍係系統地嚟教人跟佢個劍法境界咁升級。令孤沖學一陣子劍就打爆眾高手,唔似"凌厲剛猛,無堅不摧,弱冠前以之與河朔群雄爭鋒。"利劍境咩。
令孤沖練完易筋經,內力高咗,你估佢遲吓唔會變成大巧不工,一力降十會嘅重劍境咩
2019-04-23 22:08:57
題目係
依家係講緊兩套劍法邊個勁
唔係比拼內力。
同樣內力邊個贏?
2019-04-23 22:10:49

都話睇人 如果你計獨孤求敗
咁佢一個用九劍應該夠同時頂哂笑傲全書人包埋東方不敗
2019-04-23 22:11:08
咁你想點?內力深幾多?
自己睇番個題目
依家係講緊兩套嘅劍法
2019-04-23 22:12:31
玄鐵

當晚他竟不安睡,在水中悟得了許多順刺、逆擊、橫削、倒劈的劍理,到這時方始大悟,以此使劍,真是無堅不摧,劍上何必有鋒?

講明唔同劍理

相反九劍

獨孤大俠是絕頂聰明之人,學他的劍法,要旨是在一個『悟』字,決不在死記硬記。等到通曉了這九劍的劍意,則無所施而不可,便是將全部變化盡數忘記,也不相干,臨敵之際,更是忘記得越乾淨徹底,越不受原來劍法的拘束。

講明全部忘記
2019-04-23 22:14:36
我只係認為 喺金庸呢個咗重視內力嘅世界
用內力深厚嘅重劍,勝面會比九劍高
情況就係李小龍打泰臣 可能李小龍第一下就一腳knock down泰臣
但打十場,一百場,甚至一千場
就會睇到勝率有分別
2019-04-23 22:15:08
呢個咪就係對獨孤九劍唔理解先去問呢個問題。
人嘅手得一對,
你保得個頭,就保唔到個腳。
保得到對腳,都保唔到個肚。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞