【金庸世界大戰】究竟玄鐵劍法定獨孤九劍勁啲？

咁你睇多一次獨孤九劍啦。 老人家一生不敗呀。

仲有最大原因
金庸寫神鵰俠侶冇講完獨孤求敗呢個人。
笑傲江湖係補完獨孤求敗下半生有幾勁，係經驗總結。
即係楊過冇學到外功嗰一部分。

入面亦都講到明，楊過係同獨孤求敗走咗唔同嘅路。
楊過最終練嘅係黯然銷魂掌， 係有招勝無招。
同獨孤求敗悟出獨孤九劍破招， 完全係兩樣嘢。

九劍合理估計應該係快劍階段既總結 精華
之後連自己都擺脫已經獨步天下既快劍 選擇重劍
正常人係無強敵之下唔會推翻自己最引以為傲既野 可見九劍係招式既頂點

周伯通都講過 招式有極限 內力無極限
快劍快極都會封頂 內力無限進步
所以玩招式玩快劍 早期進步快 後期進步慢
玩內力玩重劍 起步慢 但後期勁

獨孤求敗年老嘅時候就係有內力， 當然可以做到草木竹石皆可為劍。
唔好用令狐沖只學一年個標準去講獨孤九劍 。 十分一都學唔到呀

金庸自己親口講獨孤九劍有部分失傳， 所以楊過學不足獨孤九劍。

基本上獨孤九劍係獨孤求敗一生經驗總結，呢個係金庸嘅意思。

獨孤九劍明顥仲係有招到無招中間既階段,佢主打破招,似佢個階段都仲係招式既層面上
同埋係以攻黎破招,加上紫薇軟劍係話誤傷義士不祥,更加明顯獨孤求敗用紫薇軟劍使獨孤九劍

你問我幾多次我都係咁樣答你
你問獨孤求敗
佢用獨孤九劍勁啲定係玄鐵劍勁啲。
佢一定答你獨孤九劍。

有睇佢出書次序都知道笑傲江湖係用嚟補完獨孤求敗呢個人 。
金庸亦都親口講， 楊過只係學咗一部分嘅獨孤九劍。

講到尾咪即係葵花寶典同癖邪劍譜。
楊過學一半（內力篇），令狐沖學埋另一半（ 一生對敵經驗總結）
合返埋先係一本獨孤九劍。

所以獨孤九劍唔係冇內力。
唔好用令狐沖個標準去話獨孤求敗九劍係廢。

成本笑傲江湖都係講緊 獨孤求敗有幾勁。
補充緊獨孤求敗呢個人嘅一生
名都改做獨孤九劍。
一開始都講草木竹石皆可為劍。

獨孤九劍入面嘅對敵法門， 初學者都可以打低一眾高手。
就連作者都親口承認楊過學唔曬獨孤九劍。

如果夾硬話佢係紫微軟劍階段。
實在太唔理解作者嘅諗法。

與其話佢用劍，就係紫薇軟劍階段，
不如話佢係由木劍去到無劍所領悟嘅階段。

令狐沖先學劍理， 到練習耐左，能夠輕易睇穿破綻。 若自身內力一達，自然就係無劍階段。

獨孤九劍

喬峰武功算去到邊個高手層

獨孤求敗招招可用，
令狐沖學一年唔識，唔代表十年唔識。
令狐沖唔識，唔代表獨孤求敗唔識
否則都唔會流傳下來
金庸直接講8劍咪算

你都冇計埋攻速，出一招詩玄鐵好似差唔多出到兩招九劍

又嚟爭拗求敗創武功嘅先後次序

好似火箭炮vs狙擊槍咁

火箭炮唔撚洗諗一野轟落去，狙擊手就睇你動作睇下射邊

求敗啲二流武學都好意思拎出嚟講，天下第一劍係六脈神劍

蕭峰用太祖長拳

玄鐵劍咁重一野打落黎 你咩撚野劍都一野秒啦

d人死都話重劍就咁舉起手劈落黎/直刺之類都係招
明明呢d只係隨意既動作 唔係招式
舉手投足之間都可以用內力壓制對手先係重劍既精粹 根本唔需要招式

玄鐵1票

打垃圾就易破
後期個個武學都大成
邊有咁多破綻比你破
咩都破到就唔會唔夠東方打

呢個題目究竟仲要傾幾多次
講九劍同重劍比 好容易就會討論左令狐沖九劍vs楊過重劍
明明令狐沖九劍就係充滿住缺憾既版本黎

Ching 總結得幾好呀。
其實我又會將武學濃縮翻做兩個元素：
1. 力，人體本身嘅力，同一切由內力引申嘅包括hp mp 攻防速，仲有兵器啲外物。
2. 技，包括招式，破解招式，控制力，經驗同意識等等。

咁劍塚嘅劍代表獨孤求敗嘅層次境界。

利劍，追求更快更強，"力"。
軟劍，可能代表係奇招百出，"技"。
將原文中呢兩句調轉其實一啲問題都冇㗎。
獨孤求敗可能就係由"力"為本，追求更高嘅"技"，後來兩者都發揮到一個點，就去到重劍境界。
咁調轉由"技"出發，知道欠缺"力"嘅不足，呢條path 咪就係令孤沖練九劍咁。
楊過都係呢條路㗎咋，佢之前學咁多"雜學，"技"優於"力"。 到練重劍嗰時，側重點係先加強翻內力。 再追求兩者嘅平衡同極致。
可見頭兩把劍代表嘅層次係同級，只係著重點唔同，練上去，都係要到重劍境界。

重劍無鋒，力。 簡單，內力要強。
大巧不工，技。 麻煩啲，包括太多嘢，招式上運用融匯貫通，行雲流水，最後做到"無招勝有招"。
無招就唔可以用定式招數，呢個講法明顯流於表面。 應該係話不拘泥於任何固定型式，信手拈來咁，就算係無招㗎喇，令孤沖練劍嗰章有講啦。
喬峯聚賢莊用太祖長拳，就係例子。 張無忌用太極拳嗰時，都應該係啦。 所謂嘅高手至少都要呢個層次起步啦吓話。

木劍境界，係突破重劍之後。 內力強到，飛花摘葉都傷到人。 技方面高到，知道點樣隨便拎啲嘢隨便拮過嚟就搞掂你。
真正嘅高手要係呢個level 分勝負，分分鐘都係鬥內力，或者差一招半招。 (一兩個動作，唔一定係招式，費事又畀人捉嚟講)

至於無劍，我覺得講緊去到武道境界嘅盡頭，冇晒咩刀法劍法呀武功咁，掃地僧係唯一例，基本上無人達到。

講翻轉頭，玄鐵劍只係獨孤求敗係重劍境用嘅劍，冇所謂嘅玄鐵劍法。 玄鐵劍，頂得順強大內力又要高控制力先用到，同時可以做埋訓練。

獨孤九劍呢，除咗破氣式不論，其餘嘅只能話係軟劍境嘅極致。 但九劍上限不只於此。
之前回過某樓，破氣式其實又咪係鬥內力，所以加上內力修練，練九劍就可以提升到重劍境至木劍境。

金庸online 9劍第2高系數架(好似係

竟然唔係楊過重劍先係缺陷?人地獨孤九劍係正式有口訣，真係獨狐求敗嘅真傳嚟架喎

40歲未到叫老人家