貓糧資料庫（4）

我用緊hills個隻幼貓糧
無話特定比幾多
佢食量唔穩定
我放落兜
有時食晒有時兩啖

唔覺意開左新post但似乎應該晌呢度問先岩

本身食緊RC幼貓乾糧（前貓奴餵開）但呢排佢有少少便秘，屙粒粒屎。

睇完大家分析想買汪喵星球既罐罐，配搭佢脫水乾糧，同埋有少少貴金，同時又唔想浪費佢本身果包RC，仲有60%咁多。

如果想一日餵85g罐一個，加脫水乾糧20g（本身佢建議2kg成貓份量），再加埋RC乾糧既話，分三餐餵，咁樣可唔可以呢？

朝早餵半罐溝水，然後放RC乾糧，晏晝餵一次脫水乾糧，然後夜晚餵埋果半罐，再放RC乾糧。

罐肯食比多啲佢食，唔可以因為屎唔靚唔比罐
屎唔靚係消化問題，營養吸收會差，搞好腸胃食咩都得
你keep住比益生菌啦，就算好翻平時都要間中食，腸胃好抵抗力都高啲

各位，想問下貓滴完頸，幾耐可以帶返頸圈？

好，不過益生菌我無研究過
應該點樣餵食同選擇

餵膠囊狀個d，唔好餵粉狀
之前我餵膠囊，屋企隻野會主動食
而家餵一包包粉狀個d，次次都餵到好辛苦

有無咩牌子推薦？一般寵物舖可以買到？

你要跟包裝定翻每餐個量先，咁先會知佢食左幾夠同夠唔夠
另外hills認真麻麻，轉下糧睇下佢肯唔肯多食
罐頭有無比？細過食多啲濕食健康啲，又無咁易乾糧上癮

你可以一餐RC，一餐罐（85g應該食到一罐）咁食晒RC先，脫水糧唔好比住
脫水糧係生肉，你一日三餐唔同性質嘅糧太雜了

我唔同意 覺得粉好d iherb 買最抵

因人而異啦
我個隻中意成粒膠囊咁食，雖然我唔覺得膠囊有咩味
餵粉要溝落d糧到先餵到，麻煩好多
不過買粉係抵d

粉落罐度好好多 落糧唔好

想問下 隻貓英短黎 6個月大
原本食開粉紅色個隻rc糧 宜家同佢轉左呢一隻糧
但佢唔肯食 聞完就行開左 舊個隻又食哂...
可以點做呀？

做住食譜先啦

我做anne

我碗底85 度熱水壓開d肉，太凍我隻仔嘔

而家溝埋Wellness 個隻比佢食
罐頭無比佢食過
唔識揀

有冇巴打可以比下意見我
定係呢隻糧唔岩佢食？

好似要舊糧溝新糧慢慢咁轉 唔可以一野就轉

揀罐頭：
主食罐
低碳水
無穀
無卡拉膠
無維他命k3

個表已經同你分柝曬跟住買就得

想問下宜家貓貓7個月大，之前接返黎一直係食RC bb糧唔記得左轉，最近轉左隻naturea 糧，想問呢隻糧好唔好，如果麻麻地既話有邊隻糧推介？
同埋轉糧果時溝糧係咪新舊糧各半既比例？要溝幾耐？
另外間中有比Mon Petit罐頭佢食，想問下呢隻罐好唔好？

另外想問下D罐頭係咪有分主食副食？有咩分別？

貓貓有腎病
有邊隻罐罐推介呀？？

Monpetit罐頭 好嗎？

最近幫貓貓換左wellness core糧, 佢之前食kakato. 咁轉左糧個幾月, 佢就有血尿頻尿但冇咩尿痾
驗左尿話有結晶, 我估係咪轉左高蛋白搞到咁? 宜家諗緊係咪要轉返d低d蛋白質既糧 但唔識揀 定係照比高蛋白糧佢再灌佢飲多d水就得??
見佢瘋狂去廁所又冇野痾, 睇到心都痛埋

呢個都唔太差，只係呢個價錢有更好選擇
溝糧比例係睇隻貓腸胃，差嘅要9:1咁慢慢轉
腸胃好嘅直接轉都得，一般都係4:1咁，大便正常就可以加新糧比例，大便麻麻就keep住比例直到好先加
轉糧時比益生菌可以減輕腸胃負擔

MP罐唔好，送都唔好食