【金庸世界大戰】究竟玄鐵劍法定獨孤九劍勁啲？

其實依家係咪仲講緊九劍打重劍呀 九劍心法係冇內攻嫁嘛 重劍係用內攻無招揮劍 咩叫九劍有內攻就夠重劍打 人地風清揚有講過用內攻咩 事實就係九劍破招重劍無招你話邊個勝啦

室內同室外差咁遠

重睇一次天龍啦
段譽學凌波微步嗰陣已經係練緊內力啦
佢一開始走兩步已經差啲走火
後期吸得多內功有左底再加成日練先變得勁咋
本書無細寫佢走得幾快 係因為成個武林嘅平均水平都好高 得班怪物特別勁先要特別提下架咋

計埋攻速既話 都係辟邪最強

即係楊過用重劍會打得贏求敗用九劍?

去到草木皆劍嘅前題係你要有內力可以出招成利
好似鳩摩智咁用內力催動掌風變到好似刀咁
更何況令好似有part試過無劍要搵枝木條定唔知乜野黎拮人 但佢仲要fail左

so far得佢兩個用木劍有聲

如果求敗0內力既話 應該贏到
但求敗本身就係內外都練到極致
無得講架wor

這時只聽得殿中嗤嗤之聲大盛，方東白劍招凌厲狠辣，以極渾厚內力，使極鋒銳利劍，出極精妙招術，青光蕩漾，劍氣瀰漫，殿上眾人便覺有一個大雪團在身前轉動，發出蝕骨寒氣。

大殿同囚室雖然唔同，方東白用倚天劍都只係嗤嗤，任我行虛劈已經嗡嗡聲

風有教修習之法，一般理解都係內功鬥內功，推測修習之法應該同內功有關掛

你地有啲怪
如果求敗後期已經唔再講究有招無招
咁仲點會用九劍呢套劍法？
佢個境界等於去到阿青嘅階段 本能只係出劍打人
楊過個階段係接近唔諗招 但要諗點樣傷人
咁你要比楊過同求敗就固然係楊過輸
但如果係令呢條廢柴就絕對楊過贏硬

咁你諗 求敗用重劍打 求敗用九劍 邊個贏？

你有啲怪
九劍跟本就無招
只係對應對手動作去
後發先至對方弱點

即然係對方既弱點
用幾多內力出劍都已經唔係重點
殺雞焉用牛刀

上面就貼左風清揚講左九劍打無招點算既幾句野
就當重劍都係無招 都係證明唔到九劍點解唔夠重劍打
最後都係睇大家水平

一係兩敗俱傷

一變持久戰
前者長用內力
後者用適當內力就夠
馬拉松咁

最後咪又係要睇求敗係咩階段用九劍
我就當2個求敗都入左無劍之境
既然已經不滯於物 一個用返重劍 一個求其用利劍又好草木又好再用九劍
我唔見得可以點分到高低
一係你認為不滯於物係廢話 咁可以再討論

有幾點值得注意：

1. 網傳(搵唔到video 或著新聞，所以唔知真假)金庸本人在一個叫「金庸100問」的講座中自己比較過令狐冲同楊過：

問：楊過到底練成了獨孤劍法沒有？他的武功境界到底如何？
金庸：有一部分因為獨孤求敗傳下來沒這麼完整，所以他的劍法沒有很強。但他的內力強過令狐冲，因為十六年在山崖對著瀑布練習，內力甚強。

如果以上講座係真嘅，咁即金庸本人覺得單講劍法係令狐冲強，但內力楊過勁

2. 獨孤九劍有一招叫「破氣式」，原文直頭話就算對手比自己內力強都可以破，所以唔好講咩重劍內力勁乜乜乜，獨孤九劍本來就有預設點對付內力比自己勁嘅人，只係令狐冲無學到呢一式(風清掦無教)

3. 獨孤九劍雖然有九式，但最重要的不是九式而是劍意，原文咁講：

風清揚道：「你倒也不可妄自菲薄，獨孤前輩是絕頂聰明之人，學他的劍法，要旨是在一個‘悟’字，決不在死記硬記。等到通曉了這九劍的劍意，則無所施而不可，無所不出，無所不入，便是將全部變化盡數忘記，也不相干，臨敵之際，更是忘記得越乾淨徹底，越不受原來劍法的拘束。」

即係獨孤九劍練成的最高境界，就係忘記獨孤九劍，有啲似《倚天》的太極拳，根本就係講無招勝有招的 level

4. 重劍劍法並唔係無招，原著寫到明楊過從中學到順刺、逆擊、橫削、倒劈的劍理，重劍劍法講的係「大巧不工」，而唔係「無工」，即係指越平平無奇嘅招式就越勁，平實招式始終係有招，只不過佢用內力玩晒，有啲似《天龍八部》喬峰用基本入門拳法「太祖長拳」仲勁過其他用少林上乘武功嘅高手，咁唔通你話「太祖長拳」勁過少林武學咩！

如果只論劍法本身，一定九劍勁，俾你計埋內力，都仲有破氣式。

不過，「無招勝有招」，並唔等如草木皆劍，因為雖然無招，都係要用劍。要做到無劍，可能唯一可能就好似上面巴打咁講要有強大內功修為，所以唔係九劍勁定重劍勁，根本二者係內外雙修，獨孤求敗係有晒兩種嘢先天下無敵。

而且大家唔好忘記，一隻鵰傳授的武功，你覺得可以有原本的幾多成？ 所謂重劍劍法、重劍練成的內力，都只係用一隻鵰嘅智力所學到留下來，根本可能獨孤求敗自己都無咁分話咩重劍劍法，可能係玩緊獨孤九劍，隻鵰只學到最簡單的殘招就變力楊過日後所學的劍理。

而風清揚本人係劍宗，就唔講內力，話唔定獨孤九劍本身都有內力部份，係條友自己唔學、唔教，或者在劍宗手上失傳⋯⋯

所以獨孤九劍同重劍劍法係同一套武學嘅講法更合理。

求敗橫行30載，起碼四十幾、五十歲先退隱江湖，同雕兄為友果時已經漸進無劍勝有劍

雕兄見到既練功方式已經唔係40歲前重劍法門，而係求敗晚期無劍既練功方式

所謂玄鐵劍法，求敗40歲已經唔用，雕兄都唔識，楊過其實真正練緊係無劍，只係時間唔夠未去到求敗勝有劍既境界

我覺得係內力唔知點練黎就真。
就算楊過自己都未必可以寫得返低自己點練玄鐵劍法。

你當獨孤求敗可能係因為一啲機緣巧合練成內功。但要好有系統寫到點練返黎卻未必得。

都話獨孤九劍唔係劍法係破法

一定係求敗用九劍勁啦，
笑傲江湖係補完 獨孤求敗 呢個人物
獨孤九劍係獨孤求敗武學精華

冇錯啦， 根本就係庖丁解牛
輕輕一劍就可以攞你命， 何必用盡自己力量去斬

其時大雨初歇，晴空一碧，新月的銀光灑在林木溪水上。楊過瞧著山洪奔騰而下，心通其理，手精甚術，知道重劍的劍法已盡於此，不必再練，便是劍魔復生，所能傳授的劍術也不過如此而已。將來內力日長，所用之劍便可日輕，終於使木劍如使重劍，那只是功力自淺而深，全使自己修為，至於劍術，卻至此而達止境。
講到尾其實兩套野都可以到達所謂無招至高境界
不過一套行內力主線,一套外功主線
點都要內外兼修 先去可以到求敗個Lv
所以結論係Super 打和啦

咪住！
你！講多一次

風清揚道：「活學活使，只是第一步。要做到出手無招，那才真是踏入了高手的境界。你說『各招渾成，敵人便無法可破』，這句話還只說對了一小半。不是『渾成』，而是根本無招。你的劍招使得再渾成，只要有跡可尋，敵人便有隙可乘。但如你根本並無招式，敵人如何來破你的招式？」令狐沖一顆心怦怦亂跳，手心發熱，喃喃的道：「根本無招，如何可破？根本無招，如何可破？」陡然之間，眼前出現了一個生平從所未見、連做夢也想不到的新天地。

其實玄鐵劍只係靠內力屈你機，成本神雕都冇講過玄鐵劍法有招式，單由呢點判斷出玄鐵劍嘅境界都至少係到無招勝有招嘅Level，再加上一力降十會嘅原理。而獨孤九劍講嘅係料敵先機同無招勝有招。

咁由無招勝有招嘅劍道境界唻睇兩者係打和嘅，但係我地睇埋另一個特點。獨孤九劍對住冇招式嘅玄鐵劍根本做唔到料敵先機，正如風清揚講：「一個從未學過武功的常人，拿了劍亂揮亂舞，你見聞再博，也猜不到他下一劍要刺向哪裡，砍向何處。就算是劍術至精之人，也破不了他的招式，只因並無招式，『破招』二字，便談不上了。」就算你反應夠快，一見到對方有動作即刻就破都好，始終都比對方慢一步，到你把劍準備指向破綻嘅時候，分分鐘已經比玄鐵劍劈瓜左。

單以境界唻睇玄鐵劍至少同獨孤九劍一個等級(呢到唔講「無劍」境界住，雖然我覺得玄鐵劍算係「無劍」嘅初期)，但係獨孤九劍嘅另一個特點比玄鐵劍克住左，如果咁比較嘅話我覺得玄鐵劍會贏九劍囉。

以下開放討論。