貓糧資料庫（4）

有機會但實際係咪真係唔清楚，一般屙軟爛食下益生菌就無咩事

我想問下就黎3個月既幼貓幾大可以餵下食其他野，依家食緊royal canin隻糧，佢成日見我食野就好有興趣係咁叫

想幫一對13歲阿婆阿伯轉隻好啲既乾糧
阿婆雖然健康但由細到大都唔鍾意食野，無論俾乜野都係好似因為唔食野會死，先唯有食啲咁
如果啲食物太唔吸引，佢次次都唔食算數，結果益晒乜垃圾都食既肥阿伯
而家考慮緊轉wellness core，我想問下大家d貓接受程度如可

我隻4個月貓仔食開k9牛肉糧，營養好好但係太貴了（兩個禮拜之內食晒一包 ）
之後係力高寵物被staff hard sell買左naturea嘅三文魚雞，慢慢溝，食左半個月屙足半個月軟便+血
之後我一轉返k9又即刻冇事，係隻糧問題定貓貓對三文魚敏感

隻貓慢腎，唔想比佢食處方乾糧，有邊隻老貓乾糧ok?

嚟緊準備接2個月嘅貓b
打算餵3餐
早：半罐75g罐頭+乾糧
午：乾糧
晚：一罐75g罐頭
乾糧：wellness core幼貓糧
罐頭：thrive canagan wellness core輪流食
咁樣有冇問題？

想問下返工巴絲點餵午餐？
唔想放長糧，用自動餵食機又驚曱甴入去
好苦惱

同埋早餐，其實會唔會到我岀門佢哋都未瞓醒
咁點算點餵

到大個啲係咪會轉做2餐？大概幾大個會轉？

同埋貓會唔會好似人咁有邊餐重要啲要食得有營養啲？（人就係早餐啦）

新手養貓好多問題唔好意思，唔該哂巴絲

阿婆咁似我個囡，都係厭食系少女


罐罐，雞柳，大部份時間都唔吼，多數食淨
係乾糧(thrive+ziwipeak) 叫做穩定地會自己食，但係夠膽死朝早擺30g, 佢食到夜晚10,11點都未必食得哂，佢嘅體重一日要食60g先夠

K9係生肉糧，Naturea係乾糧，食唔慣好正常，如果你堅持要轉就keep住比益菌，無咩好做，由佢屙到唔屙為止

其實可以考慮下自制生肉，平好多

貓好早起身 你一起身就比早餐，出門就擺低午餐，放工晚餐
或者將午餐轉做宵夜，總之一日平分3-4餐就得，動物無咩早午晚餐觀念

我自己係喺貓絕育後（5個月）轉2餐，有啲人喜歡一歲後，睇你想點比

腎病係無可能再考慮乾糧，最好比低磷罐/濕食
腎功能衰退令排走磷嘅能力下降，只要飲食低磷（必要時比降磷藥）就可減輕腎負擔，加上濕糧有充足水分

而且不能太低蛋白質，每日最少進食5.2g/kg體重嘅蛋白質先可以避免肌肉流失，以乾物質計大約係35%（所以食開處方糧嘅貓會愈嚟愈瘦，最後餓死或營養不良引起併發症而死）

所以盡可能比濕糧，因大部分蛋白質來自肉類，係優質蛋白質，對腎負擔小 植物蛋白質吸收差，分解後廢物都多，對腎不好，乾糧正正係高植物蛋白質

斷奶就可以了 3個月好大個了

就係咁，開罐同雞柳佢都係等阿伯去試完毒，然後再考慮好耐先食幾啖
最慘係隻肥野仲會幫佢包晒底

岀門攞低午餐佢會唔會即刻食，定係識肚餓先食？
因為我驚如果佢即刻食，之後要等我返嚟先有得食會隔太耐好肚餓
定係其實只要早餐食得夠飽，佢就會識肚餓先食份午餐？

Thanks

生肉糧唔可以同乾糧溝埋食，咁點轉糧好 但係我見k9個包裝寫可以灑係糧上面當加餸，咁係咪即係可以溝？
依家買左wellness core幼貓糧準備溝

遲下會接隻2個月貓貓

諗住一日3餐

Wellness core 幼貓

想一餐比罐罐 有無介紹？

Thrive 好似都多人推？

Thrive罐有kitten版呀

Thrive 我隻貓勁鍾意食，感覺上kitten同普通版冇乜分別

短期係可以溝下糧，但我偏好禁食一餐然後直接轉糧

岀門攞低午餐佢會唔會即刻食，定係識肚餓先食？
因為我驚如果佢即刻食，之後要等我返嚟先有得食會隔太耐好肚餓
定係其實只要早餐食得夠飽，佢就會識肚餓先食份午餐？

咁要睇你隻貓係咪胃食 可以試左先

想問下主食罐除左thrive同kiwi之外有冇差不多價或平少少既推薦?另外如果想煮野比貓食，除左雞同魚之外仲有咩選擇? Thanks!!

隻貓女兩歲幾, 3.4kg
食左幾個月全濕thrive(唔同味), 係咪係時候要轉牌子?
轉其他牌子係咪可以直接俾而唔需要溝糧?
同埋一轉就屙爛屎係咪正常現象?

因為隻貓唔肯自己飲水, 我會罐頭再加水, 但加左水後佢唔算食得多
而家大約每餐半罐 一日一罐半度
但覺得佢偏瘦, 想佢肥多少少 (佢而家應該係食少過正常食量?)
係咪應該轉糧 定加份量俾佢?
唔該哂

隻貓d便開始成形左兩三日 又痾爛
但都係keep住全日餵汪喵罐
其中一餐落半殻益生菌

肉絲罐卡路里比肉醬罐低好多，食唔夠真係會瘦，肉絲肉醬都要食下，牌子口味直接轉就得。食得夠不夠睇你隻貓要幾多卡路里一日

同埋如果全食罐就唔好再加水，或者最多20ml，因為無乾糧扯水，身體唔會脫水，而且太多水飲飽邊食得落

我知.... 平日係食全濕糧咖，但在凌晨時份，全屋人訓教，隻貓會出聽搵野食，所以乾糧都會照擺，只係唔知邊隻貓糧岩12歲慢腎貓。