貓糧資料庫（4）

唔該晒肥美絲，今日訂埋primal 凍乾兩個牌子輪住食

隻12歲肥貓轉食全低碳濕糧一個月，仍然好肥
但已經出奇地身手敏捷，非常跳得
明明論盡左12年

我隻貓貓2歲幾4KG長毛包 食緊royal chain乾糧 同canagan罐頭(一個禮拜先食一次 )
想試下第二隻罐頭 有無邊隻介紹

如果跌磅點算? 我冇同佢磅過，但係覺得佢瘦左輕左

各位 你哋有冇試海外訂糧返香港
真係平好多 但我之前喺英國訂 用開嗰間集運唔比再寄糧 其他集運最平都要廿蚊磅 最後都係平得香港幾十蚊

諗住試thrive罐頭 好唔好? 係咪主食罐黎?

同埋大家通常係邊度買?上網訂? 邊間

好架，係主食罐黎，多數我會係舖頭買，around $12-$14一罐左右

咁要比翻多啲佢食，用包裝餵食指示做標準，跟住比會跌磅就加分量

肉主要提供蛋白質
連皮先有多啲脂肪否則會唔夠
菜係多餘，通常都係間中比少少小麥草排毛（南瓜泥又得或洋車前子等排毛粉）
魚唔好成日比，最好唔比，重金屬污染高，貓肝腎太細會難分難排毒

就咁比缺乏左好重要嘅鈣質平衡肉嘅磷，又無維他命同其他微量元素，同一個人每日剩係食白飯咁一啲都唔健康
自製鮮食生肉要肉，骨同內臟一齊比，否則要額外加營養素（例如心臟有大量對貓好重要嘅牛磺酸，缺乏會影響貓視力，嚴重會影響心臟功能）

肉嘅蛋白質先比到貓energy
而且慢慢脂肪會減少多翻肌肉，成個身形會fit好多

肉絲重有Thrive, weruva , fussie cat
肉醬選擇多好多，instinct, aatu, little big paws, koha, 汪喵, natures menu
其實除左呢啲好多都揀得，只要係主食罐同避開魚味，幾差嘅罐都一定比乾糧好，可以嘅話每日有一餐

Royal canin 乾糧有乜問題？
我唯一睇到既就係好貴

我就黎接隻三個月貓仔
佢話佢食開royal canin kitten

不如睇左個 excel 先
唔好害左隻貓

我隻貓都係食royal chain...

請問凍乾生肉邊幾種最好？見excel好似得primal 同natures variety ，想買幾種不同，但怕揀錯

想問下 主食罐 生肉罐 等等有咩分別?

離一離題
其實有無需要係冬天提供暖水比貓？

我地1個月前岩岩接左兩隻貓仔返黎，一隻係豹貓，一隻美短。 本身豹貓就食開RC隻幼貓糧，我地都keep住再餵，另外隻美短就係食Country Naturals 乾糧, 開頭都ok, 但之後隻美短食下食下就走左去食RC, 之後就返唔到轉頭，唔肯再食CN果隻，直頭走去搞第2 隻果兜RC....

之後見到大家都話RC係垃圾糧，宜家都苦惱緊點算。。。 因為RC差唔多食哂，又想轉糧，但驚買左返黎兩個都唔食。

求解答

宜家 日頭兩餐乾糧， 夜晚就雞柳加罐罐。

飲水ok, 多尿，便便都正常 唔爛。

想問一問7個月大貓仔其實一日最好食幾多餐？ 佢成日食完罐罐無耐又行去個糧兜到好似唔飽咁

有邊隻糧係又好味又有營養？
試過幾款營養ok既糧，隻野都冇興趣
而家餵返rc 食到好開胃

我個隻都淨係食rc
唉，佢食得開心既話，so be it

平時如果隻貓唔肯食，你哋會收碟定俾其他嘢佢食？

隻貓4個月大
而家早餐半罐（再多佢食唔哂），日頭放乾糧，夜晚蒸雞柳+supplement
之前見話淨食肉絲罐會唔多脂肪，要食下肉醬
所以夜晚就蒸雞柳+肉醬+supplement（之前試過就咁俾肉醬佢冇乜興趣，佢又好鍾意食雞柳，咁樣先肯食哂）
今晚試咗蒸雞脾連皮+肉醬，諗住多啲脂肪
但佢食得勁少，間唔中再去聞下之後又走咗去，但又捕住廚房
覺得佢係肚餓但都唔肯食，好似真係好唔鍾意肉醬（同雞脾）

如果見佢唔食呢樣就俾其他驚會助長佢揀食
但佢真係食得好少
同埋仲可以點補充脂肪？覺得佢好瘦

唔多夠脂肪