【金庸世界大戰】究竟玄鐵劍法定獨孤九劍勁啲？

個問題就係玄鐵劍係單純練內勁運用內勁法門
無招式可言
而九劍無內功法門（笑傲江湖版），單純係招式取勝
所以點樣大家同一內力level

依家係講緊兩套劍法邊個勁，
招還招
內力還內力
人還人

分開黎講
同等內力又點睇？？

獨孤求敗嘅獨孤九劍，同獨孤求敗嘅玄鐵劍

同等內力，邊套高？

同意玄鐵劍其實係無招
但係咪有單純有內力就代表去到重劍Level？比郭靖，一燈求其拿把重劍揮，係咪唔等於重劍？玄鐵劍講求可能唔係單純內力，而可能係楊過果種單純霸道剛猛的內力，先可以發揮重劍威力。

確實係唔關內力事，九劍着重嘅由頭到尾都係後發制人，速度取勝，睇出破綻，唔係用力量降服對手。

如果同等內力，玄鐵重劍 vs 用一般利劍嘅獨孤九劍，咁好明顯兵刃上重劍係有絕大優勢。

簡單來講長又長過你，你未打到我已經打到你，攻擊範圍又大過你，所產生出來嘅力度威力都大過你。

假設內力相等，你用一把普通嘅利劍所打出嚟嘅力係一百公斤，重劍就一定係over 呢個威力同磅數，呢個就係重型武器嘅優勢。

當然你可以用其他武器都得，唔一定係利劍，用手指行使獨孤九劍，冇問題，不過大前提你要記得，你對陣嘅永遠都係玄鐵重劍。

呢樣武器注定攻擊範圍大過你，長過你，所打出嚟嘅威力同磅數都強過你。呢幾樣凌駕性嘅兵刃優勢就可以令到重劍使用者嘅破綻不成破綻，咁你就破唔到啦。

我咁樣諗將唔將到軍

唔鬥內力緊係9劍贏啦，一開波已經話獨孤九劍係劍宗用，唔洗練氣又唔洗練內功，無內力連玄鐵劍都拎唔起仲點打

我覺得玄鐵劍唔係真正嘅劍法而係一個概念，同埋劍豕入面獨孤嘅生平，玄鐵之後就已經無劍mode，所以玄鐵嘅概念應該係高獨孤一級

唔係吹喎，
你自己睇返清楚， 九劍係金庸作出黎既BUG黎架。
料敵先機， 先發制人，攻其破綻。

你不如話內功同掃地僧同一level
我一野劈爆掃地僧tim

如果唔服嘅話
不如直接開個題目問
令狐沖同楊過比邊個內力比較高。

如果一樣內力，九劍個位用倚天劍呢？

Bug乜野
你而家既前設係用既人係獨孤求敗
一定快話人、內功一定深厚語人
但最大問題就唔係人人都唔係獨孤求敗
好似獨孤求敗如果對掃地僧咁
唔通我又設定佢地內力level一樣

邊個話九劍代表劍宗
唔好ff啦
講到明九劍唔屬於華山，何來劍宗

因為佢係見人出乜嘢自己就出乜嘢
你出包我出剪
你出剪我出揼

但係楊過唔同，佢只係不停出揼
身上全部都係破綻。

若同等內力。
你出揼我咪出包囉

冇人講獨孤九劍內力唔可以深厚。

大家千祈唔好忘記左玄鐵劍嘅重量優勢，呢個係點解用呢種劍法威力咁大嘅重點，就係人哋都未埋到身破你招，已經要抵擋一招攻擊範圍龐大、攻擊力強勁嘅直刺。

楊過用重劍嗰時都係舉重若輕，速度一啲都唔輸蝕。呢樣都唔好忘記。

我同意紫薇軟劍係等於九劍
但我覺得冇話邊套勁啲
兩套劍法著重係唔同階段既野
九劍睇重制敵法門
而玄鐵就以氣御劍
精通左前面兩套武學先可以去到木劍
但你話玄鐵係咪一定勁過九劍我又唔覺
你一味用內力斬人我覺得九劍一定破敵既辦法

叫我嗎????

咁好簡單 令狐係0內力>君子劍
當然佢冇得同重劍內力比
但練左咁多年 爛船點都有三根釘
點解令狐沖可以一躍勁過佢先
0內力同有內力人去比我只係諗到依個例子
咁你又冇可能0內力同重劍內力比下ma

其實玄鐵劍係劍理唔係劍招，所以玄鐵先係真正嘅無招

你獨孤九劍都要學劍訣，玄鐵劍係要你領悟到點樣拎把重劍嘅可以揮灑自如咁劈友

獨孤九劍有無內力加成我唔知，金庸都亦無提過，但係玄鐵你無內力嘅話就算拎得起都唔會fing得到

首先，令狐沖一樣可以喺冇內力嘅時候打低高內力嘅對手。
金庸講到明獨孤九劍內力嗰part係唔完整。
獨孤求敗創嘅獨孤九劍， 點會贏唔到楊過嘅玄鐵重劍？

獨孤九劍就唔係單純獨孤九劍啦
好似獨孤九劍+九陽神功，唔通我又話贏係因為獨孤九劍

既然對面用玄鐵劍咁你邊度黎倚天劍啊

一定要用死一把武器
高級過
咩隨手咩武器都盡破天下兵器？

係鬥廢方面？

破劍式破盡一切劍招。
用玄鐵劍法同獨孤九劍比， 根本冇得比。

獨孤求敗花一生創下既獨孤九劍高玄鐵劍法一個級數

呢個冇可能發生，我都未溶把玄鐵劍，你邊度有得用倚天劍呀