貓糧資料庫（4）

佢唔肯食罐頭啲肉點搞
淨係食汁
同埋有開泌尿道處方濕糧俾佢

買左呢種試下 但一開見到有兩三粒好似紅蘿白既野 係咪正常架？因為我睇個excel話係低炭

另外佢有一款係平啲既 想問下有乜分別
下圖

正常，寫明有蘿蔔粒，但Instinct依家改左配方，連LID罐都竟然有Pea Protein，如貓敏感要小心

咁買唔買好呢 因為佢食開thrive 最近好似食厭咗雞味 比佢試instinct 就好鍾意

一般貓還好的
我隻有腸癌變IBD先麻煩點

其實佢有紅蘿白 咁係咪會變左唔好？我仲諗住大量訂

做左手術清左石重要食處方糧
呢個獸醫真係唔會放過任何賺錢機會

罐頭都有好多款式，肉源同質感，試多幾款無壞

唔係好多無乜大問題，乾糧定肉將罐都有，最多都係消化唔到痾翻出嚟

我隻貓上年都有結石 係太平道做手術
之後有拎d石去驗 因為結石都有分幾種
做完之後都係要食一排處方糧
唔好係記得醫生原話 大約係拎左大部分定大粒既石
貓貓膀胱入面仲有某一種結石要食處方糧去溶解
隔一段時間 驗完尿無問題就可以轉返普通糧/罐

想問啲關於生肉糧既問題
我依家同貓貓轉緊食primal凍乾
但因為太貴兩隻貓又食得多
想轉做primal 急凍生肉
想問有無人喺邊個網訂過係ok過程無解到凍？
同埋解凍係咪早一日放雪櫃下格就得？
香港天氣咁熱有啲擔心會好快變壞
唔該樓主

想問有無咩3月個貓BB乾糧推薦, 岩岩睇返個google表, 原來我而家隻貓食緊個隻糧係唔建議食 (almo nature holistic既幼貓雞肉), 個陣見到無味精諗住會好D就買左比佢食, 但近派佢都食少左(而家乾糧長放係度一日都係食得2餐, 每餐4匙咁上下分量), 可能食厭左或者唔夠香之類 (因為只要我乾糧再撈少少almo nature隻幼助雞肉罐佢就食得好滋味咁), 我見人地隻貓可以食到4餐但我個隻先食得2餐好擔心

咩意思會疴好多毛？

隻貓好鐘意訓貓砂盆，唔想日頭返工佢又搞到成身屎，點搞？

原來做左手術都唔清，好少聽到咁嘅case
BTW食緊溶石處方暫時唔好食其他嘢，有機會影響效力
清曬就買翻主食罐，副食罐營養唔足

本身因爲返工所以想由生肉轉ziwipeak乾糧
驚有時長時間無人係屋企佢會餓親
點知今日佢嘔左少少透明既野加一兩粒乾糧
係咪佢食得太急 定我唔應該轉返乾糧

而家我通常朝早出門俾一個罐
夜晚返黎餵生肉 但有時太夜返好似餓佢好耐咁
定寧願咁都唔好轉乾糧？

所有grade A以上全貓糧你睇睇
縮窄範圍易啲揀，唔sure 再問
我自己就餵過thrive , wellness core , devoted, ziwipeak
蛋白質高先易長肉，另外買主食罐，ALmo係副食罐營養唔均衡

係排毛多唔會積喺腸無咁易嘔
有時太多毛一舊毛團嚴重要開刀

通常12小時咁解凍，冬天可耐啲
如果一日2餐就食時拎定下一餐解凍

訂肉要自己試過先知，通常會用保温箱，有時唔同區送貨時間有差，去到最後一單有機會溶左少少

有啲人餵生肉會一日一餐都無怕佢餓
餵得足夠就可以，而且唔會因為隔太耐而嘔水

我而家都係8點同22點咁餵

幼貓係咪都可以食全貓糧？ 定食幼貓會好少少？

只要符合AAFCO幼貓糧最低營養標準就得，唔係等如好有營養，好多所謂幼貓糧嘅營養比好少少牌子嘅成貓糧更差

啲屎變左勁長一串，好明顯入面有大量毛連住

其實我隻貓冇食排毛粉d 屎都成日有毛 都幾健康咁 有d 唔想餵吐毛膏 佢都冇咩嘔過
依家試緊餵thrive 乾+ 濕 + 汪喵凍乾 依幾日好似太雜似乎多左爛屎 不過之前依 thrive 乾+濕 都易爛 依家加返消化益生箘 好似冇以前咁爛
不過佢又好鍾意d 凍乾 有d 想cut 左唔餵乾糧咁
唔肯定係咪加得太多水先多軟便 之前食ziwi 罐+乾 就可能碳水多左易成形屙得靚 不過見佢都健康想佢飲多d 水好過冇啦啦減水 咁做好唔好

其實罐頭可唔可以成日轉？
我隻貓5個月大，而家佢日日都轉唔同罐
我見佢最近好似成日打嗝，又食少左野，會唔會係食得太雜消化不良

乾糧，罐頭同凍乾係3種唔同質地成分嘅嘢
一餐一種相隔半日應該問題不大
長期食最好生熟肉分開，決定比凍乾就停罐頭同乾糧

本身水同軟便無關，健康嘅貓會吸曬大部分液體先排便。但如果係比罐頭或凍乾時加太多水就會溝淡胃酸，咁就有機會影響消化，消化不良就會易痾

你揀定點餵食先再收窄範圍解決痾軟便問題