貓糧資料庫（4）

最多我同樓主一齊去睇

隻貓之前腸胃炎食咗大約半年腸胃糧(乾濕都有)，直至2個月前的起心肝轉糧，食咗大約一個月orijen原味，同腸胃糧仲有汪喵嘅益生菌一齊食諗住慢慢轉，但係都一直痾軟甚至爛。

唔知係咪太高蛋白質腸胃唔適應，而且體重仲輕咗，所以又停咗orijen直接轉全濕糧。

轉濕糧食thrive雞肉+益生菌，體重有重返少少，但係都一直偏軟便，特別係去到最尾一節仔嘅大便直頭係軟，食啲排毛粉就情況好少少，但1-2日又再軟過

依家係掙扎緊應該繼續食濕糧定係轉凍乾會適合佢，希望肥美絲解答 orz 感謝

想問除左orjien仲有邊款糧拍得住佢

你想要？

嗯嗯

同廠既Acana, 但其實Orijen不是真係咁好

想請教一下 有冇巴絲餵過stella&chewy's凍乾 佢個餵依份量

假設貓貓8lb 一日就要餵1cup=8oz 我買一包9oz既話一日幾乎咪要食一包 一包9oz最平都要＄200
定係我計錯 有冇人可以指教下我

或者都係睇番official feeding guide

官網cod&salmon feeding guide

最近發現貓貓有後排牙有牙石
應該再密啲刷牙定直接去獸醫到洗牙？
因為本身佢極度唔鍾意刷牙

見啲人話紅肉食啲毛會靚啲 食左2包都睇唔出分別

定轉番wc?

好似fromm都唔錯？個三文魚

三文魚油份重，如果要美毛一定係首選

唔使，太高碳水，個表有一頁講呢啲糧壞處，有興趣睇下，我唔再詳細講
無論老左定減肥，都係要控制飲食分量

大魚好多重金屬，而且魚味好易令貓上癮第時唔會再食其他比較淡味嘅家禽，好似最大路嘅雞咁。
想毛靚，可以買細魚做嘅魚油，當埋日常保健品咁食，好多好處。

如果冇加佢地必要嘅營養粉嘅話，例如牛磺酸同鈣粉之類。咁蒸雞肉就只可以當健康零食咁比，唔好佔多過正餐20%應該就冇咩問題。

Nutrience sub zero有隻紅肉同有隻雞肉，睇database好似唔錯，試得過嗎

調理腸胃真係急唔嚟，keep住濕食加益菌會有好轉，有時候煲下骨湯，可以修補腸壁黏膜 魚油有消炎作用，都可以比貓食。排毛粉當中纖維質吸水性高，食左會吸多啲大便水分，所以你會見情況有好轉，定期食下都好，可以排毛。

有能力就凍乾好啲，好多例子都係食生肉有明顯改變，不過凍乾真係貴

感謝解答!!
因為佢本身腸胃比較敏感 都預咗要打長久戰
我賣腎都唔緊要 只係希望佢腸胃舒服啲又吸收好啲

貓啲牙本身就唔係食粒粒乾糧用，個設計係撕開肉塊咬幾口就吞，所以好多時食乾糧係原粒吞，偶爾會咬到碎食，太碎嘅剩係靠條脷奶翻上嚟會好攰，如果唔係餓左幾日根本無必要食埋啲碎 轉個頭又有新糧食啦

如果貓肯食都可以呀
不過唔好長期食，始終都多魚成分，有重金屬問題，另外太多蛋白質來源（好多唔同種肉溝埋，似平價牌orijin ）腸胃差嘅貓唔多啱

想請教下，餵開乾糧有軟便想轉餵罐
乾轉濕洗唔洗溝糧過渡下？（者係乾+濕再逐少改變份量）
定係可以直接轉比佢食？

驚突然轉會對佢腸胃唔好
唔該哂

流浪嚟講佢哋好幸福啦 會食剩嘢平時應該夠食無憂，我餵過貓食ziwipeak 乾，永遠會食剩啲碎粒，如果嗰餐比得少又擺耐啲會奶下啲碎，食飽就真係唔食

直接轉啦
乾濕消化時間唔同對腸胃差嘅貓重衰
擔心嘅就溝埋益生菌食，通常食物唔同左腸胃菌叢會改變，容易腹瀉，加多啲益菌平衡翻消化會無咁易痾