貓糧資料庫（4）

呢幾日兩隻貓胃口都稍為差左啲啲應該因為天氣？
其中一隻連續兩日都嘔一次少量透明胃酸，
我估係以前慣左長糧唔會餓咁耐，而家轉左罐頭+定時唔慣
暫時試下叫屋企人日頭餵多一次睇下好唔好啲
book左星期日睇醫生check check希望冇野

因為轉左濕糧後，屎一路都一時偏軟、一時偏硬成日唔靚
食左益生菌兩個月後好左啲但又好唔晒， 會唔會加埋消化酵素好啲

但我有放防潮珠，而且我一用人手係機入面拎糧比佢佢又會食

有人話加啲貓食肉鬆可以提高佢地既食慾，請問有無咩好既牌子呢？汪喵星球好似有，但前排先買左幾廿罐罐頭，如果香港有類似既想訂頂住先⋯⋯

點睇依兩隻supplement
平時當零食一日比一粒

我隻貓唔肯食
不過lysine我日日都有俾

我用呢隻
方便倒出黎
或者用佢果隻零食整碎去擺係面

多謝你，等我買黎試下先。因為我今朝八點俾佢食晒一罐，點知等到依家十點，佢都唔係好似好餓咁⋯

我果隻成日都係食兩啖就行開
之後隔好耐先返去食
有時會倒呢隻俾佢
等佢食快啲
唔好阻我收碗

出面都有舖頭有得賣
不過勁貴
呢個牌子啲零食我隻貓都勁鍾意
佢食雞同芝士牛

食完抗生素無比益生菌調理翻好腸胃？
無左好菌幫助消化營養唔吸收咖

正常食一排會慢慢好翻，抗生素太毒處理要時間
糧嘅喺grade A睇左邊幾隻有興趣先
BTW真正低敏只有生肉

講多啲你點餵罐頭同益菌？

早晚都係7點開細汪喵一罐，由得佢食但通常食剩1/3，
剩返11點再攞出黎再食，每次都係半個鐘收起
初期轉全食罐時係想一日兩餐，但發現兩隻都一餐食唔落太多先改
然後啱啱發現屋企人最近一路唔記得左餵上晝11點果餐有時下晝就嘔胃酸
提返要餵之後呢兩日暫時冇嘔，不過呢隻不嬲易嘔啲只係而家密左
益生菌都係汪喵，每日撈朝7果餐

我有包ziwipeak羊肉 諗住轉糧用淨係喂過一兩次但完全唔食

然後big dog 火雞 十幾舊
有冇人想要？買咗無耐 我想平啲賣返出去 唔想晒咗佢
明明之前餵咩味都食

想問下飲奶定食罐頭補充既水分多d？

excel 個A++有Nature's Variety Instinct Ultimate Protein無穀雞

但同時又見到佢說明內容度有K3 會唔會影響?

另外佢隻雞肉罐 我打開時見到有紅蘿白同豆類 我自己另外整走佢 咁係咪變返少碳?

定係制作過程中已經將紅蘿白同豆類 D碳浸晒落D肉醬度所以就算自己掉左D紅蘿白同豆類 都唔大分別呢?

我隻貓最近滴完十日抗生素眼藥水
之後開始痾少少爛屎
開頭係痾靚屎 之後就痾1pat爛屎咁
關唔關抗生素眼藥水問題？

想問一下
而家食緊canagan 田原野味
但見applaws 好似成分蛋白高啲又平啲
有冇人食開applaws 乾糧比到意見？

Ps: 我隻貓貓做緊化療 4 歲， 胃口都還好
間唔時比thrive 濕乾但佢鐘意食乾糧多d

頂 買左 我果隻又係唔肯食
餵到入口都吐出黎

所以我買左另一隻膠囊落落佢啲罐度

想問如果本身全濕糧 輪住餵兩三隻罐有冇問題本身餵開thrive同animondal carny 想俾貓仔試下汪喵

如果罐頭有無溝水？
無溝水即係消化到只係食得太少頂唔到去下一餐，加到11點嗰餐唔嘔就無乜嘢可以keep住再觀察下先

消化酵素都有幫助，消化力強左食物去到小腸就容易吸收

嘔方面，如果係一日2次以上，經常性就有問題，如果只係一個月2-3次，會介定為正常

平時有無比化毛膏排毛？天氣轉毛甩得多會食多左毛積喺胃都易嘔

差不多，但奶啲成分其實好差又貴
只係貓仔未識食局住要餵

個表只係分蛋白質同碳水高低，呢個係揀糧第一步
之後就細睇成分
有k3最好唔好揀，但你keep住幾個月轉一次糧好耐先食佢嘅，問題又唔會話好大，k3個爭議點係本身高劑量係已確認有毒，只係加喺糧嘅量好少，少到唔會即時有事，所以寵物食品業覺得無問題，但無人知長期低劑量咁進食會點，可能真係有事但到時會比其他問題遮掩左，有得避就避左佢姐

碳水主要係呢類植物同薯呢啲，無薯都好唔會溶晒喺糧，就咁拎走見到嘅ok，會少啲碳水

Applaws 乾糧如果係低碳嗰幾隻味都ok㗎，canagan 乾全部都好高碳唔多好

罐頭會唔會試多幾隻口味？或者自已蒸啲鮮肉溝下supplements 咁比一餐？癌細胞鐘意醣，少食碳水化合物同高度加工嘅乾糧會好啲，所以就算點都要饋乾糧盡量揀碳水低過10%嘅

唔該晒你呀
咁樣都係唔敢博 乾糧照比佢食返thrive 算

餐餐唔同都得，長備幾個牌子會無咁易食厭
你隻貓肉絲肉醬都食應該無問題